- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჭაბუკმა ქართველმა "თავისუფლებმა" მსოფლიოს ჩემპიონატზე 3 მედალი მოიპოვეს
<p>მსოფლიოს ვიცე-ჩემპიონი ევროპის წლევანდელი ბრინჯაოსმედალოსანი რამაზ ზოიძე (58) გახდა <br> საქართველოს თავისუფალი სტილით მოჭიდავე ჭაბუკთა ნაკრებმა 3 მედლით - 1 ვერცხლითა და 2 ბრინჯაოთი დაასრულა გამოსვლა სერბულ ზრენჯანინში, თანატოლთა მსოფლიოს ჩემპიონატში.</p><p>მსოფლიოს ვიცე-ჩემპიონი ევროპის წლევანდელი ბრინჯაოსმედალოსანი რამაზ ზოიძე (58) გახდა, მესამე ადგილზე კი ირაკლი მხეიძე (50) და გივი მაჭარაშვილი (100) გავიდნენ.</p><p>ემზარ ბედინეიშვილის ნაკრებმა რაოდენობრივად ზუსტად გაიმეორა ივნისში ევროპის ჩემპიონატში ნაჩვენები შედეგი, მაგრამ ხარისხობრივად გააუმჯობესა ის - მაშინაც 3 მედალი იყო, მაგრამ ყველა - ბრინჯაოსი, ახლა კი ერთი ვერცხლიცაა.</p><p>მისი მფლობელი ზოიძე საინტერესო ფიგურაა ამ ასაკის ჭიდაობაში - 42 კილოგრამიდან მოყოლებული, ლამის ყველა წონაში იასპარეზა და რაც ყველაზე საინტერესოა, თითქმის ყველგან მოიპოვა მედალი, ანუ არ უჭირს ადაპტაცია.</p><p>შეგახსენებთ, რომ ის "ლელომ" შარშან ქვეყნის წლის საუკეთესო ახალგაზრდა სპორტსმენად დაასახელა და წლეულსაც ამ ტიტულის ერთ-ერთი გამოკვეთილი ფავორიტია.</p><p>ის მესამე სეზონს ატარებს ჭაბუკებში და არც ერთი წელიწადი არ ჩაუგდია - არის ევროპისა და მსოფლიოს ჩემპიონი, მსოფლიოს ვიცე-ჩემპიონი და ევროპის ორგზის ბრინჯაოსპრიზიორი.</p><p>საქართველოში ის კიდევ უფრო შორს წავიდა და უკვე ახალგაზრდულ ნაკრებში აღწევს წარმატებებს - ქვეყნის ჩემპიონია.</p><p>ზრენჯანინში ზოიძე ზედიზედ მესამედ გავიდა მსოფლიოს ჩემპიონატის ფინალში (როგორი საქმეა!) და ზედიზედ მეორედ გახდა ვერცხლისმედალოსანი. ოღონდ შარშანდელისგან განსხვავებით, როცა ბაქოში ფინალში მისი წაგება მასპინძელ მიხაილ რახმანოვთან მსაჯთა დამსახურება იყო (ჩვენებურმა მას შარშანვე ევროპის პირველობის ფინალში მოუგო და აზერბაიჯანელებმა სახლში ყველა რესურსი გამოიყენეს რევანშისთვის), ამჯერად არბიტრებს ვერაფერს დავაბრალებთ - ზოიძე წლეულს უკვე მეორედ დამარცხდა თურქ სელიმ კოზანთან (პირველად ევროპირველობაზე წააგო). მეტოქემ ტაქტიკურადაც სწორად წარმართა ჭიდაობა, თუმცა, ვფიქრობთ, ჩვენებურს ძირითადად მაინც უკეთესი ფიზმომზადებით აჯობა.</p><p>მაგალითად - პირველივე ქულაზე, როცა წარმატებით გაუთიშა ხელი, მერე კი ცრუმანევრით მოძრაობაზე დაიჭირა და წელში წარმატებით შეეკრა, თავისუფლად აიტაცა ჰაერში და ღონივრად გაისროლა 3-ქულიანზე.</p><p>თურქმა მომდევნო ორი გდებაც ძალის ზედმეტად დაუძაბავად შეასრულა, მეორეზე ისევ გამოავლინა კარგი ფიზიკური მომზადება და მთლიანობაში, ისე აჯობა ჩვენებურს, შანსიც არ მისცა.</p><p>არადა, ფინალამდე ბათუმელმა ფალავანმა ოთხი მეტოქე დაამარცხა დამაჯერებლად - მონღოლი ჩოიდოგჯამტს ჯამსრანჯავი (2:2; 3:0), მოლდოველი მაქსიმ საკულტანი (1:3; 5:0), რუსი ურუზბეგ ცომარტოვი (9:5) და ბელორუსი დზიანის მაქსიმაუ (8:0).</p><p>ბედინეიშვილმა მხეიძე ევროპის ჩემპიონატის შემდეგ შეიყვანა ნაკრებში და ცვლილებამ გაუმართლა. უნგრელ რიჩარდ ვილჰელმთან იოლი გამარჯვების შემდეგ (9:1 პირველივე ორ წუთში) მხეიძე აზერბაიჯანელთა მომავალ ფინალისტთან, ევროპის წლევანდელ მესამეპრიზიორ მახირ ამირასლანოვთან დამარცხდა - 4:8; 0:4.</p><p>დამამშვიდებელ წრეში სამ პაექრობაში იმარჯვა, მათ შორის, ბრინჯაოსთვის პაექრობაშიც პოლონელ პატრიკ ოლენცზინთან, რომელსაც წმინდად მოუგო - 8:0 პირველივე პერიოდში.</p><p>მაჭარაშვილმა ჩააგდო ევროპის წლევანდელი პირველობა, ახლა კი შანსი გამოიყენა და საკუთარი თავის რეაბილიტაცია სრულად თუ არა, ნაწილობრივ მაინც მოახერხა.</p><p>ლიტველ დენის ნედობორთან წმინდად მოგების შემდეგ ის რუსთა მომავალ ჩემპიონ ზნაურ კოჩიევთან დამარცხდა - 0:6. დამამშვიდებელში იოლად გაუსწორდა ჯერ ინდოელ გურსევაკ სინგჰს (3:0; 5:3), ბრინჯაოსთვის ბრძოლაში კი სომეხი მერუჟან ნიკოიანი 1:0; 5:0 დაჯაბნა.</p><p>ჩვენი ნაკრებიდან ბრინჯაოს მედლისთვის ტარიელ გაფრინდაშვილმაც (69) იჭიდავა, მაგრამ წააგო და ევროპის პირველობის მსგავსად, ამჯერადაც მეხუთეზე დარჩა.</p><p>ის გუნდში ერთ-ერთი ყველაზე გამოცდილია, ვინც ლამის მუდმივად იგებს საერთაშორისო ტურნირებს, მაგრამ ოფიციალურ შეჯიბრებაზე შედეგი ვერ აჩვენა.</p><p>მას არ ვამართლებთ, თუმცა სამართლიანობისთვის უნდა ითქვას, რომ სერბეთში მძიმედ დაბინტული ხელით, ანუ სერიოზული ტრავმით ჭიდაობდა.</p><p>ამის მიუხედავად, ნახევარფინალში მაინც უპრობლემოდ გავიდა - ვენესუელელი შალონ ველეგა ბეჭებზე დადო, ამერიკელი ჯონ ჯაი ჩავესი კი ბავშვივით ატრიალა აქეთ-იქით და მორიგი წმინდა მოგება მიითვალა - 6:0.</p><p>სამაგიეროდ, ამის შემდეგ ზედიზედ ორჯერ წააგო - ნახევარფინალში ირანელთა მომავალ ვიცე-ჩემპიონ კამრან გასემპოურთან სუფთად (0:8), დამამშვიდებლის ფინალში კი რუს ტიმურ ბიზოევთან ვერ გახდა ვერაფერს (2:7).</p><p>მას წლეულს რუსები ბედისწერად ექცნენ - ბრინჯაო ევროპის პირველობაზეც რუსთან, ოღონდ ნიკიტა სუჩკოვთან დათმო.</p><p>ბედინეიშვილის გუნდი სერბეთში ისედაც კაცნაკლული წავიდა - 42 კილოგრამში ევროპის წლევანდელმა მესამეპრიზიორმა ალექსანდრე კილაძემ წონა ვერ დაიკლო, ადგილზე კი ნაკრებს ჩვენთვის გაურკვეველი მიზეზით კონტინენტის კიდევ ერთი წლევანდელი ბრინჯაოსანი და მედლის მოპოვების კანდიდატი შმაგი თოდუა (46) გამოაკლდა.</p><p>დანარჩენი კვარტეტი პირველივე წრიდან გამოვარდა - გიორგი ყაზარაშვილმა (54) ინდოელ რავი კუმარისთან წააგო, ედუარდ ნიკოლიშვილმა (63) - ირანელ ალი ესმაილპურჯოუბარისთან, გიორგი გიორგობიანმა (76) - უკრაინელ ევროპის წლევანდელ ვიცე-ჩემპიონ ბოგდან პოპკოვთან, ვაჟა ომარაშვილმა (85) - ტაჯიკ ბეკსულთან სულთანალიევთან.</p><p>მთლიანად ტურნირმა კი კიდევ ერთხელ დაადასტურა ჭიდაობის გეოგრაფიის ზრდა და საერთო დონის გათანაბრების ტენდენცია. ინდოეთის ნაკრებმა თითო ვერცხლ-ბრინჯაო მოიპოვა და კიდევ რამდენიმემ მოიპოვა ჩასათვლელი ქულა გუნდურში; პრიზიორებში შევიდა სამხრეთაფრიკელი მოზარდი; ისე, ეტყობა, სერიოზულ ძალად იზრდება მონღოლეთის ნაკრები.</p><p>ასეთ პირობებში ჩვენს მწვრთნელებს კიდევ უფრო ეზრდებათ ისედაც დიდი საზრუნავი. საინტერესოა, რომ ევროპელთაგან დუბლი მხოლოდ უკრაინელმა ანდრეი იაცენკომ (54) შეასრულა, ანუ ევროპის პირველობის შემდეგ მსოფლიოს ჩემპიონიც გახდა, თუმცა რუს იმამ თესაევთან მოსაგებად დიდი ბრძოლა გადახდა.</p><p><strong>კვარცხლბეკი</p><p></strong>42 კგ. 1. რიო მაცუი (იაპონია); 2. იუნეს ემამიჩოგჰეი (ირანი); 3. ვიქტორ ტერზი (უკრაინა), ჯატინ ჯატინი (ინდოეთი).</p><p>46 კგ. 1. დარჰან კალკენოვი (ყაზახეთი); 2. ფაზილ ჰასანოვი (აზერბაიჯანი); 3. ტაკუტო ოტოგურო (იაპონია), ხეიროლან გარამანი (ირანი).</p><p>50 კგ. 1. აბდულაგავ შახბანოვი (რუსეთი); 2. მაჰირ ამირასლანოვი (აზერბაიჯანი); 3. ირაკლი მხეიძე (საქართველო), ტოშიჰირო ჰასეგავა (იაპონია).</p><p>54 კგ. 1. ანდრეი იაცენკო (უკრაინა); 2. იმამ თესაევი (რუსეთი); 3. იერლან აბდულხანი (ყაზახეთი), ზანდანბუდ ზანაბაზარი (მონღოლეთი); 13. გიორგი ყაზარაშვილი (საქართველო).</p><p>58 კგ. 1. სელიმ კოზანი (თურქეთი); 2. რამაზ ზოიძე (საქართველო); 3. მაჰამადალი ალიევი (აზერბაიჯანი), ურუზბეგ ცომარტოვი (რუსეთი).</p><p>63 კგ. 1. აარონ პიკო (აშშ); 2. იუჰი ფუჯინამი (იაპონია); 3. ბაკარ აიუბოვი (რუსეთი), ტიმურ მამადოვი (აზერბაიჯანი); 18. ედუარდ ნიკოლიშვილი (საქართველო).</p><p>69 კგ. 1. აბდულმუსლიმ მუხუდინოვი (აზერბაიჯანი); 2. კამრან გასემპოური (ირანი); 3. ტიმურ ბიზოევი (რუსეთი), ალბერტს იუვჩენკო (ლატვია); 5. ტარიელ გაფრინდაშვილი (საქართველო).</p><p>76 კგ. 1. ბატირბეკ ჩაკულოვი (რუსეთი); 2. ბალრაჯ ბალრაჯი (ინდოეთი); 3. ლინუს ლუციას ვან რენსბურგი (სამხრეთ აფრიკის რესპუბლიკა), ალი მოჯერლოო (ირანი); 16. გიორგი გიორგობიანი (საქართველო).</p><p>85 კგ. 1. აბდულრაშიდ სადულაევი (რუსეთი); 2. მუჰამედ ენეს ალტუნი (თურქეთი); 3. ჟასულან იერმემბეტი (ყაზახეთი), ნურმაგომედ გაჯიევი (აზერბაიჯანი); 21. ვაჟა ომარაშვილი (საქართველო).</p><p>100 კგ. 1. ზნაურ კოჩიევი (რუსეთი); 2. ალიასგარ აკბარიზარინკოლაეი (ირანი); 3. გივი მაჭარაშვილი (საქართველო), ტურხან გურბანოვი (აზერბაიჯანი).</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ზოიძე ტიტულოვან მეტოქესთან დამარცხდა და უმედლოდ დარჩა
ნუგზარ წურწუმია მსოფლიოს ჩემპიონატზე ვერცხლის მედალს დაეუფლა
მაჭარაშვილი ფინალში გავიდა - კიდევ ოთხ ქართველს ბრინჯაოს შანსი აქვს
გივი მაჭარაშვილმა უკრაინის სახელით მოასპარეზე მურაზ მჭედლიძე დაამარცხა და ოლიმპიური თამაშების ნახევარფინალში იასპარეზებს
დათუნაშვილის ოქრო სერბეთისთვის - საქართველოს ნაკრებმა მსოფლიოს ჩემპიონატზე 5 მედალი მოიპოვა [VIDEO]
გივი მაჭარაშვილი მსოფლიოს ჩემპიონატზე ბრინჯაოს მედალს დაეუფლა
5:0. მაჭარაშვილმა მაგომედოვს მოუგო და ოლიმპიადის ფინალში გავიდა
ზოიძე ევროპის ჩემპიონატის ფინალში გავიდა - ლოლუას ბრინჯაოს შანსი აქვს
გივი მაჭარაშვილმა ოლიმპიადის ფინალში მარცხი განიცადა და ვერცხლის მედალს დაეუფლა
მხოლოდ ტალახაძის იმედად არ დაგვტოვოთ - მოჭიდავეებმა საშინლად დაიწყეს, თავისუფლებმა უნდა გამოასწორონ!..
ვლადიმერ გამყრელიძემ სადებიუტო მსოფლიოს ჩემპიონატზე ვერცხლის მედალი მოიპოვა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა