<p>25 თებერვალს სპორტისა და ახალგაზრდობის საქმეთა მინისტრი ლევან ყიფიანი მასმედიის წარმომადგენლებს შეხვდა <br> 25 თებერვალს სპორტისა და ახალგაზრდობის საქმეთა მინისტრი ლევან ყიფიანი მასმედიის წარმომადგენლებს შეხვდა.</p><p>ჯერ შეეხო სამინისტროს მუშაობას, განხორციელებულ თუ განსახორციელებელ პროექტებს, საქართველოში სპორტის განვითარების პერსპექტივებს, შემდეგ კი შეხვედრა კითხვა-პასუხის რეჟიმში გაგრძელდა.</p><p>განვლილი ორი თვის განმავლობაში ქართველმა სპორტსმენებმა საერთაშორისო სარბიელზე მნიშვნელოვან წარმატებებს მიაღწიეს - საქართველოს მორაგბეთა ნაკრებმა მსოფლიოს თასის საგზური მეოთხედ მოიპოვა, წყალბურთელთა ნაკრებმა ევროპის ჩემპიონატის პლეი ოფში თურქეთის ნაკრებს 8:4 მოუგო და ევროპირველობის ფინალურ ეტაპზე მოსახვედრად ნაბიჯი აშორებს, ძიუდოისტთა ნაკრებმა კი პარიზის დიდ სლემზე 1 ოქროს და 2 ვერცხლის მედალი მოიპოვა...</p><p>ამავე პერიოდში, სახელმწიფოს მხრიდან ფეხბურთის და რაგბის განვითარებისთვის მნიშვნელოვანი ნაბიჯები გადაიდგა. რაგბის კავშირის ბიუჯეტი კი 300%-ით გაიზარდა და 2014-16 წლებში რაგბის კავშირი 33 673 968 ლარს მიიღებს. პირველად ქართული რაგბის ისტორიაში, საბაზო დაფინანსება ექნება პირველი ლიგის გუნდებს. განსაკუთრებული ყურადღება მიექცევა ქვეყანაში ბავშვთა რაგბის განვითარებას.</p><p>პრემიერ-მინისტრის ხელმძღვანელობით, შეიქმნა კომისია, რომელიც ფეხბურთის განვითარებისთვის მნიშვნელოვანი პროექტების განხორციელებაზე იმუშავებს. კომისიის ძირითადი ამოცანებია: ფეხბურთის განვითარების 5-წლიანი გეგმის შემუშავება; ფეხბურთის განვითარების ხელშეწყობის ღონისძიებების დაგეგმვა; მასობრივი ფეხბურთის განვითარების ხელშეწყობა; უეფას სუპერთასი-2015-ის მოსამზადებელი სამუშაოების კოორდინაცია.</p><p>სამინისტროს 2014 წლის ერთ-ერთი პრიორიტეტია სპორტული ინფრასტრუქტურული პროექტების დაგეგმვასა და განხორციელებაში მონაწილეობა. ამ მიმართულებით დაწყებულია შემდეგი სპორტული ობიექტების დაპროექტება:</p><p>ოლიმპიური აუზი - დიღომი "ახალი სპორტული ქალაქის ტერიტორია". საპროექტო სამუშაოები დასრულდება 2014 წლის 1-ელ მარტს, ხოლო მშენებლობა დასრულდება 2015 წლის მარტში;</p><p>წყალტუბოს სტადიონი (ორი მოედანი და მძლეოსნობის ბილიკები). საპროექტო სამუშაოები დასრულებულია, ხოლო მშენებლობა დასრულდება 2015 წლის მაისში;</p><p>მულტიფუნქციური სპორტული კომპლექსი (ორდარბაზიანი) - ივანე ჯავახიშვილის სახელობის თბილისის სახელმწიფო უნივერსიტეტის მაღლივი კორპუსი;</p><p>მიმდინარეობს პროექტირება, ხოლო მშენებლობა დასრულდება 2015 წლის მარტში. 2015 წელს მულტიფუნქციური სპორტული კომპლექსების მშენებლობა დაგეგმილია - თელავში, ფოთში, ქუთაისში, ბათუმსა და რუსთავში.</p><p>კითხვა-პასუხის დროც დადგა.</p><p>- რა მოგვცა სოჭის ოლიმპიადამ? - ასეთი იყო ერთ-ერთი შეკითხვა.</p><p>- ეს შეჯიბრება საერთაშორისო ოლიმპიური კომიტეტის ეგიდით იმართება და უნდა ვეცადოთ, ერთი სპორტსმენიც რომ გვყავდეს, საქართველოს დროშა მაინც ფრიალებდეს. ამასთან, საქართველო მთაგორიანი ქვეყანაა და სპორტის ზამთრის სახეობებს დიდი ყურადღება უნდა მივაქციოთ. ასეთი დონის შეჯიბრებები საშუალებას გვაძლევს, გამოვხატოთ ჩვენი დამოკიდებულება ამა თუ იმ საკითხისადმი. სხვათა შორის, მონაკოში გამართულ შეხვედრაზე, რომლის ორგანიზატორიც მონაკოს პრინცი იყო, დავაფიქსირე ჩვენი პოზიცია, გავმიჯნე სპორტი და პოლიტიკა, თუმცა გავაჟღერე ჩვენი მკაფიო შეხედულება რუსეთის პოლიტიკასთან დაკავშირებით, რაც იქ დამსწრე რუსეთის მხარეს არ ესიამოვნა... მინდა მადლობა გადავუხადო ჩვენს ოლიმპიელებს, რომლებიც წნეხის მიუხედავად, ღირსეულად გამოვიდნენ სოჭის ოლიმპიურ თამაშებზე.</p><p>ფეხბურთის განვითარების პროექტის დაფინანსება უკვე გადაწყვეტილია. დავინტერესდით, როდის გადაიდგმება კონკრეტული ნაბიჯები.</p><p>- ქვეყნის პრემიერ-მინისტრი ამჟამად აშშ-შია. დელეგაცია მალე დაბრუნდება და პირველივე კვირაში შედგება შეხვედრა, დაიგეგმება კონკრეტული ნაბიჯები.</p><p>ფეხბურთისა და რაგბის გარდა, სპორტის სხვა სახეობებმაც რომ მოითხოვონ სოლიდური დაფინანსება, რამდენად შესაძლებელი იქნება მათი უზრუნველყოფაც?</p><p>- მოთხოვნა მართლაც დიდია, გაცილებით აღემატება შესაძლებლობებს. ეს არის ბიუჯეტის თანხა, რომელიც გამოიყოფა პრიორიტეტებისთვის. სახელმწიფოსთვის სპორტის განვითარება პრიორიტეტია. ბევრი რამ დამოკიდებული იქნება ქვეყნის ეკონომიკურ ზრდაზე.</p><p>დავსვით ასეთი შეკითხვაც: რაგბიზე არანაკლებ წარმატებული სახეობა კალათბურთია, ნაკრები ზედიზედ ორჯერ მოხვდა ევროპის ჩემპიონატზე. ითქვა, რომ იგეგმება კალათბურთის განვითარების პროექტზე მუშაობაც. რა მასშტაბით დაფინანსდება ეს სახეობა სახელმწიფოსგან და თუ იქნება ეს რაგბისთან მიახლოებული?</p><p>- ვერ იქნება, რადგან ბოლო წლებში რაგბიმ სერიოზული პროგრესი განიცადა: 6 წლის წინათ 900-დან 1000 მორაგბემდე გვყავდა, დღეს - 7 ათასიდან 8 ათასამდე. ამ წინსვლას რაგბის საერთაშორისო ფედერაციაც კარგად ამჩნევს და დღის წესრიგში აყენებს 6 ერის გათამაშების რეორგანიზაციას. ამ შეჯიბრებაში საქართველოს მოხვედრა კი მეტად მნიშვნელოვანი მოვლენა იქნება.</p><p>რაც შეეხება კალათბურთს, ნაკრებში მართლაც ნიჭიერი თაობაა თავმოყრილი, რომელიც საერთაშორისო სარბიელზე წარმატებით გამოდის, თუმცა ნაკრების შედეგებს ზურგს არ უმაგრებს ბავშვთა კალათბურთის განვითარება. ამ მიმართულებით კომპლექსური გადაწყვეტილებებია მისაღები, შესაქმნელია გამართული საკანონმდებლო ბაზა.</p><p>მინდა კალათბურთის დღევანდელ ფედერაციას მადლობა გადავუხადო, რომელსაც ფიბა-დან ჩამოჰყავს ექსპერტები კანონმდებლობის დახვეწაზე სამუშაოდ. ეს უახლოეს ერთ თვეში მოხდება. დასარეგულირებელია სიტუაცია იმ მხრივაც, რომ გუნდებში სტაბილური ფონი შეიქმნას და შუა ჩემპიონატისას პრეზიდენტმა გუნდი არ დატოვოს და ა.შ.</p><p>შემდეგი კითხვა სწორედ ამ საკითხს ეხებოდა. "სოხუმის" კალათბურთელებს 6 თვეა ხელფასი არ მიუღიათ და რამდენჯერმე დადგა გუნდის დაშლის საკითხი. ამ მიმართულებით თუ შეუძლია სპორტის სამინისტროს რეაგირება?</p><p>- ეს მაგალითი მიგვანიშნებს, რომ სისტემა მყიფეა. მსოფლიოს მასშტაბით არაერთი ფაქტი დაფიქსირებულა ამა თუ იმ სპონსორი კომპანიის გაკოტრებისა, თუმცა ამ შემთხვევაში კერძო ინვესტიციას სახელმწიფო დაფინანსებით ვერ ჩავანაცვლებთ. კალათბურთის ფედერაციასთან ერთად გამოსავალი უნდა მოვნახოთ.</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"იუნაიტედი" "ბრენტფორდთან" დამარცხდა - გაუშვებენ ამორიმს?
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე
პსჟ-ს ტრავმის გამო კიდევ ერთი ფეხბურთელი გამოაკლდა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
"ლივერპულმა" შესაძლოა, "ბაიერნის" მცველი უფასოდ დაიმატოს
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
"იუნაიტედის" სტილი მისი შესაფერისი არ არის და იქ გადასვლით შეცდომა დაუშვა" - მერსონმა შეშკო გააკრიტიკა
"თქვენ ჩემი მეგობრები კი არა, ძმები ხართ" - როგორ მიმართა ხვიჩა კვარაცხელიამ "ნაპოლის" ფეხბურთელებს დამშვიდობებისას
ფლიკი თანახმაა - "ბარსელონა" ლევანდოვსკის შემცვლელად გირასის დამატებას განიხილავს
თამაზ თევზაძე: ამის ავტორი ფეხბურთის ფედერაციაა?
კურიოზი სფფ-ის ყრილობაზე: "ჯამარამ" ხომ საკმარისი ხმები მიიღო?..
ავტოკატასტროფის შედეგად ქართველი მორაგბის მამა დაიღუპა
ლუკა გადრანი "ალავესშია" და ფიფასგან თამაშის ნებართვას ელის
"შავი ლომი" | ზედიზედ მეორედ ბრიტანეთში
ყრილობა ფეხბურთში - სფფ-ის ახალ აღმასკომში 11 წევრი აირჩიეს
რა ხდება უცხოურ რაგბიში? - ივლისის ტესტები...
ივლისის სარაგბო ტესტ-მატჩები - მეორე ნაწილი
ქუთაისის "ტორპედო" წყალტუბოში "სამგურალთან" დამარცხდა [VIDEO]
რაგბის ლეგიონი: ბექა გორგაძე ელიტურ რაგბის დაუბრუნდა
რაგბიზე შეყვარებული ფანის ისტორია, რომელმაც ალიასკაში სტადიონი ააშენა [PHOTO]
მასობრივი ფეხბურთი: რეალურია თითო გუნდი და სტადიონი ყველა სოფელში?