ბუფონი იანვარში ბრუნდება

”მსურს კარიერა "იუვენტუსში" დავასრულო და გუნდთან ერთად არაერთი ტროფეი მოვიგო" უკვე კარგა ხანია, რაც ჯანლუიჯი ბუფონი ლაზარეთშია და მკურნალობის პროცესს გადის. შეგახსენებთ, რომ ჯიჯი მსოფლიოს ჩემპიონატის პირველივე შეხვედრაში, იტალია-პარაგვაის პაექრობისას დაშავდა და მას შემდეგ, მოედანზე აღარც გამოჩენილა. ზაფხულშივე გაცხადდა, რომ მსოფლიოს ერთ-ერთ საუკეთესო კიპერს მინიმუმ ხუთი-ექვსი თვით მუწევდა უქმობა და "იუვენტუსის" მესვეურები იძულებულნი გახდნენ მეკარის გადაბირებაზე ეფიქრათ. არჩევანი მარკო სტორარიზე შეაჩერეს, რომელიც ჯერჯერობით ერთობ კარგად გამოიყურება და თვით ჯიჯის ქებას იმსახურებს. სწორედ ამ თემას შეეხო "კორიერესთან" საუბარში ბუფონი:"სტორარი შესანიშნავად ირჯება და ეს პირად საუბარშიც არაერთხელ ვუთხარი. მინდა საჯაროდაც გადავუხადო მადლობა, რადგან მისი თამაშის შემხედვარე, უფრო ნაკლებად განვიცდი იმას, რომ გუნდს ვერაფრით ვეხმარები. მარკოს მისამართით საქებარი სიტყვების გარდა, არაფერი მეთქმის. რაც შეეხება ჩემი ჯანმრთელობის მდგომარეობას, თავს ბევრად უკეთ ვგრძნობ და როგორც ექიმები მეუბნებიან, მოედანს იანვრის მეორე ნახევარში დავუბრუნდები. უკვე დიდი დატვირთვებით ვვარჯიშობ და შემიძლია მოედანზეც გავიდე, მაგრამ კიდევ ერთხელ გარისკვა შეიძლება კარიერის დასრულებად დამიჯდეს. მინდა, რომ ერთხელ და სამუდამოდ მოვიშუშო წელის ტრავმა და მოედანს მშვიდად დავუბრუნდე".ბუფონს ჩემპიონატში არსებულ ვითარებაზე დაეკითხნენ და შემდეგი პასუხი მიიღეს: "ძალიან დაძაბული პირველობაა და ერთი სული მაქვს, როდის ჩავერთვები ბატალიებში. ვინ არის ფავორიტი? - თუ სკუდეტოსთვის ბრძოლას გულისხმობთ, ვფიქრობ, რომ "მილანი". ამ გუნდში შესანიშნავმა ფეხბურთელებმა მოიყარეს თავი, ამასთან კარგა ხანია ჩემპიონატი არ მოუგიათ და უდიდესი მოტივაცია ამოძრავებთ. არც "ინტერის" და "რომას" ჩამოწერა შეიძლება, რომლებმაც ნებისმიერ დროს შეიძლება მოუმატონ და წაუგებელი თამაშების სერია გამოაცხონ. მაღალი ადგილებისთვის იბრძოლებს "ლაციოც", თუმცა მეეჭვება, რომ ედუარდო რეიას გუნდმა სკუდეტოსთვის იბრძოლოს. რაც შეეხება ჩვენს გეგმებს, ჩემპიონთა ლიგის ზონაში მოხვედრა აუცილებელი ამოცანაა, დანარჩენს კი დრო გვიჩვენებს - გამორიცხული არაფერია".უკვე დიდი ხანია საუბრობენ იმაზე, რომ ბუფონმა შესაძლოა დატოვოს "იუვენტუსი" და პრემიერლიგის რომელიმე გუნდში გადაბარგდეს. ასეთი ხმები ჯერ კიდევ მსოფლიოს ჩემპიონატის დაწყებამდე მუსირებდა და თითქოს, მძიმე ტრავმამ ჯიჯის "იუვეში" დარჩენა განაპირობა. თავად ბუფონი ამ ინფორმაციას უარყოფს: "არც ზაფხულში ვაპირებდი სხვაგან გადასვლას და არც ზამთრის სატრანსფერო პერიოდში ვგეგმავ ტურინის დატოვებას. "იუვენტუსის" მესვეურებმა ამბიციური პროექტი შეიმუშავეს და მითხრეს, რომ ამ დიდი გეგმის ნაწილი ვარ. ბუნებრივია, ასეთი სიტყვების შემდეგ გუნდში დარჩენის სურვილი გამიღრმავდა და არსად წასვლას არ ვაპირებ. მეტიც, მსურს კარიერა "იუვენტუსში" დავასრულო და ამ გუნდთან ერთად არაერთი ტროფეი მოვიგო".

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

"ინტერმა" მოიგო და ლიდერობა განიმტკიცა

დასჯილი კონტე და "ნაპოლის" ზედიზედ მესამე ფრე

მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს

"ნოტინგემს ფორესტს" ზინჩენკოს იჯარის ვადაზე შეწყვეტა სურს

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა

"იბერია 1999"-მა ბართიშვილი და ღუდუშაური დაიმატა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

"ვიღაც ნახევრად მელოტმა ბეჰემოთმა ხვიჩაზე ეს თქვა" - ძიუბა კვარაცხელიას განვითარებაში სლუცკის წვლილზე

"ნებისმიერი თანხა მოითხოვოს" - საუდის არაბეთის კლუბის პრეზიდენტის შეთავაზება მესის

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

ალონსოს პენალტით "ვიგომ" "სევილია" მატჩის მიწურულს დაამარცხა

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა