<p>რუბრიკა "ფოტოინტერვიუში" ფაჩულიასთან ერთად გავიხსენოთ ემოციებითა და დრამატიზმით აღსავსე ევრობასკეტი 2011</p><p><br> 4 სექტემბერს საქართველოს ნაკრები მეორედ ჩაებმება ევროპის ჩემპიონატის ბატალიებში.</p><p>სლოვენიაში გასამართ ევრობასკეტზე ჩვენი გუნდი ზაზა ფაჩულიასა და თორნიკე შენგელიას გარეშე ითამაშებს.</p><p>2000 წლის შემდეგ ზაზას სანაკრებო ციკლი არ გამოუტოვებია, ამჯერად კი მხოლოდ გულშემატკივრობით მოუწევს შემოფარგვლა.</p><p>მკითხველს კარგად ემახსოვრება, რომ 2011 წელს ქართველები მეორე ჯგუფურ ეტაპზე გავიდნენ და საუკეთესო 12 გუნდს შორის მოხვდნენ.</p><p>ვიდრე ევრო-2013 დაწყებულა და ქართული კალათბურთის ისტორიაში ახალი ფურცელი გადაშლილა, ზაზა ფაჩულიასთან ერთად რუბრიკა "ფოტოინტერვიუში" გავიხსენოთ ემოციებითა და დრამატიზმით აღსავსე ევრობასკეტი 2011.</p><p><img src="pictures/artimages/image17/afe336cf67cb148eb3005d7272f4610c.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>საქართველო-რუსეთი 58:65, ფაჩულია კიდევ ერთი NBA-ელის წინააღმდეგ. სხვათა შორის, ანდრეი კირილენკო ახალი სეზონიდან თორნიკე შენგელიას გვერდით "ბრუკლინ ნეთსში" იასპარეზებს.</p><p>- ანდრეი კირილენკოსთან მეგობრობა მაკავშირებს. როცა გასვლაზე მის გუნდს ვხვდებით, ყოველი მატჩის შემდეგ მეპატიჟება.</p><p>როცა ის ჩამოდიოდა "ატლანტაში", მასპინძელი მე ვიყავი. კირილენკო დადებითი პიროვნებაა და ევროპის ჩემპიონატზე მის წინააღმდეგ თამაშიც საინტერესო იყო. დასანანია, რომ რუსეთის დამარცხება ვერ შევძელით, ცოტა დაგვაკლდა.</p><p><img src="pictures/artimages/image17/e4de5dc900b9ce3ff6649ab330c962ba.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>ევროპის 2011 წლის ჩემპიონატზე საქართველომ ბევრისთვის მოულოდნელად დიდი სხვაობით აჯობა უკრაინის ნაკრებს - 69:53.</p><p>- მახსოვს, ამ შეხვედრაში ქულა-მოხსნა უხვად არ მქონია, მაგრამ ბევრი ვიშრომეთ და სწორედ უკრაინასთან დამაჯერებელი გამარჯვებით გავედით მეორე ეტაპზე.</p><p><img src="pictures/artimages/image17/27e5414a343a7a1c4e511dd61a72306b.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>სკოლის შენობა არ გეგონოთ, საქართველოს ნაკრების გასახდელია.</p><p>- ახალგაზრდებს ყველა გუნდში სხვადასხვა ხერხით ცდიან. მათემატიკა ძალიან მიყვარდა და ერთ-ერთი ვარჯიშის წინ გადავწყვიტე, ახალგაზრდა თანაგუნდელებისთვის გამოცდა მომეწყო. წესების მიხედვით, როცა მოქმედებაში გამრავლებაცაა და მიმატებაც, ჯერ გამრავლება სრულდება. სწორედ ამას შეიძლებოდა დაებნია, თუმცა, როგორც მახსოვს, გიორგი შარაბიძემ ყველაფერი კარგად შეასრულა.</p><p><img src="pictures/artimages/image17/deccbd2d2905d5ea9094b1eb3c9ba800.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>ისევე, როგორც 2013-ში, ორი წლის წინათაც საქართველოს ნაკრებმა ბოლო საკონტროლო შეხვედრა ლიტვაში ჩაატარა. ფოტოზე ზაზასა და რობერტას იავტოკასის შელაპარაკებაა აღბეჭდილი.</p><p>- ეს ის მომენტია, იავტოკასმა თორნიკე შენგელიას წინააღმდეგ რომ იუხეშა. თოკო უხერხულად დაეცა და წამოდგომა გაუჭირდა. იავტოკასს საკადრისი პასუხი გავეცი, რაც ფოტოგრაფებს არ გამოჰპარვიათ.</p><p><img src="pictures/artimages/image17/a51bee790eff43609926e6b944d1cb02.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>საქართველო-ბულგარეთი 69:79. მატჩის დასრულებამდე რამდენიმე წუთით ადრე 6 ქულის სხვაობით ვიგებდით, მაგრამ ბულგარელებმა თამაში შემოატრიალეს...</p><p>- მატჩის მსვლელობისას ვიგრძენი, რომ კუნთი გამიწყდა, მოედანი დავტოვე. მახსოვს, თორნიკე რომ მომეხმარა. ექიმებმა მიწამლეს და რადგან მნიშვნელოვანი ბრძოლა გვქონდა, მაინც დავბრუნდი, მაგრამ თამაშის სრულფასოვნად გაგრძელება ვერ მოვახერხე. სამწუხაროდ, ამ ტრავმის გამო ნაკრებს მეორე ეტაპზე ვეღარ დავეხმარე.</p><p><img src="pictures/artimages/image17/7d2e3f6af7eec9001a0f5a80fb10da28.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>უკრაინა-ბელგიის მატჩს კლაიპედას დარბაზის ლოჟიდან საქართველოს ნაკრები გულისყურით ადევნებდა თვალს. რატომ? ზაზას მოვუსმინოთ:</p><p>- თუ უკრაინელები გაიმარჯვებდნენ, მომდევნო ეტაპზე ჩვენ გავიდოდით, ხოლო ბელგიელების წარმატების შემთხვევაში გზას ბულგარეთი განაგრძობდა. უკრაინელებმა ივაჟკაცეს და მატჩის ბედი მეოთხე პერიოდამდე გადაწყვიტეს. ლოჟაში, ჩვენს ქვემოთ ბულგარეთის ნაკრების კალათბურთელები ისხდნენ და ბელგიას გულშემატკივრობდნენ... მათ მეოთხე პერიოდის დასაწყისშივე დატოვეს ლოჟა.</p><p><img src="pictures/artimages/image17/123c05301162a6f519f4709d8c7c51f2.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>2010 წელს, შესარჩევ მატჩში, თბილისში ბელგიასთან 23 ქულის სხვაობით დავმარცხდით. 2011-ში კი, ევრობასკეტის გახსნის შეხვედრა ქართველებს სწორედ ბელგიასთან ჰქონდათ და რევანშიც შედგა - 81:59.</p><p>- ამ ფოტოზე დიდიე მბენგას ვეთამაშები. იგი წლების განმავლობაში NBA-ში გამოდიოდა.</p><p>არაერთხელ მითქვამს, რომ ევროპაში იმ კალათბურთელების წინააღმდეგ გამოსვლა, რომლებსაც NBA-ს გამოცდილება აქვთ, ჩემთვის სასიამოვნოცაა და დამატებითი სტიმულიც. კარგად დაემთხვა: ევროპის 2011 წლის ჩემპიონატზე პირველი მატჩი ბელგიასთან ვითამაშეთ და სწორედ ეს გამარჯვება აღმოჩნდა გადამწყვეტი მომდევნო ეტაპზე გასვლის საქმეში.</p><p><img src="pictures/artimages/image17/a182b2d750b7eb8009685503728faf77.jpg" border="0" alt="Sportall.Ge" title="გავიხსენოთ ევრო 2011 ზაზა ფაჩულიასთან ერთად" /></p><p>2011 წლის ევრობასკეტის ბოლო მატჩის (საქართველო-საბერძნეთი 60:73) საპრესკონფერენციო დარბაზის კართან.</p><p>- მწვრთნელმა იგორ კოკოშკოვმა პრესკონფერენციაზე გიორგი შერმადინი იახლა. მისი ინგლისურის შესახებ ლეგენდები დადიოდა, მაინტერესებდა, ჟურნალისტებთან როგორ ილაპარაკებდა და შანსი ხელიდან არ გავუშვი.</p><p><strong>ყოველდღიური სპორტული გაზეთი "ლელო"</strong></p>
don
მარტალი ხარ სიამსკი
სიამსკი
მგონი სწორი არაა ყოველწუთს იმის ხაზგასმა რომ დიდი დანაკლისით ვითამაშებთ ევრობასკეტზე, მითუმეტეს თამაშის წინადღეს. ჩვენმა გუნდმა თუ მოინდომა, ასეთი შემადგენლობითაც შეგვიძლია ღირსეული თამაში. წარმატებები!
შედეგმაც არ დააყოვნა - საქართველოს ნაკრები უკვე ფიბას ოცეულშია
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
"არა რუსულ კანონს - ჩვენ უკეთესები უნდა ვიყოთ" - ქართველი სპორტსმენები ქვეყნის ევროპულ მომავალს უჭერენ მხარს
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ