დელ ნერის მოულოდნელი განცხადება

ბუფონი საჭირო აღარ არის? "ლაციოსთან" მოპოვებული გამარჯვების შემდეგ, "იუვენტუსის" ბანაკში თითქოს სრული იდილია უნდა იყოს, თუმცა არც მთლად მასეა საქმე. ყველაფერი კი ლუიჯი დელ ნერის ბრალია, ვინაც პრესასთან საუბარში ჯანლუიჯი ბუფონის შესახებ არც თუ კორექტული განცხადება გააკეთა. ამას არავინ ელოდა, რადგან აქამდე მუდმივად იმაზე იწერებოდა, რომ ტურინში მოუთმენლად ელოდნენ ბუფონის მოედანზე დაბრუნებას. მივყვეთ თანმიმდევრობით: "იუვე"-"ლაციოს" მატჩისშემდგომ პრესკონფერენციაზე დელ ნერიმ ბანალური კომენტარები გააკეთა იმის შესახებ, რომ მისმა გუნდმა მთლიანობაში ძალიან კარგი შეხვედრა ჩაატარა და სამი ქულა დამსახურებულად მოიპოვა. იქვე დასძინა, რომ მილოშ კრასიჩი "იუვესთვის" უმნიშვნელოვანესი ფეხბურთელია და მისი ტრანსფერი ცალსახად დადებითად უნდა შეფასდეს. გარდა ამისა, მეტოქე შეაქო - დღეს ნათლად გამოჩნდა თუ რატომ უკავია "ლაციოს" სატურნირო ცხრილში ასეთი მაღალი ადგილიო. ამ ყველაფრის შემდეგ, დელ ნერის ერთი ასეთი კითხვა დაუსვეს: "სეზონის მეორე ნახევარში ალბათ გაცილებით უფრო ძლიერ "იუვენტუსს" ვიხილავთ, მით უმეტეს, გუნდს ჯანლუიჯი ბუფონი უბრუნდება"... მწვრთნელის კომენტარი ყველასთვის მოულოდნელი იყო:"გეთანხმებით, სეზონის მეორე ნახევარში უკეთესი გუნდი გვეყოლება და ამაში ღრმად ვარ დარწმუნებული. სწორი გზით მივდივართ და დღითი დღე ვპროგრესირებთ, რაც მაძლევს კიდეც ასეთი პროგნოზის გაკეთების საფუძველს. რაც შეეხება ჯანლუიჯი ბუფონს, არა მგონია, რომ ისეთივე მნიშვნელოვანი ფიგურა იყოს დღეს გუნდისთვის, როგორც თუნდაც ერთი წლის წინ. ერთ დროს, ჯიჯი "იუვეს" მთავარი ვარსკვლავი იყო, მაგრამ ვითარება შეიცვალა. ხშირმა ტრავმებმა გულშემატკივარი მიაჩვიას იმას, რომ გუნდს ჯიჯის გარეშე უწევს ასპარეზობა. რა თქმა უნდა, მისი გამოჯანმრთელება ყველას გაგვახარებს, მაგრამ გუნდის პროგრესის და თამაშის ხარისხის გაუმჯობესებას ჯიჯის დაბრუნებასთან არ გავაიგივებდი".აი ამ პასუხს კი ბანალურს ნამდვილად ვერ ვუწოდებთ - დელ ნერი მალე წამოდგა და ჟურნალისტებს გაეცალა, რომლებმაც გზაში დააყარეს კითხვები, თქვენსა და ჯიჯის შორის უთანხმოება ხომ არ არისო, მაგრამ პასუხი არ მიუღიათ. თუმცა, იტალიელ ჟურნალისტებს რას გამოაპარებ - მიდგნენ, მოდგნენ და გაარკვიეს, რომ დელ ნერი ბუფონის საქციელით ყოფილა გაბრაზებული. თურმე, მთელი იმ პერიოდის განმავლობაში, რაც კიპერი ტრავმას მკურნალობს, სულ ორჯერ-სამჯერ მისულა საწვრთნელ ბაზაზე და ისიც რამდენიმე წუთით. დელ ნერი კი იმ მწვრთნელთა კატეგორიას მიეკუთვნება, რომლებიც განსაკუთრებულ მნიშვნელობას ანიჭებენ გუნდის ერთ მუშტად შეკვრას და ერთსულოვნებას. ამასთან, რამდენიმე დღის წინ გამართულ ფოტოსესიაზე, რომელშიც მთელმა "იუვენტუსმა" მიიღო მონაწილეობა, ბუფონი არ გამოცხადდა და გადაღებებმა მის გარეშე ჩაიარა. არადა, ჯიჯის თურმე არაერთგზის შეატყობინეს, რომ საწვრთნელ ბაზაზე ფოტოსესია იგეგმებოდა და მისი იქ ყოფნა აუცილებელი თუ არა, სასურველი იყო. ტურინელთა ბანაკში ერთი კულუარული ინფორმაციაც გავრცელებულა, რომლის მიხედვითაც ბუფონის გადაბირებით "მანჩესტერ იუნაიტედის" თავკაცი ალექს ფერგიუსონი ყოფილა დაინტერესებული. ინგლისელები ედვინ ვან დე სარის შემცვლელზე ფიქრობენ და თვალი სწორედ იტალიელ კიპერს დაადგეს. რაც მთავარია, მანჩესტერელებთან საუბარში ინგლისში გადაბარგების სურვილი თავად ბუფონსაც გამოუთქვამს. ამ ყველაფერმა დელ ნერი თურმე ძალიან გააბრაზა და ეს პრესკონფერენციაზე ვეღარ დამალა.იტალიელი ჟურნალისტები ბუფონის პირად აგენტს, სილვანო მარტინას შეეხმიანენ და მისგან შემდეგი მოისმინეს: "ძალიან საცოდავი სანახავი იყო დელ ნერი პრესკონფერენციაზე, რადგან თვითონაც არ იცოდა, რას ამბობდა. სიმართლე გითხრათ, მისი ასეთი საქციელი ძალიან გამიკვირდა, რადგან როგორც ღირსეულ ადამიანს, ისე ვიცნობდი. ვერ გეტყვით რატომ გააკეთა ასეთი კომენტარი, ჯიჯი ყველა ინტერვიუში იმას ამბობს, რომ "ვეკია სენიორაში" უნდა კარიერის გაგრძელება და მეტიც, დასრულება. სულ რომ მართლა ასე ფიქრობდეს მწვრთნელი, ამის საჯაროდ გაცხადება არასწორი იყო. რით დასრულდება ეს ყველაფერი? - ვერაფერს გეტყვით, ჯერ ჯიჯისთან არც მილაპარაკია, თუმცა დარწმუნებული ვარ, ვითარების გამწვავებას ყოველმხრივ მოერიდება".რა თქმა უნდა, კომენტარის გაკეთება მოუწია "იუვენტუსის" სპორტულ დირექტორ, ჯუზეპე მაროტასაც. ის ყველაზე აქტიური ფიგურაა ტურინული გრანდის მესვეურთა შორის და ასეთ დროს, პრესასთან ხშირად ურთიერთობს: "პრესკონფერენციაზე არ ვყოფილვარ და სიმართლე გითხრათ, დელ ნერის კომენტარი არ მომისმენია. მგონია, რომ ჟურნალისტები დრამატიზირებას უკეთებთ ამ ყველაფერს და რეალურად, ლუიჯიმ სულ სხვა შინაარსის განცხადება გააკეთა. "იუვენტუსი" დიდი გუნდია და ერთ ფეხბურთელზე არ არის დამოკიდებული, თუნდაც ის მოთამაშე მსოფლიოს დონის ვარსკვლავი იყოს. ვფიქრეობ, სწორედ ამის თქმა სურდა, თქვენ კი მის სიტყვებს არასწორი ინტერპრეტაცია მიეცით".მაროტამ თავისებურეად შეალამაზა დელ ნერის სიტყვები, მაგრამ ფაქტია, რომ მწვრთნელს ასე კორექტულად და დიპლომატიურად არ ულაპარაკია. რით დასრულდება ეს ყველაფერი? - კითხვა, რომელიც პრესაში უკვე არაერთხელ გაისმა. შესაძლოა, ძალიან მალე მოგვარდეს ყველა გაუგებრობა და ვთქვათ, ჯერ დელ ნერიმ მოიხადოს ბოდიში, შემდეგ კი ბუფონმა შეჰფიცოს "იუვენტუსს" ერთგულება, ან პირიქით, გამწვავდეს კონფლიქტი და ჯიჯიმ მართლაც "მანჩესტერ იუნაიტედში" ამოჰყოს თავი. ვნახოთ, ამას დრო გვიჩვენებს.

"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ

კონტე: "მილანთან" დავმარცხდით და არა რომელიმე აუტსაიდერთან

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო

U17 | საქართველო 3:0 ლიეტუვა

"შავი ლომი" - სამხრეთ აფრიკაში "ჩიტასთან" ორი ტესტისთვის

გადაწყვეტილება მიღებულია - ცნობილია, ითამაშებს თუ არა კვარაცხელია "ბარსელონას" წინააღმდეგ

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

ბასილაშვილი შანხაის მასტერსის ძირითად ბადეში შევიდა და ასეულში დაბრუნდა

შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

"ბასკონიამ" 16 წლის მათე ხატიაშვილი ევროლიგის განაცხადში შეიყვანა

[PHOTO] პსჟ-ის გულშემატკივრებს ეს ძალიან მოეწონებათ - ნახეთ, რა საქმითაა დაკავებული ჟოაო ნევეშის 19 წლის ულამაზესი მეგობარი გოგონა

"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება

"ბარსელონას" იამალის საქართველოს ნაკრებთან სათამაშოდ გაშვება არ უნდა

კორსანტიას 15-ქულიანი დებიუტი ესპანეთში

Le Parisien: კვარაცხელია პსჟ-ს შეიძლება ბარსელონაში გაჰყვეს

არისაბალაგა შეიძლება ფაბრეგასის გუნდში გადაბარგდეს

პსჟ-ს მეკარე: ძნელია მოტივაციის შენარჩუნება

ბერნალს 382 დღე გაუცდა და "ბარსელონამ" კონტრაქტი გაუხანგრძლივა

კონტე: "მილანთან" დავმარცხდით და არა რომელიმე აუტსაიდერთან

"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს

საერთაშორისო აღიარება - საქართველოს ხმა მსოფლიო ველოსპორტის არჩევნებში