<p>"ლანუსის" საოცარი შემოტრიალება <br> არგენტინის ჩემპიონატში სიტუაცია უკიდურესად დაიძაბა. "ნიუელს ოლდ ბოისის" წაგების შემდეგ ჩემპიონობის შანსი ერთბაშად ექვს გუნდს აქვს შერჩენილი, რომელთაგანაც საუკეთესო პოზიციაში "სან ლორენსო" იმყოფება, რომელმაც მორიგი შთამბეჭდავი მატჩი ჩაატარა და პირველ პოზიციაზე გადავიდა...</p><p><strong><span style="color: #ff0000;">"სან ლორენსომ" და "ნიუელსმა" ადგილები გაცვალეს</p><p></span></strong>ხუან ანტონიო პიცის გუნდი "პოულ პოზიციაზეა" - დარჩენილი სამი მატჩის მოგების შემთხვევაში, "სან ლორენსო" არგენტინის ჩემპიონი გახდება. მომდევნო ტურში ალმაგროელები იმ "ატლეტიკო რაფაელას" სტუმრობენ, რომელიც ლიდერს, პოტენციურად, მხოლოდ სამი ქულით ჩამორჩება.</p><p>ტორნეო ინისიალის მე-16 ტურში კი "სან ლორენსომ" "ბელგრანოს" უმასპინძლა და 4:2 მოუგო. მასპინძლებისთვის შეხვედრა იდეალურად დაიწყო და ათი წუთის შემდეგ უკვე 2:0 იყო - ანგარიში მარცხენა მცველმა ემანუელ მასმა გახსნა, რამდენიმე წუთში კი თავისი მორიგი, მეოთხე გოლი 18 წლის ანხელ კორეამაც გაიტანა.</p><p>სტუმრებმა სხვაობის შემცირება პირველივე ტაიმში შეძლეს, მეორე ნახევრის დასაწყისში კი პაბლო ალვარადომ საკუთარ კარში გაიტანა და ანგარიში გათანაბრდა.</p><p>მიუხედავად იმისა, რომ გუნდმა ორბურთიანი უპირატესობა გაანიავა, მასპინძლები არ დაბნეულან და დაწინაურება ზუსტად სამ წუთში შეძლეს - იგნასიო პიატიმ 11-მეტრიანი გამოიყენა; შეხვედრას კი წერტილი კიდევ ერთმა მცველმა, მაურო სეტომ დაუსვა, რომელმაც ლეანდრო რომანიოლის პასი გამოიყენა - 4:2.</p><p>ხუან ანტონიო პიცის ხელმძღვანელობით, "სან ლორენსომ" 41 მატჩი ჩაატარა და მხოლოდ 5 წააგო. დარჩენილ სამ ტურში რომის პაპის საყვარელ გუნდს იოლი მატჩები არ ელის ("ატლეტიკო რაფაელა", "ესტუდიანტესი", "ველეს სარსფილდი"), მაგრამ ალმაგროელები მხოლოდ საკუთარ თავზე არიან დამოკიდებულნი. გეტყვით, რომ 1908 წელს დაარსებული კლუბი ქვეყნის ჩემპიონის ტიტულს 14-ჯერ (სამოყვარულო ჩემპიონატების ჩათვლით) ფლობდა, ბოლოს კი არგენტინის ჩემპიონი 2007 წელს (კლაუსურა) გახდა.</p><p>როგორც დასაწყისში აღვნიშნეთ, "ნიუელსმა" "ტიგრესთან" წააგო და პირველობა დათმო. "ძველ ბიჭებს" ნაკრებში გამოძახებული მაქსი როდრიგესი არ ჰყავდათ. გარდა ამისა, შეხვედრაში მონაწილეობა არ მიუღია გაბრიელ ჰაინცეს. მიუხედავად ამისა, ალფრედო ბერტის გუნდს მოგების ძალიან კარგი შანსი ჰქონდა - პირველი ტაიმის მიწურულს, როდესაც ანგარიში 1:1 იყო, გასტონ დიასმა საჯარიმოში ხელით ითამაშა და მასპინძლების კარში 11-მეტრიანი დაინიშნა, რომელიც დავიდ ტრეზეგემ (პენალტი სწორედ მან მოიპოვა) ვერ გამოიყენა.</p><p>შედეგად, "ნიუელსი" დაისაჯა და მეორე ტაიმში პენალტი უკვე მის კარში დაინიშნა, რომელიც გოლად იმავე გასტონ დიასმა აქცია.</p><p>"ნიუელსის" მოუგებელი სერია უკვე ხუთი ტურია გრძელდება. დარჩენილ სამ ტურში ალფრედო ბერტის სამწყსოს საკმაოდ რთული მატჩები ელის: შინ "არსენალთან", სტუმრად "ოლ ბოისთან" და ბოლო ტურში, შინ "ლანუსთან". როგორც ხედავთ, სამი მატჩიდან ორი "ძველ ბიჭებს" უშუალო კონკურენტებთან აქვთ.</p><p><strong><span style="color: #ff0000;">"ლანუსის" საოცარი შემოტრიალება</span></strong></p><p>"ლანუსი" დუბლისთვის იბრძვის. გილერმო ბაროს შელოტოს გუნდი კოპა სუდამერიკანას 1/2-ფინალშია გასული, არგენტინის ჩემპიონატში კი მესამე ადგილზეა და ლიდერს მხოლოდ ორი ქულით ჩამორჩება. ამ ტურში ბუენოსაირესელებმა ისეთი გამარჯვება მოიპოვეს, მხოლოდ საჩემპიონო გუნდებისთვის რომ არის დამახასიათებელი.</p><p>პირველი ტაიმის შემდეგ "ოლ ბოისი" გუნდის და უკვე ჩემპიონატის საუკეთესო ბომბარდირის, მაურო მატოსის დუბლით იგებდა, მაგრამ მეორე ტაიმში ყველაფერი თავდაყირა დადგა. გასაგები იყო, რომ "ლანუსი" მარტივად არ დანებდებოდა, მაგრამ მისი მხრიდან მატჩის შემოტრიალება და გამარჯვების მოპოვება მაინც ძალიან მოულოდნელი გახლდათ.</p><p>"ბოკა ხუნიორსის" ყოფილი მწვრთნელის, ხულიო სესარ ფალსიონის გუნდი ასევე ყოფილმა "ბოკელებმა", სანტიაგო სილვამ და ლაუტარო აკოსტამ დაამარცხეს - პირველმა დუბლი შეასრულა, მეორემ კი გამარჯვების მომტანი გოლი გაიტანა. საბოლოოდ, 2:3 და "ლანუსმა" ზედიზედ მოპოვებული მეხუთე გამარჯვების წყალობით, ჩემპიონობის საკმაოდ კარგი შანსი შეინარჩუნა, ფალსიონიმ კი მატჩის დასრულებისთანავე "ოლ ბოისის" მთავარი მწვრთნელის პოსტი დატოვა.</p><p><strong><span style="color: #ff0000;">"არსენალმა" შანსი დაიტოვა</p><p></span></strong>ტურის ცენტრალური მატჩი სარანდის "არსენალსა" და "ბოკა ხუნიორსს" შორის გაიმართა. მასპინძლებს ჩემპიონობის შანსის შესანარჩუნებლად მხოლოდ მოგება სჭირდებოდათ, სტუმრები კი, გამარჯვების შემთხვევაში, თანალიდერები გახდებოდნენ.</p><p>კარლოს ბიანკის რამდენიმე ლიდერი აკლდა: აგუსტინ ორიონი ნაკრებში იყო მიწვეული, ხუან სანჩეს მინიოს და ფერნანდო გაგოს კი ტრავმა აწუხებდათ. ამ ფეხბურთელების არყოფნა გუნდს აშკარად დაეტყო და "ბოკამ" პირველი ტაიმი პირწმინდად წააგო.</p><p>მასპინძელთა რიგებში ერთი გოლი ნიკოლას აგირემ გაიტანა, მეორე კი მილტონ კარალიოს ანგარიშზეა, რომელმაც ბოლო 5 შეხვედრაში თავი 4-ჯერ გამოიჩინა. მეორე ტაიმში ბიანკიმ ნაცნობ ხერხს მიმართა და სათადარიგოთა სკამზე ვინც კი შემტევი ჰყავდა (მარტინესი, პარედესი, რიანიო), ყველა მოედანზე შეუშვა. შედეგად, "ბოკამ" მეორე ტაიმი კი მოიგო, მაგრამ შეხვედრა მაინც წააგო - 2:3.</p><p>მარცხის მიუხედავად, "ბომბონერას" ბინადრებს დაკარგული არაფერი აქვთ - ლიდერთან სხვაობა ხომ მხოლოდ სამი ქულაა. "არსენალს" კი სულაც ჰეთ თრიქის შესრულების შანსი აქვს. გუსტავო ალფაროს გუნდმა ცოტა ხნის წინ არგენტინის თასი მოიგო, სადაც ფინალში "სან ლორენსოს" სძლია. ჩემპიონატის დასრულების შემდეგ კი სარანდელები ქვეყნის სუპერთასისთვის წინა სეზონის ჩემპიონს, "ველეს სარსფილდს" დაუპირისპირდებიან.</p><p><strong><span style="color: #ff0000;">XVI ტური</span></strong></p><p><strong><em>ოლ ბოისი-ლანუსი 2:3</p><p></em></strong>გოლები: 1:0 მატოსი (7-პენ), 2:0 მატოსი (25), 2:1 ს. სილვა (53), 2:2 ს. სილვა (75), 2:3 ლ. აკოსტა (79)</p><p><strong><em>გოდოი კრუსი-ესტუდიანტესი 2:1</p><p></em></strong>გოლები: 1:0 კურბელო (21-პენ), 1:1 ვერხინი (71), 2:1 გრიმი (85)</p><p><strong><em>კილმესი-რასინგი 1:1</p><p></em></strong>გოლები: 1:0 კანეო (41), 1:1 დინენო (49)</p><p><strong><em>სან ლორენსო-ბელგრანო 4:2</p><p></em></strong>გოლები: 1:0 ე. მასი (3), 2:0 ა. კორეა (10), 2:1 ს. პერეირა (28), 2:2 ალვარადო (60-საკ. კარში), 3:2 ი. პიატი (63-პენ), 4:2 სეტო (72)</p><p><strong><em>როსარიო-ველესი 2:3</p><p></em></strong>გოლები: 0:1 რ. კასერესი (11), 0:2 რ. კასერესი (46), 0:3 რ. კასერესი (54), 1:3 ვ. აკუნია (87), 2:3 კასტილიეხოსი (90)</p><p><strong><em>რივერი-ოლიმპო 1:3</p><p></em></strong>გოლები: 1:0 სიმეონე (9), 1:1 პერეს გუედესი (44), 1:2 ფურიოსი (66), 1:3 დ. ვეგა (79)</p><p><strong><em>არსენალი-ბოკა 3:2</p><p></em></strong>გოლები: 1:0 ნ. აგირე (15), 2:0 კარალიო (27), 2:1 კარუსო (50), 3:1 კარერა (55), 3:2 რიანიო (76)</p><p><strong><em>ტიგრე-ნიუელსი 2:1</p><p></em></strong>გოლები: 0:1 ფ. მუნიოსი (20), 1:1 რუსკულიედა (35), 2:1 გ. დიასი (64-პენ)</p><p>გაძევება: ორსანი (90. ნიუელს ოლდ ბოისი)</p><p><strong><em>ხიმნასია-არ. ხუნიორსი 0:0</p><p></em></strong>კოლონი-ატლ. რაფაელა გადაიდო</p><p><strong><span style="color: #ff0000;">სატურნირო მდგომარეობა</p><p></span></strong></p><p><strong><em> თ მ ფ წ ბ ქ</em></strong></p><p>1. სან ლორენსო 16 9 3 4 27-15 30</p><p>2. ნიუელსი 16 8 5 3 23-15 29</p><p>3. ლანუსი 16 8 4 4 28-14 28</p><p>4. არსენალი 16 7 7 2 19-13 28</p><p>5. ბოკა 16 8 3 5 22-19 27</p><p>6. ველესი 16 6 6 4 20-15 24</p><p>7. გოდოი კრუსი 16 6 6 4 16-12 24</p><p>8. ატლ. რაფაელა 15 7 3 5 20-19 24</p><p>9. არ. ხუნიორსი 16 7 3 6 15-15 24</p><p>10. ესტუდიანტესი 16 5 8 3 15-12 23</p><p>11. როსარიო 16 6 4 6 19-21 22</p><p>12. ხიმნასია 16 5 6 5 17-21 21</p><p>13. ბელგრანო 16 5 5 6 21-19 20</p><p>14. ტიგრე 16 5 4 7 15-18 19</p><p>15. კილმესი 16 5 4 7 10-18 19</p><p>16. რივერი 16 4 5 7 10-12 17</p><p>17. ოლ ბოისი 16 3 7 6 14-17 16</p><p>18. ოლიმპო 16 3 5 8 16-25 14</p><p>19. რასინგი 16 2 3 11 8-23 9</p><p>20. კოლონი 15 3 3 9 8-20 6*</p><p><strong>შენიშვნა:</strong> "კოლონს" -6 ქულა</p><p><strong>ბომბარდირები:</strong> 8 - მატოსი (ოლ ბოისი); 7 - ჟიგლიოტი (ბოკა ხუნიორსი), ს. პერეირა (ბელგრანო), ს. სილვა (ლანუსი), დ. ვერა (ატლეტიკო რაფაელა); 6 - ფურჩი (არსენალი), ი. პიატი (სან ლორენსო), მაქსი როდრიგესი (ნიუელს ოლდ ბოისი)</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/samkhreth-amerika/57135-argentina-torneo-inisiali-xv-turi-dadzabuli-finishis-molodinshi.html" target="_blank">არგენტინა. ტორნეო ინისიალი. XV ტური: დაძაბული ფინიშის მოლოდინში</a></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
არგენტინა. ტორნეო ინისიალი. V ტური: ინისიალის ჩემპიონის პირველი მარცხი ინისიალზე
არგენტინა. ტორნეო ინისიალი. XIII ტური: "ბოკას" ტური
მუნდიალი 2014: არგენტინის ნაკრებს ფერნანდო გაგოც გამოაკლდა
მინო რაიოლა - N1 აგენტი, ვინც ტრანსფერებით 400 მლნ ევროზე მეტი გამოიმუშავა
"ატლეტიკოდან" წასვლა 10 წლის შემდეგ? - კორეას მექსიკაში უხმობენ
ანხელ კორეა: ფეხბურთი ტრაგედიის გადატანაში დამეხმარა
"ჟირონამ" რიცხობრივ უმცირესობაში მყოფი მადრიდის "ატლეტიკოს" დამარცხება ვერ მოახერხა
ტრეზეგე: კვარაცხელიას ყველაფერი აქვს, რათა მომავალში "ოქროს ბურთი" მოიგოს
არგენტინა. ტორნეო ინისიალი. XV ტური: დაძაბული ფინიშის მოლოდინში
არგენტინა. ტორნეო ინისიალი. VII ტური: "ნიუელსმა" ლიდერობა დაიბრუნა
არგენტინა. ტორნეო ფინალი. I ტური: "რივერის" და "რასინგის" დამაჯერებელი სტარტი
"იუვენტუსის" ყველა დროის 5 საუკეთესო თავდამსხმელი - ვინ არიან ისინი?
ლეო მესიმ არ ითამაშა - არგენტინამ გაიმარჯვა [VIDEO]
ესპანეთის თასი. 1/4-ფინალი. საპასუხო მატჩები: "ბარსელონა" და "სელტა" შემდეგ ეტაპზე [VIDEO]
29 მაისს საქართველოს ლეგენდარული ფრანგი ფეხბურთელი დავიდ ტრეზეგე ეწვევა
რამოსი სავარაუდოდ, კარიერას არგენტინაში განაგრძობს
ფერნანდო გაგო "ბოკა ხუნიორსში" დაბრუნდა
არგენტინა. ტორნეო ინისიალი. I ტური: ბევრი პენალტი და ბევრი წითელი
არგენტინა. ტორნეო ინისიალი. XVII ტური: ლიდერთა კოშმარი
სკალონის იძულებითი ცვლილება - "ატლეტიკოს" შემტევი მუნდიალზე ითამაშებს
სამპაოლიმ ფერნანდო გაგო ნაკრებში დააბრუნა
დეშამი - მუნდიალზე მბაპეს თამაშზე: 1998 წელს ტრეზეგეს და ანრის ასეთი როლი არ ჰქონდათ ნაკრებში
დავიდ ტრეზეგემ კარიერა დაასრულა
ᓒᓘᓛ
არგენტინა. პრიმერა დივიზიონი. ტორნეო ფინალი. II ტური: "ესტუდიანტესი" გალიდერდა