- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სახეცვლილი მილანური გრანდები
<p>სერია A. XVIII ტურის წინ: ლეონარდო იმ სქემას დაეყრდნობა, რომელსაც "ინტერში" ჟოზე მოურინიო იყენებდა <br> მიმდინარე სეზონის XVII და 2011 წლის პირველი ტურის უკლებლივ ყველა შეხვედრა დღეს გაიმართება. მოსამზადებელი პერიოდი გუნდებმა ძირითადად მსუბუქ წვრთნებში გაატარეს და ამას, რა თქმა უნდა, აქვს თავისი ახსნა - სეზონი გრძელია, ფეხბურთელებს კი უფრო დასვენება სჭირდებოდათ, ვიდრე მძიმე ვარჯიშები და გადატვირთული გრაფიკი. ეს თემა იტალიურ სპორტულ პრესაში მეტად აქტუალურია - არაერთმა მწვრთნელმა გააკეთა განცხადება იმის შესახებ, რომ მოთამაშეებს განტვირთვა უფრო ესაჭიროებათ, ვიდრე დატვირთვა და ზოგადად, კალენდრის შემსუბუქების ინიციატივითაც არაერთი პერსონა გამოვიდა. ამ თემას ალბათ მომავალშიც შევეხებით, იქამდე კი ტურის წინასიტყვაობა ვთქვათ.</p><p><p> </p> <p>ცენტრალური შეხვედრა ჯუზეპე მეაცას სახელობის სტადიონზე გაიმართება, სადაც "ინტერი" "ნაპოლის" უმასპინძლებს. მილანური გრანდში რომ სერიოზული ცვლილებები მოხდა, გეცოდინებათ. ყველაფერს რომ თავი დავანებოთ, "ინტერმა" მწვრთნელი გამოიცვალა და რაფაელ ბენიტესის ნაცვლად გუნდს ლეონარდო ჩაუდგა სათავეში. გარდა ამისა, მოქმედ ჩემპიონს ანდრეა რანოკია შეუერთდა, რომელიც სავარაუდოდ დაცვის ცენტრში ითამაშებს და დაშავებულ ვალტერ სამუელს შეცვლის. ნიჭიერი უკანახაზელი "ნაპოლისთან" სასტარტო თერთმეტეულში მოიაზრება და ცენტრში სავარაუდოდ ლუსიოს შეუწყვილდება. საინტერესოა როგორ გაუგებენ ერთმანეთს ახალგაზრდა იტალიელი და გამოცდილი ბრაზილიელი.</p> <p> </p> <p>ფლანგებზე ხავიერ ძანეტი და დუგლას მაიკონი გაირჯებიან, ეს უკანასკნელი გვპირდება, რომ რთული პერიოდი გადალახა და უწინდებურად ათამაშდება.</p> <p> </p> <p>საინტერესოა, რომელ ტაქტიკურ მონახაზს აირჩევს ლეონარდო - თუ "გაძეტა დელო სპორტს" დავუჯერებთ, იმ სქემას დაეყრდნობა, რომელსაც "ინტერში" ჟოზე მოურინიო იყენებდა, ანუ 4-2-3-1-ს. გამოკვეთილი ფორვარდი სავარაუდოდ დიეგო მილიტო იქნება, უკნიდან კი დეიან სტანკოვიჩი, ჯონათან ბიაბიანი და გორან პანდევი დაეხმარებიან. სამუელ ეტოოს დისკვალკიფიკაციას ვესლი სნეიდერის და კოუტინიოს ტრავმები დაემატა, რამაც ლეონარდოს შეტევის ხაზში დიდი პრობლემები შეუქმნა - ვნახოთ, როგორ გამოძვრება ამ ვითარებიდან ბრაზილიელი სპეციალისტი.</p> <p> </p> <p>"ნაპოლი" ოპტიმალური შემადგენლობით ჩადის მილანში და შეეცდება მინიმუმ ერთ ქულას მაინც გამოკრას ხელი. ვალტერ მაძარი სამი შემტევით ითამაშებს, უკნიდან მარეკ ჰამშიკი და ეზეკილ ლავეცი გაირჯებიან, წინა ხაზზე კი ედისონ კავანი იმოქმედებს. მაძარიმ პრესასთან საინტერესო კომენტარი გააკეთა:</p> <p> </p> <p>"შემიძლია ვთქვა, რომ არ გაგვიმართლა, რადგან ჯობდა "ინტერს" აქამდე შევხვედროდით. მილანურმა გრანდმა სეზონის პირველი ნახევარი არცთუ მაღალ დონეზე წარმართა და არაერთი დაუგეგმავი ქულა დაკარგა. "ინტერს" ახალი მთავარი მწვრთნელი ჰყავს, ასეთ დროს კი გუნდი გაორმაგებული მოტივაციით თამაშობს და უმეტეს შემთხვევაში, წარმატებასაც აღწევს. თუმცა, არ იფიქროთ პესიმისტურად ვიყო განწყობილი, უბრალოდ ის აღვნიშნე, რომ წარმატების მისაღწევად მაქსიმალური მობილიზება გვმართებს. დაცვაში ჩაჯდომას არ ვაპირებთ, შევუტევთ და ვეცდებით, ჩვენი ფეხბურთი ვითამაშოთ, დანარჩენი მოედანზე გამოჩნდება".</p> <p> </p> <p>სახე იცვალა მეორე მილანურმა გრანდმაც - მართალია, მწვრთნელი ისევ მასიმილიანო ალეგრია, მაგრამ სამაგიეროდ, შემადგენლობაში მოხდა გარკვეული ცვლილებები. რონალდინიომ დატოვა გუნდი და სამშობლოს მიაშურა, სადაც "გრემიოს" შემადგენლობაში იასპარეზებს. მის ადგილს კი ანტონიო კასანო დაიკავებს, ფეხბურთელი, რომელმაც არაერთი გუნდიდან არჩევანი სწორედ "როსონერიზე" შეაჩერა. კასანო კარგა ხნის უთამაშებელია, მოკვეთილი გახლდათ "სამპდორიას" მთავარი გუნდიდან და ოპტიმალურ ფორმაში არ არის - შესაბამისად, "კალიარისთან" გასვლით პაექრობაში ალბათ სათადარიგოთა სკამზე გაამწესებენ. ძირითადში უნდა ვიხილოთ ტრავმებით გატანჯული ალეშანდრე პატო, რომელიც თანამემამულე რობინიოს შეუწყვილდება. ტრავმირებულნი არიან ანდრეა პირლო, ჯანლუკა ძამბროტა და კევინ პრინც ბოატენგი, ზლატან იბრაჰიმოვიჩი კი დისკვალიფიცირებულია. ანუ, დანაკლისი საკმაოდ სერიოზულია, რამაც შესაძლოა სტუმრებს პრობლემები შეუქმნას. გასული წელი "მილანმა" მარცხით დაასრულა და ვნახოთ, როგორ დაიწყება ამ გუნდისთვის ახალი, 2011 წელი.</p> <p> </p> <p>საინტერესო მატჩი გაიმართება "სტადიო მარასიზე", სადაც "ჯენოა" ჩერმპიონატის ერთ-ერთ ლიდერს, "ლაციოს" უმასპინძლებს. თავიდანვე ვთქვათ, რომ კახა კალაძე სასტარტო შემადგენლობაში მოიაზრება და თუ რაიმე გაუთვალისწინებელი არ მოხდა, "ბიანკოჩელესტეს" პირველივე წუთებიდან შეერკინება. როგორც ჩანს, ქართველი მცველი სრულად გამოჯანმრთელდა და ანდრეა რანოკიას მიერ განთავისუფლებულ ადგილს დაიკავებს.</p> <p> </p> <p>ყურადღების ცენტრში რჩება "ლაციო", გუნდი, რომელმაც სეზონის პირველ ეტაპზე ყველა გააოცა და 2011 წელს ლიდერთა მარაქაში შეხვდა. ედუარდო რეია იქადნება, რომ მისი გუნდი პოზიციებს არც მომავალში დათმობს: "ბევრს ჰგონია, რომ დავთმობთ პოზიციებს და კარგ შემთხვევაში ევროპის ლიგის საგზურისთვის ვიბრძოლებთ. ასე გრძელდება პირველი ტურებიდან მოყოლებული და სიმართლე გითხრათ, ეს ჩვენთვის დამატებითი მოტივაციაა. გუნდი მზად არის სეზონის განახლებისთვის და ეს ძალიან მახარებს. "ჯენოა" ძლიერი გუნდია, განსაკუთრებით კარგად საკუთარ მოედანზე თამაშობს, თუმცა ჩვენი მიზანი მხოლოდ და მხოლოდ სამი ქულის მოპოვებაა".</p> <p> </p> <p>რეია არაფრის შეცვლას არ აპირებს - შეტევის წინა ხაზზე კვლავ სერჯო ფლოკარი გაირჯება, უკნიდან კი მაურო სარატე, სტეფანო მაური და ერნანესი დაეხმარებიან. "ლაციოს" მიზანი მინიმუმ ჩემპიონთა ლიგის ზონაში მოხვედრაა და ვნახოთ, რა გამოუვათ რომაელებს.</p> <p> </p> <p>რეიას მსგავსად, არაფერს შეცვლის ლუიჯი დელ ნერი, ვისი "იუვენტუსიც" საკუთარ მოედანზე "პარმას" უმასპინძლებს.</p> <p> </p> <p>ტრადიციული 4-4-2 და დაბალანსებული "იუვე", რომელიც შეუტევს, მაგრამ არც დაცვაში ყურადღებით თამაში დაავიწყდება. გამომდინარე იქიდან, რომ ვინჩენცო იაკვინტა დაშავებულია, შეტევის წინა ხაზზე ფაბიო კვალიარელასთან ერთად ალესანდრო დელ პიერო გაირჯება. მიუხედავად იმისა, რომ ჯერჯერობით "იუვენტუსი" საჩემპიონო გუნდის შთაბეჭდილებას არ ტოვებს, ტურინელებს დაჩემებული აქვთ, გინდათ თუ არა სკუდეტო ჩვენი იქნებაო - ვნახოთ, მალევე გამოჩნდება რამდენად რეალურია მათი ამბიციები.</p> <p> </p> <p>"პარმამ" მაჟორულ ნოტაზე დაასრულა გასული წელი, სათასო პაექრობაში "ფიორენტინას" სძლია და პირველმა გააღწია მეოთხედფინალურ ეტაპზე. შესანიშნავ ფორმაშია ერნან კრესპო, რომელმაც ფლორენციელებს ორი გოლი გაუტანა და იმუქრება, ნაკლები დღე არც "იუვეს" დაადგებაო. დანარჩენი მოედანზე გამოჩნდება და ჩვენც დაველოდოთ მოვლენათა განვითარებას.</p> <p> </p> <p>დღეს:</p> <p> </p> <em><strong>იუვენტუსი-პარმა 15.30</strong></em></p><p><p>დისკვალიფიკაცია: ბონუჩი, ჯანდონატო - ლუკარელი.</p><p>ტრავმა: ბუფონი, რინაუდო, მარტინესი, დე ჩელიე, იაკვინტა - მარკესი, ანგელო.</p> <p><em><strong></p><p></strong></em></p> <p><em><strong>რომა-კატანია 18.00</strong></em></p><p>დისკვალიფიკაცია: არავინ.</p><p>ტრავმა: ლობონტი, პიზარო - ისკო, სპოლი, მასკარა, ბიაჯანტი, მორიმოტო.</p> <p> </p> <p><em><strong>ბოლონია-ფიორენტინა 18.00</strong></em></p><p>დისკვალიფიკაცია: დონადელი (ფიორენტინა).</p><p>ტრავმა: მეჯორინი, პერესი, კაზარინი - ნატალი, იოვეტიჩი, ფრეი.</p> <p> </p> <p><em><strong>ბრეშა-ჩეზენა 18.00</strong></em></p><p>დისკვალიფიკაცია: არავინ.</p><p>ტრავმა: ძამბელი, ანტონიო - ნაგატომო.</p> <p> </p> <p><em><strong>კალიარი-მილანი 18.00</strong></em></p><p>დისკვალიფიკაცია: არავინ.</p><p>ტრავმა: მარკეტი, სივაკოვი - ინძაგი, ფლამინი, პაპასტატოპულოსი, პირლო, ბოატენგი, ძამბროტა.</p> <p> </p> <p><em><strong>ჯენოა-ლაციო 18.00</strong></em></p><p>დისკვალიფიკაცია: არავინ.</p><p>ტრავმა: სკული, პალასიო, ძუკულინი - მენი, გარიდო.</p> <p> </p> <p><em><strong>ლეჩე-ბარი 18.00</strong></em></p><p>დისკვალიფიკაცია: როსი (ბარი).</p><p>ტრავმა: ჯულიატო, დი მიკელე, ფერარიო - ჟილე, გალასო, პარიზი, გეზალი, კასტილო, ალმირონი, ს. მაზიელო, ბარეტო.</p> <p> </p> <p><em><strong>პალერმო-სამპდორია 18.00</strong></em></p><p>დისკვალიფიკაცია: კაროციერი (პალერმო).</p><p>ტრავმა: ერნანდესი, პინილია - სემიოლი, კაჩატორე.</p> <p> </p> <p><em><strong>უდინეზე-კიევო 18.00</strong></em></p><p>დისკვალიფიკაცია: ბენეტია - მანტოვანი.</p><p>ტრავმა: ბასტა, ფერონეტი - ლუჩანო.</p> <p> </p> <p><em><strong>ინტერი-ნაპოლი 23.45</strong></em></p><p>დისკვალიფიკაცია: ეტოო (ინტერი).</p><p>ტრავმა: სნეიდერი, კოუტინიო, ობი, სამუელი, მანსინი, ჟულიო სეზარი - ლუკარელი.</p> <p> </p> <p> </p> <p>თ მ ფ წ ბ ქ</p><p>1. მილანი 17 11 3 3 29-13 36</p><p>2. ნაპოლი 17 10 3 4 26-17 33</p><p>3. ლაციო 17 10 3 4 24-16 33</p><p>4. იუვენტუსი 17 8 7 2 32-17 31</p><p>5. რომა 17 8 5 4 22-20 29</p><p>6. პალერმო 17 8 3 6 29-22 27</p><p>7. ინტერი 15 6 5 4 20-14 23</p><p>8. სამპდორია 16 5 8 3 18-13 23</p><p>9. უდინეზე 17 7 2 8 21-21 23</p><p>10. კიევო 17 5 6 6 19-19 21</p><p>11. ჯენოა 16 6 3 7 13-15 21</p><p>12. კატანია 17 5 6 6 14-18 21</p><p>13. კალიარი 17 5 5 7 19-16 20</p><p>14. ბოლონია 17 5 6 6 16-23 20</p><p>15. ფიორენტინა 16 5 4 7 16-17 19</p><p>16. პარმა 17 4 7 6 14-20 19</p><p>17. ბრეშა 17 4 3 10 12-20 15</p><p>18. ჩეზენა 16 4 3 9 11-20 15</p><p>19. ლეჩე 17 4 3 10 16-34 15</p><p>20. ბარი 17 2 5 10 11-26 11</p> <p> </p> <p>ბოლონიას დაკლებული აქვს 1 ქულა</p> <p> </p> <p>ბომბარდირები: 10 – დი ნატალე; 9 - ეტოო (ინტერი), კავანი (ნაპოლი), იბრაჰიმოვიჩი; 8 - მატრი (კალიარი), დი ვაიო (ბოლონია), კვალიარელა (იუვენტუსი).</p> <p> </p> <p><strong>ლაშა წიკლაური</strong></p> <p> </p> <p> </p> <p> </p></p>
კონტე: "მილანთან" დავმარცხდით და არა რომელიმე აუტსაიდერთან
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პოლიტანომ "ნაპოლისთან" კონტრაქტი გაახანგრძლივა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ