<p><span style="line-height: 1.3em;" />20-წლამდელთა მსოფლიოს ჩემპიონატი. თურქეთი 2013. ფინალი <br> </span>სტამბულში, "ალი სამი იენზე" გამართული ფინალური მატჩი ძალიან დაძაბული და საინტერესო გამოდგა. საფრანგეთის 20-წლამდელთა ნაკრებმა ურუგვაის ახალგაზრდულ გუნდს პენალტების სერიაში მოუგო და მსოფლიოს ჩემპიონატზე ისტორიაში პირველად იმარჯვა.</p><p>ამ გამარჯვებით საფრანგეთმა რეკორდი დაამყარა და გახდა პირველი ქვეყანა, რომელმაც ფიფას ეგიდით ჩატარებული ხუთი სხვადასხვა ტურნირის მთავარი პრიზი მოიპოვა - 20-წლამდელთა ჩემპიონატის გარდა, ფრანგებს მოგებული აქვთ მუნდიალი (1998), კონფედერაციათა თასი (2001, 2003), 17-წლამდელთა მუნდიალი (2001) და ოლიმპიური თამაშები (1984). "სამფეროვნებმა" არგენტინა და ბრაზილია ჩამოიტოვეს: არგენტინას 17-წლამდელთა მუნდიალი არ მოუგია, ბრაზილიას კი - ოლიმპიადა.</p><p>შეხვედრის გმირი ალფონს არეოლა გახდა. "პარი სენ ჟერმენის" ნიჭიერმა მეკარემ საკუთარი გუნდი რამდენიმე ეპიზოდში გადაარჩინა, პენალტების სერიაში კი ორი 11-მეტრიანი მოიგერია. ურუგვაელთა მხრიდან ემილიანო ველასკესმა და ჯორჯიანო დე არასკაეტამ ვერ ივარგეს, ფრანგებმა კი ყველა პენალტი ზუსტად შეასრულეს და ისტორიული გამარჯვება მოიპოვეს.</p><p>ურუგვაიმ საკმაოდ კარგი შთაბეჭდილება დატოვა და ძირითად დროში გამარჯვებასთან უფრო ახლოს "სელესტე" იყო. მატჩის დასაწყისში ნიკოლას ლოპესი და დიეგო ლაქსალტი აქტიურობდნენ, ფრანგებიდან კი პოლ პოგბა გამოირჩეოდა, თუმცა პიერ მანკოვსკის შეგირდები მხოლოდ შორეული დარტყმებით კმაყოფილდებოდნენ.</p><p>მეორე ნახევარში "ნიცას" და "ლილის" უნიჭიერესი შემტევები, ალექსი ბოსეტი და ფლორიან ტოვენი გააქტიურდნენ, მაგრამ მატჩის ყველაზე რეალური მომენტი წყვილის აუტსაიდერად მიჩნეულმა ურუგვაიმ შექმნა - დე არასკაეტას შესანიშნავი პასის შემდეგ ფელიპე ავენატი არეოლასთან პირისპირ დარჩა, მაგრამ მეკარემ კარი დროულად დატოვა და საკუთარი გუნდი იხსნა.</p><p>დამატებით დროში გუნდები აღარ რისკავდნენ და მოსაწყენი სანახაობა ლოგიკურად, გატანილი გოლების გარეშე დასრულდა, პენალტების სერიაზე კი უკვე ვისაუბრეთ.</p><p>საბოლოო ჯამში, საფრანგეთი ტურნირის ყველაზე ძლიერი გუნდი კი იყო, თუმცა კონკრეტულად ფინალში უფრო უკეთ ურუგვაიმ ითამაშა, მაგრამ "სელესტემ" მეორე ფინალიც (პირველად 1997 წელს, არგენტინასთან) წააგო.</p><p>მომდევნო ახალგაზრდული მუნდიალი 2015 წელს, ახალ ზელანდიაში გაიმართება. წლის ბოლოს კი 17-წლამდელთა მსოფლიოს ჩემპიონატი გველის, რომლის მასპინძელიც არაბეთის გაერთიანებული საემიროები იქნება.</p><p><strong><em>საფრანგეთი-ურუგვაი 0:0 პენ. 4:1</p><p></em></strong>პენალტების სერია: 1:0 პოგბა, 1:0 ე. ველასკესი (მეკარე), 2:0 ვერეტუ, 2:0 დე არასკაეტა (მეკარე), 3:0 ნგანდო, 3:1 ოლასა, 4:1 ფულკიე</p><p>საფრანგეთი (4-3-2-1): არეოლა - ფულკიე, ზუმა, სარი, დინი (115. პოლომატი) - ვერეტუ, პოგბა, კონდოგბია - ბაებეკი (65. ბოსეტი, 112. ნგანდო), ტოვენი - სანოგო</p><p>ურუგვაი (4-4-2): დე ამორესი - ე. ველასკესი, ხ. ხიმენესი (84. გ. ვარელა), გ. სილვა, ჯ. როდრიგესი (101. ოლასა) - პაისი, კრისტოფორო, ასევედო, ლაქსალტი (71. დე არასკაეტა) - ავენატი, ნ. ლოპესი</p><p>გაფრთხილება: პოგბა, ვერეტუ - ე. ველასკესი, კრისტოფორო</p><p>კუთხური: 7-6; ჯარიმა: 16-17; თამაშგარე: 3-5; კარში დარტყმა: 12-22 (5-14); ბურთის ფლობა: 60%-40%</p><p>მაყურებელი: 20 601</p><p><strong><span style="color: #ff0000;">მატჩი III ადგილისთვის</span></strong></p><p><span style="line-height: 1.3em;">ორი ძალიან სიმპა</span>თ<span style="line-height: 1.3em;">იური გუნდის მატჩი განის ნაკრების გამარჯვებით დასრულდა. ამ შეხვედრის ყველაზე მნიშვნელოვანი მომენტი ებენეზერ ასიფუას გოლი იყო - ამ ბურთის წყალობით, 20 წლის ფორვარდმა პორტუგალიელ ბრუმას და ესპანელ ხესე როდრიგესს გადაასწრო და მუნდიალის საუკეთესო ბომბარდირის წოდება მოიპოვა.</span></p><p>ბომბარდირები: 6 - ებენეზერ ასიფუა (განა); 5 - ბრუმა (პორტუგალია), ხესე როდრიგესი (ესპანეთი); 4 - ნიკოლას კასტილიო (ჩილე), იაია სანოგო (საფრანგეთი), ნიკოლას ლოპესი (ურუგვაი).</p><p><strong><span style="color: #ff0000;"><span style="color: #000000;"><strong><strong><em>განა-ერაყი 3:0</em></strong></p><p></strong></span></span></strong><span style="color: #ff0000;"><span style="color: #000000;">გოლები: 1:0 ატამა (35), 2:0 ასიფუა (45), 3:0 აჩეამპონგი (78)</span></span><strong><span style="color: #ff0000;"><span style="color: #000000;"></p><p></span><strong>ტურნირის საუკეთესო ფეხბურთელი</strong></p><p></span>პოლ პოგბა</strong> (საფრანგეთი)</p><p>ჩემპიონატის საუკეთესო მოთამაშედ პოლ პოგბა დაასახელეს. "იუვენტუსის" ახალგაზრდა ნახევარმცველმა მთელი ტურნირი უმაღლეს დონეზე ჩაატარა და საფრანგეთის ნაკრების უდავო ლიდერად მოგვევლინა.</p><p>"ვერცხლის ბურთის" მფლობელი ნიკოლას ლოპესი გახდა. "რომას" უნიჭიერესმა შემტევმა ურუგვაის ნაკრების წარმატებაში ყველაზე დიდი წვლილი შეიტანა და გუნდის საუკეთესო ბომბარდირიც გახდა.</p><p>"ბრინჯაოს ბურთის" მფლობელი კი განის ნაკრების ერთ-ერთი ლიდერი კლიფორდ აბოაგიე გახდა.</p><p><strong><span style="color: #ff0000;">ოქროს ხელთათმანი</span></strong></p><p><strong>გილერმო დე ამორესი</strong> (ურუგვაი)</p><p>საუკეთესო მეკარის პრიზი არა ალფონს არეოლამ, არამედ გილერმო დე ამორესმა მიიღო. მონტევიდეოს "ლივერპულის" 18 წლის მეკარემ სულ სამი გოლი გაუშვა, რაც ტურნირის საუკეთესო შედეგი იყო. ნიკოლას ლოპესთან ერთად, გილერმო დე ამორესი "სელესტეს" ფინალში გასვლის მთავარი მიზეზი გახლდათ.</p><p><strong><span style="color: #ff0000;">ფეარ პლეის პრიზი</span></strong></p><p>ესპანეთი</p><p>ფავორიტობის მიუხედავად, ესპანეთის ნაკრები ტურნირს 1/4-ფინალში გამოეთიშა, მაგრამ პირინეელებმა თურქეთი ტიტულის გარეშე მაინც არ დატოვეს. ხულენ ლოპეტეგის შეგირდებმა ყურადღება არა მარტო ლამაზი, არამედ სუფთა თამაშითაც მიიპყრეს - ესპანელებმა მხოლოდ 5 ყვითელი ბარათი დაიმსახურეს.</p><p><strong></p><p>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/skhvadaskhva/52134-thurqethi-2013-cifrebshi.html" target="_blank">თურქეთი 2013 ციფრებში</a></p>
"ასეთი თავდადებული ხალხი არასდროს მინახავს" - მატამ იაპონიაში მომხდარი დაუვიწყარი ისტორია მოჰყვა
გარდაიცვალა ცნობილი, ვეტერანი ფეხბურთელი გოჩა მაჩაიძე
სანიოლი შეიძლება ევროპულ ნაკრებს ჩაუდგეს სათავეში
ქვილითაია შეცვლაზე შევიდა - "ჰოლშტაინმა" ისევ წააგო
"ასეთი თავდადებული ხალხი არასდროს მინახავს" - მატამ იაპონიაში მომხდარი დაუვიწყარი ისტორია მოჰყვა
[VIDEO] მოურინიომ რონალდოს შესახებ დასმულ კითხვაზე საუბარი არ ისურვა და პრესკონფერენცია დატოვა
ახალი კონტრაქტი ბრაჰიმ დიასს - მაროკოელი "რეალში" კიდევ დიდხანს დარჩება
ყველაზე ცუდი შედეგი 2004/05 წლების სეზონის შემდეგ - "ბაიერნმა" 2 ქულასთან ერთად, 2 ლიდერიც დაკარგა
საქმეში კაკაც ჩართეს - "მილანი" ენდრიკის დამატებასთან უკვე ძალიან ახლოსაა
ლოჩოშვილი "ბაიერნთან" წარმატებულად დაბრუნდა - "კიოლნმა" მიუნხენიდან ქულა წაიღო, თუმცა მოგებაც შეეძლო
აბუაშვილი შეცვლაზე შევიდა - "მეცმა" "ბულონს" მოუგო
VIDEO | ეროვნული ლიგა | "სპაერი" ფლეი აუტს ვერ ასცდება, ფაცაციას სასწაული გოლი...
[VIDEO] ბუდუს გოლმა ვერ უშველა - "ჰაიდენჰაიმის" წარუმატებელი სერია გრძელდება
VIDEO | ეროვნული ლიგა | დინამო (თბ) 1-1 ტორპედო. არაფრისმომტანი ფრე
[VIDEO] ზივზივაზემ გერმანიაში დაბრუნებისთანავე გაიტანა
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
სვანაძე: მნიშვნელობა არ ჰქონდა, რომელი გუნდი შეგვხვდებოდა
სანიოლი შეიძლება ევროპულ ნაკრებს ჩაუდგეს სათავეში
ერთა ლიგის პლეი-ოფში საქართველოს ნაკრების მეტოქე ცნობილია
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
11 ივნისს 19-წლამდელთა ევროფინალის ბოლო მონაწილე გამოვლინდება
"ოქროს ბურთი" ახლა თუ ვერ მოიგო, ამის შანსი აღარასდროს აღარ ექნება" - პოგბამ დემბელეზე ისაუბრა
"ფერადკანიან ბავშვებს ასწავლიან, რომ ბო*ივით მორჩილი მონები იყვნენ - იან რაიტმა ჯუდ ბელინგემი დაიცვა
ლოპეტეგი გადაყენებასთან ძალიან ახლოსაა - "ვესტ ჰემის" მწვრთნელობის მთავარი კანდიდატი ცნობილია
ფონსეკამ "მილანიდან" დათხოვნის შემდეგ შესაძლოა, ახალი სამსახური მალევე იშოვნოს და პრემიერ ლიგაში დასაქმდეს
თურქეთი 2013 ციფრებში
ხესემ პსჟ-ში ერთადერთი წუთი ითამაშა და ოქროს მედალს მიიღებს
ხესე როდრიგესი სამშობლოში შვილის გადასარჩენად გაფრინდა
"ვესტ ჰემმა" ლოპეტეგი გადააყენა და პოტერს დანიშნავს
პოგბამ "მონაკოსთან" კონტრაქტი გაწყვიტა და თავისუფალი აგენტი გახდა
ოფიციალურად: გრემ პოტერი "ვესტ ჰემის" ახალი მწვრთნელია
"სამპდორიამ" "რეალისა" და პსჟ-ის ყოფილი ფეხბურთელი დაიმატა
2 წელზე მეტი გავიდა - პოგბა მოედანზე დაბრუნებასთან ახლოსაა
[VIDEO] სინათლე გვირაბის ბოლოს - პოგბამ "მონაკოსთან" კონტრაქტის გაფორმებისას ემოციები ვერ შეიკავა
"ვესტ ჰემის" მწვრთნელი ლოპეტეგი შეიძლება გადააყენონ
ვინ მოდის მანდ მომავლიდან? - ევროპის საუკეთესო ახალგაზრდები
ესპანეთი პირველია, რიზეში სენსაცია მოხდა
მეჰდი ბენატია გამგელდა
"მას ჩემი ცოლი უფრო აინტერესებდა, ვიდრე მე" - ხესემ ალ ხელაიფზე ისაუბრა
პსჟ-ს ფეხბურთელმა ახალი მუსიკალური კლიპი გამოუშვა [VIDEO]
U21. ევროპის ჩემპიონატი. ჯგუფური ეტაპის მიმოხილვა: სუპერწყვილები ნახევარფინალში
ესპანელი მოდელი ხესე როდრიგესის რეგრესის მიზეზია? [PHOTO]
მილანი-უდინეზე 1:2. კლარენს ზეედორფი: ჯერ ადრეა [VIDEO]
ჯგუფური ეტაპი დასრულდა: ერაყის სიურპრიზი, ინგლისელთა ფიასკო
"ვესტ ჰემიდან" ახლახანს დათხოვნილმა ლოპეტეგიმ შესაძლოა, სანაკრებო დონეზე გადაინაცვლოს