<p>საქმეს ისეთი პირი უჩანს, რომ ჩვენი ბერძნულ-რომაული სტილით მოჭიდავეთა ნაკრები ოლიმპიურ ჩემპიონ ოლეგ კარავაევის მემორიალზე აღარ გამოვა <br> საქმეს ისეთი პირი უჩანს, რომ ჩვენი ბერძნულ-რომაული სტილით მოჭიდავეთა ნაკრები ერთი კვირის თავზე - 20-21 ნოემბერს მინსკში, ოლიმპიურ ჩემპიონ ოლეგ კარავაევის მემორიალზე აღარ გამოვა.</p><p>ყოველ შემთხვევაში - ძირითადი ნაკრები, ანუ ლიდერები, თორემ არაა გამორიცხული, სათადარიგოებით დაკომპლექტებული გუნდი კი გაემგზავროს. მთავარი ნაკრებისთვის ალტერნატივად ყაზახეთში გასამართავი კომერციული შეჯიბრება იგეგმება, თუმცა ჯერ არც იქ წასვლაა გადაწყვეტილი.</p><p>კაცმა რომ თქვას, ძირითადი ნაკრები აქ ჯერ ძალზე პირობითი ცნებაა, ვიდრე საქართველოს ჩემპიონატი არ ჩატარდება. მისი გამართვა იანვარში იგეგმებოდა, მაგრამ დეკემბრის ბოლოსთვის გადმოიტანეს.</p><p>სწორედ იმის შემდეგ გაირკვევიან ქვეყნის ჩემპიონები და ჩამოყალიბდება ეროვნული ნაკრები. არადა, ჭიდაობაში ჯერ კიდევ ბევრი წყალქვეშა დინებაა, თუმცა ვიმედოვნებთ, პირველობა არ ჩაიშლება, ნამდვილად გაიმართება და ერთხელ და სამუდამოდ ყველაფერი თავის კალაპოტში ჩადგება.</p><p>ამ გზაზე ძალზე მნიშვნელოვანია აღმასკომის სხდომა, რომელიც 24 ნოემბერს უნდა გაიმართოს, თუმცა არის მოსაზრება, რომ რამდენიმე დღით ადრეც ჩატარდეს. დღეს ისეთი რეალობაა, რომ ორივე დაპირისპირებული მხარე ელოდება ამ თარიღს, ანუ ის ერთგვარ წყალგამყოფადაც შეიძლება იქცეს.</p><p>შიდა აშლილობის გამო სამომავლო სეზონისთვის მზადების საშემოდგომო ეტაპი ჩაუვარდა თავისუფალი სტილით მოჭიდავეთა ნაკრებს - მათ მხოლოდ იაკუტსკში მოასწრეს გამოსვლა და იქაც, ძირითადად, სათადარიგოებმა იჭიდავეს, სხვა შეჯიბრებებზე კი ვეღარ გაემგზავრნენ.</p><p>მათთან შედარებით, "ბერძენ-რომაელებს" ისედაც არ ჰქონდათ დაგეგმილი ბევრი სტარტი, მაგრამ ახლა ამათზეც ვეღარ მიდიან. არადა, გაისად მსოფლიოს ჩემპიონატია, სადაც რიო დე ჟანეიროს ოლიმპიადის ლიცენზიები უნდა გათამაშდეს. ასეთი მნიშვნელოვანი სეზონის წინ სრულყოფილი მზადება რამდენად მნიშვნელოვანია, შეხსენებაც არ გჭირდებათ.</p><p>...თუმცა მოლოდინის რეჟიმში არა მხოლოდ ქართული ბერძნულ-რომაული ჭიდაობაა, არამედ მსოფლიოც - საერთაშორისო ფედერაცია ამ სტილისთვის სერიოზულ ცვლილებებს გეგმავს.</p><p>კერძოდ, საერთაშორისო ფედერაცია წესებში შესატან ცვლილებებს განიხილავს, რომელთა შორისაც არსებითი ორია: გაუქმდეს პერიოდებად დაყოფა, სანაცვლოდ კი დააბრუნონ ადრინდელი უწყვეტი 5-წუთიანი ჭიდაობა და ასევე, გაუქმდეს ჩოქბჯენი, როგორც სადამსჯელო ღონისძიება და არა საჭიდაო ელემენტი.</p><p>მოგეხსენებათ, თანამედროვე რეგლამენტი ორ სამწუთიან პერიოდს ითვალისწინებს, შუაში შესვენებით, ახლა კი გაჩნდა იდეა, დააბრუნონ ძველი წესი, როცა უწყვეტად ჭიდაობდნენ 5 წუთი.</p><p>რაც შეეხება ჩოქბჯენს, არის იდეა, რომ გაფრთხილებული მოჭიდავე პირდაპირ დასაჯონ 2 ქულით, მაგრამ არ ჩააყენონ დაბლა.</p><p>საერთოდ, ამ იდეის ავტორებს სურთ, რომ ჩოქბჯენში ჩაყენებით ნუ დასჯიან ფალავანს, ხოლო ჭიდაობისას ვინმე თუ გადაიყვანს მეტოქეს ამ მდგომარეობაში, შეხვედრა ჩვეულებრივად გაგრძელდება, არ შეაჩერებენ. ისევ გავიმეორებთ - ლაპარაკია ჩოქბჯენის, როგორც სადამსჯელო ღონისძიების და არა ილეთის გაუქმებაზე. ანუ, როგორც ფანდი, ის კვლავაც იარსებებს.</p><p>ცვლილებათა ზემოაღნიშნულ პაკეტზე მსოფლიოს ფედერაციამ გასულ უქმეებზე უკვე იმსჯელა მოსკოვში, "ევროპის ერთა თასის" დღეებში, თუმცა საბოლოო გადაწყვეტილება არ მიუღია. განზრახულია დეკემბერში მორიგი შეხვედრა შვეიცარიაში, მსოფლიოს ფედერაციის შტაბბინაში, სპეციალურად ამ საკითხზე, რომელსაც მსაჯ-ინსტრუქტორებიც დაესწრებიან.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ