<p>მარცხისთვის ორივე ცოდო იყო - საქართველოს 17-წლამდელთა ნაკრებმა პირველი, მოგებული სპარინგის შემდეგ ფრედ ითამაშა სლოვაკეთთან <br> <span style="font-size: x-small;"><span style="color: #888888;"><strong>შენიშვნა: ვიდეოს გაშვების პრობლემის შემთხვევაში, საიტზე შესასვლელად სხვა ბრაუზერი გამოიყენეთ</strong></span></span></p><p>საქართველოს 17-წლამდელთა ნაკრებმა პირველი, მოგებული სპარინგის შემდეგ ფრედ ითამაშა სლოვაკეთთან.</p><p>ასეთ შეხვედრებში შედეგი პირველხარისხოვანი არ არის და წესით, საქართველოს ნაკრების სამწვრთნელო შტაბი კმაყოფილი უნდა დარჩენილიყო 26 თებერვალს ნანახ-განცდილით.</p><p>ქართველთა გარჯას უარყოფითი კვალი ობიექტურმა მიზეზმა დაამჩნია. <strong>გოჩა ტყებუჩავას</strong> გაწვრთნილ გუნდში ვერ ვიხილეთ დაცვის ორი ლიდერი - <strong>ყურშავიშვილი</strong> და <strong>ლოჩოშვილი</strong>. ვფიქრობთ, შეთამაშებული დუეტი მინდორზე რომ ყოფილიყო, სლოვაკები ჩვენს კართან ამდენ საგოლე მომენტს ვერ შექმნიდნენ.</p><p>შანსები საქართველოს ნაკრებსაც ბლომად ჰქონდა. საბოლოო ჯამში კი, დაფიქსირდა ფრე, რომელიც კანონზომიერად უნდა მივიჩნიოთ - წასაგებად ორივე გუნდი ცოდო იყო...</p><p>საკადრო პრობლემებისა და ძირითადი შემადგენლობის გადახალისების მიუხედავად, ტყებუჩავას ტაქტიკური სქემა არ შეუცვლია. ჩვენი გუნდი ისევ 4-3-3 განლაგებით გამოვიდა მინდორზე.</p><p>ქართველებმა აქტიურად დაიწყეს და სლოვაკთა კართან უკვე პირველ წუთზე შეიქმნა ხიფათი. მოწინააღმდეგის საჯარიმოში შეჭრილი <strong>გიორგი არაბიძე</strong> ერთ-ერთმა სლოვაკმა უკანახაზელმა შეაჩერა. ეპიზოდი 11-მეტრიანს კი ჰგავდა, თუმცა არბიტრმა <strong>ბაკურ ნინუამ</strong> თამაშის გაგრძელება ბრძანა.</p><p>იქვე, სლოვაკებმაც სცადეს გატანა. კოლესარის დარტყმული ოდნავ ასცდა <strong>გიორგი ჩოჩიშვილის</strong> კარს. საერთოდაც, თავიდან ბოლომდე ამოდსაცქერი, გახსნილი თამაში ვნახეთ. ეტყობოდა, რომ გუნდებისთვის მთავარი არა შედეგი, არამედ სანახაობა და ტაქტიკური ნიუანსების დახვეწა იყო.</p><p>ანგარიში მე-17 წუთზე გაიხსნა. სლოვაკთა შორის აშკარად საუკეთესო <strong>კამილ იასურეკმა სამუელ დანჩაკს</strong> უპასა და ამ უკანასკნელმაც შანსი აღარ გაუშვა ხელიდან. დარტყმა ძლიერი და ზუსტი გამოდგა - ჩოჩიშვილი თავისიანებს ვერ იხსნიდა.</p><p>გაშვებული გოლის შემდეგ საქართველოს ნაკრები გააქტიურდა. თამაში საკუთარ თავზე აიღო არაბიძემ, ვინც ერთბაშად რამდენიმე მეტოქე გააბითურა და ჯარიმაც მოიპოვა, თუმცა იმ სახიფათო "სტანდარტულიდან" ვერაფერს გამოვრჩით.</p><p>30-ე წუთზე <strong>ირაკლი ბუღრიძემ </strong>სიღრმიდან მიიღო პასი და საჯარიმოში შეიჭრა. გოლი, თითქოს, გარდაუვალი ჩანდა, მაგრამ არბიტრმა ქართველ ფორვარდს თამაშგარე მდგომარეობა დაუფიქსირა და ეს შეტევაც ჩაიშალა.</p><p>ორ წუთში გატანა უკვე სლოვაკებს შეეძლოთ. იასურეკი ძალიან სახიფათოდ ურტყამდა, მაგრამ მეკარემ გვიხსნა. პირველ ტაიმში გუნდებს მეტი სახიფათო მომენტი აღარ შეუქმნიათ.</p><p>დაიწყო მეორე ნახევარი და ტყებუჩავას იძულებითი შეცვლის გაკეთება მოუხდა - ფეხმტკივანმა <strong>ვატო არველაძემ</strong> მინდორზე ადგილი <strong>რატი არდაზიშვილს</strong> დაუთმო.</p><p>წინა მატჩის მიმოხილვისას ვთქვით, რომ ამ ფორმაციის ნაკრები ძალიანაა დამოკიდებული არაბიძეზე. გუშინ, პირველი მატჩისაგან განსხვავებით, ეს დამოკიდებულება ისე მწვავედ აღარ იგრძნობოდა. ვინ იცის, იქნებ იმადაც, რომ ეს არ იყო არაბიძის საუკეთესო მატჩი...</p><p>49-ე წუთზე საქართველოს ნაკრები ახლოს იყო გოლთან. <strong>თორნიკე ჭურაძემ</strong> შეტევის მარჯვენა ფლანგზე გაილაღა და სლოვაკთა კარის მიმართულებით ძლიერადაც დაარტყა, მაგრამ სტუმართა მეკარემ თავისიანები გოლს აარიდა.</p><p>54-ე წუთზე ანგარიში მაინც გათანაბრდა. გოლი ისეთი გამოვიდა, ნებისმიერ მატჩს რომ დაამშვენებდა - <strong>ბექა ნიკოლაშვილმა</strong> საჯარიმოს გარედან უძლიერესი დარტყმით შეაგდო. ბურთი აიჭრა და სლოვაკთა მეკარისთვის მოუხელთებელი გახდა.</p><p>იქნებ უადგილო შედარებაა, მაგრამ მაინც - ისეთი გოლი იყო, ხშირად რომ გააქვს <strong>კრიშტიანო რონალდოს</strong>...</p><p>მატჩის დასრულებამდე გვარიანი დრო რჩებოდა, თუმცა საგოლე მომენტი მხოლოდ ერთი ვნახეთ. <strong>არდაზიშვილმა</strong> სცადა გატანა, მაგრამ მის მიერ დარტყმული ბურთი ზემოდან გადაევლო სლოვაკთა კარს.</p><p>საქართველოს 17-წლამდელთა ნაკრები ახლა გერმანიაში გადაინაცვლებს, სადაც ევროპის ჩემპიონატის ელიტრაუნდისთვის გააგრძელებს სამზადისს. ჩვენი გუნდის მეტოქეები მასპინძელი ჰოლანდია, ბელგია და ჩრდილოეთი ირლანდია იქნებიან.</p><p><span style="color: #3366ff;"><strong>საერთაშორისო ამხანაგური მატჩი</strong></span></p><p>26.02. თბილისი. მიხეილ მესხი (სათ). 400 მაყურებელი.</p><p><em><strong>U17. საქართველო-სლოვაკეთი 1:1</strong></em></p><p>გოლები: 0:1 დანჩაკი (17), 1:1 ნიკოლაშვილი (54)</p><p><span style="text-decoration: underline;">საქართველო (4-3-3):</span> ჩოჩიშვილი - ჭურაძე (56. ვირუბოვი), ბულუხაძე, კობოური, კუხიანიძე (24. ასათიანი) - ნიკოლაშვილი, სამურკასოვი, არველაძე (44. არდაზიშვილი) - არაბიძე (63. ლეჟავა), ბუღრიძე (55. მუზაშვილი), კოხრეიძე (45. მალაზონია).</p><p>სათადარიგო: ისიანი.</p><p>მწვრთნელი: გოჩა ტყებუჩავა</p><p><span style="text-decoration: underline;">სლოვაკეთი (4-5-1):</span> ვავრუსი - იასურეკი, სულეკი, შტრბა, სუსოლიკი - ვარგა (66. სიმკო), დანჩაკი (55. პასტორეკი), ტესლარი, კელე (41. ლავკო), კოლესარი (40. ტუპტა) - დუბეცი (55. ჰერცი).</p><p>სათადარიგოები: შარაზი, ჰალგოში</p><p>მწვრთნელი: ლადისლავ ჰუდე</p><p>არბიტრი: ბ. ნინუა</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/asakobrivi-nakrebebi/75625-u17-saqarthvelo-slovakethi-10-arabidzeze-damokidebuli-videophoto.html" target="_blank">U17. საქართველო-სლოვაკეთი 1:0 - არაბიძეზე დამოკიდებული... [VIDEO+PHOTO]</a></p>
zaza
არდაზიშვილს რო მოედანზე ვიგაცა ადგილს დაუთმობს,ამ ბიჭის შემოსვლის შემდეგ გართულდა და საგოლე მომენტიც ამის წყალობით შეიქმნა.სირცხვილი.წარმატებებს უსურვებ ბიჭებს.
gia
აი ტყებუჩავას ნაკრები, სლოვაკებს ვერ უგებენ და ბელგიას და ჰოლანდიას მოუგებენ? ეგ არის ტყებუჩავას ნაკრები არ გამოაჩინოთ სირცხვილია,ნიჭიერი ბავშვები დაბლოკეთ ნაცნობობით აყვანილიები მეტს ვერ ქაჩავენ შეგცხვეთ
zaza
ერთი უდავოდ ჩანდა-სლოვაკები გაცილებით სწრაფები არიან.ყველა სლოვაკს სპორტული აღნაგობა,ზომიერად კუნთები...ჩვენები-ან ძვალი,ტყავი ან მასა....
ახალი შესარჩევის პირველი ტური - ახალგაზრდულმა ჩრდილოეთ ირლანდიასთან მატჩისთვის მზადება დაიწყო
19-წლამდელები საბერძნეთს უმასპინძლებენ - შემადგნელობა და მატჩების განრიგი
ახალგაზრდული ახალ შესარჩევს ქუთაისში - ჩრდილოეთ ირლანდიასთან მატჩით დაიწყებს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ვაჟთა ასაკობრივი გუნდების წილისყრა ნიონში
U17. საქართველოს ნაკრები დანიასთან უშანსოდ დამარცხდა
არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]
კლასი და უკლასობა, შიში თბილისის "დინამოს" მიმართ და მთავარი სიახლე სახო - ქართული კლუბები ევროტურნირებზე
ელიტრაუნდი 17-წლამდელებმაც მარცხით დაიწყეს [VIDEO]
არჩილ არველაძე: საქმე მხოლოდ ფეხბურთს არ ეხება...
დღეიდან მბაპე ჩემპიონთა ლიგის მოგებას "რეალთან" ერთად ეცდება - ქართველების მატჩები, ვაკო და არაბიძე აზიაში...
არაბიძემ კორეულ კლუბს ფიფაში უჩივლა და 2.88 მილიონს მიიღებს
არველაძეების "ფახთაკორი" უზბეკეთის ჩემპიონი გახდა და ჩვენებურებმა ქართული სიმღერა შემოსძახეს [VIDEO]
გია გილიგაშვილი და გოჩა ტყებუჩავა სფფ-ის არჩევნებში მონაწილეობას მაინც მიიღებენ
ბუდუ ზივზივაძე საქართველოს ნაკრებში დაბრუნდა - რა ხდება მიქაუტაძესთან დაკავშირებით
ვატო არველაძე კარიერას თურქეთის სუპერლიგაში განაგრძობს
ესპანური "ალავესი" კიდევ ერთი ქართველი ფეხბურთელის დამატებას აპირებს
ვატო არველაძე თბილისის "დინამოში" ითამაშებს
19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]
დიდების დასაბრუნებლად! - შოთა "ფახთაქორს" აჩისა და გოჩა ტყებუჩავასთან ერთად გაწვრთნის [VIDEO]
U17 | კვიპროსი 1:2 საქართველო
ვატო არველაძე: ვეცდები შოთაზე უფრო მაგარი გავხდე
სპორტულმა ტრიბუნალმა სფფ-ის აღმასკომის დელეგატთა შესახებ გადაწყვეტილება გააუქმა
ვატო არველაძე საბა კვირკველიას თანაგუნდელი გახდა
ვატო არველაძემ თურქეთის თასზე გოლი გაიტანა [VIDEO]
არაბიძე: რამ შემიშალა ხელი დიდი ფეხბურთის თამაშში - "უფრო ცხოვრებისეულ პრობლემებზე ვფიქრობდი"
გია ჭიაბრიშვილი: ქართველები კატენაჩოს ვერ ვითამაშებთ
17-წლამდე ვაჟთა ნაკრები საწვრთნელ შეკრებას იწყებს
ოფიციალურად: არაბიძე "ულსან ჰიუნდაის" ფეხბურთელია