<p><span style="line-height: 1.3em;" />ტოკიო 2020 წლის ზაფხულის თამაშების მასპინძელი გახდა <br> </span>იაპონიის დედაქალაქი ტოკიო 2020 წლის ოლიმპიური თამაშების მასპინძლად აირჩიეს. მთავარი სპორტული ფორუმი ამ ქალაქში 56 წლის შემდეგ ბრუნდება.</p><p>საერთაშორისო ოლიმპიური კომიტეტის 125-ე სესია ბუენოს აირესში მიმდინარეობს. დღის წესრიგში სამი მთავარი საკითხი დგას: 2020 წლის ოლიმპიადის დედაქალაქის არჩევა, ამ თამაშების პროგრამის დამტკიცება და სოკ-ის ახალი პრეზიდენტის არჩევნები.</p><p>შაბათი დღე მთლიანად დაეთმო სამ პრეტენდენ ქალაქს - სტამბოლს, ტოკიოსა და მადრიდს შორის არჩევის პროცედურას.</p><p><strong><span style="color: #ff0000;">ტოკიო</p><p></span></strong>ამ სამეულიდან ტოკიო ისე ხშირად არ "აწუხებდა" სოკ-ს, როგორც სტამბოლი, რომელიც ბოლო ექვსი ოლიმპიადიდან მეხუთედ იბრძოდა თამაშების მოსაპოვებლად. თუმცა ტოკიო სულ ცოტა ხნის წინ ცდილობდა 2016 წლის ოლიმპიადის მიღებას, მაგრამ კენჭისყრის მეორე რაუნდში გავარდა - მადრიდთან და რიო-დე-ჟანეიროსთან წააგო. იაპონიის დედაქალაქის განაცხადის ძლიერი მხარე იყო ყველა ოლიმპიური ობიექტის კომპაქტური განლაგება (მხოლოდ სამი არენა იქნება ოლიმპიური სოფლიდან რვა კილომეტრის მოშორებით) და ულტრათანამედროვე და ეკოლოგიური ტექნოლოგიების გამოყენება. გარდა ამისა, იაპონიას 2019 წელს კარგი საორგანიზაციო რეპეტიციის გავლა შეეძლება - იქ თვენახევრის განმავლობაში გაიმართება რაგბში მსოფლიოს თასის გათამაშება.</p><p>რაც შეეხება ტოკიოს განაცხადის სუსტ მხარეს, ეს არის პრობლემა ფუკუსიმას ატომურ ელექტროსადგურთან დაკავშირებით. იაპონელებმა სცადეს საზოგადოების დამშვიდება - რადიაციით დაბინძურებულია პატარა ოლქი, რომელიც დიდი მანძილით არის დაშორებული ტოკიოსგან. თუმცა იმის გარანტია არავის მიუცია, რომ მორიგი ძლიერი მიწისძვრა ახალ რადიოაქტიურ კატასტროფას არ გამოიწვევს.</p><p><strong><span style="color: #ff0000;">სტამბოლი</span></strong></p><p>სტამბოლი დიდი ხანია ოცნებობს ოლიმპიადის მიღებაზე. 2000-2012 წლებში, ოლიმპიური დედაქალაქის არც ერთი არჩევნები არ ჩატარებული ამ ქალაქის გარეშე. ასეთი "სიჯიუტე" თურქების განაცხადის ერთ-ერთ დადებით მხარედ უნდა შეფასებულიყო - სოკ-ის წევრთა უმრავლესობას, ალბათ, ზეპირად ექნებოდა შესწავლილი სტამბოლის ყველა არენა და ინფრასტრუქტურა. ამასთან, თურქები კომიტეტს სახელმწიფოს მხრიდან მხარდაჭერასა და უდიდეს ბიუჯეტს დაპირდნენ. ამის დასადასტურებლად, ბუენოს აირესში ჩავიდა თურქეთის პრემიერ-მინისტრი და წარსულში სტამბოლის მერი ერდოგანი.</p><p>სოკ-ის წევრებზე შთაბეჭდილების მოსახდენად თურქებმა ოლიმპიადის საინტერესო კონცეპცია მოიგონეს - ქვეყნის უდიდესმა ქალაქმა, რომელიც ერთდროულად აზიასა და ევროპაში მდებარეობს, აღმოსავლეთი და დასავლეთი უნდა გააერთიანოს. სოკ-ის მუსულმან წევრებს კი მუდმივად ახსენებდნენ, რომ აქამდე ოლიმპიადა არასოდეს ჩატარებულა ისლამის ქვეყანაში.</p><p>სტამბოლს რამდენიმე მინუსი ჰქონდა: თურქეთის საგარეო პოლიტიკა, რადგან ქვეყანას რთული ურთიერთობები აქვს საბერძნეთთან, სომხეთთან, ისრაელთან, გარდა ამისა, თურქები მხარს უჭერენ სირიის მიმართ სამხედრო აგრესიას. ქვეყნის შიგნით მოგვარებული არ არის ქურთების პრობლემა, რომლებთან კონფლიქტს, შეიძლება ხელი შეეშალა ოლიმპიადის მშვიდად ჩატარებისთვის. და კიდევ, მსოფლიოს სპორტულ საზოგადოებაში თურქეთს სახელი აქვს გატეხილი, რადგან ქვეყანაში ცუდად ებრძვიან დოპინგს.</p><p><strong><span style="color: #ff0000;">მადრიდი</span></strong></p><p>მადრიდი აქცენტს აკეთებდა ყველა სპორტული ობიექტის 80-პროცენტიან მზადყოფნაზე და მოკრძალებულ ბიუჯეტზე, რომელიც დანარჩენი 20 პროცენტისთვის იყო საჭირო. ამასთან, ესპანეთის დედაქალაქს არ აქვს პრობლემა სასტუმროებთან და სხვა ტურისტულ ინფრასტრუქტურასთან დაკავშირებით. მადრიდს შეიძლებოდა სოლიდური მხარდაჭერა ჰქონოდა სოკ-ის წევრთა ესპანურენოვანი ჯგუფისგან.</p><p>მაგრამ, საერთაშორისო ოლიმპიური კომიტეტი აუცილებლად შეამჩნევდა ესპანეთში 27-პროცენტიან უმუშევრობას და მეშვიდე ადგილს მსოფლიოში საგარეო ვალის რაოდენობით. არ არსებობს იმის გარანტია, რომ შვიდი წლის შემდეგ, ქვეყანა ფინანსურად მყარად დადგება ფეხზე. სწორედ ფინანსური გარანტიების არარსებობის გამო მოხსნა თავისი კანდიდატურა და ვერ მიაღწია ბუენოს არესამდე რომმა. გარდა ამისა, ყველას ახსოვდა ბასკი ტერორისტები და კატალონელი სეპარატისტები, რომელთაგანაც ნებისმიერ დროს არის მოსალოდნელი პროვოკაცია.</p><p><strong><span style="color: #ff0000;">არჩევა</span></strong></p><p>რაც შეეხება არჩევნების შედეგებს, პირველ რაუნდში ვერც ერთმა კანდიდატმა ვერ მიიღო ხმების უმრავლესობა: ტოკიოს 42 ხმა ჰქონდა, მადრიდსა და სტამბოლს – 26- 26 ხმა (მათ შორის გაიმართა დამატებითი კენჭისყრა, რომელიც თურქების გამარჯვებით დასრულდა და მეორე რაუნდში სტამბოლი გადავიდა).</p><p>ბოლო კენჭისყრა ორ დარჩენილ კანდიდატს შორის დიდი უპირატესობით მოიგო ტოკიომ - 60 ხმა 36-ის წინააღმდეგ. ეს ქალაქი 1964 წლის შემდეგ მეორედ უმასპინძლებს ზაფხულის თამაშებს. გარდა ამისა, იაპონიაში 1998 წელს გაიმართა ზამთრის თამაშები, რომლის ორგანიზატორი იყო ნაგანო.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/skhvadaskhva/olimpizmi/54589-tokio-2020-tslis-zafkhulis-olimpiur-thamashebs-umaspindzlebs.html" target="_blank">ტოკიო 2020 წლის ზაფხულის ოლიმპიურ თამაშებს უმასპინძლებს</a></p>
ვისოლის“ გუნდის წევრი გიორგი კოდუა King of Drift 2026-ის ჩემპიონი გახდა
როგორ განაპირობებს წარმოების ხარისხი ეზოს ფილების ხანგრძლივ ექსპლუატაციას?
მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა