<p>ჩვენებურებს ჯგუფიდან გასასვლელად 12 აგვისტოს ავსტრიელებთან მატჩის 5-ქულიანი სხვაობით მოგებაც ჰყოფნით <br> სარაევოში (ბოსნია-ჰერცეგოვინა) გრძელდება 16 წლის კალათბურთელ ვაჟთა ევროპის პირველობა B დივიზიონში.</p><p>შეჯიბრებაში 22 ქვეყნის წარმომადგენლები უმაღლესი ეშელონის 3 საგზურისთვის იბრძვიან.</p><p>უკვე მიიწურა ოთხი ტური. გასულ უქმეებზე გია კაზანჯიანის გაწვრთნილმა საქართველოს ნაკრებმა ორი შეხვედრა გამართა.</p><p>ზედიზედ ორი დასანანი მარცხის (ბოლო წუთებამდე ჩვენი ბიჭები ტურნირის ფავორიტ ჩეხებთან და უნგრელებთან შეხვედრებს იგებდნენ) შემდეგ შაბათს ქართველებმა ლუქსემბურგელი თანატოლები დაჯაბნეს.</p><p><em><strong>საქართველო-ლუქსემბურგი 83:39</p><p></strong></em>21:7, 29:16, 21:10, 12:6</p><p>საქართველო: ალიევი, კერესელიძე (არ უთამაშია), ქვარაია, გოგალაძე (3), ცქიფურიშვილი (15), აფხაზავა (3), ლომიძე (12), თვალაბეიშვილი (6), ცირეკიძე (13), გოგობერიშვილი (16), ისიანი (12), გიორგაძე (3).</p><p>ლუქსემბურგი: გოლბახი (15), მეიერი (7) და მარტინი (6).</p><p>ლუქსემბურგელებმა მე-2 ტურში ბელორუსი თანატოლები დაამარცხეს დამატებით დროში - 67:61 (24:15, 7:12, 13:21, 11:7, 12:6), ამიტომ გათამაშების ცხრილში ქულით გვისწრებდნენ და მოედანზეც ოპტიმისტური განწყობით გავიდნენ, რაც ორთაბრძოლის პირველმა ხუთმა წუთმაც დაადასტურა: მატჩის მე-2 წუთზე ანგარიში ლომიძემ გახსნა.</p><p>მარტინს წონასწორობის აღსადგენად 23 წამი დასჭირდა, შემდეგ კი მეიერმა თავისი გუნდი დააწინაურა, თუმცა ლუქსემბურგელთა სიხარული დიდხანს არ გაგრძელებულა - გია კაზანჯიანის შეგირდებმა ხელთ იგდეს ინიციატივა და წინ გავიდნენ. მე-5 წუთიდან, რაც ანგარიში გახდა 8:7 ქართველების სასარგებლოდ, მეოთხედის ბოლომდე ლუქსემბურგელებს ქულა არ აუღიათ, ჩვენებურებმა კი სხვაობა 14 ქულამდე გაზარდეს - 21:7.</p><p>მეორე ათწუთიან მონაკვეთში საქართველოს ნაკრებმა 29 ქულას მოუყარა თავი, მეტოქე კი 16 ქულას დასჯერდა.</p><p>შესვენების შემდეგ პაექრობის სცენარი არ შეცვლილა - ქართველები ეფექტურად უტევდნენ მეტოქის კალათს და საკუთარი საჯარიმოს მისადგომებსაც საიმედოდ იცავდნენ. ამიტომაც ლუქსემბურგის ნაკრებმა 20 წუთის განმავლობაში მხოლოდ 16 ქულის მოგროვება შეძლო, ჩვენმა გუნდმა კი - ორჯერ მეტისა. საბოლოოდ საქართველოს ნაკრებმა 83:39 გაიმარჯვა.</p><p>ჯგუფის დანარჩენი შეხვედრები ასე დასრულდა: ავსტრია - უნგრეთი 76:71 (16:10, 10:11, 27:27, 11:25, 12:7), ჩეხეთი - ბელორუსი 87:59 (28:19, 15:19, 28:5, 16:16).</p><p>11 აგვისტოს მე-4 ტურის ორთაბრძოლები გაიმართა.</p><p><em><strong>საქართველო-ბელ</strong><strong>ო</strong></em><em><strong>რუსი 74:66</p><p></strong></em>25:18, 14:19, 21:19, 14:10</p><p>საქართველო: ალიევი, კერესელიძე (7), ქვარაია (4), გოგალაძე (10), ცქიფურიშვილი (1), აფხაზავა (4), ლომიძე (19), თვალაბეიშვილი (არ უთამაშია), ცირეკიძე (10), გოგობერიშვილი (2), ისიანი (15), გიორგაძე (2).</p><p>ბელორუსი: ლიუტიჩი (20), ბარისიონაკი (15), კუპცევიჩი (11).</p><p>სლავებთან მატჩში ქართველებმა თავიდანვე ხელთ იგდეს ინიციატივა: ლომიძემ ორი ზუსტი საჯარიმო ტყორცნით გახსნა ანგარიში, მერე ისიანმა ოთხი ქულა შესძინა გუნდს. კარგა ხანს ჩვენები 4-ქულიან სხვაობას ვერ გასცდნენ, მეტიც, მე-6 წუთზე ბელორუსები გავიდნენ წინ - 12:11.</p><p>ამის შემდეგ კაზანჯიანის გუნდმა შეძლო თამაშში გარდატეხის შეტანა და პირველი პერიოდი 7 ქულით მოიგო.</p><p>მე-2 ათწუთიან მონაკვეთში ეს სხვაობა 2 ქულამდე შემცირდა. მე-3 პერიოდი გარდამავალი უპირატესობით წარიმართა.</p><p>მე-6 წუთისთვის ანგარიშიც გათანაბრდა (52:52), მაგრამ ქართველმა კალათბურთელებმა 4-ქულიანი სხვაობა აღადგინეს.</p><p>ბოლო 10 წუთს უნდა გაეცა პასუხი, ჩვენებურები მე-2 ეტაპზე გასვლისა და უმაღლეს ეშელონში გადასვლის შანსს შეინარჩუნებდნენ თუ არა (თუმცა ყველაფერი მხოლოდ მათზე არ იყო დამოკიდებული).</p><p>საფინალო სასტვენამდე ბოლო ორ წუთში ქართველებმა ხელთ იგდეს ორთაბრძოლის სადავეები (განსაკუთრებით, გოგალაძემ გამოიჩინა თავი - ზედიზედ 6 ქულა მოუტანა გუნდს) და შეხვედრაც სასურველ დასასრულამდე მიიყვანეს - 74:66.</p><p>11 აგვისტოს ჯგუფის მე-4 ტურის ორი შეხვედრაც ჩვენთვის სასურველი შედეგებით დასრულდა: ავსტრიელებმა ლუქსემბურგელებს მოუგეს - 56:27 (5:9, 17:6, 15:5, 19:6), ხოლო ერთპიროვნულმა ლიდერმა ჩეხეთმა უნგრეთი დაამარცხა - 70:56 (14:12, 17:12, 16:13, 23:19).</p><p>ოთხი ტურის შემდეგ: ჩეხეთი - 8 (275:215), ავსტრია - 7 (247:235), უნგრეთი - 6 (281:259), საქართველო - 6 (267:220), ლუქსემბურგი - 5 (187:291), ბელორუსი - 4 (237:294).</p><p>როგორც ვხედავთ, ჩვენებურებს ჯგუფიდან გასასვლელად 12 აგვისტოს ავსტრიელებთან მატჩის 5-ქულიანი სხვაობით მოგებაც ჰყოფნით, რადგან საქართველოს, უნგრეთსა და ავსტრიას თანაბარი ქულები მოუგროვდებათ და ერთმანეთთან ნათამაშები შეხვედრების შედეგების გათვალისწინებით, ჩვენი გუნდი მე-2 ეტაპზე საგზურისთვის ბრძოლას გააგრძელებს.</p><p>D ჯგუფში 12 აგვისტოს ითამაშებენ: ავსტრია-საქართველო, ჩეხეთი-ლუქსემბურგი, უნგრეთი-ბელორუსი.</p><p>A ჯგუფი: ფინეთი - 8 (281:208), მაკედონია - 7 (293:231), ესტონეთი - 6 (243:248), პორტუგალია - 6 (270:280), ბულგარეთი - 5 (224:254), ნორვეგია - 4 (176:273).</p><p>მაკედონია-ფინეთი, პორტუგალია-ნორვეგია, ბულგარეთი-ესტონეთი.</p><p>B ჯგუფი: ინგლისი - 7 (270:241), სლოვენია - 6 (232:192), რუმინეთი - 5 (231:196), ირლანდია - 3 (170:198), შვეიცარია - 3 (156:232).</p><p>შვეიცარია-ირლანდია, რუმინეთი-სლოვენია.</p><p>C ჯგუფი: ბოსნია - 6 (197:173), ჰოლანდია - 6 (247:229), ისრაელი - 5 (231:201), დანია - 4 (220:209), სლოვაკეთი - 3 (160:243).</p><p>დანია-სლოვაკეთი, ბოსნია-ისრაელი.</p><p><strong>ყოველდღიური სპორტული გაზეთი "ლელო"</strong></p>
დიმიტრი
საქართველო-ბელორუსი 74:66 25:18, 14:19, 21:19, 14:19 ასეთი ანგარიშით როგორ დამთავრდებოდა მეოთხედები? ანგარიში ვერ უნდა ისწავლოთ????????
შედეგმაც არ დააყოვნა - საქართველოს ნაკრები უკვე ფიბას ოცეულშია
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
16-წლამდელთა ნაკრები უეფას განვითარების თასზე ითამაშებს
U16 | საქართველოს ნაკრებმა ისევ გაიმარჯვა
U16 | სლოვენია 3:1 საქართველო - მეორე ადგილი UEFA-ს განვითარების თასზე
U16 | საქართველოს ნაკრებმა მონტენეგრო დაამარცხა
16-წლამდელთა ნაკრები უეფას განვითარების თასზე მიიღებს მონაწილეობას
საქართველოს 16-წლამდელთა ნაკრები ევროპის ჩემპიონატის B დივიზიონის 1/2-ფინალში გავიდა