<p><p>NBA: "დენვერის" მწვრთნელ ჯორჯ კარლის ეგონა, "შარლოტთან" მატჩში ასოციაციაში მეათასე გამარჯვებას იზეიმებდა</p> <br> <p>"დენვერ ნაგეტსმა" "შარლოტთან" ვიზიტამდე შამპანური მოიმარაგა - გამარჯვების შემთხვევაში ამ გუნდის მთავარი მწვრთნელი ჯორჯ კარლი ეროვნულ საკალათბურთო ასოციაციაში მეათასე გამარჯვებას იზეიმებდა. ზეიმის მოწყობის შანსი დიდი იყო, რადგან "დენვერი" კარგ ფორმაში იმყოფება და ამ შეხვედრას შვიდმატჩიანი მოგებათა სერიით შეხვდა, თანაც მეტოქეც მოკრძალებული ჰყავდა.</p><p>კოლორალოელთა სამწუხაროდ, მათ შამპანურის გახსნა არ დასცალდათ და კარლის ანგარიშზე 999 გამარჯვება დარჩა. არადა, ჯორჯს საიუბილეო მოგება სწორედ ჩრდილოეთ კაროლინაში უნდოდა, სადაც უნივერსიტეტი აქვს დამთავრებული. "ნაგეტსს" შეეძლო ამ მატჩში წარმატების მიღწევა, მაგრამ ბოლო წამებზე ჩონსი ბილაპსმა ხელსაყრელი სიტუაციიდან ვერ ჩააგდო.</p><p>"შარლოტის" წინააღმდეგ სათამაშოდ წელიწადში ერთხელ ჩამოვდივართ, თანაც ჩემი მეგობრის ლარი ბრაუნის გუნდის წინააღმდეგ თამაშის ყოველთვის რთულია, - თქვა მატჩის შემდეგ კარლმა. - სამუდამოდ დამამახსოვრდებოდა მეათასე მატჩის სწორედ ამ ქალაქში მოგება. იმედი მაქვს, იუბილეს, რაც შეიძლება მალე ვიზეიმებ. ამ წაგების გამო კი მხოლოდ საკუთარ თავს ვადანაშაულებ. საფინალო სირენამდე შვიდი წამით ადრე საკუთარ ფართან მოვხსენით ბურთი და მე ტაიმ-აუტი არ ავიღე. ამის ნაცვლად ბილაპსს ვენდე. უნდა ვნახო ვიდეოჩანაწერი და გავარკვიო, სად შევცდი".</p><p>საინტერესოა, რომ "დენვერი" წუთნახევრით ადრე, ბორის დიაოს ტყორცნის შემდეგ რვა ქულას აგებდა - 91:99. მაგრამ ამის შემდეგ ჯეი არ სმიტმა დროულად ჩააგდო სამქულიანი, ნენე ილარიომ და ბილაპსმა საჯარიმოები გამოიყენეს და მაყურებელმა დაძაბული ბოლო წამები იხილა. სტუმრებმა დაცვაში იყოჩაღეს, მაგრამ, როგორც ზემოთ აღვნიშნეთ, ბილაპსმა უმნიშვნელოვანესი ბურთის ჩაგდება ვერ მოახერხა. გადამწყვეტი ტყორცნის ოსტატმა მთელი მოედანი გაიარა და ექვსი მეტრიდან ისროლა. პრაქტიკულად ჩავარდნილი ბურთი კალათიდან ამოვარდა და "დენვერის" სერია ამით შეწყდა.</p><p><strong>ატლანტა-ნიუ ჯერსი 116:101</strong></p><p>27:26, 33:21, 23:24, 33:30</p><p>ა: სმიტი (34+7 პასი), კროუფორდი (26), ჰორფორდი (24+10 მოხსნა+6 პასი).</p><p>ნ-ჯ: ლოპესი (24), ჰარისი (18+13 პასი), ფარმარი (16), მოროუ (10), ჯეიმსი (10).</p><p><strong>ფილადელფია-კლივლენდი 117:97</strong></p><p>35:26, 31:28, 23:20, 28:23</p><p>ფ: ტ. იანგი (26+11 მოხსნა), ლ. უილიამსი (19), ჰოლიდეი (16+7 პასი), მიქსი (16), იგუოდალა (13+6 მოხსნა+7 პასი), ჰაუსი (10+12 მოხსნა).</p><p>კ: ჰიქსონი (18), გიბსონი (16), მ. უილიამსი (15+7 პასი), სეშენსი (11), ჯეიმისონი (10).</p><p><strong>შარლოტი-დენვერი 100:98</strong></p><p>21:16, 31:31, 24:29, 24:22</p><p>შ: ჯექსონი (23+9 მოხსნა+7 პასი), უოლასი (20+9 მოხსნა), ოგუსტინი (18), ტომასი (16).</p><p>დ: ბილაპსი (25), ენტონი (22+7 მოხსნა), სმიტი (14), ნენე (12+7 მოხსნა).</p><p><strong>დალასი-გ. სტეიტი 105:100</strong></p><p>27:26, 23:22, 21:24, 34:28</p><p>დ: ნოვიცკი (25), ტერი (20), ბატლერი (19+6 მოხსნა), მაინმი (12+10 მოხსნა), კიდი (3+7 პასი).</p><p>გ-ს: კარი (21), ლი (20+8 მოხსნა+7 პასი), ელისი (18+7 პასი), რაიტი (17+11 მოხსნა), ბიედრინში (8+11 მოხსნა).</p><p><strong>ჰიუსტონი-დეტროიტი 97:83</strong></p><p>29:24, 25:21, 21:21, 22:17</p><p>ჰ: სკოლა (35+12 მოხსნა), ლოური (22+12 პასი), მარტინი (21).</p><p>დ: სტაკი (18), დეი (12), მაკგრეიდი (11), პრინსი (10+8 მოხსნა).</p><p><strong>პორტლენდი-ფინიქსი 106:99</strong></p><p>29:23, 22:24, 18:28, 37:24</p><p>პ: მეტიუზი (24), ოლდრიჯი (20+6 მოხსნა), როი (20+5 მოხსნა+5 პასი), ბატუმი (12), მილსი (9+7 პასი).</p><p>ფ: ნეში (24+15 პასი), ჰილი (23+8 მოხსნა), ფრაი (13+7 მოხსნა), დადლი (13).</p><p><strong>ლეიკერსი-ვაშინგტონი 115:108</strong></p><p>36:23, 33:33, 18:28, 28:24</p><p>ლ: ბრაიანტი (32), ოდომი (24+7 მოხსნა), პ. გასოლი (21+14 მოხსნა+8 პასი).</p><p>ვ: იანგი (30), არენასი (23), უოლი (22+14 პასი), ბუკერი (14).</p> <p> </p></p>
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
U17 | საქართველო 3:0 ლიეტუვა
"შავი ლომი" - სამხრეთ აფრიკაში "ჩიტასთან" ორი ტესტისთვის
გადაწყვეტილება მიღებულია - ცნობილია, ითამაშებს თუ არა კვარაცხელია "ბარსელონას" წინააღმდეგ
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ბასილაშვილი შანხაის მასტერსის ძირითად ბადეში შევიდა და ასეულში დაბრუნდა
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"ბასკონიამ" 16 წლის მათე ხატიაშვილი ევროლიგის განაცხადში შეიყვანა
[PHOTO] პსჟ-ის გულშემატკივრებს ეს ძალიან მოეწონებათ - ნახეთ, რა საქმითაა დაკავებული ჟოაო ნევეშის 19 წლის ულამაზესი მეგობარი გოგონა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
"ბარსელონას" იამალის საქართველოს ნაკრებთან სათამაშოდ გაშვება არ უნდა
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში