- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კალჩოს ხუთი სატკივარი
<p><p>2010 წელი იტალიური ფეხბურთისთვის მეტად რთული გამოდგა. მართალია, “ინტერმა” ყველაფერი მოიგო, რისი მოგებაც შეიძლებოდა და...</p> <br> <p>2010 წელი იტალიური ფეხბურთისთვის მეტად რთული გამოდგა. მართალია, “ინტერმა” ყველაფერი მოიგო, რისი მოგებაც შეიძლებოდა და ბუნებრუივია, ეს მთლიანად კალჩოს გამარჯვებაც გახლდათ, მაგრამ თუ იტალიელ ჟურნალისტებს დავესესხებით, გასულ წელს უარყოფითი მეტი იყო. დღევანდელი ჩვენი სტატიაც სწორედ ამ თემას შეეხება - წარმოგიდგენთ იტალიური ფეხბურთისთვის გასული წლის 5 ყველაზე წარუმატებელ მოვლენას:</p> <p></p><p><strong>გაფიცვები სერია A-ში</p><p></strong>იტალიური ფეხბურთი და სკანდალი ერთმანეთისგან განუყოფელი მცნებებია. ამ ქვეყანაში ხუმრობენ კიდეც, რომ მაშინ აღწევენ წარმატებას, როდესაც კალჩოში მორიგი სკანდალი იფეთქებს. ასე მოხდა 2006 წელსაც, როდესაც “სკუადრა აძურამ” კალჩოპოლის ფონზე მსოფლიოს საუკეთესო გუნდის სტატუსი მოიპოვა. მაშინ იტალიურ საკლუბო ფეხბურთში მართლაც ურთულესი ვითარება იყო და ეს ყველა იმ მოთამაშის ბედს ეხებოდა, რომლებსაც გერმანიის მინდვრებზე ქვეყნის ღირსება უნდა დაეცვათ. იმ სკანდალში თვით მარჩელო ლიპი იყო გარეული, რომლის ვაჟსაც ვირის აბანოში ჩასმით ემუქრებოდნენ. ბუნებრივია, ასეთი მძიმე ფსიქოლოგიური წნეხის ფონზე თამაში იოლი არ არის, მაგრამ აპენინელებმა ყველა დავალებას თავი იდეალურად გაართვეს.</p> <p></p><p>გასაგებია, რომ ხშირად სკანდაკლი არ უშლის ხელს წარმატების მიღწევას, მაგრამ თავად ასეთი მოვლენები იტალიურ ფეხბურთს რბილად რომ ვთქვათ არ ამშვენებს. 2010 წელს არაერთხელ იყო სერია A-ს ტური ჩაშლის საფრთხის წინაშე, რაც ფედერკალჩოს ახალმა კანონპროექტმა განაპირობა. აპენინური ფეხბურთის მამები ახალი ინიციატივით გამოვიდნენ, რომლის მიხედვითაც კლუბებს შეეძლოთ მოთამაშის ტრანსფერის საკითხი მისი აზრის გაუთვალისწინებლად გადაეჭრათ. ამის წინააღმდეგ “იტალიელ ფეხბურთელთა ასოციაცია” გამოვიდა და სკანდალიც აგორდა. საბოლოო ჯამში, მხარეები კონსესუსამდე მივიდნენ, მაგრამ თავად ის ფაქტი, რომ არაერთი ტური იყო ჩაშლის პირას, იტალიურ ფეხბურთში არსებული პრობლემების ნათელი დადასტურებაა.</p> <p></p><p><strong>უეფას საკლუბო რეიტინგი</p><p></strong>ამ თემას იტალიურ სპორტულ პრესაში უკვე დიდი ხანია აქტიურად აშუქებენ და ეს სრულიად ბუნებრივიც არის. რომ არა “ინტერის” მიერ ჩემპიონთა ლიგის მოგება, სერია A უკვე მომდევნო სეზონიდან გადაულოცავდა ევროპის ყველაზე პრესტიჟული საკლუბო ტურნირის მეოთხე საგზურს ბუნდესლიგას, თუმცა ეს ამბავი ერთი წლით გადაიდო. დიახ, გადაიდოო ვამბობთ, რადგან იტალიურმა გუნდებმა ვერც ამ სეზონის პირველ ნახევარში იბრწყინეს ევროარენაზე და უკვე ჩამორჩებიან კიდეც უეფას საკლუბო რეიტინგში გერმანელებს. თუ იმასაც გავითვალისწინებთ, რომ ევროპის ლიგაში სერია A-ს ბინადართაგან მხოლოდ “ნაპოლია” შემორჩენილი, უნდა ვაღიაროთ, რომ ბუნდესლიგა ძალიან ახლოს არის სანუკვარ მიზანთან. გერმანელებს ძალიან უნდათ რეიტინგში იტალიას გადაასწრონ და ამასთან ისე ახლოს არიან, როგორც არასდროს.</p> <p></p><p>მას შემდეგ, რაც ევროპის ლიგის მიმდინარე გათამაშების ჯგუფურ ეტაპზე “იუვენტუსი”, “პალერმო” და “სამპდორია” ჩარჩნენ, ადრიანო გალიანიმ ვეღარ მოითმინა და ამ გუნდების მწვრთნელ-ფეხბურთელები კრიტიკის ქარცეცხლში გაატარა. “მილანის” ვიცე-პრეზიდენტის თქმით, სწორედ ევროპის ლიგაზე მოასპარეზეთა ბრალია იტალიური საკლუბო ფეხბურთი ასეთ მძიმე ვითარებაში რომ ჩავარდა. ამ საკითხს კიდევ არაერთი ცნობილი ადამიანი გამოეხმაურა, მათ შორის არასაფეხბურთო წრეებიდან. მდგომარეობის გამოსწორება ძალიან რთული იქნება - აპენინელთა იმედები მთლიანად ჩემპიონთა ლიგაზეა დამყარებული, სადაც ჯერ კიდევ ასპარეზობენ “მილანი”, “ინტერი” და “რომა”.</p> <p></p><p><strong>მარიო ბალოტელი - ნაციზმი და რასიზმი</p><p></strong>დიდი ხანია, შევეჩვიეთ იმას, რომ ეროვნულ ნაკრებებში ნატურალიზებული ფეხბურთელები ასპარეზობენ. უკვე წლებია საფრანგეთის უმთავრეს გუნდში მეტად რთული ამბავია სუფთა ფრანგის მოძებნა და ზოგადად, ევროპულ ქვეყნებში ეს ტენდენცია სახეზეა. ვის წარმოედგინა თუნდაც ოცი წლის წინ, რომ გერმანიის ნაკრებში ამდენი რჯულის ფეხბურთელი იასპარეზებდა... მეტიც, გერმანელებისთვის ეს სიამაყის საფუძველი გახდა, რაც ბუნდესგუნდის ამასწინდელმა პაექრობამ თურქეთის ეროვნულ ნაკრებთან ნათლად დაადასტურა. ქვეყნის პირველი პირი ანგელა მერკელი თამაშის შემდეგ გასახდელში ჩავიდა და პერსონალურად უთხრა მადლობა მესუთ იოზილს, რომელმაც ისტორიული სამშობლოს წინააღმდეგ შესანიშნავად ითამაშა.</p><p>და რა ხდება ამ დროს იტალიაში? - აპენინელები ვერაფრით შეეგუენ იმ აზრს, რომ “სკუადრავ აძურაში” მარიო ბალოტელი ასპარეზობს. მოკლედ გეტყვით, რომ მარიო ბარვუა წარმოშობით განელი გახლავთ, ჯერ კიდევ ბავშვი იყო, როდესაც ბალოტელების ოჯახმა იშვილა და საცხოვრებლად იტალიაში ჩაიყვანა. ამგვარად გახდა ბარვუა ბალოტელი და შესაბამისად, იტალიელი. თუმცა, ასე თავად თვლის და ჰკითხეთ აბა ტიფიზებს? მათ სულ სხვა მოსაზრება აქვთ, მათთვის მარიო განელია და სწორედ ისტორიული სამშობლოს ღირსება უნდა დაეცვა. იტალია-რუმინეთის თამაშს, რომელიც შვეიცარიაში გაიმართა, ასობით ტიფოზი დაესწრო, რომლებსაც დიდი ბანერი ჰქონდათ გამოფენილი” “იტალია იტალიელებისთვის”. ევროპის ლიგის ჯგუფური ეტაპის ბოლო მატჩის გამართვა “მანჩესტერ სიტის” ტურინში უწევდა “იუვენტუსის” წინააღმდეგ - მიუხედავად იმისა, რომ ბალოტელი სრულიად ჯანმრთელი გახლდათ, ფეხბურთელმა მთავარ მწვრთნელს მისი მანჩესტერში დატოვება სთხოვა, რადგან კარგად იცოდა, ტიფოზები ძალიან ცუდად დახვდებოდნენ. “იუვე”-“სიტის” პაექრობაში ბალოტელის საერთოდ არ უთამაშია, ტრიბუნებზე კი არაერთხელ გაისმა მარიოს სალანძღავი შეძახილები და სიმღერები.</p> <p></p><p><strong>ევრო 2016</p><p></strong>ის, რომ იტალიურ საკლუბო ფეხბურთს ბევრი პრობლემა აქვს, ამაში სტადიონების და ზოგადად, ინფრასტრუქტურის მოძველებას დიდი როლი მიუძღვის. სერია A-ს პაექრობებზე იმდენი გულშემატკივარი არ დადის, რამდენიც მაგალითად გერმანიის ბულდესლიგასა და ინგლისის პრემიერლიგაში. სხვა ყველაფერს რომ თავი დავანებოთ, ამ კუთხითაც უმნიშვნელოვანესი იყო იტალიას ევროპის 20!6 წლის ჩემპიონატისთვის ემასპინძლა.</p><p>გახსოვთ ალბათ, აპენინელებს ევრო 2012-ის მასპინძლობის სურვილიც ჰქონდათ, თუმცა მაშინ უეფამ არჩევანი უკრაინასა და პოლონეთის ტანდემზე შეაჩერა. გამომდინარე აქედან, ევრო 2016-ის მასპინძლის შერჩევისას ფავორიტად იტალია ითვლებოდა, თუმცა აპენინელებს ამჯერადაც მოეცარათ ხელი - არჩევანი საფრანგეთზე შეჩერდა. იტალიაში ეს მიშელ პლატინის არაობიექტურობას და სამშობლობის ლობირებას მიაწერეს, თუმცა ფაქტია, როდესაც ფავორიტის რანგში ორჯერ დარჩები ხელმოცარული, პრობლემები საკუთარ თავშიც უნდა ეძებო. როგორც ჩანს, ფედერკალჩომ კარგად ვერ იმუშავა და ვერ დაარწმუნა ევროპული საფეხბურთო საზოგადოება იმაში, რომ ევროფორუმს ყველაზე უკეთ სწორედ იტალია უმასპინძლებდა. 2014 წლის მსოფლიოს ჩემპიონატი ბრაზილიაში ტარდება, 2016-ის ევროპირველობა საფრანგეთში, 2018 წლის მუნდიალი რუსეთში და უმჯობესია, აპენინებზე ინფრასტრუქტურის გაუმჯობესების გეგმა B აამოქმედონ - თუ ასეთი საერთოდ არსებობს.</p> <p></p><p><strong>მუნდიალი</p><p></strong>გასული წლის ყველაზე დიდი წარუმატებლობა იტალიელებმა სამხრეთაფრიკაში გამართულ მუნდიალზე იგემეს. შავ კონტინენტზე “სკუადრა აძურა” ჩემპიონის რანგში ჩავიდა და ჯგუფურ ეტაპზე ბოლო ადგილი დაიკავა. გავიხსენოთ თამაშიბი: პარაგვაისთან და ახალ ზელანდიასთან ფრეს გამორჩა, სლოვაკეთთან კი სულაც დამარცხდა. არადა, მესამე შეხვედრაც რომ ფრედ დაესრულებინა, სამი ქულით გადიოდა მსოფლიოს ჩემპიონატის მერვედფინალში. სწორედ ასე გაძვრა “აძურა” 1982 წლის მუნდიალის ჯგუფიდან და შემდეგ მსოფლიოს ჩემპიონიც გახდა.</p><p>სამართლიანობა მოითხოვს აღინიშნოს, რომ 2010 წლის ფორმაციის “აძურა” უბრალოდ არ იყო ის გუნდი, რომელსაც წარმატებისთვის უნდა მიეღწია და ამაში მარჩელო ლიპის მიუძღვის ბრალი. იტალიის ნაკრების მთავარმა მწვრთნელმა ჩათვალა, რომ ყველაფერი იცოდა; ჩათვალა, რომ მას ვერავინ ვერაფერს ასწავლიდა; ჩათვალა, რომ ყოველთვის და ყველაფერში გაუმართლებდა; ჩათვალა და მწარედაც შეცდა - მაესტრო დაეცა, 2006 წლის მუნდიალის ტრიუმფატორმა ერთ-ერთი ყველაზე შავი ფურცელი ჩაწერა იტალიური ფეხბურთის ისტორიაში.</p></p>
იტალიაში საუკეთესოები აღიარეს - მაკტომინეი, "ნაპოლი", კონტე
[VIDEO] ნერესს ვეღარ აჩერებენ - "ნაპოლიმ" სტუმრად "რომას" სძლია
ინსინიე სერია A-ში ბრუნდება - კონტრაქტი უკვე შეთანხმებულია
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს
ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ
ონანას არ დაუძახეს - ის აფრიკის თასზე კამერუნის ნაკრებში არ იქნება
ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს