<p><p>ფრანგები იმუქრებიან, რომ მასპინძელ სერბეთის ნაკრებსა და მის გულშემატკივრებს გააწბილებენ</p> <br> <p>დევისის თასზე საფრანგეთის ნაკრების კაპიტანმა გი ფორჟემ და წარსულში ცნობილმა ფრანგმა ჩოგბურთელმა ანრი ლეკონტმა განაცხადეს, რომ მათი შეგირდები მზად არიან ბელგრადში სერბეთის ნაკრებისა და მათი პატრიოტი გულშემატკივრების "გასაწბილებლად". დევისის თასის ფინალი 3-5 დეკემბერს "ბელგრად არენაზე" გაიმართება.</p><p>სერბეთის ნაკრებს 2008 წელს ჰქონდა დებიუტი მსოფლიოს არაოფიციალურ გუნდურ ჩემპიონატში და ზედიზედ ორი წელი პირველ წრეზე შორს ვერ გადიოდა. დევისის თასის ცხრაგზის მფლობელმა საფრანგეთმა კი ბოლოს ეს პრიზი 2001 წელს მოიპოვა.</p><p>"არავის და არაფრის გვეშინია. ვიცით რამდენად ძლიერები არიან ნოვაკ ჯოკივიჩი და სხვა სერბი ბიჭები, - განაცხადა გი ფორჟემ ბელგრადში ჩატარებული პირველი ვარჯიშის შემდეგ. - ისიც ვიცით, რამდენად რთულია სახლიდან მოშორებით ასეთ ატმოსფეროში თამაში. მაგრამ ყველაფრისთვის მზად უნდა ვიყოთ. ეს დიდი მატჩი იქნება, ფიზიკურად და ფსიქოლოგიურად ძალიან მძიმე, მაგრამ მაინც მოუთმენლად ველით მის დაწყებას".</p><p>მსოფლიოს ყოფილი მეხუთე ჩოგანი ანრი ლეკონტი, რომელმაც 1991 წელს მოიგო დევისის თასი (ფინალში საფრანგეთმა ლიონში მოუგო ამერიკას), დაძაბულ ფინალს ელოდება.</p><p>"ვფიქრობ, უახლოეს უქმეებზე ბრწყინვალე ჩოგბურთი გველის ორივე ნაკრების შესრულებით. ჯოკოვიჩი ძალიან კარგ თამაშს აჩვენებს, განსაკუთრებით სეზონის ბოლოს, - ამბობს ლეკონტი. - ისინი ნამდვილ ბრძოლას გაგვიმართავენ და ეცდებიან მაქსიმალურად გამოიყენონ საკუთარი კედლების ფაქტორი.</p><p>რა თქმა უნდა, საკუთარი გულშემატკივრებით გამხნევებული სერბეთი ფავორიტი იქნება, მაგრამ ეს ნორმალურია. ერთმანეთის მიმართ პატივისცემა უნდა შევინარჩუნოთ. ასევე რთული იყო პიტ სამპრასისთვის ლიონში ჩვენს წინააღმდეგ თამაში (მაშინ ჯერ კიდევ ახალგაზრდა ამერიკელმა თავისი ორივე ერთეულთა მატჩი წააგო ლეკონტთან და ფორჟესთან)".</p><p>ლეკონტის თქმით, ფრანგებს ძალიან დააკლდებათ ჟო-ვილფრიდ ცონგა, რომელიც მაინც აპირებს ბელგრადში ჩასვლას და თანაგუნდელების სათადარიგოთა სკამიდან გამხნევებას. "ცონგას ბოლო მატჩებში მონაწილეობა არ მიუღია, მაგრამ ის ნაკრების უმნიშვნელოვანესი ფიგურაა. მას აქვს უფლება თქვას: "ბიჭებო, ჩვენ გვჭირდება თასი! ეს ძალიან მნიშვნელოვანია", - განაცხადა 47 წლის ანრიმ, რომელიც ვეტერანთა ტურში დღემდე თამაშობს ჩოგბურთს.</p><p>ტრადიციულად, ორი ერთეულთა მატჩი პარასკევს გაიმართება. 3 დეკემბერს პირველი შეხვედრა თბილისის დროით 17 საათზე გაიმართება. შაბათს წყვილთა მატჩი 18 საათზეა დანიშნული, კვირის პროგრამა კი 16 საათზე გაიხსნება. დევისის თასზე შეხვედრები სამ მოგებამდე ტარდება.</p><p>ეს გუნდები პირველად ხვდებიან ერთმანეთს დევისის თასზე, თუმცა ყოფილი იუგოსლავიისა და საფრანგეთის გზები რვაჯერ გადაიკვეთა და ანგარიში საყაიმოა - 4:4.</p> <p></p><p>* * *</p><p>სერბეთში გულმოდგინედ ემზადებიან წლის უმნიშვნელოვანეს მატჩში თავიანთი საყვარელი გუნდის საქომაგოდ. სერბების ლიდერ ნოვაკ ჯოკოვიჩის კუთვნილი რესტორნის ფასადზე გამოფინეს უზარმაზარი ვერტიკალური პლაკატი, რომელიც, ნოვაკის თქმით, ფინალში სერბეთის ნაკრების გამარჯვების ერთგვარი სიმბოლო უნდა გახდეს.</p><p>ბანერი - "ჩემპიონებო, სერბეთს უყვარხართ" ყველას ყურადღება უნდა მიიქციოს, ვინც ფინალის დღეებში "ბელგრად არენასთან" ჩაივლის.</p> <p>ფოტო:</p><p>DAVIS-SERBIA - საჩემპიონო ბანერი</p> <p> </p></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
17-წლამდე გოგონათა ნაკრები საკვალიფიკაციო ეტაპისთვის ემზადება
ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა
ოფიციალურად: შონ დაიჩი პრემიერ ლიგას დაუბრუნდა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
"გაგრას" ლიუბენოვიჩი ჩაუდგა სათავეში
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
ფაბიო ბორინი ინგლისის მე-4 ლიგის კლუბში ჩაირიცხა
რობერტო მანჩინი შესაძლოა, სამუშაოდ პრემიერ ლიგაში დაბრუნდეს
ოფიციალურად: შვედეთის ნაკრები გრემ პოტერს ჩააბარეს
[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა
რატომ ჩაითვალა მამარდაშვილის კარში პირველი გოლი - VAR-ის გადაწყვეტილების მიზეზი სადავო ეპიზოდზე
პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს
ისტორიულ ბაქოურ დერბის თვაური იმსაჯებს | ქართველი მსაჯებ-კომისარი ევროტურნირებზე
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?