<p><p>Goal.com-ის მიხაელ იოხინმა ორშაბათის "ელ კლასიკოს" ირონიული სვეტი მიუძღვნა</p> <br> <p>Goal.com-ის მიხაელ იოხინმა ირონიული სვეტი მიუძღვნა ორშაბათის "ელ კლასიკოს". მაშ ასე, თქვენ წინაშეა "ტოპ-11: რეალის" ფეხბურთელთა მიღწევები "ბარსელონასთან" მატჩში".</p><p>მაშ თქვენ ფიქრობთ, რომ წუხელ მადრიდის "რეალს" ქარიშხალივით გადაუარეს "კამპ ნოუზე"? მოდი, დაფიქრდით ჯერ, სანამ ასეთ დასკვნას გამოიტანთ. ჟოზე მოურინიოს ბიჭებმა თავიანთი კვალი დატოვეს "ელ კლასიკოზე" და ეს მათ არ უნდა დავუვიწყოთ. მოდი, ვნახოთ რა გააკეთეს მათ... მათი ღვაწლი უბრალოდ ფანტასტიკურია!</p><p><strong></p><p>იკერ კასილიასი</strong>: საოცრად ფოტოგენიურია, როცა თავს უკან ხელებს შემოიწყობს და თანაგუნდელებს გასცქერის. ეჭვსგარეშეა, სარა კარბონერომ, მისმა გერლფრენდმა ურჩია ეს იკერს. შემდეგ კი ოჯახთან ერთად (რომელიც სრული შემადგენლობით "ატლეტიკოს" გიჟი ფანია) "ბარსელონას" წარმატება იზეიმა.</p><p><strong></p><p>სერხიო რამოსი</strong>: "ბლანკოს" პირველი ფეხბურთელი, რომელიც ერთ კვირაში ორჯერ გააძევეს მატჩისთვის დამატებულ დროში. ამჯერად, სერხიოს არ დასჭირვებია დუდეკის დახმარება, თავადაც კარგად უწყოდა, თუ რა მიმართულებით უნდა წასულიყო... ისტორიაში ჩასაწერად.</p><p><strong></p><p>რიკარდო კარვალიო</strong>: დიდებულად მიაღებინა ლეო მესის ყვითელი ბარათი. იდაყვი ისე ოსტატურად გამოსდო მესის, რომ თავად არც დაზარალებულა და არც დასჯილა, სამაგიეროდ არგენტინელი წაიქცა, მერე კი დაისაჯა. ზოგი იტყვის, რომ კარვალიოს სიმაღლე დაეხმარა ამ დიდებული დარტყმის განხორციელებაში, შურიან ხალხს რა გამოლევს...</p><p><strong></p><p>პეპე</strong>: ყველაზე საუკეთესო პორტუგალიელი შოუში, სათადარიგოთა სკამის ჩათვლით. შარშან ის იყო დამნაშავე ზლატან იბრაჰიმოვიჩის გამარჯვების გოლში, მაგრამ პეპემ ჭკუა ისწავლა - ახლოს არ გაჰკარებია მასპინძელთა ფორვარდებს. თან შვედიც არსად ჩანდა ამ ჯერზე...</p><p><strong></p><p>მარსელო</strong>: "რეალის" ერთადერთი ფეხბურთელი, რომელმაც საგოლე პასი მიითვალა... აბა, ჩავის პასი ვინ მისცა? ის ახლოს იყო გოლის გატანასთანაც, მაგრამ პედრომ დაასწრო.</p><p><strong></p><p>სამი ხედირა</strong>: მეორე ტაიმში "ადიდასის" დიზაინერებს ახალი იდეა ჩააწოდა, სანახევროდ წითელი ფორმით ითამაშა. ეჭვიც არაა, ისინი გერმანელის ნოუჰაუს გაითვალისწინებენ.</p><p><strong></p><p>ჩაბი ალონსო</strong>: საუკეთესო მე-14 ნომერი მოედანზე, აჯობა ყოფილ თანაგუნდელს "ლივერპულში" ხავიერ მასკერანოს. და ჩვენ ყველამ კარგად ვიცით, რას ნიშნავს "კამპ ნოუზე" 14 ნომრიანი მაისურით თამაში.</p><p><strong></p><p>მესუთ იოზილი</strong>: ძალიან კარგად აკვირდებოდა ჩავის და ინიესტას თამაშს, იმდენად მოწადინებული იყო, რომ მოურინიომ მეორე ტაიმში სკამზე დასვა, რათა უკეთ ეცქირა, თან თავისი ნოუთბუქი ათხოვა.</p><p><strong></p><p>ანხელ დი მარია</strong>: რა კარგი ბიჭია ანხელი! მისმა ყოფილმა კლუბმა "ბენფიკამ" პორტუგალიურ "კლასიკოში" 0:5 წააგო "პორტუსთან" და სოლიდარობის ნიშნად, მანაც ამავე ანგარიშით წააგო - ძველი მეგობრები გასაჭირში არ მიატოვა.</p><p><strong></p><p>კრიშტიანო რონალდო</strong>: როცა გვარდიოლას ხელი ჰკრა, მისი საფეხბურთო გენია სრულად წარმოჩინდა. მისმა მოქმედებამ წამში შეცვალა თამაში. მეტოქე დააბნია, გააცოფა, ყველა მუშტებზე იყურებოდა და კარგა ხანი ვერ გააკეთა ზუსტი პასი.</p><p><strong></p><p>ქარიმ ბენზემა</strong>: იმდენად კარგად ითამაშა, რომ მოურინიომ სეზონში პირველად ათამაშა 90 წუთი. ის კი არადა, ორჯერ ტელეეკრანზეც გამოჩნდა (თითოჯერ ტაიმში). საფრანგეთის ნაკრებმა მუნდიალზე დიდი ძალა დაკარგა.</p></p>
REZO NASIDZE
ra abuqeebs bichoo .... reals : )))))) rac ar unda qnas realmaa ese verasdros ver mougeebs
deqstera
მანჩესტერის გულშემატკივარ და რეალი მაინცდამაინც არ მევასება მაგრამ ამ სტატიას ეტყობა რომ ბარსას გიჟი ფანის დაწერილია რომელიც ზედმეტად აბუქებს მოვლენებს...
madridista
ხო, ხო, წააგო და შეჯექით ეხლა რეალს!! არა უშავს, მალე დადგება ბლანკოსი ისევ თავის სიმაღლეზე და ბევრი დღეს რო ბარსას იძახის რეალს დაიძახებს!! ხასიათია ადამიანის ეგ!! ჰალამადრიიიიდ!! ჰალაააა!!!! პ.ს. 9 ჩემპიონთა ლიგა!!!
bod
არც ჩვენი კომენტატორები ჩამოუვარდებოდნენ იოხინს ირონიულობაში. "ბურთიანად გადავიდა აუტში" "რელის გულშემატკივრები გაშორდით ეკრანებს" :DD
irakli
წაგებაცაა და წაგებაც რა, არაკაცულად თამაში ხო საერთოდ რა,მართლაც რომ უღირსად წააგეს. ბარსა კი ძალიან მაგარია რა, აწყობილი გუნდი ყველამ იცის თავისი საქმე და რაც მთავარია თამაშებენ და არა მარიაჟობენ, რონალდო პიჟონივით. ბარსააააააააააააააააააააააააააა
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!