<p>ევროპის ლიგა. VI ტური: მატჩების დიდმა ნაწილმა ჩვენი მოლოდინი სავსებით გაამართლა</p><p><br> წუხელ ევროასპარეზზე სეზონის პირველი ნახევარი დასრულდა. ევროპის ლიგის ჯგუფური ეტაპის ბოლო ტურის მატჩების დიდმა ნაწილმა ჩვენი მოლოდინი სავსებით გაამართლა და იმ ქალაქებში, სადაც შეუპოვარ ბრძოლებს ველოდით, მოვლენები მართლაც დრამატულად განვითარდა.</p><p>ტურის ცენტრალური დაპირისპირება სევილიის "სანჩეს პისხუანზე" გაიმართა, სადაც მასპინძლებს დორტმუნდელებთან ჭიდილში ფრეც ჰყოფნიდათ. "ბორუსიას" გამარჯვებისთვის თავი არ დაუზოგავს და მეტოქის კარში სწრაფი გოლიც გაიტანა, მაგრამ ბოლო დროს პრიმერაში ხელმოცარულმა "სევილიამ" თავისი მაღალი კლასი მაინც გამოავლინა და შესვენებაზე დაწინაურებული გავიდა.</p><p>მეორე ტაიმი ახალი დაწყებული იყო, სტუმრება წონასწორობა რომ აღადგინეს და გამარჯვებისთვის დრო თავზე საყრელად ჰქონდათ, მაგრამ სტადიონზე "ქარიშხალი" სწორედ მაშინ ჩადგა, როცა პუბლიკა ყველაზე საინტერესო მოვლენების მოლოდინში იყო. ანდალუსიელებმა წარმატებით შეძლეს მოწინააღმდეგის ყველა მცდელობის აღკვეთა, თამაშის ტემპი დააგდეს და საქმე სასურველ დასასრულამდე ისე მიიყვანეს, რომ იურგენ კლოპის გუნდს გამარჯვების გოლის გასატანად ერთი შანსიც კი არ მისცეს. მეტიც, დაწინაურება "სევილიას" შეეძლო. ასე გამოეთხოვა ევროპულ სეზონს ბუნდესლიგაში შთამბეჭდავად დაწინაურებული "დორტმუნდი", რამაც კიდევ ერთხელ დაგვარწმუნა, რომ გერმანიაში გუნდის წარმატებული ასპარეზობა სულაც არ ნიშნავს იმას, რომ იგი საერთაშორისო ასპარეზზეც ანგარიშგასაწევი ძალა იქნება. დღეიდან შავ-ყვითლებს ბუნდესლიგის გარდა, სხვა საფიქრალი აღარ ექნებათ, რაც მათი მდევრებისთვის არცთუ სასიამოვნო ამბავი უნდა იყოს.</p><p>ნამდვილი საფეხბურთო დრამა გათამაშდა ნეაპოლში, სადაც 92 წუთის განმავლობაში უსახური სანახაობა მიმდინარეობდა. "ნაპოლის" მხოლოდ გამარჯვება სჭირდებოდა, მაგრამ მეტოქის ნახევარზე ბევრს ვერაფერს ახერხებდა. სამაგიეროდ, "სტიაუა" მშვიდად აკონტროლებდა სიტუაციას, ორჯერ ხეირიანი კონტრშეტევითაც ვერ ისარგებლა და როცა ყველას ეგონა, რომ რუმინელები შინ სასურველი ფრით დაბრუნდებოდნენ, კუთხურიდან ჩამოწოდებულ ბურთს სწორედ მაშინ შეაგება თავი, უფრო ზუსტად კი კეფა ურუგვაელმა ედინსონ კავანიმ და თავისი გუნდი მეთექვსმეტედფინალში გაიყვანა. ეს მსაჯის მიერ დამატებულ მესამე წუთზე მოხდა, თუმცა ყველაფერი ამით არ დასრულებულა და ხალხმრავალი ჩხუბის ყველაზე "წარმატებული" მონაწილე პაოლო კანავარო არბიტრმა წითელი ბარათით "დაასაჩუქრა".</p><p>ზაგრებში ფლეი ოფის საგზურს ერთმანეთს ადგილობრივი "დინამო" და ბერძნული პაოკ ეცილებოდნენ. გუშინ გიამბეთ, რომ ხორვატმა ვაიგულშემატკივრებმა ბერძენი ქომაგებით სავსე ავტობუსს ქვები დაუშინეს და რამდენიმე კაცი დააზიანეს. ეს ფაქტი გვაფიქრებინებდა, რომ სიმძაფრე არც თვით მატჩს მოაკლდებოდა, მაგრამ სტადიონზე ყველაფერმა მშვიდად ჩაიარა. სტუმრებს საბოლოო წარმატებისთვის ფრეც ჰყოფნიდათ, მაგრამ გეგმა გადაჭარბებით შეასრულეს და საკუთარი უპირატესობა ისე დაამტკიცეს, შედეგის სამართლიანობაში ეჭვი ალბათ, ხორვატებსაც არ შეჰპარვიათ.</p><p>სატურნირო თვალსაზრისით გადამწყვეტი მხოლოდ ზემოთ ნახსენები სამი შეხვედრა იყო, სხვა ამბებიდან კი უნდა გამოვყოთ მოსკოვის ცსკა-ს მიერ დაკარგული პირველი ქულები, "ლივერპულის" საშინაო დანაკარგი არაფრისმომცემ მატჩში და ქართველთა გუნდების მიერ მიღწეული ფრეები. ტირასპოლის "შერიფს" კიევური შეხვედრის განაცხადში კაპიტანი ვაჟა თარხნიშვილი საერთოდ არ ჰყოლია, "კარპატი"-პსჟ-ის დაპირისპირებაში კი სანდრო გურული 68-ე წუთიდან ჩაერთო.</p><p><strong>ევროპის ლიგა. VI ტური</strong></p><p><strong>D ჯგუფი</strong></p><p><strong><em>დინამო ზ.-პაოკ 0:1</em></strong></p><p>გოლი: 0:1 სალპინგიდისი (60)</p><p><strong><em>ბრიუგე-ვილიარეალი 1:2</em></strong></p><p>გოლები: 1:0 კუემაჰა (28), 1:1 როსი (30), 1:2 როსი (34. პენ.)</p><p>1. ვილიარეალი 6 4 0 2 8-5 12</p><p>2. პაოკ 6 3 2 1 5-3 11</p><p>3. დინამო ზ. 6 2 1 3 4-5 7</p><p>4. ბრიუგე 6 0 3 3 4-8 3</p><p><strong>E ჯგუფი</strong></p><p><strong><em>ალკმაარი-ბატე 3:0</em></strong></p><p>გოლები: 1:0 სიგტორსონი (7), 2:0 სიგტორსონი (84), 3:0 მაჰერი (86)</p><p><strong><em>დინამო კ.-შერიფი 0:0</em></strong></p><p>1. დინამო კ. 6 3 2 1 10-6 11</p><p>2. ბატე 6 3 1 2 11-11 10</p><p>3. ალკმაარი 6 2 1 3 8-10 7</p><p>4. შერიფი 6 1 2 3 5-7 5</p><p><strong>F ჯგუფი</strong></p><p><strong><em>სპარტა-ცსკა მ. 1:1</em></strong></p><p>გოლები: 0:1 ძაგოევი (15), 1:1 კადლეცი (44)</p><p><strong><em>ლოზანა-პალერმო 0:1</em></strong></p><p>გოლი: 0:1 მუნიოსი (84)</p><p>1. ცსკა მ. 6 5 1 0 18-3 16</p><p>2. სპარტა 6 2 3 1 12-12 9</p><p>3. პალერმო 6 2 1 3 7-11 7</p><p>4. ლოზანა 6 0 1 5 5-16 1</p><p><strong></p><p>J ჯგუფი</strong></p><p><strong><em>სევილია-დორტმუნდი 2:2</em></strong></p><p>გოლები: 0:1 კაგავა (4), 1:1 რომარიკი (31), 2:1 კანუტი (35), 2:2 სუბოტიჩი (49)</p><p><strong><em>კარპატი-პსჟ 1:1</em></strong></p><p>გოლები: 0:1 ლუინდულა (39), 1:1 ფედეცკი (45)</p><p>1. პსჟ 6 3 3 0 9-4 12</p><p>2. სევილია 6 3 1 2 10-7 10</p><p>3. ბორუსია დ. 6 2 3 1 7-5 9</p><p>4. კარპატი 6 0 1 5 4-15 1</p><p><strong>K ჯგუფი</strong></p><p><strong><em>ლივერპული-უტრეხტი 0:0</em></strong></p><p><strong><em>ნაპოლი-სტიაუა 1:0</em></strong></p><p>გოლი: 1:0 კავანი (90)</p><p>გაძევება: კანავარო (90)</p><p>1. ლივერპული 6 2 4 0 8-3 10</p><p>2. ნაპოლი 6 1 4 1 8-9 7</p><p>3. სტიაუა 6 1 3 2 9-11 6</p><p>4. უტრეხტი 6 0 5 1 5-7 5</p><p><strong>L ჯგუფი</strong></p><p><strong><em>პორტუ-ცსკა ს. 3:1</em></strong></p><p>გოლები: 1:0 ოტამენდი (23), 1:1 დელევი (48), 2:1 მიკაელი (55), 3:1 ჟ. როდრიგესი (90)</p><p><strong><em>ბეშიქთაში-რაპიდი ვ. 2:0</em></strong></p><p>გოლები: 1:0 კვარეშმა (32), 2:0 ერნსტი (45)</p><p>1. პორტუ 6 5 1 0 14-4 16</p><p>2. ბეშიქთაში 6 4 1 1 9-6 13</p><p>3. რაპიდი ვ. 6 1 0 5 5-12 3</p><p>4. ცსკა ს. 6 1 0 5 4-10 3</p>
juba
ავტორ სევილია-დორტმუნდს ჯერ უყურე და მერე დაწერე სტატია....მაშ იუვეზე და იტალიურ ფეხბურთზე რაღა უნდა ვთქვათ....
ევროპა ლიგა. ორივე ფრანგულმა გუნდმა გაიმარჯვა
[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა
ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ