- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ჩემპიონატი რაგბიში: "აია" ლიდერია, "ლელო" - ჩემპიონი
<p>საქართველოს ჩემპიონატის პირველი წრის დასრულებამდე ორი ტურიღა დარჩა <br> საქართველოს ჩემპიონატის პირველი წრის დასრულებამდე ორი ტურიღა დარჩა. გათამაშების ცხრილს სათავეში ქუთაისის "აია" უდგას, თუმცა ისიც გასათვალისწინებელია, რომ მის უახლოეს მდევარ თბილისის "ლელოს" ერთი თამაში თადარიგში აქვს.</p><p>ვინ იქნება პირველი წრის გამარჯვებული, ამაზე პასუხი, შესაძლოა, ახლავე, მერვე ტურში მივიღოთ.</p><p>ქვეყნის მოქმედი ჩემპიონი "ლელო" გათამაშების ლიდერს, "აიას" სტუმრობს. მასპინძელთა გამარჯვების შემთხვევაში ისინი მეტოქეთაგან მიუწვდომელნი შეიქნებიან და პირველ წრეს მოიგებენ.</p><p>ქუთათურები ამ შედეგის საჩვენებლად ყველაფერს იღონებენ. ბესიკ ხამაშურიძისა და კობა გიორგაძის გაწვრთნილი გუნდი წლეულს ძალზე სოლიდურად გამოიყურება.</p><p>"აიას" მორაგბეები, უწინდელთან შედარებით, ნაკლებ შეცდომებს უშვებენ და წარმატების მიღწევის შანსს მაქსიმალურად იყენებენ. ერთი სიტყვით, გუნდი სტაბილურად ძლიერად თამაშობს.</p><p>საგრძნობლად მოღონიერდა ქუთაისელთა უკანა ხაზი. საქართველოს შვიდკაცა რაგბის ნაკრების წევრებს - ზურაბ ძნელაძეს და გიორგი ფრუიძეს მხარი 19-წლამდელთა ნაკრების მოთამაშეებმა - რეზო ჯინჭველაშვილმა და თემურ თუთბერიძემაც აუბეს.</p><p>"აიას" ლელოების უმრავლესობა სწორედ უკანა ხაზის მორაგბეების ანგარიშზე მოდის. სამწუხაროა, რომ საქართველოს ჩემპიონატის ლიდერი გუნდიდან ეროვნულ ნაკრებში, რომელიც ნოემბრის ტესტებზე სამ მატჩს გამართავს, ვერავინ მოხვდა.</p><p>"ლელოს", ცხადია, ქუთაისში უმძიმესი ბრძოლა ელის. თბილისური გუნდი, წესით, მატჩს უკეთ მომზადებული უნდა შეხვდეს, რადგან წინა, მე-7 ტურში ისვენებდა ("არმაზთან" მატჩი დეკემბრისთვის გადაიდო). შესაბამისად, ლელოელები ძალების აღდგენას და მიკროტრავმების მოშუშებას მოასწრებდნენ.</p><p>"აიას" კი ამ დროს ურთულესი ბრძოლა გადახდა სტუმრად "არმიასთან".</p><p>"ლელო" არაფერს დაიშურებს, რომ წინ გაჭრილი მეტოქე დაამუხრუჭოს. გამორიცხული არ არის, ამ შეხვედრაში გუნდს მგეზავი ლაშა ხმალაძე დაუბრუნდეს, რომელიც "ბორჯღალოსნების" შემადგენლობაშიცაა გამოძახებული. მის გარდა ჩემპიონები ეროვნულ გუნდში კიდევ ორ მორაგბეს, ფულბეკ ირაკლი ყიასაშვილს და შერკინების კვაჭ რეზო ბელქანიას მიავლენენ.</p><p>ლიდერებს ბევრად არ ჩამორჩება ქვეყნის მრავალგზის ჩემპიონი თბილისის "ლოკომოტივი". თემურ ბენდიაშვილი ბევრისთვის სრულიად უცნობი მორაგბეებით, რომლებიც გუნდის უმრავლესობას წარმოადგენენ, სასწაულებს სჩადის. რკინიგზელებმა მხოლოდ ორი მატჩი წააგეს მოქმედ ჩემპიონ "ლელოსთან" და წლეულს საგრძნობლად მოღონიერებულ "არმაზთან".</p><p>შესანიშნავ ფორმაშია "ლოკომოტივის" ფულბეკი ბექა წიკლაური, რომელიც ტრავმის მოშუშების მერე ფორმაში შესული მესამეხაზელის, გივი ბერიშვილის დარად, საქართველოს ნაკრებში მიიწვიეს. მიუხედავად ყველაფრისა, მწყობრი და ძველებურად მძლავრი თამაშის მისაღწევად, "ლოკომოტივს" ჯერ კიდევ ბევრი გარჯა მოუწევს.</p><p>მერვე ტურში რკინიგზელები ერთ-ერთ აუტსაიდერს, "ბათუმს" უმასპინძლებენ, რომელმაც ექვსი მატჩი გამართა და მხოლოდ ერთი მოიგო.</p><p>ბათუმელთაგან, თამამად შეიძლება ითქვას, რომ წლეულს ყველა გაცილებით მეტს ელოდა. გუნდს გამოცდილი დამრიგებელი, ლევან მგელაძე მოძღვრავს და არც ფინანსურად უჭირს.</p><p>შესაძლოა, "ბათუმის" ასეთი წარუმატებელი პირველი წრე ლოგიკურიცაა, რადგან სეზონის დაწყების წინ გუნდი ყველა მიწვეულმა მოთამაშემ დატოვა და ადგილობრივი კადრების ამარაღა დარჩა. ძნელი სათქმელია, რა სტრატეგიული გათვლა აქვს მგელაძეს, თუმცა ფაქტია, რომ "ბათუმი" აუტსაიდერია და უმაღლეს ლიგაში ადგილის შენარჩუნებისთვის იბრძვის.</p><p>წლეულს, ბოლო ორი სეზონისგან განსხვავებით, ბევრად უკეთესად ასპარეზობს ბოლნისის "ყოჩები", რომელიც სატურნირო ცხრილში მეოთხე ადგილზე იმყოფება და კარგი შანსი აქვს, არა მარტო პლეი ოფში მოხვედრისთვის, არამედ მედლებისთვისაც იბრძოლოს.</p><p>"ყოჩებმა", რკინიგზელთა მსგავსად, მხოლოდ ორი მატჩი დათმეს, თუმცა ერთიც ფრედ ითამაშეს. გუნდი ნელ-ნელა ძალას იკრებს და თავდაჯერებულობაც ემატება. ბოლნისელებს მერვე ტურში მორიგი სერიოზული გამოცდა ელოდებათ. მათი მეტოქე "არმია" იქნება, რომელიც, მართალია, კრიზისში იმყოფება, მაგრამ მაინც ანგარიშგასაწევი ძალაა და როდის გამოაჩენს "ბასრ ბრჭყალებს", არავინ იცის.</p><p>არმიელებმა ექვსი თამაშიდან ორი მოიგეს, ერთი ფრედ დაასრულეს, სამი წააგეს და სატურნირო ცხრილში მათთვის უჩვეულო, მე-7 ადგილზე იმყოფებიან.</p><p>ძნელი ასახსნელია, რითაა გამოწვეული ამ გუნდის ასეთი კრიზისი. "არმიას" სხვა გუნდებთან შედარებით ბევრად უკეთესი ფინანსური მდგომარეობა აქვს და სეზონისწინა მზადებაც სრულყოფილად გაიარა.</p><p>ძნელი სათქმელია, ჩავარდნა დროებითია თუ არა, თუმცა ფაქტია, რომ გუნდს აშკარად უჭირს მობილიზება და გამარჯვებისკენ ძველებურად დაუოკებელი სწრაფვა.</p><p>"ყოჩებს" კვალში უდგას თბილისის "არმაზი", რომელსაც ერთი მატჩი ასევე თადარიგში აქვს. არმაზელები 26 ოქტომბერს "შევარდენის სანაკრებო ბაზაზე" თბილისის "აკადემიას" დაუპირისპირდებიან, რომელიც ჯერჯერობით სატურნირო ცხრილის მეორე ნახევარში იმყოფება.</p><p>თამაში, წესით, უშეღავათო უნდა გამოდგეს. აკადემიელებს, ფაქტობრივად, უკან დასახევი გზა მოჭრილი აქვთ და, სავარაუდოდ, მეტოქეს იოლად არაფერს დაუთმობენ.</p><p><strong>სატურნირო მდგომარეობა</p><p></strong><em>ა გ თ მ ფ წ ბ ქ</p><p></em>1. აია 7 6 0 1 +79 28</p><p>2. ლელო 6 5 0 1 +79 23</p><p>3. ლოკომოტივი 7 5 0 2 +37 23</p><p>4. ყოჩები 7 4 1 2 +30 20</p><p>5. არმაზი 6 4 0 2 +18 18</p><p>6. ჯიქები 7 2 2 3 +18 15</p><p>7. არმია 6 2 1 3 +18 13</p><p>8. აკადემია 6 1 0 5 -106 5</p><p>9. ბათუმი 6 1 0 5 -86 5</p><p>10. ხარები 6 0 0 6 -87 2</p><p><span style="text-decoration: underline;">VIII ტური</p><p></span>აია-ლელო, ლოკომოტივი-ბათუმი, არმია-ყოჩები, ჯიქები-ხარები, არმაზი-აკადემია.</p><p><strong>ყოველდღიური სპორტული გაზეთი "ლელო"</strong></p>
დიდი 10 | აია 41:21 წიქარა
დიდი 10 | ყაზბეგი 0:16 ხვამლი
crocobet დიდი 10-ის განახლება ერთი კვირით გადაიდო
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება
შეინარჩუნებს პოსტს? - ტუდორის ბედი "ლივერპულთან" მატჩზე გადის
"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო
"ნაპოლი" ჰოილუნდს 44 მილიონ ევროდ გამოისყიდის