ნამდვილი ტური ახლა იწყება

როგორც იქნა დადგა ტურ დე ფრანსზე პირველი სამთო ეტაპის ჯერი. თუმცა მეშვიდე ეტაპზე... როგორც იქნა დადგა ტურ დე ფრანსზე პირველი სამთო ეტაპის ჯერი. თუმცა მეშვიდე ეტაპზე არ ყოფილა ისეთი ამაღლებები, ტურის ნამდვილ ფავორიტებს ლიდერის ყვითელ მაისურზე რომ მიეტანათ იერიში. მიუხედავად ამისა, "მთის მეფის" პრემიალური ქულების განაწილება ამ ეტაპს მაინც გარკვეულ ინტერესს მატებდა.ბევრი ელოდა, რომ საერთო ჩათვლის ლიდერი ფაბიან კანჩელარა შეინარჩუნებდა ყვითელ მაისურას - ასეთ მთებს შვეიცარიელი არასოდეს შეუშინებია. ყველას ახსოვს, რომ გასულ წელს მან ბრწყინვალე გამარჯვება მოიპოვა შვეიცარიის ტურზე და იქ სწორედ მთებში კარგად გამოსვლით გამოიჩინა თავი.მეშვიდე ეტაპზე, რომელიც ერთ-ერთი ყველაზე მოკლე იყო ამ ტურზე, თავიდანვე ხუთი მრბოლელი გაიქცა. მათ შორის გამოირჩეოდა "მთის მეფის" მაისურის მფლობელი ჟერომ პინო, გერმანიის ჩემპიონი კრისტიან კნეესი და ალესანდრო პეტაკის დამხმარე - დანილო ჰონდო. ამ ჯგუფის პელოტონთან მაქსიმალური უპირატესობა 8 წუთსა და 15 წამს შეადგენდა. პინო დამაჯერებლად აგროვებდა სამთო პრემიებს, ჰონდო - სპრინტერულ ბონუსებს. თუმცა ნამდვილი რბოლა მხოლოდ ფინიშამდე 50 კილომეტრით ადრე დაიწყო, როცა მრბოლელებს ორი ამაღლების გადალახვა მოუწიათ.სწორედ ამ დროს გახდა ცხადი, რომ ფაბიან კანჩელარა ვერ შეინარჩუნებდა ყვითელ მაისურას. შვეიცარიელი პელოტონიდან იმ ველომრბოლებთან ერთად ამოვარდა, რომელთა სპეციალიზაცია მთები არ გახლავთ. რაც შეეხებათ ტურის მთავარ ფავორიტებს, ისინი დამაჯერებლად აკონტროლებდნენ ძირითადი ჯგუფის მუშაობას და არ რეაგირებდნენ იმათ აქტიურობაზე, ვისაც ეტაპის მოგება სურდათ.ამასობაში, რამდენიმე გუნდის აქტიურობით გაქცეულებთან დროში სხვაობა ორ წუთამდე შემცირდა. ამის შემდეგ ლიდერებს გამოეკიდნენ სამთო კლასიკის ისეთი ოსტატები, როგორებიც არიან ტომას ფიოკლერი, დამიანო კუნეგო და სილვენ შავანელი. მათ კიდევ რამდენიმე ველომრბოლი დაემატა და შეიქმნა მეორე ჯგუფი, რომელიც თანდათან უახლოვდებოდა ლიდერებს.წინ მხოლოდ პინო და ჰონდო დარჩნენ. მალე ამ უკანასკნელს ძალები გამოელია და ჯგუფს დაუბრუნდა. პინო კიდევ ცოტა ხანი იბრძოდა მარტო, მაგრამ ბოლოს ისიც დანებდა, თუმცა 54 სამთო ქულა მისი აქტიურობისთვის შესანიშნავი კომპენსაცია გამოდგა. ამის შემდეგ ფინიშისკენ მარტო გაემართა სილვენ შავანელი. ერთი პირობა ფრანგის უპირატესობა სამ წუთამდე გაიზარდა, რამაც პელოტონი გაააქტიურა. შავანელის გამარჯვებას ყველა შეეგუა, მაგრამ მისი ძალიან შორს გაშვებაც არ უნდოდათ.ფინიშამდე ცოტა ხნით ადრე შეტევა წამოიწყო 20 წლის ესპანელმა რაფაელ ვალსმა, მაგრამ შავანელის დაწევა ვეღარ მოასწრო. ფრანგმა ამ ტურზე მეორე ეტაპი მოიგო და მეორედ მოირგო ყვითელი მაისურა. სავარაუდოდ, შავანელის ლიდერობა ისევ ერთდღიანი იქნება, რადგან წინ არის ურთულესი სამთო ეტაპია და ტურის მთავარი მოქმედი პირები ჩრდილიდან გამოვლენ.VI ეტაპიმონტარჟი-გენიონი (227.5 კმ)1. მარკ კევენდიში (ბრიტ, HTC-Columbia) - 5.37,42; 2. ტაილერ ფარარი (აშშ, Garmin) - იგივე დრო; 3. ალესანდრო პეტაკი (იტა, Lampre) - იგივე დრო; 4. რობი მაკიუენი (ავსტრა, Team Katusha) - იგივე დრო; 5. ჰერალდ ჩიოლეკი (გერ, Team Milram) - იგივე დრო; 6. სებასტიენ ტურგო (საფ, Bbox Telecom) - იგივე დრო...VII ეტაპიტურნიუსი-სტასიონ დე რუსი (165.5 კმ)1. სილვენ შავანელი (საფ, Quick Step) - 4.22,52; 2. რაფაელ ვალს ფერი (ესპ, Footon-Servetto) - +0,57; 3. ხუან მანუელ გარატე (ესპ, Rabobank) - +1,27; 4. ტომას ფეკლერი (საფ, Bbox Telecom) - +1,40; 5. მატიო პერჟე (საფ, Caisse d'Epargne) - იგივე დრო; 6. დანიელ მორენო (ესპ, Caisse d'Epargne) - იგივე დრო...საერთო ჩათვლა1. სილვენ შავანელი (საფ, Omega Pharma-Lotto) - 33.01,23; 2. კეიდელ ევანსი (ავსტრა, BMC) - +1,25; 3. რაიდერ ჰეშედალი (კან, Garmin) - +1,32; 4. ანდი შლეკი (შვეიც, Team SaxoBank) - +1,55; 5. ალექსანდრ ვინოკუროვი (ყაზ, Astana) - +2,17; 6. ალბერტო კონტადორი (ესპ, Astana) - +2,26... 11. ბრედლი ვიგინსი (ბრიტ, Sky) - +2,35... 14. ლენს არმსტრონგი (აშშ, RadioShack) - +3,16... 26. კარლოს სასტრე (ესპ, Cervelo TestTeam) - +4,05; 27. ივან ბასო (იტა, Liquigas) - +4,06... 58. ფაბიან კანჩელარა (შვეიც, SaxoBank) - +13,11...

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა