<p>პირველ დღეს შეჯიბრება გაიმართა დიდ დიღომში და 30 მრბოლელი ჩაება პირველობისთვის ბრძოლაში <br> საქართველოს წლევანდელი ეროვნული ჩემპიონატი სამთო ველოსპორტში თბილისის, ქუთაისის, აჭარისა და მცხეთის 50-მდე სპორტსმენის მონაწილეობით ჩატარდა ორ ასაკობრივ ჯგუფში (მოსწავლეები და ელიტარული).</p><p>პირველ დღეს შეჯიბრება გაიმართა დიდ დიღომში და 30 მრბოლელი ჩაება პირველობისთვის ბრძოლაში.</p><p>ველოსპორტის ამ სახეობაში შეჯიბრება ტარდება მთაგორიან რელიეფზე, რაც ერთიორად ზრდის შეჯიბრების სირთულეს და ტრავმებიც ხშირია.</p><p>პირველივე წრეზე ლიდერობა ხელთ იგდო მცხეთელმა ლაშა ამირიძემ, რომელსაც კვალდაკვალ მიჰყვებოდნენ მცხეთელი ივანე კვახაძე და თბილისელი გიგი გილაური. მეტოქეებმა ფინიშიც ასეთივე თანმიმდევრობით გადაკვეთეს.</p><p>მეორე დღეს ელიტარული ჯგუფის საუკეთესო სპორტსმენთა ასპარეზობა გაიმართა. ჩვენი ჩემპიონატი შეტანილია ველოსპორტის საერთაშორისო ფედერაციის კალენდარში და მისი ეგიდით და წესების თანახმად ტარდება - სპორტსმენებს ენიჭებათ სარეიტინგო ქულები, რომლის მიხედვითაც, წლის ბოლოს მსოფლიოს საუკეთესო რეიტინგის სპორტსმენთა სია დგება.</p><p>რბოლის ტრასაც შერჩეული იყო საერთაშორისო ფედერაციის სტანდარტების შესაბამისად. კუს ტბასა და მის მიმდებარე ტერიტორიაზე მთაში სპორტსმენებს 6 ოთხკილომეტრიანი მანძილი უნდა დაეფარათ.</p><p>პირველივე წრეზე დაწინაურდნენ ბესიკ გავაშელი, გიორგი ნადირაძე, გიორგი ნარეკლიშვილი და გიორგი სუვადოღლი.</p><p>იმავე წრეზე ტრავმა მიიღო ბესიკ გავაშელმა, ხოლო სუვადოღლი ტრავმის გამო საერთოდ გამოეთიშა შეჯიბრებას და საავადმყოფოში გადაიყვანეს. ბესიკ გავაშელს დაწინაურებულ მონაწილესთან ჩამორჩენის აღმოფხვრა მოუხდა.</p><p>შეჯიბრების დამთავრებამდე 2 წრით ადრე კი უკვე აღარავის ეეჭვებოდა, რომ საქართველოს ჩემპიონობას თბილისელი ბესიკ გავაშელი კვლავაც არავის დაუთმობდა.</p><p>ასეც მოხდა - ჩვენი ქვეყნის ეროვნული ნაკრების წევრი მეხუთედ გახდა საქართველოს ჩემპიონი.</p><p>ბესიკმა წლეულს მონაწილეობა მიიღო მსოფლიოს თასების გათამაშებასა და საერთაშორისო შეჯიბრებებში, სადაც სარეიტინგო ქულები აქვს მოპოვებული.</p><p>ამერიკულმა ენერგეტიკული სასმელების კომპანია POVERBAR-მა ერთწლიანი ხელშეკრულება გაუფორმა ენერგეტიკული სასმელების რეკლამირებაზე. ჩვენს სპორტსმენთან ხელშეკრულება დადო აგრეთვე ველო-საბურავების მწარმოებელმა CENDA-მ.</p><p>ჩემპიონატში მეორე ადგილიც საქართველოს ნაკრები გუნდის წევრმა, საგზატკეცილო ველოსპორტში ლონდონის ოლიმპიადის მონაწილემ, აჭარელმა გიორგი ნადირაძემ მოიპოვა, მესამე ადგილი კი თბილისელ გიორგი ნარეკლიშვილს ხვდა წილად.</p><p><em>"ლელოს" კორ.</em></p><p><strong>ყოველდღიური სპორტული გაზეთი "ლელო"</strong></p>
ლელა ბექაური
უფალი იყოს შენი მეგზური შვილო!!!
ლელა ბექაური
უფალი იყოს შვილო შენი მეგზური,გაუმრავლდი შენს დედ-მამას,კვლავ მრავალი წარმატებები და გაბრწყინებული მომავალი ჩემო ბიჭო:)))
lasha
მაგარიაააა
საერთაშორისო აღიარება - საქართველოს ხმა მსოფლიო ველოსპორტის არჩევნებში
ინგლისში ტრანსგენდერები ქალთა ტურნირებიდან მოკვეთეს
ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
კანტე ევროპაში ბრუნდება? - ფრანგს სერიოზული მსურველი ჰყავს