- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ანჩელოტის ჭინკები და დროგბას მადლობა
<p><p>„ჩელსის“ თავდამსხმელმა სალომონ კალუმ მწვრთნელი კარლო ანჩელოტი დაიცვა</p> <br> <p>„ჩელსის“ თავდამსხმელმა სალომონ კალუმ მწვრთნელი კარლო ანჩელოტი დაიცვა. მან ხატოვნად თქვა, ფეხბურთელებს მშვიდად რომ გვეძინოს კარლო დემონებს იგერიებსო. დემონებსა და ჭინკებთან ბრძოლაში კი კოტ დ’ივუარელმა ვარსკვლავმა ის იგულისხმა, რომ გუნდისთვის რთულ პერიოდებში მთელ კრიტიკასა და ზეწოლას - მათ შორის კლუბის ხელმძღვანელთაგან –საკუთარ თავზე მწვრთნელი იღებს.</p><p>ამჟამად დასავლეთ ლონდონელებს სწორედ რთული პერიოდი უდგათ – პრემიერლიგის ოთხი შეხვედრიდან სამი წააგეს, რასაც თანამდებობიდან მწვრთნელის ასისტენტის რეი უილკინსის უცნაური გათავისუფლება დაემატა და ხალხში ხმაც კი დაირხა, რომ ანჩელოტი წასვლას აპირებს. კალუმ თქვა:</p><p>„ჩვენთან მწვრთნელი ფეხბურთელებს იცავს და ეს ძალიან მნიშვნელოვანია. როდესაც „ჩელსის“ სათავეში დგახარ, გუნდი ზედიზედ ორ შეხვედრაში ვერ იმარჯვებს და ზეწოლის ქვეშ ექცევა, ყველაზე მეტად, რა თქმა უნდა, ფეხბურთელების აღელვება და შეშინება არ გაწყობს. შეშინებული ხალხი კარგად ვერ ითამაშებს.</p><p>მწვრთნელის კიდევ ის მომწონს, რომ მას ურყევად სწამს, თუ ჩვენ კარგად ვივარჯიშებთ და მოვემზადებით ყველაფერი კარგად იქნება. თუ გახსოვთ, რთული დრო გასულ სეზონშიც გვედგა, მაგრამ კარლოს წარბი არ შეუხრია, სიმშვიდე შეინარჩუნა და სეზონის ბოლოს ორი ჯილდო მოვიგეთ. ის გახლავთ ადამიანი, რომელსაც საკუთარი შესაძლებლობებისა სწამს და თავის განწყობას სხვებსაც გადასდებს. ეს ჩვენთვის, ფეხბურთელებისთვის ძალიან კარგია.</p><p>კარლო „ჩელსისთვის“ უმნიშვნელოვანესი ფიგურაა. თუნდაც გუნდმა ორი თამაში წააგოს, ის არ დაუშვებს, რომ ზეწოლა მის ფეხბურთელებს შეეხოს. ვარჯიშებზე ძველებურად ვიქცევით, იმავე რაღაცებს ვაკეთებთ რასაც ადრე ვაკეთებდით და ვგრძნობთ, რომ ანჩელოტის ხელში პოტენციალის სრულად გამოვლენას შევძლებთ“.</p><p>შეგახსენებთ, რომ „ლურჯებმა“ სამშაბათს, ჩემპიონთა ლიგაში, „ჟილინასთანაც“ ვერ ითამაშეს კარგად. გუნდმა 2:1 კარგად ჩატარებული ცალკეული ეპიზოდების წყალობით მოიგო და F ჯგუფში ასპროცენტიანი შედეგი შეინარჩუნა. კალუმ დასძინა:</p><p>„აუცილებლად დადგება პერიოდი, როდესაც საქმე ის არ მიდის შენ რომ გინდა და ჩვენ დღეს სწორედ ასეთ პერიოდში ვართ. თუმცა, მეორე მხრივ, როგორც პრემიერლიგაში, ასევე ჩემპიონთა ლიგის ჯგუფში პირველ ადგილებზე ვართ, ჩვენმა მწვრთნელმა კი გასულ სეზონში უკვე დაამტკიცა, რომ პრემიერლიგაში გამარჯვება შეუძლია. ჩვენ დიდი გუნდი გვყავს. „ჩელსის“ დამარცხება ყველას ოცნებაა. ერთი სიტყვით, წყნარად უნდა ვიყოთ, რადგან კარგად ვიცით, რომ უმაღლესი დონის ფეხბურთის თამაში შეგვიძლია. სეზონის დასაწყისში გუნდებს ერთიმეორის მიყოლებით ვამარცხებდით.</p><p>რაც შეეხება ჭორებს, ამაზე ჩვენ ანჩელოტისთან არ გვილაპარაკია და არც მას უთქვამს რამე. ის კარგი მწვრთნელი და ჩინებული ადამიანია, მასთან მუშაობა დიდი სიამოვნებაა. ეჭვიც არ გვეპარება, რომ ეს სეზონი ჩვენთვის წინაზე არანაკლებ დიდებული იქნება. რად უნდა ლაპარაკი, რომ თუ კარლო მწვრთნელად დარჩება „ჩელსი“ მეტ ტიტულს მოიგებს ვიდრე მის გარეშე. გასულ სეზონში ჩვენ ორი ჯილდო მოვიგეთ, ახლა სამისთვის ვიბრძვით“.</p><p>სალომონ კალუს, „ჩელსიში“, ბოლო ოთხ სეზონში ხუთ სხვადასხვა მწვრთნელთან უმუშავია, ამიტომაც „ქიცსა და ქიცმაცურში“ გარკვეულს სწამს, რომ „სტემფორდ ბრიჯის“ ოცნებას სწორედ ანჩელოტი აახდენს - ოცნება კი ჩემპიონთა ლიგაში გამარჯვებაა.</p><p>„ჩემპიონთა ლიგის შეხვედრაში, „ჟილინას“ წინააღმდეგ ჩვენს შემადგენლობაში ახალგაზრდა ბიჭებმა ითამაშეს. სხვათაშორის, ძალიან ძნელია, როდესაც სულ არ გათამაშებენ, მერე კი უცბათ გეუბნებიან, რომ უნდა გახვიდე და კარგი ფეხბურთი აჩვენო. მეც მოედანზე ვიყავი და ჩემი თვალით ვხედავდი ყველაფერს. მოდი, პატარა ბიჭებს ერთი თამაშით ნუ განვსჯით“.</p><p>„დიდ ბიჭსა“ და ვარსკვლავს, კალუს თანაგუნდელსა და თანამემამულეს, დიდიე დროგბას კი არასდროს დაავიწყდება ის ამაგი რომელიც მასზე უკრაინელ ანდრეი შევჩენკოს აქვს. დროგბა „ჩელსიში“ „მარსელიდან“ 2004 წელს 24 მილიონ ფუნტად გადავიდა და იმ ექვსი წლის განმავლობაში, რას „სტემფორდ ბრიჯზე“ გამოდის 138 გოლი გაიტანა. შევჩენკომ? მან ლონდონის დასავლეთ ნაწილს კოტ დ’ივუარელივით ღრმა კვალი ვერ დაატყო - „მილანიდან“ დიდი ვარსკვლავის სტატუსით გადასული სამი სეზონის განმავლობაში უსახურ ფეხბურთს თამაშობდა და 22 გოლზე მეტის გატანა ვერ შეძლო. ამის მიუხედავად დროგბა ამბობს:</p><p>„შევჩენკოსგან ძალიან ბევრი რამ ვისწავლე. ის დიდი ფეხბურთელი იყო და დღემდე ასეთად რჩება. ჩემპიონთა ლიგის ისტორიაში ის ერთ-ერთი საუკეთესო ბომბარდირია. როდესაც მის მხარდამხარ ვთამაშობდი ის მეტისმეტად წყნარი და თავშეკავებული იყო. მოედანზე მშვიდად ყოფნა და ხელსაყრელი მომენტის ლოდინი სწორედ მისგან ვისწავლე. იმაში, რომ დღეს მსოფლიოს ერთ-ერთ საუკეთესო თავდამსხმელს მიწოდებენ შევჩენკოს დიდი ღვაწლი მიუძღვის, ჩემთვის კი ასეთი შეფასების მოსმენა დიდი პატივია. თანამედროვე ფეხბურთი სხვანაირია, ბევრი რამ შეიცვალა. დღეს ფორვარდს გაცილებით მეტი სისწრაფე მოეთხოვება, ის გაუთავებლად უნდა დარბოდეს და უამრავ შეხვედრაში მიიღოს მონაწილეობა. მეტიც, დღევანდელ ფეხბურთში თავდამსხმელი ვალდებულია არა მხოლოდ შეუტიოს, არამედ თავიც დაიცვას. ჩვენ სხვათათვის საგოლე პასების გადაწოდებასაც გვავალებენ. სწორედ თავდამსხმელთა თვისებების შეცვლამ განაპირობა ის, რომ ბევრი გუნდი უკვე 4-3-3 სქემით თამაშობს“.</p> <p> </p></p>
უგოლო ფრე ბირმინგემში - "ასტონ ვილა" "ნიუკასლს" დაუზავდა
ედერსონი "გალათასარაისთან" ახლოს - დონარუმა "სიტიში" მიდის
ჯეიდონ სანჩო "რომაში" გადასვლასთან ახლოსაა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა