კასანო მილანს შეუერთდა

ტრანსფერი ანტონიო კასანო უკვე მილანშია, სულ მალე ხელშეკრულებას გააფორმებს და "როსონერის" სრულუფლებიანი წევრი გახდება. ადრიანო გალიანიმ თავისი გაიტანა და ერთ-ერთი ყველაზე ნიჭიერი იტალიელი ფეხბურთელი "მილანის" ღირსებას დაიცავს. "გაძეტა დელო სპორტის" ცნობით, ანტონიო გუშინ ნაშუადღევს მივიდა "მილანელოზე" და ახალ თანაგუნდელებს გაეცნო. ბუნებრივია, "მილანის" იტალიელ ფეხბურთელებს კარგად იცნობს და მათი შეხვედრა მეტად გულთბილი გამოდგა. კასანომ კარგა ხანს ისაუბრა ზლატან იბრაჰიმოვიჩთან, რომელიც დიდი სიხარულით შეეგება ახალწვეულს. მოვუსმინოთ იბრას:"კასანოს სახით შესანიშნავი ფეხბურთელი დავიმატეთ. ისედაც უძლიერესი გუნდი გვყავს და მასთან ერთად, კიდევ უფრო ძლიერები ვიქნებით. ანტონიოს თანაბარი წარმატებით შეუძლია გოლის გატანა და საგოლე გადაცემების კეთება. ბრწყინვალე შენაძენია, სიხარულისგან სიტყვებს ვერ ვპოულობ. ერთი სული მაქვს როდის გავალ მინდორზე და მეტოქე მცველებს კასანოსთან ერთად შევუტევ".კასანო-იბრაჰიმოვიჩის ტანდემზე რა გითხრათ და აი, გატუზო-კასანოს წყვილი კი მართლაც განსაკუთრებული შემთხვევაა. ევროპის 2008 წლის ჩემპიონატზე იტალიის ნაკრებს რობერტო დონადონი წვრთნიდა, რომელიც მაშინდელ მოვლენებს ასე იხსენებს: "არ მივეკუთვნები იმ მწვრთნელთა კატეგორიას, რომლებიც ზედმეტად მკაცრად უდგებიან საქმეს და ფეხბურთელები მუდმივ წნეხში ჰყავთ. თუმცა, ის, რასაც გატუზო და კასანო ერთად ჩადიოდნენ, გამოგიტყდებით და ნერვებს მიშლიდა. ყველას აშაყირებდნენ და შემდეგ იხოცებოდნენ სიცილით - ასეთ რთულ ტანდემთან ჩემ ცხოვრებაში არ მიმუშავია".აი, ასეთ შარში გაეხვა მასიმილიანო ალეგრი და ვინძლო ინანოს კიდეც, რომ კასანოს გადასაბირებლად ყველაფერი გააკეთა. თუმცა, ჯერჯერობით მხოლოდ კმაყოფილებას გამოხატავს: "ფილიპო ინძაგის მძიმე ტრავმამ გვიბიძგა იმისკენ, რომ ზამთრის სატრანსფერო პერიოდში თავდამსხმელი გადაგვებირებინა. რამდენიმე ვარიანტზე ვფიქრობდით, რომელთა შორის ანტონიო კასანო გამოვარჩიეთ. ძალიან დიდი გამოცდილება აქვს, თუმცა ჯერ ისევ ახალგაზრდაა და კიდევ დიდ ხანს ითამაშებს უმაღლეს დონეზე. მასთან ერთად "მილანის" შეტევები უფრო მრავალფეროვანი და ამოუცნობი გახდება, რაც ჩვენს საჩემპიონო შანსებს ერთი-ორად გაზრდის".მოკლედ, კასანოს ტრანსფერით ალეგრიც მეტად კმაყოფილია. ანტონიოს დებიუტი კი ალბათ დუბაიში შედგება, სადაც "მილანი" მოსამზადებელ შეკრებას გაივლის და რამდენიმე ამხანაგურ შეხვედრას გამართავს - მათ შორის ერთს კი ფაბიო კანავაროს "ალ აჰლისთან". სწორედ აზიის ერთ-ერთ ყველაზე ტიტულოვან გუნდთან უნდა შედგეს ანტონიოს დებიუტი "მილანის" შემადგენლობაში.

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

ტოტიმ დაადასტურა - ლეგენდარული იტალიელი "რომას" უბრუნდება

[VIDEO] დე ლაურენტისის ვაჟი პოლიციამ იხსნა - ლუიჯის საკუთარი კლუბის გულშემატკივრები განურისხდნენ

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა