სამოცი პლუს ქართული კვარტეტი

დღეს თურქეთის ქალაქ ანტაკიაში მოჭადრაკე ქალთა მსოფლიოს ჩემპიონატი საზეიმოდ გაიხსნება თურქეთის ქალაქ ანტაკიაში დღეს საზეიმოდ გაიხსნება მოჭადრაკე ქალთა მსოფლიოს ჩემპიონატი, რომელშიც პლანეტის 64 უძლიერესი დიდოსტატი და საერთაშორისო ოსტატი ჩაებმება. ისინი ნოკაუტსისტემით იბრძოლებენ მედლებისთვის. სულ 6 რაუნდი გათამაშდება. გარდა ფინალისა, მეტოქეები ორ-ორ კლასიკურ პარტიაში ეცდებიან მომდევნო ეტაპზე გამსვლელთა ვინაობის გამოვლენას. თუ ეს საკმარისი არ აღმოჩნდება, მესამე დღე ტაიბრეიკებს დაეთმობა, ფინალში 4 პარტიისგან შემდგარი მატჩი დაასახელებს მსოფლიოს ახალ ჩემპიონს.ტურნირის საპრიზო ფონდია 450 ათასი დოლარი. პირველ წრეში დამარცხებული 32 მოჭადრაკიდან თითოეული 3.750 დოლარს მიიღებს, II წრეში ძლეულს(16) 5500 დოლარი ერგება, III წრეში (8)-8000, IV წრეში (4)-12.000, V წრეში (2)-20.000, VI წრეში (ფინალში წაგებული)-30.000. ჩემპიონი 60 ათასი დოლარით დაჯილდოვდება.შეჯიბრებაში ოთხი ქართველი დიდოსტატი იასპარეზებს - ხუთგზის მსოფლიოს ჩემპიონი მაია ჩიბურდანიძე (პირადი მწვრთნელი ხვიჩა სუპატაშვილი), ნანა ძაგნიძე (ზურაბ სტურუა), მაია ლომინეიშვილი (მერაბ გაგუნაშვილი) და სოფიო ხუხაშვილი (დავით არუთინიანი). ხვალ პირველი რაუნდის სტარტზე ნანა ძაგნიძე (2551) კანადელ დინა კაგრამანოვას (2101) დაუპირისპირდება. გამარჯვებული მეორე წრეში ელმირა სკრიპჩენკოსა (საფრანგეთი, 2460) და ადელა-კრისტინა ფოიშორს (რუმინეთი, 2403) შორის უძლიერესს შეხვდება. მაია ჩიბურდანიძის (2502) მეტოქეა ინდოელი მეენაკში სუბარამანი (2328). წარმატების შემთხვევაში ჩვენებურს უფრო ძლიერი მოწინააღმდეგე ეყოლება, სავარაუდოდ, ჩინელი ჟაო სიუ (2474), რომელსაც ეკვადორელი მარტა ფიეროს (2363) ძლევა არ უნდა გაუჭირდეს. მაია ლომინეიშვილი (2347) ამერიკელ ანა ზატონსკიხს (2478) ეთამაშება. ეს უკანასკნელი წარმოშობით უკრაინელია, კარგა ხანს ოკეანისგაღმა ცხოვრობდა და ამერიკის ჩემპიონობაც მოიპოვა. წლეულს მეორედ გათხოვდა გერმანელ დიდოსტატ ფრიდმანზე და ახლა ჩემპიონატისთვის მეუღლე ავარჯიშებს. ამ წყვილში უძლიერესი მარი სებაგსა (საფრანგეთი, 2494) და ირინა ვასილევიჩს (რუსეთი, 2333) შორის გამარჯვებულთან გაარკვევს ურთიერთობას. რთული წილი ერგო სოფიკო ხუხაშვილს. პირველ რაუნდში მეტოქეობას რუსეთის თასის მფლობელი ირინა ტუროვა (2439) გაუწევს. ამ წყვილში საუკეთესოს მეორე წრეში მსოფლიოს ჩემპიონ ალექსანდრა კოსტენიუკსა (რუსეთი, 2507) და ამინა მეზიუდს (ალჟირი, 2029) შორის უძლიერესთან მოუწევს დაპირისპირება.პირველ რაუნდში დანარჩენი მოჭადრაკეები ასე დაწყვილდნენ: ჰამფი კონერუ (ინდოეთი, 2600)-მელისა გრიჰი (სამხრეთ აფრიკა, 2082), ჰოუ იფანი (ჩინეთი, 2591)-კარლა ჰერედია (ეკვადორი, 2087), ტატიანა კოსინცევა (რუსეთი, 2581)-მონა ჰალედი (ეგვიპტე, 2093), ანტოანეტა სტეფანოვა (ბულგარეთი, 2548)-ინგრიდ ალიაგა (პერუ, 2154), ანა მუზიჩუკი (სლოვენია, 2530)-მარისა ზურიელი (ალჟირი, 2208), პია კრამლინგი (შვედეთი, 2526)-ბეთულ ილდიზი (თურქეთი, 2225), ჰარიკა დრონავალი (ინდოეთი, 2525)-კრუტიკა ნადიგი (ინდოეთი, 2230), იუ ვენიუნი (ჩინეთი, 2524)-არიან გაოილი (ავსტრია, 2242), კატერინა ლახნო (უკრაინა, 2522)-კუბრა ოზთურქი (თურქეთი, 2264), ვიქტორია ჩმილიტე (ლიტვა, 2514)-იულია დიომინა (რუსეთი, 2323), მონიკა სოჩკო (პოლონეთი, 2495)-სოუმია შვამინათანი (ინდოეთი, 2332), რუან ლუფი (ჩინეთი, 2480)-გამილა ბაგინსკაიტე (აშშ, 2336), ლილით მკრტიჩიანი (სომხეთი, 2479)-სიაოვენ ჟანი (ჩინეთი, 2339), ჟუ ჩენი (ყატარი, 2477)-ნაფისა მუმინოვა (უზბეკეთი, 2360), ელიზაბეტ პეტცი (გერმანია, 2474)-იოლანტა ზავადსკა (პოლონეთი, 2368), თრანგ თან ჰუანგი (უნგრეთი, 2473)-იისინ დინი (ჩინეთი, 2370), ნატალია პოგონინა (რუსეთი, 2472)-ბაირა კოვანოვა (რუსეთი, 2380), ელინა დანიელიანი (სომხეთი, 2466)-ტატიანა შადრინა (რუსეთი, 2384), მარია მუზიჩუკი (უკრაინა, 2462)-დეიზი კორი (პერუ, 2384), შენ იანი (ჩინეთი, 2461)-ევგენია ოვოდი (რუსეთი, 2387), ანა უშენინა (უკრაინა, 2460)-ჰუან ქიანი (ჩინეთი, 2402), ელენა დემბო (საბერძნეთი, 2454)-ბათუიანგ მონგონტუული (მონგოლეთი, 2409), ნატალია ჟუკოვა (უკრაინა, 2447)-მარია რომანკო (რუსეთი, 2414), ივეტა რაილიჩი (პოლონეთი, 2446)-იოვანკა ჰოუსკა (ინგლისი, 2421).

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ეგონათ, სიგიჟე გავაკეთეთ! პსჟ-ის ეს ფეხბურთელი 250 მილიონად არ მივყიდეთ" - ლაპორტამ დღემდე უცნობი ამბავი გაამხილა

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა