<p>რუსთავის "მეტალურგმა" თურქულ შეკრებაზე რუმინულ "ტირგუ მურეშს" ორი უპასუხო გოლი გაუტანა <br> კვლავაც გრძელდება რუსთავის "მეტალურგის" თურქული შეკრება და <strong>ვარლამ კილასონიას</strong> ხელმძღვანელობით მოასპარეზე გუნდის მეტოქე ამჯერად რუმინული "ტირგუ მურეში" იყო.</p><p>იმის მიუხედავად, რომ "მეტალურგს" მთელი მატჩის განმავლობაში სოლიდური უპირატესობა ჰქონდა, მხოლოდ ორ გოლს დასჯერდა: მე-19 წუთზე ანგარიში <strong>გიორგი ჩირგაძემ</strong> გახსნა, მეორე ტაიმის დასაწყისში კი რუსთაველთა გუნდის ახალწვეულმა <strong>ბესიკ ჩიმაკაძემ</strong> ამ სპარინგ-შეხვედრის საბოლოო შედეგი დააფიქსირა - 2:0.</p><p>"ტირგუ მურეშის" წინააღმდეგ "მეტალურგმა" ასეთი შემადგენლობით ითამაშა: ბედიაშვილი - დ. საჯაია, მახვილაძე (65. დ. ლომაია), ვ. კილასონია, თ. კაკულია (46. ტვილდიანი) - ექვთიმიშვილი (46. ცნობილაძე), ქავთარაძე (65. გ. კილასონია) - სეთურიძე (65. ხაბელაშვილი), მიქაბერიძე (46. გიგაური), ჩირგაძე - ჩიმაკაძე (65. ბ. ოქროპირიძე).</p><p>შეგახსენებთ, რომ "ტირგუ მურეშამდე" რუსთავის "მეტალურგმა" ანტალიაში ორი საკონტროლო მატჩი ჩაატარა: რუსეთის პირველი ლიგის წარმომადგენელს, ორენბურგის "გაზოვიკს" გუნდის ახალწვეულის, <strong>კახა კაკაშვილის</strong> ერთადერთი გოლის წყალობით მოუგო, ხოლო თურქმენეთის ეროვნულ ნაკრებთან 0:2 დამარცხდა.</p><p>სამშობლოში გამომგზავრებამდე "მეტალურგი" კიდევ ერთ საკონტროლო მატჩს ჩაატარებს; მანამდე კი "მეტალურგის" პრესსამსახურის დახმარებით მოპოვებული რუსთაველთა გუნდის მთავარი მწვრთნელის, ვარლამ კილასონიას კომენტარიც გვინდა შემოგთავაზოთ:</p><p>"იმის მიუხედავად, რომ ორბურთიანი სხვაობით მოვიგეთ, მთლიანობაში, გუნდის ასპარეზობით კმაყოფილი არა ვარ.</p><p>თუმცა შედარებით სუსტი თამაშის მიზეზი, ალბათ, ფეხბურთელების გადაღლილობაც არის - ფიზიკური დატვირთვების ფონზე ხომ ყოველ მეორე-მესამე დღეს ვატარებთ საკონტროლო მატჩებს.</p><p>მეორე მხრივ, დადებითი ფაქტორიც ბევრი იყო ჩვენი გუნდის თამაშში: 90 წუთის განმავლობაში მოედანზე "მეტალურგი" დომინირებდა და უამრავი საგოლე მომენტიც შევქმენით.</p><p>სამწუხაროდ, რეალიზაციის ხარისხში კვლავაც მოვიკოჭლებთ: ძალიან ბევრი ხელსაყრელი მომენტი ვერ გამოვიყენეთ.</p><p>ტრავმების გამო ამ სპარინგ-შეხვედრაში არ უთამაშიათ დენის დობროვოლსკის, კოკა სეფიაშვილს, მამუკა ტორონჯაძეს და კახა კაკაშვილს; სამაგიეროდ, გამოკეთდნენ და ერთი ტაიმი ჩაატარეს გუნდის ახალწვეულებმა - არჩილ ტვილდიანმა და მერაბ გიგაურმა.</p><p>კიდევ ერთი საკონტროლო მატჩი 12 თებერვალს უნდა ჩაგვეტარებინა, თუმცა არ არის გამორიცხული, რომ ერთი დღით ადრე წავისპარინგოთ. ამჟამად მეტოქეების შერჩევაში ვართ - გვინდა, რომ მეტ-ნაკლებად ძლიერ მოწინააღმდეგეს დავუპირისპირდეთ".</p><p>10 თებერვალს, გვიან საღამოს გაირკვა, რომ თურქულ შეკრებაზე ბოლო საკონტროლო მატჩს "მეტალურგი" მაინც 12 თებერვალს ჩაატარებს. "მეტალურგი" ან სომხეთის ჩემპიონატის ბოლოადგილოსანს, "ალაშკერტს" დაუპირისპირდება, ან კიდევ ყაზახურ "ატირაუს", რომელმაც წინა სეზონი მერვე ადგილზე დაასრულა.</p><p>სხვათა შორის, "ატირაუს" ღირსებას იცავს რუსთავის საფეხბურთო სკოლის აღზრდილი, "ოლიმპის", "ვიტ ჯორჯიას", "სიონისა" და თბილისის "დინამოს" ყოფილი ნახევარმცველი, 30 წლის <strong>გიორგი ფეიქრიშვილი</strong>.</p><p><em></p><p>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
პრო ლიგა 2. "რუსთავი": გამოცდილი ახალწვეულები
ჯერ "კოსმოსში", მერე "რედ ბულზში" - გიორგი ჩირგაძე ამერიკაში დაბრუნდა
ეროვნული ლიგა. XIII ტურის წინ: ვარლამ კილასონიას პირველი
უმაღლესი ლიგის XXVIII ტურის მიმოხილვა და სიმბოლური ნაკრები
თბილისის "დინამოდან" სამი ფეხბურთელი გაუშვეს
რუსთავში "რუსთავი" ბრუნდება - "მეტალურგის" ნაცვლად
ოთარ კიტეიშვილი: წყალი რომ წყალია, ისიც არ გვქონდა!..
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
ბესიკ ჩიმაკაძე "რუსთავისთვის" გაიტანს
"რუსთავს" ისევ ახალი მწვრთნელი ჰყავს - ამჯერად უჩა სოსიაშვილი
ქუთაისის "ტორპედომ" კვარტეტი დაიმატა, საუბარია ქვილითაიასა და ჩირგაძეზეც
ეროვნული ლიგის მე-3 წრის საუკეთესოები დასახელდა
"ზუგდიდი": დავით მახარაძე მწვრთნელად და უკრაინელები დაკვირვების ქვეშ
"რუსთავში" რევაზ ძოძუაშვილი იმუშავებს
"რუსთავს" ვარლამ კილასონია გაწვრთნის
ბოლნისის "სიონი" ვარლამ კილასონიამ ჩაიბარა
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
დინამო (თბ)-ზუგდიდი 7:0 - შესანიშნავი შვიდეული გამარჯვების დღისთვის [VIDEO]
ვარლამ კილასონია: გვენდობიან და ამიტომაც არიან ჩვენთან...
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
უმაღლესი ლიგა. XX ტურის მიმოხილვა და სიმბოლური ნაკრები
"ზუგდიდი": პირველი ახალწვეული ბესიკ ჩიმაკაძეა, უკრაინელები დაიწუნეს
სათასო ისტორიები: ეს ჯერ არ მომხდარა - ქვედალიგელთა აღლუმი!
5 და მეტი - ქართული გუნდების დიდი ანგარიშით გამარჯვებები ევროთასებზე