- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფალავნობის ოცნება ავიხდინე
<p>პაატა ღვინიაშვილი ქართული საჭიდაო სამყაროსთვის ცნობილი ადამიანია. 26 წლის სპორტსმენი შრომისმოყვარეობით და სამივე სახეობის (ძიუდოს, სამბო, ქართული) ჩოხიან ჭიდაობაში ასპარეზობებში ხშირი მონაწილეობით გამოირჩევა. მას განსაკუთრებით ქართული ჭიდაობის შეჯიბრებებზე გამოსვლა ხიბლავს და ყველაზე მეტ წარმატებას სწორედ აქ აღწევს კიდეც. ღვინიაშვილის ბოლო მნიშვნელოვანი გამარჯვება საქართველოს აბსოლუტურ ფალავნის ტიტულის დაუფლება იყო. მასთან ინტერვიუში ძირითადად სწორედ ამას შევეხეთ, თუმცა რესპონდენტთან სხვა</p><p>თემებზეც ვისაუბრეთ.</p><p>- შარშანდელი წლით, ალბათ, კმაყოფილი ხარ....</p><p>- სამბოში საქართველოს ჩემპიონი გავხდი, გავიმარჯვე მსოფლიოს თასზე მოსკოვში, ძიუდოში ჩვენი ქვეყნის ჩემპიონატზე ფინალისტი ვიყავი, მაგრამ ქართულ ჭიდაობაში აბსოლიტური ფალავნობის მოპოვება ჩემთვის ყველაზე უფრო მნიშვნელოვანი წარმატება იყო.</p><p>- ფალავნობის ფინალამდე როგორ გაიარე გზა...</p><p>- ჯერ 90 კგ-ში გავხდი გამარჯვებული. აბსოლუტური ფალავნობისთვის ბრძოლაში გადართულმა კი თავადაპირველად ინისე ბუღაძეს, შემდეგ გიორგი პაპუნაშვილს მოვუგე. ნახევარფინალში ლევან მატიაშვილი შემხვდა, რომელიც ჩემზე გაცილებით მეტი წონისაა. ვცდილობდი, მასთან მოკლე დისტანციაზე მეჭიდავა და ერთი მომგებიანი ქულა ამეღო. სწორედ ამ გზით შევძელი მოგება. ეს მართლაც მძიმე ბრძოლა იყო.</p><p>- მაგრამ, კიდევ უფრო მძიმე ბრძოლა ფინალში გიორგი ნოზაძესთან გადაგხდა.</p><p>- ნოზაძესთან დასაწყისშივე მომგებიანი გდება შევასრულე, რომელიც, ჩემი აზრით, ორქულიანი იყო, მაგრამ მსაჯებმა ერთი ქულით შეაფასეს. გიორგი დანაკარგის ასანაზღაურებლად შეტევაზე გადმოვიდა. ჩემი მიზანი იყო, კონტრილეთით კიდევ ამეღო ქულა. ამ ვითარებაში არბიტრმა გამაფრთხილა და ქულა მოწინააღმდეგეს მისცა. ძირითადი დრო 1:1 დასრულდა, მომგებიანი ქულა მე მანიჭებდა გამარჯვებას, მაგრამ მაყურებელმა უფრო გამოკვეთილი უპირატესობის დასანახად დამატებით დრო მოითხოვა, რასაც ორგანიზატორთა თანხმობა მოჰყვა, მე კიდევ ერთი, ოქროს ქულა გამოვიმუშავე და საოცნებო გამარჯვება მოვიპოვე!</p><p>- ნოზაძე 2013 წელს ნახერხმოყრილ არენაზე გამართულ არაერთ შეჯიბრებაშიც ხომ შენი პრინციპული მეტოქე იყო.</p><p>- ოთხჯერ შევხვედით ერთმანეთს, სამჯერ (თბილისში, სამთავისში, კარალეთში) მე მოვიგე, ერთხელ (ფცაში) მან მაჯობა. გიორგისთან ერთად განვლილ სეზონში ძლიერ კონკურენტად ჩამოყალიბდა საჩხერელი ონისე ბუღაძე. ისიც საკმაოდ ძნელად დასამარცხებელი სპორტსმენია, ჩვენ ორივე მარჯვნიდან ვჭიდაობთ. თუმცა ცოტა გამოცდილებით და `გადავლებების~ ხარჯზე ვჯობნი მას.</p><p>- ფალავნობაზე გამარჯვებით იმ ლეგენდარულ მოჭიდავეთა რიცხვში მოხვდი, რომლებიც დღემდე ფლობდნენ ტიტულს.</p><p>- ეს ჩემი სპორტული კარიერის ერთ-ერთი მიზანი იყო და მიხარია, რომ ამას მივაღწიე. ფალავნობის სირთულე იმაშიცაა, რომ გაცილებით მძიმე წონის მეტოქესთანაც შეიძლება მოგვიწიოს პაექრობამ, თანაც თუ ის გამოცდილი და ტიტულოვანია, რთულდება მიზნის შესრულება. ახლა, მაგალითად, ადამ ოქრუაშვილი თუ იჭიდავებდა ის იქნებოდა გამოკვეთილი ფავორიტი. მან ხელის ტრავმის გამო ვერ იასპარეზა და ფალავნობაც ბევრად დაძაბული გამოდგა - გამარჯვების შანსი ბევრს მიეცა. ამიტომაც განვლო შეჯიბრებამ ყველასთვის უშეღავათო ბრძოლებში.</p><p>- ფიქრობ თუ არა, რომ ამ შეჯიბრებაზე ქართული ჭიდაობისადმი ერთგულება დაგიფასდა. წლეულს თითქმის ყველაგან იჭიდავე ახალი არენების გახსნისას...</p><p>- ქართული ძალიან ლამაზი ჭიდაობაა, ტექნიკური და ვაჟკაცური. ბევრის მეტყველია, რომ მოწინააღმდეგის მუხლებზე ჩავარდნისას ბრძოლა აღარ გრძელდება. ახალგაზრდებს, პატარებს, ვურჩევ ხშირად იჭიდაონ ნახერხმოყრილ სარბიელზე, საბედნიეროდ, ქართული ჭიდაობის ფედერაცია ხშირად ატარებს შეჯიბრებებს. შედეგი გამოცდილებას მოაქვს. ტურნირი, სადაც ოთხ-ხუთ შეხვედრას ატარებ, ერთი თვის ვარჯიშის ტოლფასია.</p><p>- ადრე, ქართულ ჭიდაობაში შენი პირველი წარმატებების შემდეგ `ლელოში~ დავწერეთ: `ღვინიაშვილი ქართულში დაღვინდა~, ახლა კიდევ უფრო გაამართლე ვარაუდი...</p><p>- თქვენი გაზეთის ის ნომერი ახლაც შენახული მაქვს. მიხარია, რომ ქომაგს და ქართული ჭიდაობის სპეციალისტებს იმედები გავუმართლე.</p><p>- პირველად სად იჭიდავე?</p><p>- ჩემს მშობლიურ სოფელ რუისში ნახერხმოყრილ არენაზე ვიჭიდავე პირველად და დავმარცხდი. ძალიან დამწყდა გული. შინ მისულმა მამას ვუთხარი, რომ ჭიდაობაში უნდა მევარჯიშა და მეორე დღეს წავედი კიდეც გორის ძიუდოს სკოლაში. თუმცა ძალიან სუსტი ვიყავი და ერთ კვირაში ტატამზე ხელი მოვიტეხე. დედაჩემის დიდი წინააღმდეგობის მიუხედავად, გამოკეთებისთანავე მაინც განვაგრძე ვარჯიში, თანაც გაათმაგებული მონდომებით. შედეგი კი წლეულსაც გამოჩნდა.</p><p>- ფალავნობაზე სამეულში შენი თანასოფლელი და მოგვარე ბექა ღვინიაშვილი მოხვდა. ის ქართული საჭიდაო სამყაროს დიდი იმედია. ძიუდოში ჭაბუკებსა და ახალგაზრდებში ყველა უმაღლეს საერთაშორისო ტიტულს ფლობს...</p><p>- ბექა ღმერთმა დააჯილდოვა საოცარი ფიზიკური ძალით, ენერგიით, ფლობს მრავალფეროვან ტექნიკურ არსენალს. სანახაობრივად ლამაზად ჭიდაობს და ამის გამო მაყურებელი ფალავნობაზეც გამოხატავდა მის მიმართ კეთილგანწყობას.</p><p>ბექას ნახევარფინალში რომ არ წაეგო, ფალავნობისთვის გადამწყვეტ პაექრობას ღვინიაშვილები შემოვრჩებოდით. ის ჯერ 18 წლისაა, მაგრამ თუ იჭიდავა, მოსალოდნელია გაისად მაინც გახდეს ფალავანი.</p><p>- სამბოს ნაკრების თავკაცმა ჯონდო მუზაშვილმა ევროპის ჩემპიონატზე კვარცხლბეკს მიღმა შენი დარჩენა დიდ მოულოდნელობად შეაფასა.</p><p>- კარგად ვიყავი მომზადებული, ჩემპიონობის მოპოვებაც შემეძლო. ვიდრე ნახევარფინალში რუსი მსაჯების გადაწყვეტილებით, მინიმალური უპირატესობით მომიგებდა, ყველა მეტოქეს დიდი ანგარიშით ვძლიე. ვგრძნობდი, რომ ჩემპიონობის შესანიშნავი შანსი მქონდა, მაგრამ მოულოდნელმა მარცხმა ცუდად იმოქმედა და მიუხედავად მწვრთნელის მცდელობისა, ბრინჯაოს მედლისთვის საჭიდაოდ მაინც ვეღარ განვეწყე, საბოლოოდ კი მეხუთზე დავრჩი.</p><p>- ზედიზედ ოთხი წელია ძიუდოში საქართველოს ჩემპიონატის პრიზიორი ხდები, სამჯერ ფინალისტი იყავი, როდის გატეხავ ნავსს?</p><p>- ოთხიდან სამჯერ ფინალში წაგება გარკვეულწილად უიღბლობის ბრალიცაა, თუმცა მე დიდი იმედი მაქვს, რომ ძიუდოშიც მივაღწევ წარმატებებს. აქ დიდი შრომა მაქვს ჩადებული და არ მინდა, რომ კარიერა მნიშვნელოვანი საერთაშორისო წარმატების მოპოვების გარეშე დავამთავრო.</p><p>ვასილ ბალახაძე</p><p>გორიდან</p><p>*<br></p>
2024 წლის 11 სექტემბერს ქარელის მუნიციპალიტეტის სოფელ ძლევიჯვარში გაიმართა შოთა ხაბარელის და ნიკოლოზ შერაზადიშვილის სახელობის ტურნირი ქართულ ჭიდაობაში.
ასე აღნიშნა ლაშა ბექაურმა ტატო გრიგალაშვილის მსოფლიო ჩემპიონობა [VIDEO]
"ტოჩი" მეტოქეს სახეზე შეეხო და დოჰიოდან გაიყვანა [VIDEO]
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა