ორი ოქრო ჩვენ, დანარჩენი სტუმრებს

ჭაბუკ ბერძენ-რომაელთა ნაკრები ემზადება ევროპის ჩემპიონატისთვის, რომელიც 3-8 აგვისტოს ბოსნიის დედაქალაქ სარაევოში გაიმართება... ჭაბუკ ბერძენ-რომაელთა ნაკრები ემზადება ევროპის ჩემპიონატისთვის, რომელიც 3-8 აგვისტოს ბოსნიის დედაქალაქ სარაევოში გაიმართება. ტურნირამდე მათ ამ კვირაში ორ შეჯიბრებაში იჭიდავეს - რამდენიმე დღის წინ ირანში, იქიდან დაბრუნებულები კი ლამის პირდაპირ ჩაებნენ თემურ ყაზარაშვილის სახელობის საერთაშორისო ტურნირში, რომელიც რუსთავში ჩატარდა და გუშინ დასრულდა.ირანული შეჯიბრება ქალაქ გორგანში გაიმართა, თუმცა თავიდან სხვა ქალაქში იგეგმებოდა და ადგილზე ჩასულ ჩვენს ფალავნებს ექსტრემალურ პირობებში მოუწიათ გადანაცვლებამ. ამის მიუხედავად, ვაჟა კრავეიშვილის შეგირდებმა მაინც წარმატებით იჭიდავეს - ოქროს ორი, ხოლო ვერცხლისა და ბრინჯაოს სამ-სამი მედალი მოიპოვეს. ჩემპიონები ფირუზ წულუკიძე (63) და რობერტ ქობლიაშვილი (85) გახდნენ. ნიკა ცეცხლაძემ (50), თორნიკე ჯანგავაძემ (58) და ლაშა გობაძემ (76) ფინალური შეხვედრები დათმეს, ბრინჯაოს მედლებს კი თემურ რუხვაძე (63), აკაკი კანდელაკი (85) და ირაკლი ქაჯაია (100) დაეუფლნენ. ამ შედეგებით ჩვენები გუნდურ ჩათვლაში მეორეზე გავიდნენ. ყაზარაშვილის სახელობის საერთაშორისო ტურნირს, ტრადიციულად, მისმა მშობლიურმა რუსთავმა უმასპინძლა, თუმცა ამჯერად შეჯიბრებას თავად მასპინძელი არ დასწრებია საპატიო მიზეზით - მოგეხსენებათ, ის ეგვიპტის ნაკრების მთავარ მწვრთნელად დაინიშნა და აფრიკიდან ვერ ჩამოვიდა. ტურნირში მასპინძლებთან ერთად ირანის, თურქეთის, აზერბაიჯანის, სომხეთის, ისრაელის და ავსტრიის გუნდებიც მონაწილეობდნენ. დაახლოებით 200 მოზარდი და საკმაოდ ძლიერი შეჯიბრება გამოვიდა. იმდენად ძლიერი, რომ ჩვენებს გაუჭირდათ კიდეც წარმატებების მიღწევა. მწვრთნელთა გასახარად, ნაკრების ლიდერთა უმეტესობამ მაინც დაამტკიცა თავისი სიძლიერე. თუმცა ოქროების რაოდენობით აზერბაიჯანსაც ჩამოვრჩით და თურქეთსაც, ზოგიერთ წონაში კი ჩვენები პრიზიორებშიც საერთოდ ვერ მოხვდნენ. ცხადია, ეს ყველაფერი ტურნირის სიძლიერეზე მიუთითებს, თუმცა მასპინძლებს მაინც მეტი მართებდათ. სამაგიეროდ, შეჯიბრება ევროპის ჩემპიონატისთვის მზადებაში წაადგათ. ტურნირმა სასელექციო თვალსაზრისითაც მეტ-ნაკლებად შეასრულა თავისი დანიშნულება და ერთი ახალი სახელიც წარმოაჩინა - 100 კილოგრამში ვერცხლის პრიზიორი ნიკა კორსანტია, რომელიც პირველად მოექცა სპეციალისტთა ყურადღების არეალში და კარგი ჭიდაობით მოწონებაც დაიმსახურა. ამ შეჯიბრებით ჩვენმა ნაკრებმა დაამთავრა ევროპირველობისთვის მზადების ის ეტაპი, რომელიც სატურნირო შემოწმებას ისახავდა მიზნად. ბოსნიაში გაფრენამდე გუნდი მხოლოდ შეკრებას გაივლის, შეჯიბრებებში კი აღარ გამოვა. ბოსნიაში წასაყვანი გუნდიც, არსებითად, უკვე ცნობილია, მაგრამ კრავეიშვილი მის დასახელებას ჯერ არ ჩქარობს - შეკრების დასრულებას ელოდება და ამას მერე გააკეთებს.კვარცხლბეკი42 კგ. 1. მურად ბაზაროვი (აზერბაიჯანი), 2. ბაკურ გოგოლი, 3. ედნარ შავაძე (ორივე საქართველო), რამიზ მამედოვი (აზერბაიჯანი).46 კგ. 1. მურად მამედოვი (აზერბაიჯანი), 2. საიედ გონტი (ირანი), 3. ვანგიფ სიმონიანი, ალბერტ ვარდანიანი (ორივე - სომხეთი).50 კგ. 1. კილიკ ბერეკი (თურქეთი), 2. ტურალ ნაჯაფ-ოღლი (აზერბაიჯანი), 3. დავით შვანგირაძე (საქართველო), დამირ ნაბერლაკი (ირანი).54 კგ. რაშად სიგუნოვი (აზერბაიჯანი), 2. ბაჩანა ფუტკარაძე (საქართველო), 3. ტოგულ დემიროვი (აზერბაიჯანი), ვაზგენ ხაჩატურიანი (სომხეთი).58 კგ. 1. როვშან ბაგიევი, 2 რამიზ აჰმედოვი (ორივე - აზერბაიჯანი), 3. ამირან შავაძე (საქართველო), რაუჰან როიერი (ირანი).63 კგ. 1. ფირუზ წულუკიძე (საქართველო), 2. დოგან გიოქტასი (თურქეთი), 3. ზეზვა აბრამიშვილი (საქართველო), ისმაილ გოჩასლანი(თურქეთი).69 კგ. 1. საიდ მურად ბაგმანოვი (აზერბაიჯანი), 2. მოსაიედ მორადი (ირანი), 3. გაგიკ ღარიბიანი, სარქის კოჩარიანი (ორივე - სომხეთი).76 კგ. 1. ემრე ნიუნუზ თორგუ, 2. სარის დოგრანი (ორივე - თურქეთი), 3. ლაშა გობაძე (საქართველო), სულეიმან ოიმატი (თურქეთი).85 კგ. რობერტ ქობლიაშვილი (საქართველო), 2. გორგიმარატ გორგიევი, 3. რუიალ ნოვრუზოვი (ორივე - აზერბაიჯანი), ნაურ ელიგულაშვილი (ისრაელი).100 კგ. 1. კირსან მიმინი (თურქეთი), 2. ნიკა კორსანტია, 3. მუხრან ჯანგულიძე (ორივე - საქართველო), თურან თორგული (თურქეთი).

ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა

ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა

რობერტ კობლიაშვილი ოლიმპიადის პირველივე შეხვედრაში დამარცხდა

იმედები ვერ გაამართლა - "ატლეტიკო" სორლოტის გაყიდვას ეცდება

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა

[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა

[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა

დასაევი: საფონოვი რა, ასეთი დიადია?

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე