<p>აზერბაიჯანული ვებგვერდების ცნობით, ბაქოს "ნეფთჩის" ქართველი ნახევარმცველი კლუბმა დაითხოვა</p><p><br> აზერბაიჯანული ვებგვერდების ცნობით, ბაქოს "ნეფთჩის" ქართველი ნახევარმცველი ლადო ბურდული კლუბმა დაითხოვა. ლადო საშობაო არდადეგებზე თბილისშია და გუშინ ამ საკითხზე ველაპარაკეთ.</p><p>- ეგ ამბავი მეც გავიგე და გავოცდი. არასწორი ინფორმაციაა. დაბეჯითებით შემიძლია გითხრათ, რომ კვლავაც "ნეფჩის" ფეხბურთელი ვარ და კლუბიდან არავის გავუშვივარ. "ნეფთჩისთან" ამ სეზონის დასაწყისში გავაფორმე კონტრაქტი, რომლის ვადა წელიწადნახევრის შემდეგ იწურება.</p><p><strong>- აზერბაიჯანის პრემიერლიგას 19 ტურის შემდეგ "ნეფთჩი" ლიდერობს. თუმცა თქვენ სათამაშო პრაქტიკა გაკლიათ, მხოლოდ სამი შეხვედრა ჩაატარეთ. თქვენს პოზიციაზე აზერბაიჯანის ნაკრების მარჯვენა ნახევარმცველი რაშად აბდულაევი თამაშობს.</p><p></strong>- აზერბაიჯანულ გუნდში თავს კარგად ვგრძნობ. ერთადერთი, რაც მაღელვებს, უთამაშებლობაა. სწორედ ამის გამო მინდა, დროებით სხვა გუნდში გამანათხოვრონ. თბილისში გამომგზავრებამდე "ნეფთჩის" ხელმძღვანელებს ამ საკითხზე ვესაუბრე და თანხმობა მივიღე. გადაჭრით ვერ გეტყვით, მაგრამ, ალბათ, ამიტომ დაირხა ხმა, ბურდული "ნეფთჩიმ" ტრანსფერზე დააყენაო. ასე ნამდვილად არ არის, უთამაშებლობის გამო სხვა გუნდში განათხოვრება თავად მოვითხოვე.</p><p><strong>- ზაფხულში "ნეფთჩიში" გადასვლისას ზედმეტი წონა გქონდათ. ახლა როგორაა საქმე?</p><p></strong>- გუნდთან ერთად მოვემზადე, ძალიან მონდომებული ვიყავი და ჭარბი წონაც მოვიშორე. თითქმის ცხრა კილო დავიკელი, ახლა 78-79 კილოგრამი ვარ და თავს კარგად ვგრძნობ. უთამაშებლობის მიუხედავად, ხელი არ ჩამიქნევია და ჩვეულებრივ ვემზადები. ფიზიკურად კარგ კონდიციაში ვარ, სხვა გუნდში გავივლი მოსამზადებელ შეკრებას და ვითამაშებ კიდეც. ამჟამად, სეზონის დასრულებამდე იჯარაზეა ლაპარაკი. ხელფასს ისევ "ნეფთჩი" გადამიხდის. ზაფხულში ჩემს გუნდს უნდა დავუბრუნდე და ევროტურნირებზე დავეხმარო.</p><p><strong>- რა ვარიანტებზეა ლაპარაკი?</p><p></strong>- სამი აზერბაიჯანული კლუბია: "განჯა", "მუღანი" და "აზალი". ამათგან უფრო მეტად "აზალი" და "მუღანი" აქტიურობენ. შესაძლოა, სხვა ვარიანტიც გამოჩნდეს.</p><p><strong>- ამ გუნდებს სხვადასხვა მიზანი აქვთ.</p><p></strong>- "ნეფთჩი" პირველზეა და ჩემპიონობას უმიზნებს. "განჯა" და მუღანი" მერვე და მეცხრე ადგილებზე არიან. არა მგონია, ლიგიდან გავარდნის საფრთხე დაემუქროთ. "აზალი" კი მესამე ადგილზეა, საპრიზო სამეულში მოხვედრისა და ევროპის ლიგის საგზურისთვის იბრძოლებს. ამ კლუბს უფრო უნდა ჩემი დამატება და ვნახოთ.</p><p><strong>- არჩევანს როდის გააკეთებთ?</p><p></strong>- 8 იანვარს ბაქოში უნდა ვიყო. მანამდე დრო მაქვს და ვიფიქრებ.</p><p><strong>- გავიგეთ, რომ "ნეფთჩის" მთავარ მწვრთნელად კლაუს ტოპმიოლერის კანდიდატურა განიხილებოდა. მართალია?</p><p></strong>- დიახ, ასე იყო, მეც მითხრეს, საქართველოს ნაკრებს წვრთნიდა და შენი აზრიც გვაინტერესებსო. მეც ჩემი ვუთხარი, მაგრამ საბოლოოდ ტოპმიოლერმა უარი თქვა. ეგ კი არა, ივო შუშაკის ჩამოყვანაზეც ალაპარაკდნენ, მაგრამ არც ეს ვარიანტი გამოვიდა, რადგან ორიოდე წლის წინ ივო შუშაკი სომხეთში, ერევნის "მიკაში" მუშაობდა და ამის გამო მისი კანდიდატურაც მოიხსნა.</p><p><strong></p><p>ყოველდღიური სპორტული გაზეთი</p><p>"ლელო"</strong></p>
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
კანტე ევროპაში ბრუნდება? - ფრანგს სერიოზული მსურველი ჰყავს