ადებაიორი იუვეს დაუახლოვდა

ბუფონმა კი ვარჯიში დაიწყო იტალიელი ჟურნალისტების მიერ გავრცელებული ინფორმაცია განსაკუთრებით ტურინის “იუვენტუსის” გულშემატკივრებს გაახარებთ. ოთხთვიანი შესვენების შემდეგ, სავარჯიშო მოედანს მსოფლიოს ერთ-ერთი საუკეთესო კიპერი ჯანლუიჯი ბუფონი დაუბრუნდა. შეგახსენებთ, რომ ჯიჯი 2010 წლის მსოფლიოს ჩემპიონატის პირველივე შეხვედრაში პარაგვაის წინააღმდეგ თამაშისას დაშავდა და მას შემდეგ, მოედანზე აღარც გამოჩენილა. და აი, გუშინ “იუვეს” საწვრთნელ ბაზაზე გამოცხადდა და მსუბუქად წაივარჯიშა. ბუნებრივია, ჯერჯერობით კარში არ დამდგარა და ნახტომი არ გაუკეთებია, მაგრამ ირბინა და კუნთები გაახურა. ამ ეტაპზე, ესეც ძალიან კარგი ამბავია, რადგან წინასწარი ვარაუდით, ჯიჯის ვარჯიში მხოლოდ დეკემბრის მეორე ნახევარში უნდა დაეწყო. ექიმთა მტკიცებით, გამოჯანმრთელების პროცესი სწრაფი ტემპებით მიმდინარეობს, თუმცა იანვრამდე ბუფონს მხოლოდ ვარჯიშებით მოუწევს დაკმაყოფილება. ამაზე მისი კომენტარი მეტყველებს:“უკეთესად ვგრძნობ თავს და როგორც ხედავთ, მსუბუქი ვარჯიშების ჩატარებაც შემიძლია. საოცრად გახარებული ვარ, რადგან ფეხბურთის გარეშე ცხოვრება ძალიან მომბეზრდა. თუ ასეთი ტემპებით გაგრძელდა გამოჯანმრთელების პროცესი, დეკემბერში მოედანზე გასვლის შესაძლებლობა მომეცემა. თუმცა, ექიმებთან შეთანხმებული ვარ, რომ რაც არ უნდა მოხდეს, სეზონის პირველ ეტაპს ყველა შემთხვევაში გამოვტოვებ. გარისკვა არ შეიძლება და უმჯობესია, 100%-ით გამოჯანმრთელებული დავუბრუნდე მოედანს".და კიდევ ერთი ძალიან საინტერესო ამბავი, რომელიც ტურინულ გრანდს უკავშირდება. ინგლისური და იტალიური სპორტული წყაროები დაჟინებით ამტკიცებენ, რომ ზამთრის სატრანსფერო პერიოდში "იუვენტუსს" ემანუელ ადებაიორი შეუერთდება. საუბარია საიჯარო ხელშეკრულებაზე, რომლის ძალითაც აფრიკელი ფორვარდი იტალიაში სეზონის ბოლომდე ჩავა და თუ თანამშრომლობით ორივე მხარე კმაყოფილი დარჩა, შემდეგ ხანგრძლივვადიანი ხელშეკრულება გაფორმდება. საგულისხმოა, რომ თავად ფეხბურთელი მოვლენათა ასეთ განვითარებაზე დიდი ენთუზიაზმით საუბრობს. მეტიც, მისი თქმით, კლუბებს შორის შეთანხმება უკვე მიღწეულია:"ამ სეზონში, მხოლოდ ორჯერ მოვხვდი "მანჩესტერ სიტის" ძირითად შემადგენლობაში, რაც ძალიან დიდ დისკომფორტს მიქმნის. სიმართლე გითხრათ, ვერ ვხვდები ასეთი რა დავაშავე, რომ რობერტო მანჩინი არ მენდობა. ვადასტურებ, რომ ჩემი "იუვენტუსში" გადაბარგება სავსებით რეალურია. კლუბებს შორის მოლაპარაკებები წარმატებით მიმდინარეობს და სიტყვიერი შეთანხმება უკვე მიღწეულია. დიდი სურვილი მაქვს, რომ იტალიის სერია A-ში მოვსინჯო ძალები და იმედი მაქვს, იანვრიდან "იუვენტუსის" ფეხბურთელი ვიქნები".

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო