<p>ნიჭიერი ახალგაზრდა მოჭიდავის ფირუზ წულუკიძის მსგავსად, წვერის გაპარსვაზე უარი ევროპის ორგზის ჩემპიონმა ელჩინ ალიევმა განაცხადა <br> არც ისე დიდი დრო გავიდა საქართველოს "ბერძენ-რომაელთა" ნაკრებში ვაჰაბიტურ ნიადაგზე და წვერის გაპარსვასთან დაკავშირებული სკანდალიდან, რამაც ძალიან ნიჭიერი ახალგაზრდის, <strong>ფირუზ წულუკიძის</strong> (66) კარიერა შეიწირა - ვაჰაბიტებთან კავშირის ბრალდებით, თავის მწვრთნელთან ერთად ის ჯერაც პატიმრობაში იმყოფება.</p><p><a href="/sport/tcidaoba/klasikuri-tcidaoba/53553-motcidave-firuz-tsulukidzes-musulmanobis-gamo-teroristebthan-kavshirs-abraleben.html" target="_blank">მოჭიდავე ფირუზ წულუკიძეს მუსულმანობის გამო ტერორისტებთან კავშირს აბრალებენ</a></p><p>როგორც ჩანს, ახლა ანალოგიური პრობლემის წინაშე აზერბაიჯანის იმავე სტილის მოჭიდავეთა ნაკრები დადგა, სკანდალის ეპიცენტრში კი ბევრად უფრო სოლიდური ვარსკვლავი, ევროპის ორგზის ჩემპიონი <strong>ელჩინ ალიევი</strong> (55) აღმოჩნდა. იქაური მედია ვაჰაბიტურ წრეებთან მის კავშირზე ჯერჯერობით პირდაპირ არაფერს წერს, მაგრამ ფაქტია - მასაც მოსთხოვეს წვერის გაპარსვა, რაზეც უარი განაცხადა და ნაკრების შეკრებაც დატოვა.</p><p>ჩვენთვის მოულოდნელად, იქაური პრესა წერს, რომ აზერბაიჯანელი "ბერძენ-რომაელები" თებერვლის შუა რიცხვებში თბილისში აპირებდნენ შეკრებაზე ჩამოსვლას. ინფორმაცია გაგვიკვირდა, რადგან ამის შესახებ ჩვენებისგან არაფერი გაგვიგონია და ნაკრების მთავარმა მწვრთნელმა <strong>ბეგი დარჩიამ</strong> გვითხრა კიდეც, რომ მან არაფერი იცის.</p><p>ვერ გეტყვით, საიდან მოიტანა იქაურმა მედიამ ეს ინფორმაცია, მაგრამ მათი ნაკრები ახლა ბაქოშივე გადის შეკრებას და ზემოაღნიშნული ინციდენტიც იქ მოხდა რამდენიმე დღის წინათ - ნაკრების ირანელმა მთავარმა მწვრთნელმა <strong>ჯემშიდ ხეიდარაბადიმ</strong> ალიევს წვერის გაპარსვა სთხოვა, რაზეც უარი მიიღო.</p><p>"რამდენიმე დღის წინ, ერთ-ერთ ვარჯიშზე ნაკრების მთავარმა მწვრთნელმა ჯემშიდ ხეიდარაბადიმ სთხოვა მას, დაემოკლებინა გრძლად მოშვებული წვერი, რადგან ის ხელს უშლის მეტოქეს. ეს არ იყო მხოლოდ მწვრთნელის თხოვნა, არამედ შეხვედრის მიმდინარეობისას ჰიგიენური ნორმების დაცვას ფილას რეგულაციებიც ითვალისწინებს. ამის შემდეგ ალიევმა დატოვა შეკრება.</p><p>ის კარგი სპორტსმენია, მაგრამ უნდა გაიგოს, რომ არავინ ეწინააღმდეგება მის რელიგიურ აღმსარებლობას. ნაკრებში არიან მუსლიმანებიც და ქრისტიანებიც, სხვადასხვა ქვეყნის წარმომადგენლები, მაგრამ ჰიგიენური ნორმების დაცვა აუცილებელია.</p><p>როგორ შეიძლება ჭიდაობა, როცა შენი წვერი ხელს უშლის მეტოქეს? ნაკრების კარი ღიაა ალიევისთვის. როცა ის დაიმოკლებს წვერს, ვარჯიშსაც განაახლებს", - განაცხადა ფაქტის კომენტირებისას აზერბაიჯანის ჭიდაობის ფედერაციის გენერალურმა მდივანმა <strong>აჯდად ჯაფაროვმა</strong>.</p><p>უეჭველია, ნაკრების ქრისტიან წევრებზე საუბრისას ის ქართველ <strong>შალვა გადაბაძესაც</strong> (98) გულისხმობდა, ევროპის სამგზის და მსოფლიოს მესამე პრიზიორს, თუმცა ნაკრების გაფართოებულ შემადგენლობაში იქაურებს ორი ქართველი კიდევ ჰყავთ.</p><p>როგორც ვხედავთ, ჯაფაროვს პირდაპირ არ დაუდანაშაულებია ალიევი ვაჰაბიტებთან კავშირში, თუმცა რელიგიურ ასპექტზე ხაზგასმა გვაფიქრებინებს, რომ საქმე სწორედ ამაშია. თან სცენარიც ნაცნობია - წულუკიძემაც და ალიევმაც კატეგორიულად იუარეს წვერის გაპარსვა, თორემ სხვა ვითარებაში განა ეს რა პრობლემა იყო, ამის გამო კარიერა რომ არ გაიფუჭონ?</p><p>კიდევ ერთი საერთო ისაა, რომ ორივეს გრძლად მოშვებული წვერის შემოკლება სთხოვეს, მაგრამ ამაზეც ცივი უარი მიიღეს.</p><p>ალიევი სერიოზული ფიგურაა უმჩატეს წონით კატეგორიაში. მან შარშან თბილისშიც იჭიდავა ევროპის ჩემპიონატზე და ფინალშიც გავიდა, სადაც ბელორუს ელბეკ ტაჯიევთან წააგო და ვერცხლს დასჯერდა. მსოფლიოს პირველობაზე ის უკვე ვეღარ მოხვდა ნაკრებში - <strong>ორჰან ახმადოვმა</strong> აჯობა, თუმცა ეს სულაც არ აკნინებს მის ლიდერობას, ის კვლავაც რჩება წონის ფავორიტად.</p><p>სამწუხაროდ, ამ წონაში დიდი ამბიციები არ გაგვაჩნია, მაგრამ იქ მიმდინარე მოვლენები მაინც საყურადღებოა. თან, ამ წონის 57 კილოგრამად გადაკეთება იქნებ ჩვენც წაგვადგეს საკადრო პრობლემების დაძლევაში.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
[VIDEO] კიტეიშვილი დაბრუნდა და "რეინჯერსს" გაუტანა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ოსიმენი: "გალათასარაი" მსოფლიოს საუკეთესო გუნდია
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
"იამალთან დაკავშირებით ეს არ მომწონს" - ფლიკი მედიაში გავრცელებულ სტატიებზე
"მილანი" რობერტ ლევანდოვსკის დამატების ვარიანტს განიხილავს
[VIDEO] "ალონსოს ყაზახეთში მოულოდნელი საჩუქარი გაუკეთეს" - რა მოხდა "კაირატთან" მატჩის შემდეგ პრესკონფერენციაზე
"გარიცხეთ რუსეთის ფედერაცია UEFA-დან" - ესტონელებმა მოთხოვნა წამოაყენეს
უზბეკეთის ნაკრებში კაპაძის ნაცვლად "ოქროს ბურთის" მფლობელ მწვრთნელს ნიშნავენ
"მადლობა ჩვენი გუნდის პრეზიდენტს, მის ამ ჟესტს არასდროს დავივიწყებ" - "ბარსელონასთან" მატჩის წინ, ენრიკემ ნასერ ალ-ხელაიფის მიმართ მადლიერება გამოხატა
"მატჩის მსვლელობისას ჩემთან "ლივერპულის" ფეხბურთელი მოვიდა და ეს კითხვა დამისვა..." - გიუნდოგანი ინგლისური გრანდის გაოცებულ წევრზე
დღეს - ენრიკე ხვიჩას გარეშე, მიქაუტაძე "იუვენტუსის" წინააღმდეგ
აღორძინება რეგიონებიდან უნდა დავიწყოთ - ინტერვიუ გეგა გეგეშიძესთან
2 ივლისს ახალგაზრდა მოჭიდავეები ევროპის ჩემპიონატზე გამოსვლას იწყებენ
ჭიდაობაში მსოფლიოს პირველობაზე მამლუქები გვიპირისპირდებიან
ბაქო 2015-ის შეჯამება: მწარე რეალობა ოლიმპიადამდე ერთი წლით ადრე
ბერძნულ-რომაული ჭიდაობა. ნაკრები: რეინკარნირებული გუნდი
ბ/რ ჭიდაობა: ბეგი დარჩიამ რუმინეთში "ევროპის ერთა თასისთვის" შემადგენლობა დაასახელა
მოჭიდავე ფირუზ წულუკიძეს მუსულმანობის გამო ტერორისტებთან კავშირს აბრალებენ
ბერძნული როქი - რევაზ ლაშხი ბეგი დარჩიას ნაცვლად
ბერძნულ-რომაული სტილით მოჭიდავეთა ნაკრებს ახალი მთავარი მწვრთნელი ჰყავს
შმაგი ბოლქვაძემ მსოფლიოს ჩემპიონატზე სირცხვილისგან გვიხსნა
ახალგაზრდა ქართველმა "ბერძენ-რომაელებმა" მსოფლიოს პირველობის პირველი დღე ჩააგდეს
ბ/რ ჭიდაობა. რუმინეთის ტურნირის წინ: დიდი ციკლის დასაწყისი
ორი ჯოკერი ნაკრებში - პეტრიაშვილი და ქაჯაია, შეუჩერებელი ტალანტები