- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ინტერმა არც ბოლო ტიტული გაუშვა
<p>მართალია, მსოფლიოს საკლუბო ჩემპიონატი დიდი ვერაფერი ტურნირია, მაგრამ რაფას პოზიციები გაამყარა</p><p><br> "ყოველ კლუბს სამი გზა აქვს. პირველი: 100 პროცენტით დაუჭიროს მხარი მწვრთნელსა და მის იდეებს და იყიდოს ოთხი-ხუთი ძლიერი მოთამაშე, რათა შესაძლებელი გახდეს ტიტულების შესანარჩუნებლად ბრძოლა; მეორე: მოსთხოვოს მწვრთნელს წარმატებები ზემოთ ნახსენები წინაპირობების გარეშე და მესამე: ელაპარაკოს მწვრთნელის აგენტს კონტრაქტის გაწყვეტის პირობებზე", - განაცხადა რაფა ბენიტესმა მსოფლიოს საკლუბო ჩემპიონატის მოგების შემდეგ, რითაც გულში დიდი ხნის დაგროვებული დარდი და წუხილი ამოთქვა. "მასიმო მორატისთან კარგი ურთიერთობა მაქვს, მაგრამ "ინტერისგან" მხარდაჭერასა და პატივისცემას ვითხოვ. მინდა, სიტუაციას მალე მოეფინოს ნათელი და ან მენდონ, ანაც ახლავე გამიშვან", - დაამატა "ინტერის" ესპანელმა დამრიგებელმა.</p><p>იტალიაში დაბრუნებისთანავე ბენიტესი "ინტერის" პრეზიდენტ მასიმო მორატისა და სპორტულ დირექტორ მარკო ბრანკას კლუბის სამოქმედო გეგმაზე ვრცლად დაელაპარაკება და სწორედ მაშინ გაირკვევა ბევრი რამ, მათ შორის "ინტერის" მთავარი მწვრთნელის საკითხიც. მორატიმ კი მწვრთნელის ერთ მოთხოვნაზე უკვე თქვა საჯარო უარი: "ტრანსფერები ის საკითხი არაა, რაზეც სეზონის მსვლელობისას ღირს საუბარი. ბენიტესთან სხვა თემებს განვიხილავ". გუშინვე ბენიტესის აგენტმა მანუელ გარსია კილონმა თქვა, რომ მისი კლიენტი "ინტერში" აუცილებლად დარჩება.</p><p>ჯერჯერობით, ბენიტესის გადაყენებაზე საუბარი მართლაც ნაადრევი უნდა იყოს. მართალია, მსოფლიოს საკლუბო ჩემპიონატი დიდი ვერაფერი ტურნირია, მაგრამ მისმა მოგებამ იტალიურ არენაზე ხელმოცარული რაფას პოზიციები მცირედით მაინც გაამყარა.</p><p>მოკლედ, ბენიტესის თემა უახლოეს დღეებში კვლავ აქტუალური იქნება და სავარაუდოდ, მასზე წერა ინტენსიურად მოგვიწევს. ასე რომ, ახლა არაბეთის გაერთიანებულ საემიროებში დასრულებულ ჩემპიონატს მივუბრუნდეთ, რომლის ფინალშიც ევროპის ჩემპიონთა ლიგის გამარჯვებულებმა აფრიკის საუკეთესო კლუბი იოლად დაჯაბნეს. შეგახსენებთ, კონგოურმა "მაზემბემ" გადამწყვეტ შეხვედრაში თამაშის უფლება მექსიკური "პაჩუკასა" და ბრაზილიური "ინტერნასიონალის" სენსაციური ძლევით მოიპოვა და საინტერესო იყო, ფინალშიც თუ შეძლებდა საფეხბურთო მსოფლიოს გაკვირვებას.</p><p>თუმცა ჩემპიონატის გადამწყვეტ მატჩში ყველაფერი თავის ადგილზე დადგა და ნახევარფინალში დაშავებული ვესლი სნეიდერის გარეშე მოთამაშე "ინტერმა" ფინალის ბედი დებიუტშივე გადაწყვიტა. მე-13 წუთზე სამუელ ეტოომ მეკარესთან პირისპირ გორან პანდევი გაიყვანა და მაკედონიელს ანგარიშის გახსნა არ გასჭირვებია. პანდევმა ეტოოს "პატივისცემა" ოთხიოდე წუთში გადაუხადა - საგოლე კომბინაცია კამბიასომ დაიწყო, პანდევმა გააგრძელა და კამერუნელის ძლიერი და გამოზომილი დარტყმით დასრულდა - 2:0.</p><p>ამით უკვე ყველაფერი ნათელი გახდა და მატჩი საინტერესო ეპიზოდების გარეშე გაგრძელდა. "ინტერის" მესამე გოლი პირველის ანალოგიური იყო, განსხვავება მხოლოდ მეგოლესა და ასისტენტში იყო - შეცვლაზე ახლად შესულ ჯონათან ბიაბიანის დეიან სტანკოვიჩმა გაატანინა.</p><p>საინტერესო იყო დაჯილდოების ცერემონიალი, სადაც მარკო მატერაცი საერთოდ არ გამოცხადდა და შემდეგ განაცხადა, არ მაინტერესებს, დარჩება თუ წავა ბენიტესიო, "ინტერის" კაპიტანმა ხავიერ ძანეტიმ კი გამარჯვება დაშავებულ თანაგუნდელ და თანამემამულე ვალტერ სამუელს მიუძღვნა. შეგახსენებთ, ეს უკანასკნელი მძიმედაა ტრავმირებული, ამ სეზონში მოედანზე ვეღარ გავა და შესაძლოა, კარიერა საერთოდ დაასრულოს.</p><p>"ვალტერ სამუელი "ინტერისთვის" უმნიშვნელოვანეს ფიგურად რჩება და ამას კიდევ ერთხელ ვუმეორებ. ეს ჩემს კარიერაში მეთხუთმეტე ტიტულია. ბედნიერი ვარ, ასეთ ფანტასტიკურ წელიწადს კიდევ ერთი ჯილდოთი რომ ვასრულებ. არც ერთ იტალიურ კლუბს არ მიუღწევია იმისთვის, რაც "ინტერმა" 2010 წელს შეძლო. ჩვენმა გულშემატკივრებმა ჩვენით უნდა იამაყონ", - თქვა ვეტერანმა არგენტინელმა.</p><p>დაჯილდოვებაზე ჯერ "ინტერს" გადასცეს მთავარი თასი, შემდეგ კი მსოფლიოს ჩემპიონატის საუკეთესო ფეხბურთელისთვის განკუთვნილი პრიზი სამუელ ეტოომ მიიღო, მეორე მოთამაშედ მაზემბელი დიოკო კალუიტუკა დაასახელეს, მესამედ კი - "ინტერნასიონალის" არგენტინელი ლიდერი ანდრეს დალესანდრო.</p><p>მესამე ადგილისთვის მატჩში "ინტერნასიონალმა" დამაჯერებლად სძლია სამხრეთკორეულ "სეონგნამს". ბრაზილიელთა არგენტინელ კიპერ რობერტო აბონდანსიერის პატივი დასდეს და შეცვლაზე ათამაშეს. არგენტინის ეროვნულ ნაკრებში 49 შეხვედრის ჩამტარებელი აბონდანსიერისთვის ეს ბოლო მატჩი იყო პროფესიულ კარიერაში.</p><p><strong>მსოფლიოს საკლუბო ჩემპიონატი </strong></p><p><em>ფინალი</em></p><p><strong><em>ინტერი(იტალია)-მაზემბე (კონგო) 3:0</em></strong></p><p>ინტერი: ჟულიო სესარი, მაიკონი, კორდობა, ლუსიო, კივუ (54. სტანკოვიჩი), ძანეტი, ტიაგო მოტა (87. მარიგა), კამბიასო, პანდევი, ეტოო, მილიტო (70. ბიაბიანი).</p><p>მაზემბე: კიდიაბა, კიმვაკი, კასუსულა, ნკულუკუტა, სინგულუმა, კაბანგუ, ბედი, კალუიტუკა (90. ნდონგა), მიაიო, ეკანგა, კასონგო (46. კანდა).</p><p>გოლები: 1:0 პანდევი (13), 2:0 ეტოო (17), 3:0 ბიაბიანი (85)</p><p>არბიტრი: ი. ნიშიმურა (იაპონია)</p><p><em>მატჩი მესამე ადგილისთვის</em></p><p><strong><em>ინტერნასიონალი (ბრაზილია)-სეონგნამი (ს. კორეა) 4:2</em></strong></p><p>ინტერნასიონალი: რენანი (74. აბონდანსიერი), ბოლივარი, ინდიო, ნეი, კლებერი, პაბლო გუინასუ, ვილსონ მატიაში (81. ანდერზინიო), რაფაელ სობისი (62. ჟიულიანო), დალესანდო, ტინგა, ალეშანდრო.</p><p>სეონგნამი: ი. რიონგი, სუნგი, სუნი, კუკი, გეონი, მოლინა, იუნგი (28. რადონჩიჩი (43. კ. რიონგი (78. ჯინი), ჰვანი, ჩული, ვონი, ჩეოლი.</p><p>გოლები: 1:0 ტინგა (15), 2:0 ალეშანდრო (27), 3:0 დალესანდრო (52), 4:0 ალეშანდრო (71), 4:1 მოლინა (84), 4:2 მოლინა (90)</p>
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
"თუ ასე თამაშს გავაგრძელებთ, კონფერენს ლიგაზე გასვლითაც ბედნიერები უნდა ვიყოთ" - სობოსლაი საკუთარი გუნდის თამაშით აღშფოთებულია
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება
შეინარჩუნებს პოსტს? - ტუდორის ბედი "ლივერპულთან" მატჩზე გადის
"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო
"ნაპოლი" ჰოილუნდს 44 მილიონ ევროდ გამოისყიდის