მოპარული პენალტი და მანიპულატორები!

იტალიელმა მაფიოზებმა 2008/2009 წლების ბუნდესლიგაში "ბოხუმი"-"კოტბუსის" თამაში ჩააწყვეს ბოხუმის პროკურატურა ევროპის ყველა დროის ყველაზე დიდი საფეხბურთო სკანდალის (250 ეჭვმიტანილი, 300 სავარაუდოდ მანიპულირებული მატჩი) გამოძიებას აგრძელებს. გრძელდება პარალელურად მიმდინარე სასამართლო პროცესიც. ბოხუმელები სხვადასხვა ქვეყნების პროკურატურებთან აქტიურად თანამშრომლობენ და ამან უკვე გამოიღო შედეგი. იტალიელი კოლეგების დახმარებით გაირკვა, რომ იტალიელმა მანიპულატორმა ბუნდესლიგის 2008/2009 წლების ერთი მატჩი ჩააწყო - „ბოხუმისა“ და „კოტბუსის“ დაპირისპირება, რომელიც მასპინძლებმა 3:2 მოიგეს. როგორც ირკვევა, მაფიამ უშუალოდ მატჩის დროს იყიდა პენალტი, რათა თავისთვის სასარგებლო შედეგი დაეფიქსირებინა.ნეაპოლის პროკურატურა იტალიის მესამე ლიგის მატჩს („იუვე სტაბია“-„სორენტო“) იძიებს და პროცესში გერმანელებისთვის სასარგებლო აღიარებას გამოჰკრა ხელი. „გაძეტა დელო სპორტის“ ინფორმაციით, სკანდალში გახვეული ფეხბურთელი კრისტიან ბიანკონე (33 წლის, „აველინო“) ერთ-ერთ სატელეფონო საუბარში ამბობდა: „გერმანიაში სასწაული მოახდინეს. „ბოხუმისა“ და „კოტბუსის“ მატჩის დროს, ოც წუთში 1.2 მილიონი ევრო გააკეთეს!“როგორც ირკვევა, მანიპულატორებმა ხსენებულ მატჩზე ფსონი მისი მიმდინარეობისას დადეს და უშუალოდ თამაშის დროს მოახერხეს იმ პენალტის ყიდვა, რომლითაც „ბოხუმმა“ "კოტბუსი" დაამარცხა. იტალიელი ჩვენებაში ამბობს: „ეს მართლაც ძალიან მაგარი მანიპულაცია იყო. სხვათა შორის, მაფიოზები ერთმანეთს არა მარტო იმაში ეჯიბრებოდნენ, ვინ უფრო დიდ ფულს იშოვიდა ამა თუ იმ მატჩის ყიდვით, არამედ იმაშიც, თუ ვინ უფრო არარეალურ და რთულ მანიპულაციას ჩაატარებდა. მატჩის დასრულებამდე ოცი წუთით ადრე გავიგე, რა მოხდებოდა დარჩენილ ოც წუთში.“ 2009 წლის 28 თებერვალი: „კოტბუსი“ „ბოხუმში“ 2:3 დამარცხდა და გადამწყვეტი გოლი თერთმეტმეტრიანით, მე-80 წუთზე გავიდა, რომლის ავტორი მიხაელ პფერტცელი გახდა. პენალტი ძალიან საეჭვო იყო - ის „კოტბუსის“ მცველმა ციბიგმა „ბოხუმის“ თავდამსხმელის, შესტაკის წაქცევით დაიმსახურა. იყიდა თუ არა ეს პენალტი იტალიურმა მაფიამ? ჯერჯერობით მტკიცებულებები არ არსებობს. ხსენებულ მატჩის არბიტრი შტუტგარტელი მარკუს შმიდტი იყო, რომელიც „ბილდთან“ საუბრისას ამბობს: „ბოხუმისა“ და „კოტბუსის“ მატჩში განსაკუთრებული არაფერი შემინიშნავს. მეტს ვერაფერს ვიტყვი!“აი, „კოტბუსის“ ყოფილი მენეჯერი შტეფან ჰაიდრიხი კი აცხადებს: „ორშაბათს შევიტყვე, რომ ის მატჩი საეჭვო შეხვედრების სიაში შევიდა და სანამ სტატიას დეტალურად გავეცნობოდი, მაშინვე მივხვდი, რომელი სცენის გამო გაუჩნდა ეჭვი პროკურატურას. მაშინ ამ სცენის გამო ისე გავბრაზდი, რომ ჩემი თავი ასე განრისხებული სხვა დროს არ მახსოვს.“„კოტბუსის“ მცველი დანიელ ციბიგი: „ის სცენა კარგად მახსოვს, შესტაკს საერთოდ არ შევხებივარ. პენალტი არ უნდა დანიშნულიყო.“„კოტბუსის“ ბოსი ულრიხ ლეპში: „თუ დამტკიცდა, რომ ის თამაში მანიპულირებული იყო, ეს ძალიან სამარცხვინო იქნება.“გერმანიის საფეხბურთო კავშირის სამსაჯო კომისიის თავმდჯომარე ჰერბერტ ფანდელი: „ასეთ ინფორმაციების ფრთხილად უნდა მოვეკიდოთ და მხოლოდ იმის გამო, რომ ვიღაც დამნაშავემ რაღაც-რაღაცები მობოდა, კლუბებს ჩირქი არ უნდა მოვცხოთ. ჯერ გამოძიება დასრულდეს, დამტკიცდეს, რომ „ბოხუმისა“ და „კოტბუსის“ თამაში მართლაც მანიპულირებული იყო და მერე ვილაპარაკოთ.“ამასობაში, ბოხუმის პროკურატურას 35 წლის სტივენ რ-მ მისცა აღიარებითი ჩვენება (ეს უკვე მესამე შემთხვევაა), რომელშიც სერბი დამნაშავე ადასტურებს, რომ სამი მატჩის მანიპულირებაში მონაწილეობდა. მანვე აღნიშნა, რომ მეოთხე თამაშის ჩაწყობაც სურდა, მაგრამ არ გამოუვიდა. საქმე ეხება გერმანიის რეგიონალლიგის მატჩებს, სადაც მანიპულაციები ყველაზე ხშირად ხდებოდა. ეს მატჩებია: „ბაიერნ ალცენაუ“-„ფრაიბურგი II“, „ბაიერნ ალცენაუ“-„აალენი“ და „ბაიერნ ალცენაუ“-„შტუტგარტერ კიკერსი“. ასევე, 19-წლამდელების თამაში „შალკესა“ და „არმინიას“ შორის.

[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან

ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს

ერიკსენი კარიერას "ვოლფსბურგში" გააგრძელებს

U17 | საქართველო 3:0 ლიეტუვა

"შავი ლომი" - სამხრეთ აფრიკაში "ჩიტასთან" ორი ტესტისთვის

გადაწყვეტილება მიღებულია - ცნობილია, ითამაშებს თუ არა კვარაცხელია "ბარსელონას" წინააღმდეგ

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

ბასილაშვილი შანხაის მასტერსის ძირითად ბადეში შევიდა და ასეულში დაბრუნდა

"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ

შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

"ბასკონიამ" 16 წლის მათე ხატიაშვილი ევროლიგის განაცხადში შეიყვანა

[PHOTO] პსჟ-ის გულშემატკივრებს ეს ძალიან მოეწონებათ - ნახეთ, რა საქმითაა დაკავებული ჟოაო ნევეშის 19 წლის ულამაზესი მეგობარი გოგონა

"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება

"ბარსელონას" იამალის საქართველოს ნაკრებთან სათამაშოდ გაშვება არ უნდა

კორსანტიას 15-ქულიანი დებიუტი ესპანეთში

Le Parisien: კვარაცხელია პსჟ-ს შეიძლება ბარსელონაში გაჰყვეს

არისაბალაგა შეიძლება ფაბრეგასის გუნდში გადაბარგდეს

პსჟ-ს მეკარე: ძნელია მოტივაციის შენარჩუნება

ბერნალს 382 დღე გაუცდა და "ბარსელონამ" კონტრაქტი გაუხანგრძლივა

კონტე: "მილანთან" დავმარცხდით და არა რომელიმე აუტსაიდერთან

"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს

საერთაშორისო აღიარება - საქართველოს ხმა მსოფლიო ველოსპორტის არჩევნებში