<p>"ბარსელონას" თავკაცმა "ლევანტესთან" მატჩის შემდეგ "კამპ ნოუს" გაზონის ცუდ მდგომარეობაზე დაიჩივლა <br> "ბარსელონას" მთავარმა მწვრთნელმა ხოსეპ გვარდიოლამ "ლევანტესთან" გუშინწინ ჩატარებულ მატჩზე ისაუბრა და "კამპ ნოუს" გაზონის ცუდ მდგომარეობაზეც დაიჩივლა.</p><p>გვარდიოლამ ჟურნალისტებთან ხავიც ახსენა, რომელმაც ამ დღეს გუნდის მაისურით 549-ე შეხვედრა ჩაატარა.</p><p><strong>- "ლევანტესთან" თამაშის წინ დაუშვებდით, რომ თქვენი გუნდი გოლის გატანას მხოლოდ შესვენების შემდეგ შეძლებდა?</strong></p><p>- მაშინაც კი, როცა დიდი ანგარიშით გამარჯვებას ვახერხებთ, ურთულესი ბრძოლის გადატანა გვიწევს. უბრალოდ, ყველაფერი იოლად და მარტივად მოედნის გარედან ჩანს.</p><p>"ლევანტემაც", რომელიც საკმაოდ ორგანიზებული გუნდია, უამრავი პრობლემა შეგვიქმნა.</p><p><strong>- ეს გაზონის მდგომარეობამაც ხომ არ განაპირობა? </strong></p><p>- საშინელ მინდორზე ვითამაშეთ. გასაგებია, რომ ახლა გაზაფხული არაა, მაგრამ ბარსელონაში ზამთარი, როგორც ასეთი, ხომ არ ყოფილა?! ეს პრობლემა სასწრაფოდ არის მოსაგვარებელი.</p><p><strong>- იქნებ სწორედ მოედნის ბრალია, რომ "ბარსამ" შესაძლებლობები სრულად ვერ წარმოაჩინა?</strong></p><p>- სიმართლე გითხრათ, გაზონის პრობლემა თავიდანვე მაშფოთებდა. აქ საქმე არა იმდენად თამაშის ხარისხს, არამედ საბოლოო შედეგს ეხებოდა, რადგან უკვე 100 წელია, რაც "კამპ ნოუზე" მეტოქეები ჩვენ წინააღმდეგ თავს მთელი გუნდით იცავენ. 2:1 - ეს სამართლიანი ანგარიშია.</p><p><strong>- რას იტყვით "ატლეტიკთან" სამეფო თასის განმეორებით მატჩზე, რომელიც ხუთშაბათს გაქვთ ჩასატარებელი?</strong></p><p>- პირველივე მატჩში ბასკებთან საქმის მოთავება ვერ შევძელით და ამიტომ, მომავალ შეხვედრაზე ყურადღების მაქსიმალურად გამახვილება გვმართებს. თანაც, ამ თამაშზე დიდად იქნება დამოკიდებული, როგორ წარიმართება დარჩენილი სეზონი. აქვე გეტყვით, რომ 1/16 ფინალის სტადიაზე ყველაზე რთული მეტოქე გვერგო.</p><p><strong>- "ლევანტესთან" თამაში ხავისთვის "ბარსელონაში" ჩატარებული 549-ე შეხვედრა იყო...</strong></p><p>- ეს ფანტასტიკური მაჩვენებელია. მე ”ბარსაში” 300 მატჩი ჩავატარე და მეგონა, ეს უდიდესი მიღწევა იყო. თუ ხავი ასეთივე შემართებით ითამაშებს, მას შესწევს ძალა 700-თამაშიან ნიშნულსაც მიაღწიოს.</p><p>.</p>
კონტრაქტს აღარ გააგრძელებს - კურტუა "რეალიდან" მალე წავა
"თუ ის წავა, "ბარსელონაში" დავბრუნდები" - მესის კატალონიური გრანდის მაისურით კვლავ ვიხილავთ?
[PHOTO] ლაპორტა: ვარ მიმზიდველი და ფულს ვნებიანი სექსი მირჩევნია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
"სტრასბურგთან" მატჩში პსჟ-ს შემადგენლობა ცნობილია
კანტე ევროპაში ბრუნდება? - ფრანგს სერიოზული მსურველი ჰყავს