მეშვიდე ტიტულისკენ

სებასტიან ლოებმა ისევ გაიმარჯვა და ეს შედეგი არავის გაკვირვებია რალი. მსოფლიოს ჩემპიონატი სებასტიან ლოებმა ისევ გაიმარჯვა და ეს შედეგი არავის გაკვირვებია - ასფალტის საფარზე ფრანგის შესაძლებლობების შესახებ ბევრი დაწერილა, ასე რომ, შეიძლება ასეთ ეტაპებზე ლოებს პირდაპირ 25 ქულა მიენიჭოს და ბრძოლა მხოლოდ მეორე ადგილისთვის გაიმართოს. რა თქმა უნდა, არსებობდა მსოფლიოს ჩემპიონის შეცდომის ან რაიმე ტექნიკური გაუმართაობის ალბათობა, მაგრამ ასეთი რამ არ მოხდა. ამის იმედად მყოფი კონკურენტები ვერასოდეს ჩამოართმევენ ტიტულს ფრანგს რალისტს.ბულგარეთის რალის პირველივე დღეს ლოებმა კომფორტული უპირატესობა მოიპოვა მეტოქეებზე და ამის შემდეგ ყოველგვარი ზეწოლის გარეშე შეძლო ამ ჰანდიკაპის რეალიზება.საშინლად გამოვიდნენ გასულ უიქ ენდზე "ფორდის" პილოტები. რაზეა ლაპარაკი, როცა ლოების მთავარი კონკურენტი მიკო ჰირვონენი გარკვეულ სპეცმონაკვეთებზე კიმი რაიკონენზე უარეს დროს აჩვენებდა. ამ სეზონში ერთადერთი გამარჯვება "ფორდმა" ზამთარში შვედეთში მოიპოვა, როცა ლოები საბურავების შერჩევისას შეცდა. ახლა კი ჰირვონენის ჩამორჩენა ფრანგთან 65 ქულას შეადგენს.ამ ჩემპიონატს "ფორდი" აშკარად აგებს და თავისი ამბიციები შემდეგი სეზონისთვის უნდა გადადოს, როცა ახალი რეგლამენტი შევა ძალაში. სხვათა შორის, ამ გუნდის ხელმძღვანელობამ დაადასტურა, რომ მოლაპარაკებებს აწარმოებს სებასტიან ოჟიესთან, რომელიც ლოების გამო "სიტროენში" ჩრდილშია მოქცეული და მინიმუმ ორი წელი ვერ მიიღებს ფრანგულ გუნდში პირველ ნომრის სტატუსს. "ფორდში" კი სულ სხვა სიტუაცია იქნება - აქ გამოეთხოვებიან იარი-მატი ლატვალას და ახალგაზრდა ფრანგსა და ჰირვონენს თანაბარი სტატუსი ექნებათ.ბულგარეთში საინტერესო ბრძოლა იყო მეორე ადგილისთვის. დანიელ სორდო ყოველთვის კარგად გამოდიოდა ასფალტზე და შარშან ძალიან ახლოს იყო ესპანეთის რალის მოგებასთან. ასე რომ, მისი წარმატებული გამოსვლა არავის გაკვირვებია. ესპანელის კონკურენტი კი მოულოდნელად პეტერ სოლბერგი გახდა, რასაც არავინ ელოდა. ნორვეგიელმა შტურმანი შეიცვალა და ამან სწრაფად მოიტანა შედეგი.ეტაპის ერთ-ერთი გმირი გახდა კიმი რაიკონენი. მისგან ელოდნენ ასფალტზე შედეგის გაუმჯობესებას, მაგრამ ყველაფერი კიდევ უფრო კარგად განვითარდა. ფინელმა შესანიშნავად გაიარა რამდენიმე მონაკვეთი და ზოგიერთ ადგილას ლოებსაც კი აჯობა. და ეს იმ დროს, როცა კიმის დებიუტი ჰქონდა ასფალტზე.სამი კვირის შემდეგ ფინეთის რალი გაიმართება. "ფორდს" აქვს წარმატების შანსი და მან ის უნდა გამოიყენოს, რადგან შემდეგ მოდის ისევ ასფალტი, ღორღი იაპონიაში და ტალახი წვიმიან ბრიტანეთში. საბოლოოდ კი ყველაფერი იქითკენ მიდის, რომ ლოები მსოფლიოს შვიდგზის ჩემპიონი გახდება.VII ეტაპი. ბულგარეთის რალი1. სებასტიან ლოები (საფრანგეთი, "სიტროენი") - 3:02.39,2; 2. დანიელ სორდო (ესპანეთი, "სიტროენი") - +29,50; 3. პეტერ სოლბერგი (ნორვეგია, "სიტროენი") - +36,30; 4. სებასტიან ოჟიე (საფრანგეთი, "სიტროენი") - +1.55,00; 5. მიკო ჰირვონენი (ფინეთი, "ფორდი") - +3.17,80; 6. იარი-მატი ლატვალა (ფინეთი, "ფორდი") - +4.28,50; 7. პერ-გუნარ ანდერსონი (შვედეთი, "შკოდა") - 5.25,20. 8. ფრიდის ტურანი (უნგრეთი, "პეჟო") - 7.04,00; 9. მეტიუ უილსონი (ბრიტანეთი, "სიტროენი") - +9.28,60; 10. ჰენინგ სოლბერგი (ნორვეგია, "ფორდი") - +13.06,00...საერთო ჩათვლა1. სებასტიან ლოები (საფრანგეთი, "სიტროენი") - 151 ქულა; 2. სებასტიან ოჟიე (საფრანგეთი, "სიტროენი") - 100; 3. მიკო ჰირვონენი (ფინეთი, "ფორდი") - 86; 4. იარი-მატი ლატვალა (ფინეთი, "ფორდი") - 80; 5. პეტერ სოლბერგი (ნორვეგია, "სიტროენი") - 78; 6. დანიელ სორდო (ესპანეთი, "სიტროენი") - 67; 7. მეტიუ უილსონი (ბრიტანეთი, "სიტროენი") - 40; 8. ფედერიკო ვილაგრა (არგენტინა, "ფორდი") - 26; 9. ჰენინგ სოლბერგი (ნორვეგია, "ფორდი") - 25; 10. კიმი რაიკონენი (ფინეთი, "სიტროენი") - 15.

„ვისოლის“ მრბოლელები NASCAR Euro Series-იდან ჩემპიონისა და ვიცე-ჩემპიონის ტიტულებით დაბრუნდნენ

პირველი ქართული გუნდი Nascar-ის სერიაში - დათა ქაჯაიამ დეტალებზე ისაუბრა

ავტოსპორტი: ფერნანდო ალონსოს 305 ათასი გამოვარდნისთვის

"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას

ორბმა ზედიზედ მე-4 გამარჯვება ახალციხესთან მოიპოვა

U18. საქართველოს ნაკრები ფინალში ესპანეთთან ისევ დამარცხდა

[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!

უნგრეთთან მატჩში საქართველოს ნაკრების შემადგენლობა ცნობილია

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან

"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე

[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

ნიდერლანდების 7:0 საბერძნეთთან და გერმანიის მიერ სერბეთის ძლევა

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

"მერაბი დიდი ხანია არ არის ქართველი - ჩვენი წინაპრები ამისათვის თავებს მოჰკვეთდნენ" - წერს დაღესტნელი მოჭიდავე

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"