<p>ლატვიის ”სკონტოს” 21 წლის თავდამსხმელი დავით ჯანელიძე ევროპული ვარიანტების მოლოდინშია</p><p><br> 2006 წელს "თბილისის" რამდენიმე ფეხბურთელი კობა ჟორჟიკაშვილმა "ზესტაფონში" გადაიყვანა, რამაც ეს ორი კლუბი ერთმანეთს დააპირისპირა - ღირდა ჩიტი ბდღვნად, რადგან ”საბითუმო" გადაბირების შემდეგ ”ზესტაფონში" მისი დღევანდელი ლიდერები აღმოჩნდნენ - როინ კვასხვაძე, გიორგი ხიდაშელი, ბუბა დაუშვილი, ლექსო ბენაშვილი, ირაკლი ძარია. მათთან ერთად იყო დავით ჯანელიძე, რომელიც ”ზესტაფონის" ძირითადში ვერ მოხვდა. საქართველოში ჯანელიძის თამაშს უფრო ნაკლებად იცნობენ, ვიდრე მის სატრანსფერო ამბებს. დათო ”ზესტაფონში" დიდი სკანდალით მივიდა და ასევე დატოვა კლუბი, წლეულს კი ლატვიის ყველაზე ტიტულოვან კლუბ რიგის ”სკონტოში" მოხვდა.</p><p>დანარჩენზე 21 წლის თავდამსხმელი თავად მოგვითხრობს.</p><p><strong>- რიგის ”სკონტოში" როგორ აღმოჩნდი?</p><p></strong>- ჩემი პირველი ლატვიური კლუბი ვენტსპილსის ”ტრანზიტი" იყო. შემდეგ ჩემმა მენეჯერმა, საქართველოს ნაკრების ყოფილმა ფეხბურთელმა ალეკო რეხვიაშვილმა ”სკონტოს" ფარმ-კლუბ რიგის ”ოლიმპსში" მიმიყვანა. ”ოლიმპსში" კარგად ვითამაშე, ”სკონტოს" მთავარმა მწვრთნელმა ალექსანდრ სტარკოვსმა შემნიშნა და მიმიწვია.</p><p><strong>- ლატვიაში ჩემპიონი გახდი, მაგრამ საქართველოში ნაკლებად გიცნობენ.</p><p></strong>- აქაურ უმაღლეს ლიგაში მხოლოდ ნახევარი წელი ვითამაშე, ”ზესტაფონს" ვეკუთვნოდი და ცხინვალის ”სპარტაკში" გამანათხოვრა. სხვათა შორის, მაშინ უმაღლეს ლიგასა და თასის მატჩებში ექვსი გოლი გავიტანე და ”სპარტაკში" გატარებული პერიოდი ძალიან წამადგა. უმაღლეს ლიგაში თამაშის პრაქტიკა აუცილებელია, სხვაგვარად ლატვიაში დამკვიდრება გამიჭირდებოდა. ჩვენი ჩემპიონატების დონე თითქმის თანაბარია, მაგრამ ლატვიაში უკეთესი პირობებია, სავარჯიშოც, ფინანსურიც.</p><p><strong>- ”ზესტაფონში" გენდობოდნენ და ამიტომაც აგიყვანეს, მაგრამ ძირითადში რატომ ვეღარ დაწინაურდი?</p><p></strong>- სერიოზული კონფლიქტი მქონდა, მაგრამ წარსულში დაბრუნება არ მსურს. ფაქტია, რომ ამ კონფლიქტის გამო იძულებული გავხდი, საქართველოდან წავსულიყავი. ცუდი რამ არ იფიქროთ, ფეხბურთთან დაკავშირებული კონფლიქტი იყო და უკვე დახურული თემაა.</p><p>სამწუხარო ისაა, რომ მერე კარგად ვერ გამიცნეს და საქართველოს ახალგაზრდულ ნაკრებში თამაშის საშუალებაც არ მომცემია. არც ვკამათობ, ვისაც იწვევდნენ, ჩემზე უკეთეს ფორმაში იყვნენ, ხალხიც უფრო იცნობდა.</p><p><strong>- ”სკონტოში" თავიდან ძირითადში თამაშობდი, შემდეგ კი ნაკლებად ჩანდი.</p><p></strong>- მიზეზი ტრავმა იყო, კოჭი გადამიტრიალდა და ორი კვირა დავისვენე. შემდეგ კი ფორმის აღდგენა და ძირითადში მოსახვედრად ბრძოლა თავიდან მომიხდა. თუმცა სტარკოვსი ბოლო ტურებში შემადგენლობაში კვლავ მაყენებდა. სულ რაღაც ოთხი თვეა, ”სკონტოში" ჩავირიცხე და, ცხადია, ძირითადში ხშირად თამაში ვერ მოვახერხე.</p><p><strong>- რიგელებთან რამდენწლიანი კონტარქტი გააფორმე?</p><p></strong>- ”სკონტომ" ჯერ ოთხწლიანი ხელშეკრულება შემომთავაზა, მაგრამ ალეკო რეხვიაშვილმა კლუბს ორივესთვის უფრო ხელსაყრელი პირობა შესთავაზა - ნახევარწლიანი კონტრაქტი. კლუბი უკეთ გაერკვეოდა, აწყობდა თუ არა უფრო ხანგრძლივი ურთიერთობა და მეც ამ პერიოდში ვნახავდი, შევძლებდი თუ არა კლუბში ადაპტირებას. ახლა კი თავისუფალი აგენტი ვარ.</p><p><strong>- ”სკონტო" ახალ კონტრაქტს გთავაზობს?</p><p></strong>- ”სკონტოში" დარჩენაც შემიძლია, მაგრამ რეხვიაშვილმა მითხრა, ევროპიდან უკეთესი წინადადებები მაქვსო. ვნახოთ, ყველაფერი ახალი წლის შემდეგ გადაწყდება.</p><p>ლატვიაში თამაშობს ლაშა ღონღაძეც. 20 წლის ტანმაღალი ცენტრალური მცველი ”ოლიმპსში" წასვლამდე თბილისის ”დინამოს" საფეხბურთო აკადემიაში იზრდებოდა, მერე ”დინამო2"-ში თამაშობდა.</p><p>”ერთი წელია, ”ოლიმპსში" გადავედი. მწვრთნელი მენდობოდა, მათამაშებდა და მისი დამსახურებაა, ლატვიაში რომ გამიცნეს. თუმცა გამორიცხული არაა, კლუბი შევიცვალო.</p><p>ჩემი მენეჯერიც ალეკო რეხვიაშვილია და მეუბნება, რომ შეიძლება გერმანიის ან ავსტრიის ბუნდესლიგაში წავიდე. მალე გადაწყდება, თამაშს რომელ კლუბში გავაგრძელებ. ლატვიაში ძალიან ბევრი სელექციონერი ჩამოდის, ისინი ჩემპიონატის მატჩებს ესწრებიან და საინტერესო ფეხბურთელი უყურადღებოდ არ დარჩება", - გვითხრა ღონღაძემ.</p><p><strong></p><p>ყოველდღიური სპორტული გაზეთი</p><p>"ლელო"</strong></p>
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ