- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ოლიმპიკის" აუზში თბილისის თასი მეოთხედ გათამაშდა
<p>საქართველოს ნაკრები ტურნირის გამარჯვებული გახდა <br> საწყლოსნო კომპლექს "ოლიმპიკის" აუზში მეოთხედ გათამაშდა თბილისის თასი. საასპარეზოდ წყალბურთელ ვაჟთა ოთხმა გუნდმა მოიყარა თავი.</p><p>ტრადიციულ საერთაშორისო ტურნირში თურქებსაც უნდა ეასპარეზათ, მაგრამ ხმელთაშუა ზღვის ქვეყნების ჩემპიონატი, რომელშიც ჩვენი სამხრეთელი მეზობლებიც მონაწილეობდნენ, გვიან დამთავრდა და თურქმა სპორტსმენებმა თბილისში ჩამოსვლა ვერ შეძლეს.</p><p>მათ ნაცვლად საქართველოს სტუდენტ წყალბურთელთა ნაკრები დაუშვეს, რომელიც 5 ივლისიდან ყაზანში მსოფლიო უნივერსიადაზე მოსინჯავს ძალებს.</p><p>თბილისის თასის გათამაშების პირველი დღის შედეგები უკვე გაუწყეთ. მაინც შეგახსენებთ, რომ საქართველოს პირველმა ნაკრებმა ბელორუსებს სძლია (18:5), უკრაინამ კი ჩვენს სტუდენტთა გუნდს მოუგო (16:7).</p><p><em><strong>საქართველო-უკრაინა 11:9</p><p></strong></em>2:1, 0:1, 5:4, 4:3</p><p>საქართველო: ჭუმბურიძე, ჯახაია, ჩიკვაიძე, იმნაიშვილი, ლაითაძე (1), ბითაძე, ხვედელიანი (1), ბაღათურია (2), რურუა, გეგელაშვილი (3), ნიკოლეიშვილი (4), ქავთარაძე, რუსიშვილი. მწვრთნელები - ისელიძე, პოპოვიჩი.</p><p>უკრაინა: პეტროვი, ცვირკუნი, შილინი (2), რატკოვი (1), დიადიურა (1), ფედორიშინი, აბრამოვი, ალექსეევი, სიტნიკი (1), ვოიტენკო (2), ობედინსკი (1), ბაბაიენკო (1), ვოლონჩუკი. მწვრთნელები - ზავიზიონი, ცუფრიკი.</p><p>ასპარეზობის მე-2 დღეს საქართველოს პირველი ნაკრებისა და უკრაინის გუნდების შეხვედრა დაძაბული გამოდგა.</p><p>ანგარიში მხოლოდ მესამე წუთზე გაიხსნა - ბურთი ხვედელიანმა გაიტანა. ოციოდე წამში სიტნიკმა წონასწორობა აღადგინა.</p><p>პირველი პერიოდის დამთავრებამდე ბაღათურიამ თავისი გუნდი დააწინაურა. მეორე რვაწუთიანი მონაკვეთი სტუმრებმა მოიგეს - 1:0. შესვენების შემდეგ ისელიძე-პოპოვიჩის შეგირდებმა მატჩის მსვლელობაში გარდატეხის შეტანა შეძლეს და შეხვედრა ორი ბურთის სხვაობით მოიგეს - 11:9.</p><p><em><strong>ბელ</strong><strong>ო</strong></em><em><strong>რუსი - საქართველო-2 9:8</p><p></strong></em>2:2, 3:2, 1:1, 3:2</p><p>ბელორუსი: შანტური, ხრიპაჩოვი, საიუკი, რადჩკო, შაპურაუ, მინუტსკი (2), ივანოვი, კავალიოვი, ტუმასი, ჩუპრინა (3), ჩარბაშანი (3), ფეპარუკი (1), ველიჩკა, მწვრთნელი ფრალოვი.</p><p>საქართველო-2: ფავლენიშვილი, ჩიქვინიძე (1), ქარჩილაძე, ტუკვაძე (1), ბაქრაძე, ყავლაშვილი (1), ქართველიშვილი (2), გელაშვილი, ურუშაძე (2), სულაძე, გიორგაძე (1), კაკულია, შუბლაძე. მწვრთნელები - გიორგაძე, კალანდაძე.</p><p>საქართველოს მე-2 ნაკრებმა, რომელიც მსოფლიოს უნივერსიადისთვის ემზადება, გამოუცდელობის მიუხედავად, მედგარი წინააღმდეგობა გაუწია სლავებს, მაგრამ მაინც დამარცხებულმა დატოვა სარბიელი.</p><p><em><strong>უკრაინა -ბელ</strong><strong>ო</strong></em><em><strong>რუსი 14:10</p><p></strong></em>2:1, 2:2, 6:4, 4:3</p><p>უკრაინა: პეტროვი, ცვირკუნი, შილინი (2), რატკოვი (2), დიადიურა (2), ფედორიშინი, აბრამოვი, ალექსეევი, სიტნიკი (1), ვოიტენკო (3), ობედინსკი (2), ბაბაიენკო (2), ვოლონჩუკი. მწვრთნელები - ზავიზიონი, ცუფრიკი.</p><p>ბელორუსი: შანტური, ხრიპაჩოვი (1), საიუკი, რადჩკო (1), შაპურაუ, მინუტსკი (1), ივანოვი (1), კავალიოვი, ტუმასი (1), ჩუპრინა (1), ჩარბაშანი (2), ფედარუკი (2), ველიჩკა. მწვრთნელი ფრალოვი.</p><p>პირველი ორი დღის ასპარეზობის შემდეგ თითო მოგებით მეორე ადგილზე გასვლის შესაძლებლობას ორი გუნდი ინარჩუნებდა.</p><p>შანსი უკრაინელებმა გამოიყენეს - 14:10 მოუგეს ბელორუსებს და ვერცხლის მედლები მოიპოვეს. ბრინჯაო ამ მატჩში დამარცხებულებს ერგოთ.</p><p><em><strong>საქართველო - საქართველო-2 15:11</p><p></strong></em>2:2, 6:2, 3:3, 4:4</p><p>საქართველო: ჭუმბურიძე, ჯახაია (1), ჩიკვაიძე (2), იმნაიშვილი, ლაითაძე (2), ბითაძე, ხვედელიანი, ბაღათურია (2), რურუა (5), გეგელაშვილი (2), ნიკოლეიშვილი, ქავთარაძე (1), კაპანაძე. მწვრთნელები - ისელიძე, პოპოვიჩი.</p><p>საქართველო-2: ფავლენიშვილი, ჩიკვაიძე (3), ქარჩილაძე (3), ტუკვაძე, ბაქრაძე (1), ყავლაშვილი, ქართველიშვილი (1), გელაშვილი, ურუშაძე (1), სულაძე (1), გიორგაძე (1), კაკულია, შუბლაძე. მწვრთნელები - გიორგაძე, კალანდაძე.</p><p>ბოლო შეხვედრის შედეგის მიუხედავად, "თბილისის თასის" ბედი გადაწყვეტილი იყო - ისევ საქართველოში რომ დარჩებოდა, არავის ეეჭვებოდა, რადგან იმთავითვე ცხადი იყო, რომ სტუდენტები ეროვნულ გუნდს სათანადო წინააღმდეგობას ვერ გაუწევდნენ.</p><p>ასეც მოხდა - პირველმა ნაკრებმა 15:11 გაიმარჯვა და მთავარი პრიზიც მოიპოვა.</p><p><strong>ოლეგ ცუფრიკი,</strong> უკრაინის ნაკრების მწვრთნელი: "მადლობა შეჯიბრების ორგანიზატორებს ტრადიციული გულთბილი მასპინძლობისათვის. საქართველოს ნაკრებს ვულოცავ გამარჯვებას, თუმცა ჩვენი პაექრობა ამით არ დასრულებულა.</p><p>ორიოდე კვირაში ისევ დავუპირისპირდებით ერთმანეთს, ამჯერად მალტაში, ევროპის ჩემპიონატის შესარჩევ ტურნირში და ვეცდებით, რევანში ავიღოთ. მანამდე საწვრთნელ შეკრებას ჩავატარებთ და ძირითადის 4 მოთამაშეც შემოგვიერთდება".</p><p><strong>ვლადიმერ ისელიძე</strong>: "თბილისის თასის" გათამაშებაც ეროვნული ნაკრების ევროპის ჩემპიონატის შესარჩევი ტურნირის მე-2 რაუნდისთვის უკეთ მოსამზადებლად იყო გამიზნული. საგულისხმოა, ქვეყნის მთავარ ნაკრებში ახალგაზრდული გუნდის ოთხი მოთამაშეც გამოვცადეთ.</p><p>ესენი არიან: ანდრია ბითაძე, ხვიჩა ჯახაია, ზურაბ ჩიკვაიძე და რეზი იმნაიშვილი. უნდა ითქვას, რომ მათ თავი არ შეურცხვენიათ.</p><p>ორ ივლისს ჩერნოგორიაში გავემგზავრებით საწვრთნელ შეკრებაზე. ბუდვაში ვივარჯიშებთ და ტესტ-მატჩებსაც გავმართავთ. 10 ივლისს კი მალტაში ჩავალთ, იქ კი 11 ივლისიდან ევროპის ჩემპიონატის შესარჩევი ტურნირის მე-2 რაუნდში მასპინძლებს, ისრაელს, უკრაინას და ბელორუსს გავუწევთ მეტოქეობას.</p><p>ყველა გუნდს ვიცნობთ. ფავორიტად, საკუთარი კედლების ფაქტორის გათვალისწინებით, მალტას მივიჩნევთ, რომელიც უმთავრესად იტალიელი ლეგიონერებითაა დაკომპლექტებული.</p><p>კუნძულელებთან 2009-10 წლებში ორი შეხვედრა წავაგეთ და ვეცდებით, რევანში ავიღოთ. მით უმეტეს, რომ ბუდვაში ნატურალიზებული წყალბურთელები - მარკო ელაჩა, მარკო ელეზი, დამირ ცრეპულია და მარინო ფრანიჩევიჩიც შემოგვიერთდებიან.</p><p>- იმ ოთხ წყალბურთელთან ერთად ჩვენი ქვეყნის სპორტულ ღირსებას დაიცავენ ზურაბ ჭუმბურიძე, ბექა კაპანაძე, გალაქტიონ ლაითაძე, გიორგი ხვედელიანი, ზურაბ რურუა, მიხეილ ბაღათურია, კონსტანტინე გეგელაშვილი, ტატო ნიკოლეიშვილი და ბექა ქავთარაძე, - ჩაერია საუბარში საქართველოს საწყლოსნო სახეობათა ეროვნული ფედერაციის პრეზიდენტი დავით რურუა. - მალტისთვის აქტიური მზადება თურქეთის ტურნირით დავიწყეთ.</p><p>სტამბულში, მოგეხსენებათ, მასპინძლებს, რუმინელებსა და სლოვაკებს ვძლიეთ და პირველი ადგილი დავიკავეთ, არადა, ევროპის ჩემპიონატის შესარჩევი ეტაპის პირველ რაუნდში სლოვაკეთთან შინ 7:7 ვითამაშეთ.</p><p>ბუდვაში, ჩერნოგორიელების გარდა, მეტოქეობას გავუწევთ ავსტრალიისა და სერბეთის ნაკრებ გუნდებსაც, რომლებიც მსოფლიოს ჩემპიონატისთვის ემზადებიან.</p><p>საგულისხმოა ისიც, რომ საქართველოს ახალგაზრდული ნაკრები, რომელიც სექტემბერში ევროპის პირველობის ფინალურ ეტაპზე გამოვა, ხუთი ივლისიდან იტალიაში ხმელთაშუა ზღვის თასზე მასპინძლებს, ფრანგებს, ჩერნოგორიელებსა და სერბებს გაუწევს მეტოქეობას.</p><p>სტუდენტური ნაკრები კი ყაზანში მსოფლიო უნივერსიადაზე ითამაშებს. ასე რომ, სამ ფრონტზე გვიწევს ბრძოლა და ვეცდებით, თავი არ შევირცხვინოთ".</p><p><strong>ყოველდღიური სპორტული გაზეთი "ლელო"</strong></p>
საქართველოს წყალბურთელთა ნაკრებმა მსოფლიო თასზე ბოლო მატჩი ჩაატარა
ისტორია დაიწერა - საქართველოს წყალბურთელთა ნაკრები მსოფლიო თასზე გავიდა!
წყალბურთი - საქართველოს ნაკრებმა უკრაინას მოუგო და ნახევარფინალში გავიდა
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
crocobet დიდი 10 | "ბათუმი" საქართველოს ჩემპიონია!
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
საქართველოს ნაკრებმა ევროპის ჩემპიონატზე რვა მედალი მოიპოვა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება
"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა