<p><p>მსოფლიოს პირველმა და მეორე ჩოგანმა - რაფაელ ნადალმა და როჯერ ფედერერმა ზედიზედ მეორე საჩვენებელ-საქველმოქმედო შეხვედრა ჩაატარეს</p> <br> <p>მსოფლიოს პირველმა და მეორე ჩოგანმა - რაფაელ ნადალმა და როჯერ ფედერერმა ზედიზედ მეორე საჩვენებელ-საქველმოქმედო შეხვედრა ჩაატარეს. ამჯერად ჩოგბურთელებმა ციურიხიდან მადრიდში გადაინაცვლეს და მატჩის ორგანიზატორად ნადალის საქველმოქმედო ფონდი მოგვევლინა.</p><p>ისევე როგორც შვეიცარიაში, ამჯერადაც გამარჯვებულის გამოსავლენად სამი სეტის ჩატარება გახდა საჭირო. სასტარტო პარტიის პირველივე გეიმში მასპინძელმა ბრეიკი გააკეთა, მაგრამ ფედერერმა არ მისცა ესპანელს დიდი ხნით წინ გასვლის საშუალება და მომდევნო გეიმში მეორე ბრეიკ-პოინტიდან გაათანაბრა ანგარიში. ამის შემდეგ ჩოგბურთელები საკმაოდ დამაჯერებლად ინარჩუნებდნენ საკუთარ მოწოდებებს. ასე გრძელდებოდა მერვე გეიმამდე, სადაც ფედერერმა ბრეიკ-პოინტი მიიღო, მაგრამ გადამწყვეტ მომენტში ნადალმა უმაღლეს დონეზე ითამაშა და მოწოდება შეინარჩუნა. მეცხრე გეიმი სეტში ყველაზე დაძაბული გამოდგა - ანგარიში რამდენჯერმე "თანაბარი" იყო, ნადალმა კი სამი ბრეიკ-პოინტი გაანიავა. მეათე გეიმში რაფაელმა საკუთარ მოწოდებაზე სეტბოლი მოიგერია და საბოლოოდ ყველაფერი ტაი-ბრეიკზე გადაწყდა, სადაც ესპანელმა 2:1-ზე მინი-ბრეიკი შეასრულა და ტაი-ბრეიკი 7:3 მოიგო.</p><p>მეორე სეტის სასტარტო გეიმები თანაბარ ბრძოლაში მიმდინარეობდა. თამაშის სურათი მეხუთე გეიმში შეიცვალა, როცა ფედერერმა მიღებაზე ბრწყინვალე თამაშის წყალობით პირველივე ბრეიკ-პოინტი ქულაში გარდასახა და ბრეიკი მიითვალა. შვეიცარიელმა დარჩენილ დროში შეინარჩუნა ეს უპირატესობა და მეორე სეტი თავის სასარგებლოდ დაასრულა - 6:4.</p><p>გადამწყვეტ სეტში ნადალის სრული უპირატესობა ვიხილეთ. ბრეიკის აღებით ესპანელმა 3:0 დაწინაურება მოახერხა, მეექვსე გეიმში კი კიდევ ერთხელ აიღო ფედერერის მოწოდება და 5:1-ზე მატჩზე ჩასაწოდებლად გაემზადა. რაფამ თავისი მოწოდება ძალიან დამაჯერებლად მოიგო და ერთი დღის წინანდელი მარცხისთვის რევანშიც აიღო - 6:1. შეხვედრა საათსა და 49 წუთს გაგრძელდა.</p><p>"ჩემთვის დღეს განსაკუთრებული დღეა. ძალიან გამიმართლა, რომ საყვარელი საქმით ვარ დაკავებული - ვთამაშობ ჩოგბურთს და ამასთან, საკუთარი ფონდის დახმარებით იმ ბავშვებს ვეხმარები, რომლებსაც ამ ცხოვრებაში ისე არ გაუმართლათ, როგორც მე.</p><p>მადლობა როჯერს იმისთვის, რომ მადრიდში ჩამოვიდა და ჩემი ფონდის აქციას დაუჭირა მხარი. ორივენი ბედნიერები ვართ, რადგან დიდი ხნის ჩანაფიქრის განხორციელება შევძელით და სოლიდური თანხა შევაგროვეთ გაჭირვებული ბავშვებისთვის. რა თქმა უნდა, ამ ორ დღეში შეგროვილი ფული ყველას ვერ უშველის, მაგრამ აუცილებლად მიიპყრობს ბავშვების პრობლემებისადმი საზოგადოების ყურადღებას", - განაცხადა მატჩის დასრულების შემდეგ ნადალმა.</p></p>
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
ოფიციალურად: როჯერ ფედერერი მილიარდერი გახდა
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
ევრობასკეტზე მიღწეული ისტორიული შედეგისთვის საქართველოს საკალათბურთო ნაკრებს მთავრობა ფულადი პრემიის სახით 3 მილიონ ლარს გადასცემს, ნაკრები 3 მილიონ ლარს მიიღებს ევრობასკეტზე მოგებული ყოველი შემდგომი თამაშისთვის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!