<p><p>ცნობილი გახდა "ჩემპიონთა რბოლის" ყველა მონაწილე.</p> <br> <p>ცნობილი გახდა "ჩემპიონთა რბოლის" ყველა მონაწილე. სახელგანთქმული საავტომობილო შოუ უახლოეს უქმეებზე გერმანიის ქალაქ დიუსელდორფში გაიმართება. ბოლო მიწვეული ავტომრბოლი გახდა ტანერ ფაუსტი - ამერიკელი რალისტი და დრიფტიორი, X-Games 2010-ის ოქროს მედალისტი. ტანერი ტრიუკებს ასრულებდა ფილმებში - "სიჩქარე", "ფორსაჟი", "რკინის კაცი-2" და ა. შ.</p><p>სხვა მონაწილეებს შორის არიან - სებასტიან ფეტელი, მიხაელ შუმახერი, ალენ პროსტი, სებასტიან ლოები და სხვა სახელგანთქმული პილოტები. ისინი სტადიონზე მოწყობილ სპეციალურ ტრასაზე რვა ტიპის მანქანით ირბოლებენ. ტრადიციული ROC car-ის, KTM X-Bow-ის, Solution F Prototype-ის, FJ Racecar-ისა და RX150-ის გარდა, წელს გამოიყენებენ Audi R8 LMS-ს, Porsche 911-ს და VW Scirocco-ს.</p><p>რბოლა 1988 წლიდან მოყოლებული ყოველ წელს იმართება. მისი ორგანიზატორები არიან რალის ისტორიაში ყველაზე წარმატებული ქალი პილოტი მიშელ მუტონი და IMP-ის (International Media Productions) პრეზიდენტი ფრედერიკ იონსონი. "ჩემპიონთა რბოლაში" პირველობა ორ კატეგორიაში იმართება - პირადსა და გუნდურში.</p><p>ბოლო ოთხი წლის განმავლობაში სამჯერ პირად პირველობაში გამარჯვებული DTM-ის ჩემპიონი მატიას ექსტრიომი გახდა, მაგრამ წელს მას "ჩემპიონთა რბოლაში" ვერ ვიხილავთ. გუნდურ ჩათვლაში ბოლო სამი რბოლა გერმანიის ნაკრებს აქვს მოგებული, რომლის შემადგენლობაში მიხაელ შუმახერი და სებასტიან ფეტელი ირიცხებოდნენ.</p><p><strong>"ჩემპიონთა რბოლის" მონაწილეების სრული სია:</p><p></strong>სებასტიან ფეტელი - ფორმულა 1-ის ჩემპიონი (2010)</p><p>მიხაელ შუმახერი - ფორმულა 1-ის შვიდგზის ჩემპიონი</p><p>ალენ პროსტი - ფორმულა 1-ის ოთხგზის ჩემპიონი</p><p>საბესტიან ლოები - რალიში შვიდგზის ჩემპიონი</p><p>მიკ დუენი - მოტორბლაში ხუთგზის ჩემპიონი</p><p>ტანერ ფაუსტი - რალიში X-Games-ის ჩემპიონი</p><p>ჰეიკი კოვალაინენი - ჩემპიონთა რბოლის გამარჯვებული (2004)</p><p>ტომ კრისტენსენი - ლე მანის 24-საათიანი რბოლის რვაგზის გამარჯვებული</p><p>ენდი პრიოლი - WTCC-ის სამგზის ჩემპიონი</p><p>ჯეისონ პლატო - BTCC-ის ორგზის ჩემპიონი</p><p>ალვარო პარენტე - GP2-ის ჩემპიონი</p><p>ფილიპე ალბუკერკე - A1GP-ის გამარჯვებული</p><p>იორენ ბლიკემოლენი - "პორშეს" სუპერთასის გამარჯვებული</p><p>ბარტრან ბაგეტი - "რენოს" მსოფლიოს სერიის გამარჯვებული</p><p>კარლ ედვარდსი - ნასკარის სერიის გამარჯვებული</p><p>ტრევის პასტრანა - X-Games-ის 11-გზის ჩემპიონი</p> <p> </p></p>
ავტოსპორტი: ფერნანდო ალონსოს 305 ათასი გამოვარდნისთვის
ფერნანდო ალონსომ ინდი 500 ვერ დაასრულა
მოტოგრანპრი: როსიმ დებიუტანტთან წააგო
ყველაფერი ოზემპიკზე: გამოყენება, შედეგები და გვერდითი მოვლენები
"ლორიენთან" მატჩში პსჟ-ს შემადგენლობა ცნობილია
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
დიდი როტაციით "ლორიენთან" - იქნება ხვიჩა სასტარტოში?
"სამგურალის" ზედიზედ მეხუთე მოგება
[VIDEO] 6:0. ზურიკომ გაიტანა და თან როგორი გაიტანა!
"ნაპოლიმ" "ლეჩესთან" მძიმე გამარჯვება მოიპოვა
გოჩოლეიშვილი უნიღბოდ დაბრუნდა - "ჰამბურგმა" თასზე ზივზივაძის "ჰაიდენჰაიმს" მოუგო
ოდიკაძე ევროპის ჩემპიონ-პრიზიორია - მან სამივე სინჯის მედალი მოიპოვა
"ზაბარნი იხრჩობა და თავდაჯერებულობას კარგავს" - ფრანგული მედია უკრაინელს აკრიტიკებს
უბედური შემთხვევა - "ინტერის" მეკარემ ავტომობილით 81 წლის მამაკაცი გაიტანა
"ნაპოლი" ლეონარდო სპინაცოლას ახალ კონტრაქტს გაუფორმებს
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს