<p>საქართველოს ნაკრებისა და ბელგიური "პეპინსტერის" ფორვარდი საშობაოდ საქართველოში დაბრუნდა</p><p><br> საქართველოს ნაკრებისა და ბელგიური "პეპინსტერის" ფორვარდი თორნიკე შენგელია საქართველოში დაბრუნდა. ცხადია, დროებით - ბელგიის ჩემპიონატში კათოლიკურ შობასთან დაკავშირებით შესვენება გამოცხადდა და კალათბურთელებსაც ერთკვირიანი შვებულებები ჩამოურიგეს.</p><p>თორნიკე "დინამოს" ბაზაზე ვნახეთ. იგი "სოხუმთან" ერთად ვარჯიშობდა, აშკარად ეტყობა, რომ კარგ ფორმაშია, რაც არაა გასაკვირი - ბელგიის ჩემპიონატის პირველი ეტაპის ბოლო მატჩი ხომ გასულ შაბათს გამართა.</p><p>- საქართველოში კვირას ჩამოვედი და 28 დეკემბრამდე დავრჩები. დროულად მოვასწარი გადმოფრენა - ახლა გავიგე, უამინდობის გამო ბელგიიდან კიევის მიმართულებით ფრენა აღარ ხორციელდება. ვიმედოვნებ, 28-მდე ევროპაში გამოიდარებს და უკან დაბრუნებაში ხელი არ შემეშლება.</p><p><strong>- უახლოესი მატჩი როდის გაქვთ?</p><p></strong>- 8 იანვარს "მონსს" მივიღებთ. მანამდე კვირაზე მეტი დროა მოსამზადებლად.</p><p><strong>- საქართველოშიც ვარჯიშობ?</p><p></strong>- დილაობით ფიზმომზადებაზე ვმუშაობ, შუადღეს - გუნდთან ერთად, საღამოს - სროლებზე. ხუთი დღე ასეთი გრაფიკით ვივარჯიშებ, მერე ვნახოთ.</p><p><strong>- ამ სეზონში "პეპინსტერის" მატჩები არ მინახავს, მხოლოდ სტატისტიკით ვიცნობ. როგორი გუნდია, რა სტილში თამაშობს?</p><p></strong>- გუნდში 7 ამერიკელია, ფიზიკურად კარგად ვართ მომზადებულები და თამაშის სტილიც შესაბამისია - ძალისმიერი, სწრაფი...</p><p><strong>- მაგრამ სასურველ შედეგს ვერ უჩვენებთ. 10-დან მხოლოდ 2 მატჩი მოიგეთ.</p><p></strong>- ამის ერთ-ერთი მიზეზი ის იყო, რომ გუნდურ კალათბურთს არ ვთამაშობდით. თუმცა, იყო ცოტა უიღბლობაც, ბოლო წუთებზე არაერთი მატჩი დავთმეთ. ბელგიაში ისეთი ჩემპიონატია, ნებისმიერს შეუძლია ფავორიტის დამარცხება.</p><p><strong>- უფროსობა "პეპინსტერის" მთავარი მწვრთნელით კმაყოფილია?</p><p></strong>- მან თავისი პოსტი უკვე დატოვა. ბელგიაში რომ ჩავალ, ალბათ ახალი მწვრთნელი დამხვდება.</p><p><strong>- უკვე დანიშნეს?</p><p></strong>- არა, ჯერ არ ვიცი, ვინ მოვა გუნდში.</p><p><strong>- ზემოთ თქვი, ნებისმიერს შეუძლია ფავორიტის ძლევაო. "პეპინსტერს" აქვს ევროლიგის წარმომადგენლის, "შარლერუას" დამარცხების შანსი?</p><p></strong>- ამ გუნდთან ერთი მატჩი ჩავატარეთ, პირველ ტაიმში ვაჯობეთ, მესამე პერიოდიც თანაბარ ბრძოლაში წარიმართა, მაგრამ ბოლო მეოთხედში დავმარცხდით. შემიძლია ისიც ვთქვა, რომ ბელგიაში არ მეგულება გუნდი, რომლის დამარცხებაც არ შეგვეძლოს. ამისთვის უფრო გუნდური თამაში და დაცვაში უკეთ მოქმედებაა საჭირო.</p><p><strong>- შარშან ესპანეთის ება-ში თამაშობდი და იქაურ უმაღლეს ლიგაშიც არაერთი მატჩი ჩაგიტარებია. შესაბამისად, არ უნდა გაგიჭირდეს ბელგიის ჩემპიონატის დონეზე ლაპარაკი.</p><p></strong>- ბელგიაში ბევრი ამერიკელია, ძირითადად ისინი, ვისაც მანამდე ევროპაში საკუთარი შესაძლებლობები დამტკიცებული აქვს. ევროლიგის წლევანდელ გათამაშებაში "შარლერუამ" მადრიდის "რეალი" და "უნიკახა" დაამარცხა. ეს შემთხვევითი მოგებები არ ყოფილა, ბელგიელებს ძლიერი ჩემპიონატი აქვთ, თუმცა "რეალის" ძლევა არც იმას ნიშნავს, რომ ბელგიის პირველობა ესპანეთისას სჯობს. ესპანელებს ევროპაში საუკეთესო ჩემპიონატი აქვთ.</p><p><strong>- სეზონის დასაწყისთან შედარებით სათამაშო დრო ცოტა შეგიმცირდა.</p><p></strong>- საწყის მატჩებში მოედანზე 25 წუთს ვატარებდი, ბოლოს 10-12 წუთით მიწევს თამაში. მწვრთნელმა გადაწყვიტა ასე. თუმცა ვცდილობ, დროის თუნდაც მცირე მონაკვეთში გუნდს სათანადოდ დავეხმარო. ვიმედოვნებ, ახალი მწვრთნელისგან მეტ ნდობას დავიმსახურებ.</p><p><strong>- "კონტრაქტით" შარლერუას ეკუთვნი. ამ კლუბიდან სეზონის მსვლელობისას ხომ არ დაგკავშირებიან?</p><p></strong>- "პეპინსტერში" იჯარით ვარ და სეზონის ბოლომდე იქ ვითამაშებ. ძალიან მინდა, თამაში გამოვასწოროთ და სატურნირო ცხრილშიც ზემოთ ავინაცვლოთ.</p><p><strong>ყოველდღიური სპორტული გაზეთი</p><p>"ლელო"</strong></p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!