<p>თემურ ბენდიაშვილის მიერ გაწვრთნილ რკინიგზელებს მშვენიერი შესაძლებლობა ეძლეოდათ რევანშის აღებისა <br> საქართველოს სარაგბო ჩემპიონატის პირველ წრეში "არმაზმა" თბილისურ დერბიში საკმაოდ იოლად სძლია "ლოკომოტივს" - 21:7 და მეტოქე უქულოდ დატოვა.</p><p>გასულ უქმეებზე კი თემურ ბენდიაშვილის მიერ გაწვრთნილ რკინიგზელებს მშვენიერი შესაძლებლობა ეძლეოდათ რევანშის აღებისა, რადგან არმაზელებს ტრავმის გამო აკლდათ გუნდის ლიდერი ირაკლი მაჩხანელი, რომელიც სანაკრებო მატჩისას დაშავდა.</p><p>"შევარდენის სანაკრებო ბაზაზე" გასამართი შეხვედრის წინ მცირე ფავორიტად ნომინალური მასპინძელი "არმაზი" მიიჩნეოდა, ვინაიდან მას გასულ ტურში არ უასპარეზია ("ბათუმთან" მატჩი უამინდობის გამო გადაიდო) და მეტოქისგან განსხვავებით, დასვენებული ხვდებოდა პრინციპულ დაპირისპირებას ("ლოკომოტივმა" მძიმე ბრძოლაში "ჯიქები" დაამარცხა - 19:17).</p><p>მიუხედავად ყინვისა და ცივი ქარისა, სტადიონზე 150 გულშემატკივარი შეიკრიბა, რომელთაც მონდომება და რაგბის სიყვარული კიდევ ერთხელ დაუფასდათ და მშვენიერი მატჩის მომსწრენიც გახდნენ.</p><p>შეხვედრის სტარტი "არმაზს" გაცილებით უკეთესი გამოუვიდა. მათმა მორკინალებმა პირველი წუთებიდანვე აქტიურად შეუტიეს და მეტოქე აიძულეს, რაქში თამაშისას წესი დაერღვია. საჯარიმო შუამარბმა საბა ნიკოლავამ ზუსტად დაარტყა კარში და ანგარიშიც გახსნა - 3:0.</p><p>ორიოდე წუთში რკინიგზელთა პასუხმაც არ დააყოვნა - ფულბეკმა ბექა წიკლაურმა 40 მეტრიდან ბურთი მეტოქის ძელებს შუა გაატარა და ანგარიში გაათანაბრა - 3:3. ნელ-ნელა გამოიკვეთა "ლოკომოტივის" სათამაშო სქემა. ის ცდილობდა, პირველი შესაძლებლობისთანავე ფეხით გადაეტანა ბურთი მეტოქის ნახევარზე და უკვე იქ შეეწუხებინა არმაზელები. რკინიგზელთა გუნდმა კონტრშეტევაზე თამაშიც მშვენივრად ააწყო.</p><p>გადმოკიდებულ ბურთს ადგილზე დახვდა წიკლაური, მოკლე დისტანციაზე სლალომით გაიარა ერთბაშად სამი მოწინააღმდეგე, გადამწყვეტ მომენტში ბურთის ფეხით შეცურებაც მოახერხა, თუმცა მეტოქის მხტომელმა გიორგი ჭელიძემ გვიანი ბოჭვა გაუკეთა, რისთვისაც იგი მსაჯმა 10 წუთით გაასინბინა.</p><p>მიღებული რიცხობრივი უპირატესობით ისეთი მაღალი კლასის მეტოქემ, როგორიც "ლოკომოტივია", მყისიერად ისარგებლა. წიკლაურმა ჯერ ზუსტად დარტყმული არეკნით ლიდერობა მოუტანა საკუთარ გუნდს - 6:3, ხოლო 23-ე წუთზე აგორებულ მოლს წარმატებულად მოწყდა დავით გასვიანი და ბურთი მეტოქის ჩათვლის მოედანში დაამიწა - 11:3.</p><p>"არმაზს" გასინბინებული მოთამაშე დაუბრუნდა, თუმცა ვერც ამ მოვლენამ იხსნა მასპინძლები მორიგი ლელოსგან. ამჯერად "ლოკომოტივის" 21 წლის მგეზავმა გოდერძი ჭინჭარაულმა გაჭრა მეტოქის ხაზი და ოცდაათიოდე მეტრი ირბინა.</p><p>მისი შეჩერება დიდი ძალისხმევის შედეგად მოხერხდა, მაგრამ "არმაზმა" დროულად ვეღარ მოასწრო დაცვის დალაგება და წიკლაურმა ამჯერად ძელებს შუა დაალელოვა მასპინძლები. მანვე გარდასახვაც იოლად გაიტანა და კიდევ უფრო სოლიდური გახადა საკუთარი გუნდის უპირატესობა - 18:6.</p><p>პირველი ტაიმის დარჩენილ მცირე დროში რკინიგზელთა ფულბეკმა კიდევ ორი საჯარიმო გაიტანა და 10-წუთიან შესვენებაზე "ლოკომოტივი" 21-ქულიანი სხვაობით წავიდა - 24:3.</p><p>მატჩის მეორე ნახევარში ქარი გაძლიერდა, რამაც ფეხით ტაქტიკურ დარტყმებს აზრი დაუკარგა და ხელით თამაშმაც იმატა. დავით ვართანიანის მიერ განხორციელებულმა ცვლილებებმა მატჩის მიმდინარეობაზე იმოქმედა და სიტუაციაც შეიცვალა.</p><p>"არმაზი" გაცილებით უფრო აგრესიულად და გამიზნულად უტევდა, რის შედეგადაც, 67-ე წუთზე ბესო ბარბაქაძემ ლელო გაიტანა და მეტოქესთან ჩამორჩენა შეამცირა - 10:24.</p><p>მასპინძლებმა კიდევ უფრო გაზარდეს წნეხი, თუმცა "ლოკომოტივი" დაცვაში მედგრად დადგა. რამდენიმე ეპიზოდში რკინიგზელებს გაუმართლათ კიდეც და მეტოქის შეტევათა 10-წუთიანი ტალღა წარმატებით გადააგორეს. საპასუხოდ ჭინჭარაულმა წამოიწყო მშვენიერი კონტრშეტევა.</p><p>სტუმრებმა 10-ფაზიანი შეტევა გაათამაშეს, რომლის დამამთავრებელ ფაზაში ისევ მათმა ახალგაზრდა მგეზავმა იყოჩაღა, ერთდროულად ორ მოწინააღმდეგეს შორის შეძვრა და მესამედ დაალელოვა მეტოქე. წიკლაურმა ამჯერადაც გარდასახა - 31:10.</p><p>დარჩენილ მცირე დროში "არმაზმა" ძალიან მოინდომა. შეცვლაზე შემოსულმა 18 წლის ბურჯმა ბესო ფხაკაძემ ბურთი წარმატებით დაამიწა "ლოკომოტივის" ჩათვლის მოედანში, თუმცა მეტისთვის მასპინძლებს, უბრალოდ, დრო აღარ ეყოთ - 17:31. რკინიგზელებმა პირველ წრეში მარცხისთვის რევანში აიღეს.</p><p><em><strong></p><p></strong><strong>არმაზი-ლოკომოტივი 17:31</strong></em></p><p>არმაზი (15-9) ჩხაიძე, სირაძე, კაიფაჯიანი, ნიკოლავა, ხუციშვილი (პინაიშვილი 56), კიკნაძე (ბროძელი 68), აბუსერიძე (მისრიაშვილი 68); (1-8) ბეჟიაშვილი (ფხაკაძე 59), სოსელია, ბუკია, ჭელიძე (კაჭარავა 58), არჩუაშვილი, ბარბაქაძე, გიგაური (მინაშვილი 45), ამირანაშვილი (თაგაური 47);</p><p>2ლ: ბარბაქაძე, ფხაკაძე; 2გ,ს: ნიკოლავა.</p><p>სინბინი: არჩუაშვილი, ჭელიძე</p><p>ლოკომოტივი (15-9) წიკლაური, ჩიტიძე, ფ. გასვიანი, კავთიძე, ბიწაძე, ჭინჭარაული, ზაბახიძე; (1-8) დ. გასვიანი (ელოშვილი 41), გენებაშვილი, ზარიძე (ბალიაშვილი 69), ხოლუაშვილი, გეგია, ფოფხაძე, ახვლედიანი (კაკაბაძე 54, კიკვიძე 78), ბერიშვილი</p><p>3ლ: დ.გასვიანი, წიკლაური, ჭინჭარაული; 2გ,3ს,ა: წიკლაური.</p><p>სინბინი: ხოლუაშვილი, გეგია</p><p>მსაჯი: გიორგი ამაშუკელი</p><p><strong>ყოველდღიური სპორტული გაზეთი "ლელო"</strong></p>
crocobet დიდი 10 სენსაციით გაიხსნა, სინი პატარძეულში წავიდა
crocobet დიდი 10 | "ბათუმი" საქართველოს ჩემპიონია!
crocobet დიდი 10 | ნიკა ამაშუკელი ფინალურ მატჩს მეხუთედ იმსაჯებს
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
ეროვნული ლიგა. XXXIV ტური. "დილა" - "ლოკომოტივი" [LIVE]
ბოლნისის "სიონმა" "საბურთალო" დაამარცხა [VIDEO]
ლელოს სტუმარი თემურ ბენდიაშვილი: ტონგამ სათამაშო კლასით გვაჯობა
დინამო თბილისი - ჩემპიონი; დილა ევროპაზე; ყველა ადგილი ცნობილია...
ლელო-ლოკომოტივი 30:21 - ლელო 2013, 2014, 2015 [VIDEO]
ბათუმელებმა თბილისის "დინამოსთან" ჩამორჩენა მინიმუმამდე შეამცირეს - ჩემპიონი ბოლო ტურში გაირკვევა
"სამგურალმა" ბათუმის "დინამოს" გასვლაზე სძლია, "დილამ" "ლოკომოტივს" სახლში [VIDEO]
საქართველო VS რუსეთი - ტრადიცია უნდა გაგრძელდეს!
ხელჩართული ჩხუბი საქართველოს სარაგბო ჩემპიონატში [VIDEO]
დიდი 10: აუტსაიდერების მატჩში "არმაზმა" "ყოჩები" დაამარცხა
აია-ლოკომოტივი 12:15 - სინაურიძე-წიკლაურის დუელი
დიდი 10: "ხარებმა" "არმაზი" დაამარცხა და გალიდერდა
დიდი 10: "ჯიქმა" "არმაზი" დაამარცხა და წელი სერიით დაასრულა
ბენდტნერს ტრუსების ჩვენება უფრო ძვირი დაუჯდა, ვიდრე ბულგარელებს ნაციზმი - 29 ოქტომბრის დაიჯესტი
სეზონის პირველი ეტაპის შეჯამება: "ლოკომოტივი"
დიდი 10 | "ყოჩები" - "ლოკომოტივი" 31:5
დიდი 10: "აკადემიამ" "არმაზს" სძლია და მეორე ადგილზე დამკვიდრდა
ლელო VS ლოკომოტივი - დღეს ვაკეში დიდი ფინალია!