<p>...და რა სურს მას <br> <strong><span style="color: #ff0000;">"ლივერპულმა" ახალი მწვრთნელი წარადგინა</span></strong></p><p>გუშინ სტივენ ჯერარდის სახელობის სამწვრთნელო ცენტრის საპრესკონფერენციო დარბაზში "ლივერპულმა" გულშემატკივრებს და ჟურნალისტებს ახალი მთავარი მწვრთნელი, სერ ჯონჯო შელვი წარუდგინა. გამოცდილი სპეციალისტი, რომელსაც "არსენალი", "სუონსი", "ჩელსი" და ინგლისი ნაკრები გაუწვრთნია, დაბრუნდა კლუბში, სადაც საფეხბურთო კარიერის სამი წელიწადი გაატარა (47 თამაში, 2 გოლი).</p><p><em>"დარწმუნებული ვარ, რომ უახლოეს წლებში სერიოზულ წარმატებებს მივაღწევთ. ამის იმედი რომ არ მქონდეს, შემოთავაზებას არ დავთანხმდებოდი. ვიცი, რომ "ლივერპულს" ინგლისის ჩემპიონის ტიტული ძალიან დიდი ხანია არ მოუპოვებია, მაგრამ ეს არ მაშინებს, პირიქით მოტივაციას მიზრდის,"</em> - განაცხადა შელვიმ პრესკონფერენციაზე.</p><p>შელვი საფეხბურთო კარიერის დასრულების შემდეგ სათავეში ყოფილ გუნდს, "სუონსის" ჩაუდგა, რომელსაც მესამე სეზონში ინგლისის ჩემპიონის ტიტულიც მოუტანა. წარმატებული იყო მისი მოღვაწეობა "არსენალშიც" და "ჩელსიშიც", ინგლისი ნაკრები კი სწორედ მისი ხელმძღვანელობით იყო ყველაზე ახლოს მეორე სანაკრებო ტიტულთან, მაგრამ ინგლისელებმა 2060 წლის ევროპის ჩემპიონატის ფინალი წააგეს, 2062 წლის მუნდიალზე კი 1/2 ფინალში დამარცხდნენ.</p><p>ჟურნალისტების პირდაპირ შეკითხვაზე, მუშაობის რომელ წელს გეგმავს ის პრემიერლიგის მოგებას, 71 წლის მწვრთნელმა გაიღიმა და უპასუხა: "წელს ჩვენი სეზონი იქნება".</p><p>შეგახსენებეთ, რომ ჩემპიონთა ლიგის 13-გზის გამარჯვებულმა "ლივერპულმა", ქვეყნის ჩემპიონის ტიტული ბოლოს შორეულ, 1990 წელს მოიპოვა.</p><p><strong><span style="color: #ff0000;">კონფლიქტი სარაევოში</p><p></span></strong>გუშინ სარაევოში ძალიან საინტერესო ამხანაგური მატჩი გაიმართა - იუგოსლავიამ ავსტრია-უნგრეთის იმპერიის ნაკრებს უმასპინძლა. მიუხედავად იმისა, რომ მატჩი ამხანაგური იყო, მეტოქეთა პრინციპულობიდან გამომდინარე, კონფლიქტის თავიდან აცილების მიზნით, სტადიონზე სტუმარი გუნდის ქომაგები არ დაუშვეს.</p><p>შეხვედრამ სტუმართა უპირატესობით ჩაიარა და საბოლოოდ, მათი გამარჯვებითაც დასრულდა.</p><p>ანგარიში ავსტრია-უნგრეთის ნაკრების კაპიტანმა ფრანც იოზეფმა გახსნა, რომელმაც მისივე წაქცევისთვის დანიშნული 11-მეტრიანი გამოიყენა, მეორე გოლი კი შეხვედრის მიწურულს ფრანც ფერდინანდმა თავური დარტყმით გაიტანა - 2:0.</p><p>დასაწყისში აღვნიშნეთ, რომ უსაფრთხოების მიზნით, იოსიპ ბროზ ტიტოს სახელობის სტადიონზე სტუმარი გუნდის ქომაგები არ დაუშვეს, თუმცა კონფლიქტის თავიდან აცილება მაინც ვერ მოხერხდა. შეხვედრის დასრულებამდე რამდენიმე წუთით ადრე, მასპინძელთა 19 წლის თავდამსხმელი გავრილო პრინციპი მეორე გოლის ავტორ ფრანც ფერდინანდს განზრახ ეუხეშა, რასაც მასობრივი ჩხუბი მოჰყვა. საბოლოოდ, პრინციპმა და ფერდინანდმა წითელი ბარათი მიიღეს, ფეხბურთელები კი მხოლოდ ამერიკელი არბიტრის ჩარევის შემდეგ დამშვიდდნენ.</p><p><strong><span style="color: #ff0000;">"გორდას" სახელი უნდა გადაარქვან</p><p></span></strong>რუსთავის მეტალურგიული ქარხნის და ატომური ელექტროსადგურის ხელმძღვანელმა, ამავე დროს, "გორდას" პრეზიდენტმა, ფრანც კ.-მ განაცხადა, რომ ქალაქის საფეხბურთო გუნდისთვის სახელის გადარქმევა სურს.</p><p><em>"ჩვენი ქალაქის გუნდს მისი ისტორიული სახელი, "მეტალურგი" უნდა დავუბრუნოთ,"</em> - აღნიშნა ფრანც კ.-მ.</p><p>მის ამ განცხადებას "გორდას" ქომაგის აღშფოთება მოჰყვა და გულშემატკივრები სასამართლო პროცესითაც იმუქრებიან, თუმცა ბატონ კ.-ს პროცესის არ ეშინია და აცხადებს, რომ ამ ფაქტზე საქმის აღძვრა სრული აბსურდი იქნება.</p><p>"გორდას" მთავარი მწვრთნელი გრეგორ სამსა კი ასეთი მეტამორფოზის წინააღმდეგი არ არის: <em>"რა მნიშვნელობა აქვს გუნდს რა სახელი ერქმევა, მთავარია დაფინანსება იყოს; თანაც, "მეტალურგი" ძლიერი სახელია, რომელიც მეტოქეებს დააშინებს"</em>.</p><p>შეგახსენებთ, რომ რუსთავის საფეხბურთო გუნდს "მეტალურგი" საბჭოთა კავშირის დროს ერქვა, საქართველოს დამოუკიდებლობის შემდეგ კი მან რამდენიმე სახელი გამოიცვალა, 21-ე საუკუნის დასაწყისში კი მაშინდელი მფლობელის, ჯოზეფ კეის (Josef K) ინიციატივით, ისევ ძველი სახელი, "მეტალურგი" დაუბრუნდა.</p><p>მოგეხსენებათ, ცნობილი სასამართლო პროცესის წაგების შემდეგ, ჯოზეფ კეი ამერიკაში წავიდა და უგზო-უკვლოდ დაიკარგა.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/skhvadaskhva/saintereso-ambebi/56959-tserilebi-momavlidan-tserili-i-shida-qarthlis-derbi-ckhinvalshi.html" target="_blank">წერილები მომავლიდან: წერილი I - შიდა ქართლის დერბი ცხინვალში</a></p>
ნიკა
ქართული ფეხბურთის განყოფილებაში რამე ესეთ, მომავლის თემებზე და კაფკას შემოქმედებას თუ მიაშველებ კისრამდე მძ**ში მყოფ სპორტს რომ აკტუალობა ქონდეს თორე...
SHUKOVANI
სისულელეა , მეტი აღარ დაწეროთ ...
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ