არსენალის შანსი და ჩელსის პრობლემები

პრემიერლიგა: სერ ალექს ფერგიუსონი რუნის ძირითადში თამაშს ეჭვობს წინა ტურში ყველაზე მეტად „არსენალმა“ იხეირა: არსენ ვენგერის ბიჭებმა სტუმრად დაამარცხეს „ევერტონი“ 2:1, მაშინ, როდესაც მისი უმთავრესი კონკურენტები „ჩელსი“, „მანჩესტერ იუნაიტედი“ და „მანჩესტერ სიტი“ პირში ჩალაგამოვლებულები დარჩნენ - მანჩესტერის გუნდებმა „ასტონ ვილასა“ და „ბირმინგემთან“ ფრედ ითამაშეს, ჩემპიონმა კი შინ „სანდერლენდთან“ წააგო და თან 3:0. ერთი სიტყვით, ეს ერთი კვირაა პრემიერლიგის ცხრილში „ჩელსისა“ და „არსენალს“ შორის მხოლოდ ორქულიანი სხვაობაღაა დარჩენილი და თუ...აი, ახლა კი, მოდი, ამ „თუ“-ზე ვილაპარაკოთ: მე-14 ტურს სწორედ „არსენალი“ ხსნის - „ტოტენჰემს“ ეთამაშება - ესეც თქვენ ლონდონური დერბი. თან, „ტოტენჰემთან“ ხუმრობა არ შეიძლება - მართალია, მე-7 ადგილზეა და ქულებით ლიდერთა ჯგუფს ცოტა ჩამორჩა, მაგრამ ის გუნდია, ჩემპიონთა ლიგაში „ინტერს“ თავს რეტი რომ დაასხა.და რას გვეუბნება ამ დროს სტატისტიკა? სტატისტიკა ამბობს, რომ „არსენალმა“ „სფურზს“ ამ სეზონში ერთხელ უკვე მოუგო - ლიგის თასის მესამე ეტაპზე, 4:1 - ხოლო ჩემპიონატის შეხვედრებში, მთელი 11 წლის განმავლობაში, მხოლოდ ერთხელ დამარცხდა. ამ შეხვედრაში საინტერესოა, რას იზამს „არსენალის“ ყოფილი ფეხბურთელი, ფრანგი უილიამ გალასი, რომელსაც 2006 წლიდან „მეთოფეთა“ გუნდში დიდებული პერიოდი აქვს გატარებული, მაგრამ ახლა „სფურზის“ წევრია და „ემირეიტ სთედიუმზე“ მეტოქედ ბრუნდება.„სფურზის“ შემადგენლობაში ბრუნდება გამოჯანმრთელებული ჯერმაინ დეფო, რომელსაც კოჭის ტკივილის გამო მთელი თვე გაუცდა. მყესის რტავმას სავარაუდოდ დაძლევს აარონ ლენონი, ნიკო კრანჩარი კი ვერ ითამაშებსო, ასე თქვეს „დეზებიანთა“ ექიმებმა.„ჩელსი“, როგორც გითხარით ბირმინგემში მიდის იქაურ „სიტისთან“ სათამაშოდ. მასპინძლებმა, შეიძლება, სასტარტო შემადგენლობაში ლი ბოიერი ათამაშონ. ის, სავარაუდოდ, „სიტისთან“ დაშავებული კრეიგ გარდნერის ადგილს დაიკავებს. არ არის გამორიცხული ალექს მაკლიშმა გარდნერი თამაშის წინ ექიმებს შეამოწმებინოს და თუ ნებას დართავენ, ათამაშოს.„ჩელსის“, მოგეხსენებათ, დაცვაში აქვს პრობლემა - დაშავებულები არიან ჯონ ტერი და ალექსი, ნახევარდაცვაში არ იქნება ფრენკ ლემპარდი, ხოლო თავდამსხმელ დიდიე დროგბას მალარია სჭირს.„მანჩესტერ იუნაიტედი“ „უიგანს“ მასპინძლობს და ამ შეხვედრაში შეიძლება მოედანს უეინ რუნი დაუბრუნდეს. რუნი „იუნაიტედის“ შემადგენლობაში ბოლოს ოქტიმბერში, „ვესტ ბრომვიჩთან“ შეხვედრაში ნახეს, ისიც ცოტა ხნით. მას მერე, ფორვარდმა მანჩესტერის გუნდთან ახალ კონტრაქტს მოაწერა ხელი - კვირაში 250 ათას ფუნტს მიიღებს - და სამკურნალოდ ამერიკას გაეშურა.„არა მგონია ის თავიდანვე ვათამაშო - უთხრა მანჩესტერელთა მწვრთნელმა სერ ალექს ფერგიუსონმა რადიო Key 103-ს - თუმცა, შუა კვირაში, ჩემპიონთა ლიგაში „რეინჯერსთან“ აუცილებლად ვათამაშებ“.საეჭვოა რაიან გიგზისა და რაფაელის თამაშის ამბავიც.„მანჩესტერ სიტი“ კვირას ესტუმრება „ფულჰემს“. „სიტიში“ განსაკუთრებული სიახლე არაფერია, თუ იმას არ ჩავთვლით, რომ ადამ ჯონსონი, რომელზეც ერთი ხნის წინ ამბობდნენ, გუნდიდან გაქცევას აპირებსო, ისტლენდელებს ერთგულებას ეფიცება.„ლივერპული“ „ვესტ ჰემს“ მასპინძლობს. მერსისაიდელებს დიდი პრობლემა აქვთ: კაპიტანი სტივენ ჯერარდი გამოაკლდათ და თან დიდი ხნით. ლუკასი ერთი მატჩით დისკვალიფიცირებულია - წინა ტურში „სტოკთან“ 2:0 წაგების სღეს იგი მოედნიდან გააძევეს. სამი თამაში გამოსტოვა და საქმეს უბრუნდება გლენ ჯონსონი, შესაძლოა ფაბიო აურელიოც ვიხილოთ. ვერ იქნება ჯო კოული, რომელსაც ორთავა კუნთი სტკივა.დღესარსენალი-ტოტენჰემი 16:45ბირმინგემი-ჩელსი 19:00ბლექპული-ვულვზი 19:00ბოლტონი-ნიუკასლი 19:00მანჩესტერ იუნაიტედი-უიგანი 19:00ვესტ ბრომვიჩი-სტოკი 19:00ლივერპული-ვესტ ჰემი 21:30ხვალბლექბერნი-ასტონ ვილა 17:30ფულჰემი-მანჩესტერ სიტი 20:00ზეგსანდერლენდი-ევერტონი 24:001. ჩელსი 13 9 1 3 28:8 282. არსენალი 13 8 2 3 26:12 263. მანჩესტერი 13 6 7 0 26:15 254. სიტი 13 6 4 3 15:10 225. ბოლტონი 13 4 7 2 21:19 196. სანდერლენდი 13 4 7 2 15:13 197. ტოტენჰემი 13 5 4 4 18:17 198. ნიუკასლი 13 5 3 5 21:16 189. ასონ ვილა 13 4 5 4 15:18 1710. სტოკი 13 5 1 7 15:18 1611. ლივერპული 13 4 4 5 13:17 1612. ვესტ ბრომვიჩი 13 4 4 5 16:22 1613. ევერტონი 13 3 6 4 14:13 1514. ბლექბერნი 13 4 3 6 15:18 1515. ბლექპული 13 4 3 6 19:26 1516. ფულჰემი 13 2 8 3 13:13 1417. უიგანი 13 3 5 5 10:21 1418. ბირმინგემი 13 2 7 4 14:17 1319. ვულვზი 13 2 3 8 13:23 920. ვესტ ჰემი 13 1 6 6 11:22 9ბომბარდირები: 7 – ქეროლი (ნიუკასლი), მალუდა (ჩელსი), ნოლანი (ნიუკასლი), ტევესი (მანჩესტერ სიტი); 6 - ტ. კეჰილი (ევერტონი), ბენტი (სანდერლენდი), ბერბატოვი (მანჩესტერ იუნაიტედი), ელმანდერი (ბოლტონი), დროგბა (ჩელსი); 5 –კალუ (ჩელსი), შამახი (არსენალი), ასამოა (სანდერლენდი), ტორესი (ლივერპული), ვან დერ ვაარტი (ტოტენჰემი); 4 — დევისი (ბოლტონი), ნანი (მანჩესტერ იუნაიტედი), ნასრი (არსენალი), უოლკოტი (არსენალი), დემპსი (ფულჰემი).

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

35 წლის ასაკში ოსკარმა საფეხბურთო კარიერა დაასრულა

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEO] გულიაშვილის დუბლს პიკეს გუნდმა ექვსი გოლით უპასუხა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

"ის ჩემთვის მსოფლიოში საუკეთესოა" - რონალდინიო

პეპ გვარდიოლამ "ლივერპულთან" პირადი რეკორდი დაამყარა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა