<p>საქართველოს ნაკრების ფორვარდმა თავის გუნდსა და განვლილ კარიერაზე ისაუბრა <br> "ბასკონია", გუნდის თამაში მიმდინარე სეზონში, განვლილი კარიერა და მომავალი - ამ თემებზე ისაუბრა საქართველოს ნაკრების ფორვარდმა <strong>თორნიკე შენგელიამ</strong> გამოცემა "ზონადოსტრესთან".</p><p>ინტერვიუ ევროლიგაზე სტამბოლში "ეფესთან" გამართულ შეხვედრამდეა ჩაწერილი, რომელიც თორნიკეს გუნდმა 28 თებერვალს ანგარიშით 87:84 მოიგო.</p><p><strong>- ბოლო ტურში "ბრუისასთან" სტუმრად გაიმარჯვეთ. ეს იყო "ბასკონიას" პირველი გასვლითი მოგება მიმდინარე სეზონში...</strong></p><p>- ვიცოდით, რომ ადრე თუ გვიან, სტუმრად გამართულ მატჩებში წარუმატებლობასაც დაესმებოდა წერტილი. ჩვენ იმ დონის გუნდი გვყავს, ნებისმიერი მოწინააღმდეგის დამარცხება რომ შეუძლია.</p><p>თუმცა არც ის უნდა დავივიწყოთ, რომ გაცილებით რთულია გასვლით მატჩებში წარმატების მიღწევა. გუნდი აუტსაიდერიც რომ იყოს, შინ გაორმაგებული ენერგიით თამაშობს, რასაც გულშემატკივრების მხარდაჭერა ემატება და საქმე უფრო რთულდება.</p><p><img src="pictures/artimages/image17/335212e6d242c6ba38260e0f8b6af13d.jpg" border="0" alt="Sportall.Ge" title="თორნიკე შენგელია: NBA-ში წასვლას ნამდვილად არ ვნანობ" /></p><p><strong>- შემდეგი გაჩერება სტამბოლია, სადაც "ეფესთან" მოგიწევთ ევროლიგაზე თამაში...</strong></p><p>- როგორც აღვნიშნე, ესპანეთის ჩემპიონატში მეტოქის მოედანზე გამარჯვება ძალიან რთულია. კიდევ უფრო ძნელია ევროლიგაზე, სადაც ევროპის ტოპკლუბები თამაშობენ.</p><p>"ეფესთან" საშინაო მატჩში ბოლო წუთებზე დავმარცხდით, მას მერე გვქონდა საკმარისი დრო მეტოქის კარგად შესასწავლად. იმედი მაქვს, პარასკევს სტამბოლში ჩვენს თამაშს ვუჩვენებთ და წარმატების შანსიც გვექნება.</p><p>ყველას კარგად გვესმის, რას ნიშნავს "ეფესთან" მოგება ჩვენი გუნდისთვის, გამარჯვების შემთხვევაში პლეი ოფში გასვლისკენ მორიგ ნაბიჯს გადავდგამთ, წაგება კი საგრძნობლად დაგვწევს უკან.</p><p><strong>- ხედავთ "ბასკონიას" ტოპ-8-ში?</strong></p><p>- დიახ. კარგი გუნდი გვყავს და პლეი ოფში გასვლის შემთხვევაში ვერავინ იტყვის - ეს უბრალო გამართლების ბრალი იყოო. ნებისმიერ გუნდთან შეგვიძლია თანაბრად თამაშიც და გამარჯვებაც. ცსკა-სთან შეხვედრაში ბოლომდე გვქონდა მოგების შანსი, ხოლო "ოლიმპიაკოსთან" კარგი მატჩი მოვიგეთ.</p><p><strong>- ბოლო დროს "ბასკონია" უკეთ ათამაშდა...</strong></p><p>- ეს შესამჩნევია შიგნიდანაც და გარეშე თვალითაც. ერთნაირად დამაჯერებლად ვთამაშობთ როგორც დაცვაში, ასევე შეტევაში. ბევრი პლუსი გვაქვს, რასაც თამაშისას სათანადოდ ვიყენებთ.</p><p><strong>- შუა სეზონში მთავარი მწვრთნელი შეიცვალა...</strong></p><p>- იბონ ნავარომ გუნდი მას მერე ჩაიბარა, რაც სეზონი დიდი ხნის დაწყებული იყო. ასეთი ცვლილების შემდეგ გუნდსაც სჭირდება დრო და მწვრთნელსაც - გუნდის დასალაგებლად. ვფიქრობ, ბოლოს და ბოლოს, ნავაროს შრომამ შედეგი გამოიღო. ეს მოედანზეც ჩანს.</p><p><img src="pictures/artimages/image17/f689276b0c466a8b11fa184944c5a019.jpg" border="0" alt="Sportall.Ge" title="თორნიკე შენგელია: NBA-ში წასვლას ნამდვილად არ ვნანობ" /></p><p><strong>- რა სხვაობაა წინა მწვრთნელ მარკო კრესპისა და იბონ ნავაროს შორის?</strong></p><p>- ამ მწვრთნელებს განსხვავებული სტილი აქვთ. თუმცა არ უნდა დავივიწყოთ, რომ კრესპის წასვლის შემდეგ გუნდში კალათბურთელებიც შეიცვალნენ. ასე რომ, მხოლოდ მწვრთნელთა ცვლასთან არ გვაქვს საქმე. ვცდილობთ თამაშიდან თამაშამდე გავუმჯობესდეთ.</p><p><strong>- ეს თორნიკე შენგელიას როგორ გამოსდის?</strong></p><p>- მაქსიმუმისთვის ჯერ არ მიმიღწევია. ვცდილობ კიდევ ბევრი ვიმუშავო, ვისწავლო და პროფესიულად გავიზარდო. სტატისტიკა სტაბილური მაქვს, რაც მთავარია, გუნდს წარმატების მიღწევაში ვეხმარები. ვასრულებ ყველაფერს, რასაც მწვრთნელი მთხოვს.</p><p><strong>- რამდენიმე წლის წინათ ესპანეთში "ვალენსიას" ფორმით გამოჩნდი. მას შემდეგ როგორ შეიცვალე?</strong></p><p>- როგორც ადამიანი, არ შევცვლილვარ. როგორც კალათბურთელი, ფიზიკურად საგრძნობლად მოვუმატე და გამოცდილებაც მეტი მაქვს.</p><p><strong>- "ვალენსია" ადრეულ ასაკში დატოვე. დღეს როგორ იხსენებ ამ გუნდს?</strong></p><p>- "ვალენსიაში" წლიდან წლამდე იცვლებოდნენ მწვრთნელები. ყველას საკუთარი შეხედულება ჰქონდა და ერთ მომენტში საჭიროდ ჩავთვალე გუნდის დატოვება. იქ უამრავი მეგობარი დამრჩა და "ვალენსიასთან" ყოველი მატჩის წინ ვღელავ. "ვალენსიას" და ვალენსიელებს ყოველთვის თბილად ვიხსენებ.</p><p><strong>- ესპანეთიდან ბელგიაში გადახვედი...</strong></p><p>- იქ უკვე პროფესიონალი კალათბურთელის სტატუსით წავედი. ორი კარგი სეზონი მქონდა. ჯერ "პეპინსტერში" ვთამაშობდი, სადაც წუთებიც მქონდა და გუნდის ერთ-ერთი წამყვანი კალათბურთელიც გახლდით. მომდევნო წელს "შარლერუაში" გადავედი, რომელთან ერთადაც ევროლიგაზე თამაშის საშუალება მომეცა. სწორედ "შარლერუაში" გამოსვლით მივიპყარი NBA-ს სკაუტების ყურადღება.</p><p><strong>- 2012 წელს, NBA-ს დრაფტის შემდეგ "ბრუკლინის" შემადგენლობაში აღმოჩნდი. ხომ არ ნანობ ამერიკაში ერთობ ახალგაზრდა რომ წახვედი?</strong></p><p>- დღესაც რომ მქონდეს არჩევანის საშუალება, ისევ ამერიკას ავირჩევდი. ვფიქრობ, სწორი ნაბიჯი გადავდგი. NBA-ს მწვრთნელებსა და ვარსკვლავებთან თანამშრომლობით დიდი გამოცდილება მივიღე.</p><p>ბევრს ვვარჯიშობდი, თუმცა სათამაშო დრო ძალიან ცოტა მქონდა. ორი წლის შემდეგ დადგა დრო, სწავლის პარალელურად სათამაშო პრაქტიკაც მიმეღო. ამიტომაც გადავწყვიტე ევროპაში დაბრუნება.</p><p><strong>- "ბასკონიაში" თავს ბედნიერად გრძნობ?</strong></p><p>- ბედნიერი ვარ, რისთვისაც ღმერთს მადლობას ვეუბნები. აქ ორი წელი დავრჩები. მოხარული ვარ, რომ "ბასკონიასთან" ერთად ევროპის ტოპ-კლუბების წინააღმდეგ თამაშის საშუალება მაქვს.</p><p><strong>ყოველდღიური სპორტული გაზეთი "ლელო"</strong></p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ნეტავ იცოდნენ ქართველებმა, რამდენს ნიშნავს ნაკრები შენთვის" - თორნიკე შენგელიას ცოლი
"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია
[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა
შენგელია: გასაკვირია ჯიკიჩი ევროლიგის გუნდს რომ არ წვრთნის
"ევრობასკეტამდე ცოტათი შეშინებული ვიყავი, ახლა ყველაფერი კარგადაა" - შენგელიამ ესპანურ მედიასთან ისაუბრა
კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა