<p>საქართველოს ახალგაზრდული ნაკრების ყოფილ ნახევარმცველს უკრაინაში რიბერის ადარებენ <br> საქართველოს ახალგაზრდული ნაკრების ყოფილი ნახევარმცველი დათო თარგამაძე ბუნდესლიგის "ფრაიბურგიდან" უკრაინის პირველი ლიგის "ალექსანდრიაში" ოქტომბერში გადავიდა. ცხადია, ეს უკუსვლა იყო. თუმცა, მისი სიზარმაცე არაფერ შუაშია. ბევრისთვის უცნობია, დათოს ოჯახური ტრაგედია. მამის გარდაცვალების შემდეგ, ნიჭიერი ფეხბურთელი ვერ ახერხებდა ვარჯიშს და გერმანიაც იძულებით დატოვა.</p><p>”ალექსანდრიის” პრეზიდენტი ნიკოლაი ლავრენკო დარწმუნებული იყო, რომ წარმატებული ტრანსფერი განახორციელა და ასეც მოხდა - თარგამაძემ იმედები გაუმართლა და გახდა ერთ-ერთი წამყვანი მოთამაშე კლუბში, რომელიც პირველი ლიგის ლიდერი და ”ვიშა ლიგაში” გადასვლის რეალური კანდიდატია. სხვათა შორის, უკრაინაში კახი კალაძის მენეჯერმა ანდრეი ბილეიჩუკმა ჩაიყვანა და ახალი რიბერიც შეარქვეს.</p><p>როგორც გაირკვა, ევროპაში 17 წლის ასაკში წასულმა ქართველმა რუსული არ იცის. კლუბის ოფიციალური ვებგვერდისთვის მიცემულ ინტერვიუში კითხვაზე, ენის უცოდინრად, მწვრთნელთან და თანაგუნდელთან როგორ ურთიერთობს, პასუხობს: ” ფაქტობრივად, ყველაფერი მესმის, მაგრამ რუსულად პასუხის გაცემა არ შემიძლია. როდესაც რაიმეს გაგება ან ახსნას ვერ ვახერხებ, ინგლისურად ვპასუხობ".</p><p>დათო ამბობს, რომ უკრაინაში ფეხბურთი საქართველოზე მეტად უყვართ: ”ამის გამოა, უკრაინულ სტადიონებზე გაცილებით მეტი მაყურებელი რომ დადის, ვიდრე საქართველოში. თქვენი გულშემატივარი უფრო ყურადღებიანია, თუმცა, ძალიან მომთხოვნიცაა. ასეთი მხარდაჭერა მოგებას გვიადვილდებს”.</p><p>დათოს უკრაინაში ჩასვლამდე, გერმანიისა და ჰოლანდიის კლუბებში მოხვედრას სთავაზობდნენ, მაგრამ ”ალექსანდრია” ამჯობინა - მოუმზადებელი დაბალ ლიგაში ფორმას აღიდგენდა და გუნდთან ერთად უმაღლეს დივიზიონში თამამად შეაბიჯებდა.</p><p>ახლახან კი ”ალექსანდრიას" პრეზიდენტმა ნიკოლაი ლავრენკომ გაამხილა, რომ თარგამაძით კიევის "დინამო" დაინტერესდა. უკრაინელებს ურთიერთობის გარკვევა ”ფრაიბურგთან” მოუწევთ - 21 წლის თარგამაძე დღემდე გერმანული კლუბის საკუთრებაა, ”ალექსანდრიაში" კი ერთწლიანი არენდით გამოდის.</p>
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
კანტე ევროპაში ბრუნდება? - ფრანგს სერიოზული მსურველი ჰყავს