- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
აბენსბერგს ქართველები ვერ წაადგნენ
<p>ევროპის საკლუბო პირველობაზე გუჯეჯიანმა გერმანელებს ვერ უშველა <br> სეზონის მიწურულს ძიუდოისტებს უმთავრესი ტურნირები მომთავრებული აქვთ ხოლმე, მაგრამ აქა-იქ მაინცაა შემორჩენილი თითო-ოროლა სოლიდური შეჯიბრება. ერთ-ერთი ბოლო მნიშვნელოვანი ტურნირი - ევროპის საკლუბო პირველობის ფინალური ეტაპი ამ უქმეებზე ჩებოქსარში ჩატარდა.</p><p>ჩუვაშეთის დედაქალაქში გამოსვლის უფლება ოთხმა კლუბმა მოიპოვა - გერმანულმა ”აბენსბერგმა”, მასპინძელთა ”იავარა-ნევამ” სანკტ-პეტერბურგიდან, თურქულმა ”ქოჯაელმა” და ფრანგულმა ”სენ ჟენევიევმა”. ამ კვარტეტიდან ”აბენსბერგი” და ”იავარა ნევა” საკლუბო პირველობის აღიარებული ფავორიტები არიან - არც კი გვახსენდება, ფინალურ ტურნირს მათ გარეშე ჩაევლოს. მეტიც - ჩემპიონიც უმეტესად რომელიმე მათგანი ხდებოდა. რაც შეეხებათ დანარჩენებს, ისინი უფრო ახალბედები არიან. მართალია, ფრანგული და თურქული კლუბები ყოველთვის ხვდებოდნენ ფინალურ ოთხეულში, მაგრამ - უფრო სხვები და არა ესენი, რომლებმაც ამჯერად იყოჩაღეს.</p><p>მოვლენებს დავასწრებთ და გეტყვით, რომ ამჯერად ნევისპირელებმა გაიმარჯვეს, რაც მათი მეშვიდე ტიტულია, ეს მაჩვენებელი კი სარეკორდოა ამ თასის გათამაშების ისტორიაში.</p><p>მართალია, ქართული კლუბი ამ ტურნირში არ გამოდიოდა, მაგრამ შეჯიბრებას უქართველებოდ მაინც არ ჩაუვლია - ”აბენსბერგის” ღირსებას სამი ჩვენებური იცავდა. მათგან ორი ნატურალიზებული ქართველია - საბერძნეთში გადასული მსოფლიოსა და ოლიპიური ჩემპიონი ილიას ილიადისი (90) და უკრაინაში მცხოვრები მსოფლიოს ჩემპიონი გიორგი ზანთარაია (66), ერთი კი აქაური - ლაშა გუჯეჯიანი (+90).</p><p>ზემოდასახელებული კვარტეტი ნახევარფინალებში ასე განაწილდა - ჩვენთვის ყველაზე საინტერესო ”აბენსბერგი” ფრანგულ კლუბს ხვდებოდა, რუსები კი თურქებთან დაწყვილდნენ. ერთი შეხედვით, ჩვენებურთა კლუბის ამოცანა არ იყო ძნელი - გერმანელები შემადგენლობით საგრძნობლად აღემატებოდნენ ფრანგებს. თავად განსაჯეთ - ილიადისისა და ზანთარაიას გარდა, მათ ღირსებას მათივე თანამემამულე, პეკინის ოლიმპიადის ჩემპიონი ოლე ბიშოფი (81), ევროპის მოქმედი ჩემპიონი, პორტუგალიელი ჟოაო პინა (73) და კიდევ ერთი გერმანელი, მძიმე წონაში მსოფლიოს წლევანდელი ვიცე-ჩემპიონი ანდრეას ტოლცერი იცავდნენ. მათ პირისპირ ვინ იდგა ფრანგულ კლუბში? მათგან ქომაგს დავიდ ლაროსესა და მოჰამად რიადის სახელები თუ ექნება გაგონილი. ცხადია, ამ პირობებში გერმანელები ფავორიტებად მიიჩნეოდნენ, მაგრამ ყველასთვის მოულოდნელად ფრანგებმა 6:4 მოიგეს და, სამწუხაროდ, მათ ამაში გუჯეჯიანი წაეხმარა. სწორედ ჩვენებურმა დათმო გადამწყვეტი შეხვედრა მაელ ლე ნორმანდთან - იპონით დამარცხდა. ამ დროს ფრანგები გუნდურ ჩათვლაში ისედაც იგებდნენ - 5:4, მაგრამ ჩვენებურს ანგარიშის გათანაბრება შეეძლო, რაც გერმანელებს აძლევდა ხელს, ვინაიდან მეტი წმინდა მოგება ჰქონდათ.</p><p>გუჯეჯიანი დაწინაურდა ფრანგთან შეხვედრაში - მშვენიერი სარმით იუკოზე დააგდო და შეხვედრის ბოლომდე ინარჩუნებდა უპირატესობას, ორთაბრძოლის მიწურულს კი, ვგონებთ, ყველაზე მეტად ფიზიკურმა პრობლემებმა ავნო. ისე მომეჩვენა, რომ იმ მომენტში, როცა დამთავრებამდე 30 წამით ადრე ნორმნადმა ჩავლებიდან თავისკენ დაქაჩა და დაითრია, ამას წინააღმდეგობაც არ გაუწევია. ყოველ შემთხვევაში, თითქოს თვითონვე ჩაწვა და დიდად არც მერე უცდია გაქცევა, თუმცა იმ ეპიზოდში ეს შეუძლებელიც იყო. ასე წააგეს ჩვენებურმაც და ”აბენსბერგმაც”. არადა, პირველ შეხვედრაში ნორმანდს ტოლცერმა წმინდად მოუგო.</p><p>საერთოდ, ამ კლუბების პირველი ორთაბრძოლა გერმანელთა გამარჯვებით დასრულდა - 3:2. არადა, თავიდან აქაც ფრანგები დაწინაურდნენ - ლაროსემ წმინდად მოუგო ზანთარაიას, რიადიმ - პინას, მაგრამ მერე გერმანელებმა - ბიშოფმა, ილიადისმა და ტოლცერმა სამი იპონი მიითვალეს. მეორე შეხვედრაში გერმანელთა რუმინელმა თავკაცმა ივან რადუმ რატომღაც დაარღვია დაუწერელი კანონი, მოგებულ შემადგენლობას არ ცვლიანო და დაისაჯა კიდეც - ზანთარაიას ნაცვლად ავსტრიელი ანდრეას მიტფელნერი აჭიდავა, ბიშოფის ნაცვლად გერმანელი სვენ მარეში გაიყვანა, ტოლცერი კი გუჯეჯიანით შეცვალა. მისდა სამწუხაროდ, ახლებმა ვერ გაუმართლეს და სამივემ წააგო. ამას პინას ზედიზედ მეორე მარცხიც დაემატა და რადუს მხოლოდ ილიადისმა გაუმართლა. მან თავისი მეორე შეხვედრაც მოიგო ლუდოვიკ გობერთან. აღსანიშნავია, რომ ის ორივეჯერ აგებდა, მაგრამ ჩამორჩენა მაინც ამოქაჩა, თუმცა ამან მის თანაგუნდელებს დიდად ვერაფერი არგო. იმ შეცვლილთა ტრიოდან ზანთარაიას ამბავი კიდევ გასაგებია - წააგო პირველი შეხვედრა, მაგრამ მწვრთნელი ბიშოფს და ტოლცერს რას ერჩოდა, ვერ გეტყვით. ასეა თუ ისე, გერმანელებმა შეხვედრა წააგეს საერთო ანგარიშით 4:6 და ფინალის საგზური კონკურენტს დაუთმეს.</p><p>მეორე ნახევარფინალში რუსებმა უპრობლემოდ დაჯაბნეს თურქები. აღსანიშნავია, რომ პირველი რვა შეხვედრა მასპინძლებმა მოიგეს, თურქებმა კი ამის შემდეგ მოიგეს ორი ორთაბრძოლა. ესეც უკრაინელებმა გააკეთეს - ვადიმ სინიავსკიმ (90) მურატ გასიევი ვაზარით დაამარცხა, ახალგაზრდებში მსოფლიოს ვიცე-ჩემპიონმა სტანისლავ ბონდარენკომ (+90) კი ევროპის ჩემპიონი ტაგირ ხაიბულაევი დააიპონა.</p><p>რუსებს დიდად არც ფინალში გასჭირვებიათ - პირველი შეხვედრა 5:0 მოიგეს. ალიმ გადანოვმა (66), ივან ნიფონტოვმა (81), კირილ დენისოვმა (90) და რენატ საიდოვმა (+90) იპონით იმარჯვეს, მანსურ ისაევმა (73) კი იუკოთი მოიგო. პეტერბურგელებმა მეორე შეხვედრაც რიხით დაიწყეს - გადანოვის ნაცვლად მოჭიდავე მუსა მოგუშკოვმა ლაროსე დააიპონა. ისაევმა წააგო ლაურენტ ემილიენთან, მაგრამ ნიფონტოვმა ისევ იპონით მოიგო და ყველაფერს წერტილი დაესვა. ბოლო ორი შეხვედრა ფრანგთა გამარჯვებით კი დასრულდა, მაგრამ ფინალი რუსებმა 7:3 მოიგეს და ევროპის ჩემპიონობაც ირგუნეს. რაც შეეხება ბრინჯაოს მედლებს, ის ავტომატურად გადაეცათ ”აბენსბერგსა” და ”ქოჯაელს”.</p><p><strong>ყოველდღიური სპორტული გაზეთი</p><p>"ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე