- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მსოფლიოს ახალგაზრდული ჩემპიონატი ძიუდოში: ბედმა მწარედ დაგვცინა
<p>23 ოქტომბერს ლუბლიანაში ახალგაზრდა ძიუდოისტთა შორის მსოფლიოს ჩემპიონატი იწყება <br> 23 ოქტომბერს ლუბლიანაში მსოფლიოს ჩემპიონატი იწყება ახალგაზრდა ძიუდოისტთა შორის, რომელშიც საქართველოდან მხოლოდ ბიჭების ნაკრები გამოვა - სრულად დაკომპლექტებული, ანუ 10-კაციანი გუნდით, თუმცა ერთი წონის ჩაგდებით. მოგეხსენებათ, 60-ში მონაწილე არ გვეყოლება.</p><p>ტურნირს ბიჭებიდან 55-ის და სწორედ 60-ის წარმომადგენლები გახსნიან, ანუ დღეს საქომაგო მხოლოდ ევროპის შარშანდელი ვიცე-ჩემპიონი ახალგაზრდებში ლერი ჭელიძე გვეყოლება. ის პირველივე წრეში მონღოლ ბატბაიარ ბარსურენს ხვდება, ამათში მოგებულს კი მეორე წრეში ავსტრალიელი მარკ ტობინი ელოდება.</p><p>24 ოქტომბერს ჩვენებიდან საჭიდაოდ გელა კელიხაშვილი (66), ლევან გუგავა და ფრიდონ გიგანი (ორივე - 73) გავლენ. მონღოლთან შეხვედრით დაიწყებს ჩემპიონატს კელიხაშვილიც, ვინც წლეულს ნაკრებიდან უფროსებში საქართველოს ჩემპიონი, თბილისის ევროპის ღია თასის მესამე პრიზიორი ტრისტან ფეიქრიშვილი ამოაგდო გუნდიდან - მას მეტოქედ ტუმენასან ერდენეტოგტოხი ერგო. ვერ ვიტყვით, რომ ჩვენებურს წილისყრამ გაუმართლა.</p><p>მართალია, ასცდა იაპონელი მსოფლიოს ჩემპიონი შო ტატეიამა, მაგრამ მის ქვეჯგუფშია მეორე იაპონელი იუუკი ჰაშიგუჩი, ამ ასაკში ბერძენთა ზედიზედ ორგზის ევროპის ჩემპიონი გეორგიოს აზოიდისი, ევროპის წლევანდელი უნგრელი მესამე პრიზიორი მარტინ ვეგვარი.</p><p>თან, აქ ლაპარაკია მხოლოდ ქვეჯგუფზე, სადაც ანგარიშგასაწევნი სხვებიც არიან, ხოლო ნახევარფინალამდე კიდევ ელოდებიან ძლიერები, მაგალითად - ქვედა წონიდან ამონაცვლებული ევროპის შარშანდელი ახალგაზრდულის მომგები რუსი ზაურ კალაშაოვი. ისე კი, ეს წონა ყველაზე მრავალრიცხოვანია - 62 მონაწილე გამოდის!</p><p>ამ ასაკში ევროპის წლევანდელი ვიცე-ჩემპიონი გუგავა თავიდან პოლონელ დამიენ სტეპიენს ხვდება, ამ ბარიერის გავლის შემთხვევაში კი მოლდოველ ნიკონ ზაბოროსციუცსა და შვედ ტომი მატიასს შორის მოგებულს დაეჭიდება. ამ ასაკის ვარსკვლავებით გადატვირთული არც მისი ქვეჯგუფია, თუმცა იაპონელი კი ჰყავს მეტოქედ. გააჩნია, რამდენად მოასწრო ჩვენებურმა ძალების აღდგენა ევროპის პირველობის შემდეგ.</p><p>საკმაოდ თანაბარძალოვან და არც ისე ძლიერ ჯგუფშია ევროპის კიდევ ერთი შარშანდელი ვიცე-ჩემპიონი გიგანიც, სადაც შედარებითობის პრინციპით ორ მეტოქეს გამოვარჩევთ - ჩეხი იაკუბ იაცმინეკი უფროსებში საკმაოდ გამოცდილია, ბელგიელი სამი ჩოუჩი კი ევროპის წლევანდელი მესამე პრიზიორია.</p><p>თუმცა არა გვგონია, ისინი დიდად აღემატებოდნენ გიგანს. ისე კი, ჩვენებურს მთლად ხელწამოსაკრავი მეტოქე არც პირველ წრეში ეყოლება - იტალიელი ანტონიო ესპოზიტო. ამ წყვილის გამარჯვებული მერვედფინალში გასასვლელად სწორედ ჩოუჩსა და ლატვიელ მიხალის სტაინბუკსს შორის მოგებულს დაეჭიდება.</p><p>გიგანი ნახევარფინალამდე თუ მივიდა, იქ სავარაუდო მეტოქედ ევროპის წლევანდელი გაბერძნებული ჩემპიონი რომან მასტოპულოსი ელოდება, რომელიც, სინამდვილეში, ქართველია - გიორგი რევაზიშვილის ვაჟი, ევროპის პირველობის ფინალში კი გუგავას მოუგო.</p><p>25 ოქტომბერს 81 და 90 კილოგრამის ფალავნები იჭიდავებენ. ჭაბუკებში მსოფლიოს ვიცე-ჩემპიონი ბექა დონღვანი (81) პირველ წრეში ფილიპინელ კოდო ნაკანოს ეპაექრება, მასთან მოგების შემთხვევაში კი ევროპის წლევანდელი ბულგარელი ბრინჯაოსპრიზიორი ივაილო ივანოვი ელოდება.</p><p>ჩვენი გუნდის ლიდერი, ჭაბუკებში ყველაფრის მომგები და ახალგაზრდებში ევროპის ჩემპიონი ბექა ღვინიაშვილი (90) პირველ წრეში ისვენებს, თან, ირანელი რამინ საფავიენისა და სლოვაკი არპად სზაკაცსის შეხვედრას დაელოდება, სადაც მისი მომავალი მეტოქე გაირკვევა.</p><p>ამავე ჯგუფშია ჰოლანდიელი მიხაელ კორელიც, ვისაც ღვინიაშვილმა წლევანდელი ევროპირველობის ფინალში ბრწყინვალედ მოუგო. მას ძლიერებიდან ნახევარფინალში სავარაუდო მეტოქეებად უნგრელთა წლევანდელი ევროპის პრიზიორი გერგო ფოგასი და კორეელი ჯინ კიუნ ჰანი ელოდებიან.</p><p>თუმცა ჩვენებურს ისეთები დაუმარცხებია, წესით, დიდი წინააღმდეგობა ვერც ამათ უნდა გაუწიონ, მაგრამ თვითონაც მაქსიმალურად მობილიზებული უნდა გავიდეს ყველა მეტოქესთან და სათანადოდ შეაფასოს ისინი.</p><p>ამავე წონაში ლაშა ტაველური თავიდან მასპინძელ ტადეი მულეცს ხვდება, ამათში მოგებულს კი ებრაელი ლი კოჩმანი ელოდება.</p><p>26 ოქტომბერს 100-ისა და +100-ის ფალავნებს ვიხილავთ ტატამზე. ევროპის წლევანდელი გამარჯვებული გურამ თუშიშვილი (100) პირველ წრეში ისვენებს, მეორეში კი შეიძლება იმ გერმანელ ლეონ შტრუბერს შეხვდეს, ვისაც ევროპირველობის ნახევარფინალში მოუგო (სამაგიეროდ, გერმანელმა რევანში ბრინჯაოსთვის პაექრობაში თორნიკე ოთინაშვილთან აგვიღო).</p><p>საამისოდ შტრუბერმა მავრიტანიელი ჰასლეი ადონისი უნდა დაამარცხოს, რაც დროის ამბავი გვგონია.</p><p>თუ ჩვენებური ამ ბარიერსაც გაივლის, შესაძლოა, მერვედფინალში ევროპირველობიდან ნაცნობი კიდევ ერთი მეტოქე - ავსტრიელი მაქსიმილიან ჰაგენდერი შეხვდეს, სარაევოში ევროპის ჩემპიონატზე პირველივე წრეში რომ აჯობა.</p><p>ქართველი თუ ნახევარფინალში გავა (რაც ამ წილისწყრიდან სავსებით შესაძლებელია, ოღონდ აქ კორეელ ლეეჰიუნ კიმსაც ნუ დავივიწყებთ), იქ ერთ-ერთ სავარაუდო მეტოქედ ფრანგი ნაბილ მაჩტროუც ელოდება, ვისაც ევროპირველობის ფინალში მოუგო.</p><p>სამაგიეროდ, მძიმე წონაში ბედმა მწარედ დაგვცინა- ლევან მატიაშვილი და გიორგი ზაქარიაძე ერთ ჯგუფში მოხვდნენ. თან უკვე მესამე წრეში შეიძლება შეხვდნენ ერთმანეთს. ბედის ირონიით, აქვეა რუსი ანტონ კრივობოკოვი, რომელმაც სარაევოში, ევროპის წლევანდელ პირველობაზე ორივე ჩვენებურს მოუგო.</p><p>ამავე ქვეჯგუფშია უკრაინელი ევროპის პრიზიორი იაკიმ ხამოც...</p><p>კონტინენტის წლევანდელი ვიცე-ჩემპიონი მატიაშვილი თავიდან ისვენებს, მერე კი ფრანგ ემრე სანალსა და მასპინძელ ვიტო დრაგიჩს შორის მოგებულს შეხვდება.</p><p>ევროპის წლევანდელი ბრინჯაოსმედალოსანი ზაქარიაძე თავიდან უზბეკ ელიორ მაშარიპოვს ხვდება, მასთან წარმატებისას კი ბოსნიელი ჰარუნ სადიკოვიჩი ან მექსიკელი ხოსე კუევასი ელოდებიან.</p><p>ჩვენებურები ამის შემდეგ - მეოთხედფინალში თუ შეხვდებიან ერთმანეთს, ნახევარფინალში კი კრივობოკოვი, ხამო და სხვები მოდიან...</p><p>ლუბლიანაში მსოფლიოს ჩემპიონატი 27 ოქტომბერს დამთავრდება გუნდური ტურნირით, რაც პირველი შემთხვევაა ახალგაზრდული ძიუდოს ისტორიაში.</p><p><strong>ყოველდღიური სპორტული გაზეთი "ლელო"</strong></p>
ევროპის ჩემპიონატზე საქართველოს ნაკრების შემადგენლობა ცნობილია
[VIDEOS] ორი ოქრო და ორი ბრინჯაო! - თბილისის გრანდ სლემის ბოლო საშეჯიბრო დღე
ორი ოქროსა და სამი ბრინჯაოს შანსი - თბილისის გრანდ სლემის ბოლო საშეჯიბრო დღე
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა