<p>საქართველოს ნაკრები ზაგრებში ხორვატიის, სლოვენიის, საბერძნეთის, მაკედონიისა და ჰოლანდიის ნაკრებებთან იბრძოლებს <br> საქართველოს ნაკრები ევროპის 2015 წლის ჩემპიონატზე სათამაშოდ ხორვატიის დედაქალაქ ზაგრებში გაემგზავრება და ბალკანურ გარემოცვაში მერვედფინალში გასვლისთვის იბრძოლებს. ასეთი სურათი საფრანგეთის დედაქალაქ პარიზში 8 დეკემბერს გამართულმა წილისყრამ დაგვიხატა.</p><p>ევრობასკეტის ოთხ ჯგუფში სათამაშოდ გუნდები ოთხ ქვეყანაში განაწილდნენ: საფრანგეთში, გერმანიაში, ხორვატიასა და ლატვიაში. მასპინძლებს პარტნიორი ქვეყნების არჩევის საშუალება მიეცათ. საფრანგეთმა ფინეთი აირჩია, გერმანიამ - თურქეთი, ხორვატიამ - სლოვენია, ხოლო ლატვიამ - ესტონეთი.</p><p>ასე რომ, წილისყრის დაწყებამდე ცნობილი იყო ჯგუფებში ორ-ორი გუნდის ვინაობა.</p><p>ისიც ვიცოდით, რომ საქართველოს ნაკრები გერმანულ ჯგუფში ვერ მოხვდებოდა, რადგან ალემანები ჩვენსავით მეხუთე კალათაში იყვნენ მოქცეულნი. აქედან გამომდინარე, სასიამოვნო სანახავი იყო, ერთმანეთის მიყოლებით როგორ მიემართებოდნენ ბერლინური ჯგუფისკენ ესპანეთი, იტალია, თურქეთი, სერბეთი...</p><p>საქმე მეხუთე კალათამდე რომ მივიდა, ავცდით ფრანგებს, გერმანელებს და რჩებოდა ორი ვარიანტი: ბალკანური ან ბალტიისპირული ჯგუფი. ბალკანური შეგვხვდა და მომავალ სექტემბერს სლოვენიასთან, ხორვატიასთან, მაკედონიასთან, საბერძნეთთან და ჰოლანდიასთან მოგვიწევს საქმის გარკვევა.</p><p>ჯგუფიდან ოთხი საუკეთესო გადის და მერვედფინალში ეთამაშება D ჯგუფის კვარტეტს: პირველი - მეოთხეს, მეორე - მესამეს და ა.შ. პლეი ოფი საფრანგეთის ქალაქ ლილში გაიმართება.</p><p>აქვე იმასაც დავამატებთ, რომ ევრობასკეტი 2015 რიოს ოლიმპიადის (2016) შესარჩევი ტურნირიცაა. ოლიმპიადის საგზურს ავტომატურად მიიღებენ ევროპის ჩემპიონატის ფინალისტები, ხოლო დანარჩენი ოთხი მომავალ ზაფხულს ოლიმპიადის საკვალიფიკაციო ეტაპზე ითამაშებს.</p><p><p><div style="text-align: center;"><span style="color: #3366ff;"><strong>A ჯგუფი</strong></span></p><p>მონპელიე, საფრანგეთი</p><p><strong>საფრანგეთი, ფინეთი, ბოსნია, პოლონეთი, ისრაელი, რუსეთი</strong></div></p></p><p>საფრანგეთი ევროპის მოქმედი ჩემპიონია. ეს ქვეყანა ჯგუფურ ეტაპსაც უმასპინძლებს და პლეი ოფსაც.</p><p>A ჯგუფის მატჩები სამხრეთის ქალაქ მონპელიეში გაიმართება, ხოლო მერვედფინალის სათამაშოდ გუნდები საფრანგეთის ჩრდილოეთით მდებარე ქალაქ ლილში შეიკრიბებიან.</p><p>ფრანგებმა ჯგუფის პარტნიორებად ფინელები აირჩიეს და თამამად შეიძლება ითქვას, რომ მასპინძლები გამოკვეთილი ფავორიტები არიან. დანარჩენებს ლილში ასვლის მეტ-ნაკლებად თანაბარი შანსი აქვთ.</p><p><strong>კალენდარი</strong></p><p><span style="text-decoration: underline;">5 სექტემბერი</span></p><p>პოლონეთი-ბოსნია</p><p>საფრანგეთი-ფინეთი</p><p>ისრაელი-რუსეთი</p><p><span style="text-decoration: underline;">6 სექტემბერი</span></p><p>რუსეთი-პოლონეთი</p><p>ფინეთი-ისრაელი</p><p>საფრანგეთი-ბოსნია</p><p><span style="text-decoration: underline;">7 სექტემბერი</span></p><p>ფინეთი-რუსეთი</p><p>საფრანგეთი-პოლონეთი</p><p>ისრაელი-ბოსნია</p><p><span style="text-decoration: underline;">9 სექტემბერი</span></p><p>საფრანგეთი-რუსეთი</p><p>ბოსნია-ფინეთი</p><p>პოლონეთი-ისრაელი</p><p><span style="text-decoration: underline;">10 სექტემბერი</span></p><p>ბოსნია-რუსეთი</p><p>საფრანგეთი-ისრაელი</p><p>ფინეთი-პოლონეთი</p><p><p><div style="text-align: center;"><span style="color: #3366ff;"><strong>B ჯგუფი</strong></span></p><p>ბერლინი, გერმანია</p><p><strong>ესპანეთი, სერბეთი, თურქეთი, იტალია, გერმანია, ისლანდია</strong></div></p></p><p>გერმანიაში ევროპული კალათბურთის ტიტანები შეიკრიბნენ. მხოლოდ იმას გეტყვით, რომ ექვსიდან ხუთ გუნდს უკანასკნელ 21 წლის განმავლობაში ევროპის ჩემპიონის ტიტული მინიმუმ ერთხელ მაინც აქვს მოგებული.</p><p>იცით, რატომ განაწილდა გუნდები ასე არათანაბრად? იმიტომ, რომ ბოლო დროს იტალიელები და გერმანელები დიდი წარმატებებით ვერ დაიკვეხნიან, თუმცა შემადგენლობის მიხედვით ნამდვილად არაფერი დაეწუნებათ.</p><p><strong>კალენდარი</strong></p><p><span style="text-decoration: underline;">5 სექტემბერი</span></p><p>იტალია-თურქეთი</p><p>ესპანეთი-სერბეთი</p><p>გერმანია-ისლანდია</p><p><span style="text-decoration: underline;">6 სექტემბერი</span></p><p>ისლანდია-იტალია</p><p>სერბეთი-გერმანია</p><p>თურქეთი-ესპანეთი</p><p><span style="text-decoration: underline;">8 სექტემბერი</span></p><p>სერბეთი-ისლანდია</p><p>ესპანეთი-იტალია</p><p>გერმანია-თურქეთი</p><p><span style="text-decoration: underline;">9 სექტემბერი</span></p><p>ისლანდია-ესპანეთი</p><p>თურქეთი-სერბეთი</p><p>იტალია-გერმანია</p><p><span style="text-decoration: underline;">10 სექტემბერი</span></p><p>თურქეთი-ისლანდია</p><p>გერმანია-ესპანეთი</p><p>სერბეთი-იტალია</p><p><p><div style="text-align: center;"><span style="color: #3366ff;"><strong>C ჯგუფი</strong></span></p><p>ზაგრები, ხორვატია</p><p><strong>ხორვატია, სლოვენია, საბერძნეთი, მაკედონია, საქართველო, ჰოლანდია</strong></div></p></p><p>ჩვენს ჯგუფს ვერც ფავორიტთა თავშეყრის ადგილს დავარქმევთ და ვერც აუტსაიდერების ნავსაყუდელს. საშუალოზე მაღალი დონის ნაკრებებია თავმოყრილი და ყველაზე რთულად პროგნოზირებადი ჯგუფია.</p><p>ევრო-2013-ზე საქართველოს ნაკრებს სლოვენიისა და ხორვატიის გაცნობის საშუალება ჰქონდა. ორივესთან ბოლო წამებზე წავაგეთ, თან სლოვენიას მსაჯებიც მიეხმარნენ. რაც მთავარია, 2013-ში საქართველოს ნაკრებში ვერ თამაშობდნენ <strong>ზაზა ფაჩულია</strong> და <strong>თორნიკე შენგელია</strong>.</p><p>თუნდაც ამ მატჩების გათვალისწინებით, ჩვენი ნაკრები ევროპის საშუალოზე მაღალი დონის გუნდად უნდა მივიჩნიოთ, რომელსაც, ვფიქრობთ, ჯგუფის ნებისმიერი მოწინააღმდეგის დამარცხება შეუძლია. მთავარია რესურსის ბოლომდე გამოყენება და ძალების ერთგვარად გამოზოგვა.</p><p>მაკედონიასთან ჩვენი ანგარიში გვაქვს: სწორედ ამ გუნდმა ჩაგვტოვა მეორე ეშელონში 2005 წელს. არადა, მაშინ ერთით მეტი რომ მოგვეგო, ევროელიტაში 2009 წელს კი არა, ოთხი წლით ადრე გავერეოდით.</p><p>მაკედონიას წლეულსაც ვეთამაშეთ (ამხანაგურად), 16 სამქულიანი მივიღეთ და დავმარცხდით.</p><p>საბერძნეთის ნაკრები სტაბილურობით ვერ გამოირჩევა, არადა, ევროპაში ერთ-ერთი საუკეთესო შემადგენლობა ჰყავს. იმედი დავიტოვოთ, რომ მაინცდამაინც 2015 წლის ევრობასკეტს არ დაემთხვევა მათი აღმავლობა.</p><p>ჰოლანდია თითქოს აუტსაიდერია, იგი 2012 წელს შესარჩევ მატჩებში უკან მოვიტოვეთ, მაგრამ არც ის უნდა დაგვავიწყდეს, რომ მაშინ ალმერეში 91:88 დაგვამარცხა და არც ის, ევრობასკეტი 2015-ის შესარჩევ ეტაპზე მაკედონია რომ მოიტოვა უკან.</p><p><strong>კალენდარი</strong></p><p><span style="text-decoration: underline;">5 სექტემბერი</span></p><p>მაკედონია-საბერძნეთი</p><p>ხორვატია-სლოვენია</p><p>საქართველო-ჰოლანდია</p><p><span style="text-decoration: underline;">6 სექტემბერი</span></p><p>ჰოლანდია-მაკედონია</p><p>სლოვენია-საქართველო</p><p>ხორვატია-საბერძნეთი</p><p><span style="text-decoration: underline;">8 სექტემბერი</span></p><p>სლოვენია-ჰოლანდია</p><p>ხორვატია-მაკედონია</p><p>საქართველო-საბერძნეთი</p><p><span style="text-decoration: underline;">9 სექტემბერი</span></p><p>ხორვატია-ჰოლანდია</p><p>საქართველო-მაკედონია</p><p>საბერძნეთი-სლოვენია</p><p><span style="text-decoration: underline;">10 სექტემბერი</span></p><p>ხორვატია-საქართველო</p><p>საბერძნეთი-ჰოლანდია</p><p>სლოვენია-მაკედონია</p><p><p><div style="text-align: center;"><span style="color: #3366ff;"><strong>D ჯგუფი</strong></span></p><p>რიგა, ლატვია</p><p><strong>ლიტვა, ლატვია, უკრაინა, ბელგია, ჩეხეთი, ესტონეთი</strong></div></p></p><p>წილისყრისას ჯგუფები რომ ნაწილდებოდა, ერთი შეხედვაც საკმარისი იყო იმის სათქმელად, სად ვისურვებდით საქართველოს ნაკრებს - D ჯგუფში, სადაც ჩვენმა მეგობრებმა მოიყარეს თავი, ბალტიისპირელებმა და უკრაინელებმა.</p><p>რაც უფრო მნიშვნელოვანია, საქართველოს ნაკრებს ახლო წარსულში ყველა მოწინააღმდეგესთან აქვს წარმატებით ნათამაშები და ყველაზე დიდი შანსი სწორედ ამ ჯგუფიდან გასვლისა გვქონდა.</p><p>ჭკვიანურად გათვალეს ლატვიელებმა: პარტნიორად ესტონეთი აირჩიეს, რადგან ბოლო კალათიდან სულაც არ სურდათ უფრო ძლიერი რუსეთის რიგაში ჩასვლა. ამასობაში დაიტოვეს კარგი შანსი ლიტველებთან შეხვედრისა, რადგან პირველი კალათიდან არამასპინძელი მხოლოდ ლიტვა და ესპანეთი დარჩნენ.</p><p><strong>კალენდარი</strong></p><p><span style="text-decoration: underline;">5 სექტემბერი</span></p><p>ლატვია-ბელგია</p><p>ლიტვა-უკრაინა</p><p>ჩეხეთი-ესტონეთი</p><p><span style="text-decoration: underline;">6 სექტემბერი</span></p><p>ესტონეთი-ბელგია</p><p>უკრაინა-ჩეხეთი</p><p>ლატვია-ლიტვა</p><p><span style="text-decoration: underline;">7 სექტემბერი</span></p><p>უკრაინა-ესტონეთი</p><p>ლიტვა-ბელგია</p><p>ლატვია-ჩეხეთი</p><p><span style="text-decoration: underline;">9 სექტემბერი</span></p><p>ესტონეთი-ლიტვა</p><p>ლატვია-უკრაინა</p><p>ჩეხეთი-ბელგია</p><p><span style="text-decoration: underline;">10 სექტემბერი</span></p><p>ლატვია-ესტონეთი</p><p>ჩეხეთი-ლიტვა</p><p>უკრაინა-ბელგია</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ირაკლი
ტყუილებს ნუ წერთ 6-დან 5ს კი არა 6-დან 4ს აქვს მოგებული ევროპის ჩემპიონატი. თურქეთსა და ისლანდიას არ მოუგიათ არასოდეს
შაკო
მეოთხეზე უნდა გავიდეთ წესით. მაკედონია დასუსტებულია და ჰოლანდიასაც უნდა მოვუგოთ და გავალთ პლეიოფში
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
"ჩვენ დავბრუნდებით" - ფრანგების მწვრთნელმა საქართველოსთან მარცხის მიზეზი განმარტა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ცნობილი გახდა თორნიკე შენგელიას ნაკრებში არყოფნის მიზეზი
საქართველო საჩუქრის გარეშე დარჩა - ვინ მიიღო ოლიმპიადაზე გასვლის შანსი?
საქართველოს ნაკრები ჩეხეთან 20 ქულით დამარცხდა
"არა რუსულ კანონს - ჩვენ უკეთესები უნდა ვიყოთ" - ქართველი სპორტსმენები ქვეყნის ევროპულ მომავალს უჭერენ მხარს
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
შენგელიას გარეშე - საქართველოს ნაკრებმა პოლონეთში ივარჯიშა
"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია
ქართული კალათბურთი ხომ იმპულსურია - ინტერვიუ ირაკლი ხოშტარიასთან
[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ
ანდრონიკაშვილის ტრავმა სერიოზული არ აღმოჩნდა
[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა
"პირველ რიგში, უნდა შევისწავლოთ, როგორ შევქმენით ასეთი სოლიდური ნაკრები"
გიორგი ცინცაძემ ფრანგულ "გრაველინში" პირველი მატჩი ჩაატარა
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
მეჯიქ ჯონსონისეული! გიორგი ცინცაძის პასი ევრობასკეტის TOP10-ში მეორეა [VIDEO]
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
ევრობასკეტზე ჩასულ საქართველოს ნაკრებს კაპიტანი თორნიკე შენგელია ლიმასოლში დახვდა
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
შენგელია: გასაკვირია ჯიკიჩი ევროლიგის გუნდს რომ არ წვრთნის
Marca: საქართველოს ნაკრების სერიოზული პრობლემა - შენგელიას ექიმების რჩევის მიუხედავად ნებისმიერ ფასად თამაში სურს
ზაზა ფაჩულია: მთავარია, ევროპას ჩვენი ხასიათი კიდევ ერთხელ დავანახეთ