<p>ბივერ კრიკში ტინა მაზეს ვერ აჩერებენ <br> აგრძელებს მსოფლიოს ჩემპიონატზე მედლების შეგროვებას სლოვენიელი ტინა მაზე. ბივერ კრიკში ქალებს შორის მედლების მესამე კომპლექტი გათამაშდა და მსოფლიოს თასის ლიდერს უკვე ორი ოქრო და ერთი ვერცხლი აქვს. 31 წლის მოთხილამურემ სწრაფდაშვებაში გამარჯვებას სუპერკომბინაციაში ოქროც დაუმატა.</p><p>მაზემ პირველი ცდის - სწრაფდაშვების შემდეგ მოიპოვა ლიდერობა და სლალომში მეხუთე დროც ეყო იმისთვის, რომ დაემარცხებინა კონკურენტები, რომელთა შორის ავსტრიელები ჭარბობდნენ. მეორე ადგილი ამ ქვეყნის წარმომადგენელ ნიკოლ ჰოსპს ერგო, რომელსაც ახლა მსოფლიოს ჩემპიონატებსა და ოლიმპიადებზე სხვადასხვა სინჯის 9 მედალი აქვს მოპოვებული.</p><p>ბრინჯაოს მედალი კიდევ ერთმა ავსტრიელმა, მიხაელა კირხგასერმა აიღო. მსოფლიოს ჩემპიონატებზე ეს მისი მეორე მედალია. პირველი 2013 წელს სლალომში მოიპოვა. რაც შეეხება ბივერ კრიკში სუპერგიგანტის ტრიუმფატორს, ასევე ავსტრიელ ანა ფენინგერს, ის მხოლოდ მეოთხე ადგილს დასჯერდა.</p><p>როგორც უკვე ვწერდით, ტინა მაზე უმიზნებს ლეგენდარული ნორვეგიელის, ლასე კიუსის ყველა დროის რეკორდს. 1999 წელს სკანდინავიელმა მსოფლიოს ჩემპიონატის ხუთივე დისციპლინაში მოიპოვა მედალი (სამი ოქრო და ორი ვერცხლი). მაზეს ამ შედეგის გასამეორებლად გიგანტურ სლალომსა და სპეციალურ სლალომში პოდიუმზე ასვლა სჭირდება.</p><p>ისე კი, სლოვენიელისთვის ეს იყო მეოთხე გამარჯვება მსოფლიოს ჩემპიონატებზე, მაგრამ პირველი სუპერკომბინაციაში. 2011 და 2013 წლებში ტინა ამ დისციპლინაში ვერცხლის მედალს სჯერდებოდა.</p><p>ზედიზედ მეორე სტარტი ჩააგდო ამერიკელმა ფავორიტმა ლინდსი ვონმა. ადგილობრივი პუბლიკის მთავარი იმედი სწრაფდაშვებაში დაკავებული მეოთხე ადგილის შემდეგ, სუპერკომბინაციაში საერთოდ ჩასათვლელი დროის გარეშე დარჩა, რადგან სლალომში კარი ვერ გაიარა და დისკვალიფიკაცია მიიღო.</p><p><strong>სუპერკომბინაცია</p><p>ქალები</p><p></strong>1. ტინა მაზე (სლოვენ) - 2:33.37; 2. ნიკოლ ჰოსპი (ავსტრია) - +0.22; 3. მიხაელა კირხგასერი (ავსტრია) - +0.35; 4. ანა ფენინგერი (ავსტრია) - +0.89; 5. ლარა გუტი (შვეიც) - +0.94; 6. კატრინ ცეტელი (ავსტრია) - +1.64; 7. ილკა შტუჰეკი (სლოვენ) - +2.43; 8. ფრანჩესკა მარსალია (იტა) - +2.59; 9. რანგჰილდ მოვინკელი (ნორ) - +2.61; 10. მარგო ბაილე (საფ) - +3.22...</p><p><strong>ყოველდღიური სპორტული გაზეთი "ლელო"</strong></p>
სილქნეტის მხარდაჭერით, საქართველოს თასის ბაკურიანის ეტაპი დიდველის ტრასაზე ჩატარდება
სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება
ფიგურულ სრიალში ქართულმა წყვილმა გრან პრიზე ოქროს მედალი მოიპოვა
"რეალმა" ისევ ვერ მოიგო და შეიძლება "ბარსელონას" კიდევ უფრო ჩამორჩეს
წიტაიშვილმა "მარსელს" ლამაზი გოლი გაუტანა
U17 | სან მარინო 1:4 საქართველო
"არსენალი" არტეტას კონტრაქტს გაუხანგრძლივებს
[VIDEO] 41 წლის ლებრონ ჯეიმსმა "ლეიკერსს" "გოლდენ სტეიტთან" ულიდერა
[VIDEO] მამუკელაშვილის 18 წუთი - "ტორონტომ" "მაიამი" დაამარცხა
აზაროვი სათადარიგო იყო - "შახტარმა" "ალკმაარს" დამაჯერებლად სძლია
ევროპა ლიგაზე პირველი 1/4-ფინალური მატჩები გაიმართა
საქართველო 4:2 აზერბაიჯანი
ნოიერი საუკეთესო, კვარაცხელია სიმბოლურში
სიომინი: ხვიჩამ უმაღლეს დონეზე ითამაშა
სლოტმა განმარტა, რატომ არ ათამაშა სალაჰი
თსუ-მ მარგვეთს სძლია და საქართველოს თასი ბოლო 4 წელიწდში მესამედ მოიგო
"450 მილიონი დახარჯეს და ქვედა ლიგის გუნდივით თამაშობენ" - კარაგერმა "ლივერპული" გააკრიტიკა
"იყო თუ არა კუბარსი გასაძევებელი?" - ტიერი ანრი
"ენფილდზე" მთელი მატჩის განმავლობაში შევუტევთ" - ლუის ენრიკე
[VIDEO] ბითაძის შესანიშნავი მატჩი და "ორლანდოს" ზედიზედ მეოთხე გამარჯვება
"მამარდაშვილმა ალისონს მიბაძა, მაღალი კლასისაა და "ლივერპულში" ცუდ დროს მოხვდა" - ინგლისში ქართველის თამაში შეაფასეს
კვარაცხელიამ რეკორდი დაამყარა და მამარდაშვილის თამაშზე კომენტარი გააკეთა
გეგმა "ელ კლასიკოში" თამაშია - რაფინიას მოედანზე მალე დაბრუნება უნდა