- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იამანიძის კალთაში...
<p>იამანიძის კალთაში...</p><p>რომ მცოდნოდა, იმქვეყნად გუნდიდან პირველი შოთა იამანიძე წავიდოდა, ჩემს მაისურას ნომერ 7-ს დავაწერდი!</p><p>1965 წლის თებერვალში თელავში ხმა დაირხა, გივი ჩოხელთან თბილისის "დინამო" ჩამოდისო. თელაველებს ეს შემთხვევა ხელიდან არ გაუშვიათ და გადაწყვიტეს, ის ღირსეულად აღენიშნათ. პირადად მე, სრულიად შემთხვევით გავხდი ამ ზეიმის მონაწილე. თელავის ისტორიული თეატრის დირექტორისთვის, დავით კეჟერაძისთვის, ვიღაცას უთქვამს, პირველ სკოლაში არის ბიჭი, რომელმაც "ოქროს მატჩის" რეპორტაჟი ზეპირად იცისო. ეს სკოლა მეფე ერეკლე II-ის ციხე-კოშკების გალავნების შიგნით მდებარეობს. ეს ის სკოლაა, სადაც ყრმა ვაჟა-ფშაველამ დაწყებითი განათლება მიიღო. ეს ის სკოლაა, სადაც გივი ჩოხელი სწავლობდა... თბილისის "დინამო" საბჭოთა კავშირის ჩემპიონი რომ გახდა, მეც ამ სკოლის II კლასის მოსწავლე ვიყავი...</p><p>50 წელი გასულა... მინდა უფრო თანმიმდევრულად გავიხსენოთ ის დღეები... თელავში გვიანი შემოდგომა... 1964 წლის 18 ნოემბერს საღამოთი ორი ასაკოვანი მეზობელი გადმოვიდა ჩვენთან და რადიოს მივუსხედით - ძველებურ "რეკორდს", ზუსტად ისეთს, კინოფილმ "მანანაში" რომ არის. იმ დღეს პირდაპირი სატელევიზიო რეპორტაჟი ტაშკენტიდან არ ყოფილა, თუმცა ამას სულ არ შეუშლია ჩემთვის ხელი, რეპორტაჟის ძირითადი მომენტები ზეპირად დამხსომებოდა...</p><p>შემეძლო კი წარმომედგინა, რომ ამ დღიდან სამი თვის და სამი დღის შემდეგ თბილისის "დინამოს" კაპიტნის შოთა იამანიძის კალთაში ვიჯდებოდი?! რასაკვირველია, არა... მაგრამ პატარა ბავშვებისთვის სასწაულები ნამდვილად ხდება...</p><p>თეატრის დირექტორი სპეციალურად მოვიდა სკოლაში, მომნახა და თეატრში რეპეტიციაზე დამიბარა. იქ მისულს ხელში "ნამდვილი" მიკროფონი მომცეს - "აბა, შენ იციო!"</p><p>"ლაპარაკობს ტაშკენტი!" - წარმოვთქვი პირველი ორი სიტყვა თეატრის ცარიელ დარბაზში. მიკროფონის ექომ სულ დამაფრთხო. დამიყვავეს, გამამხნევეს, მეც დავცხე და დავცხე. თეატრის დირექტორს ბოლო ეპიზოდი განსაკუთრებით მოეწონა:</p><p>"იამანიძის დარტყმა, "შტანგა!!", კიდევ დარტყმა! ისევ "შტანგა!!" ისევ დარტყმა!.." ეტყობა, მასაც გული სწყდებოდა, დინამოელთა კაპიტანს იმ დღეს ბედმა რომ არ გაუღიმა. "შტანგა" არა, "ძელი" უნდა თქვაო, შემისწორა.</p><p>ტაშკენტიდან დაბრუნებულ ჩემპიონებს, თბილისის გარდა, რამდენიმე ქალაქმა მოუწყო შეხვედრა. გივი ჩოხელის მშობლიურმა თელავმა მართლაც რომ საოცარი შეხვედრა ჩაატარა კახეთში ჩამოსული "ოქროს ბიჭებისთვის". ზეიმზე ერთ-ერთი პირველი მე გამოვედი. მახსოვს, როგორ გამომაწყვეს: შავი მოკლე შარვალი, მხრებზე სალტეებით, თეთრი პერანგი, ყელზე კი ცხოვრებაში პირველად და უკანასკნელად შავი "ბაბოჩკა".</p><p>რეპეტიციისგან განსხვავებით რეპორტაჟი რიხიანად წავიყვანე. დათუნაშვილის "ჩახვეულმა" კუთხურმა დამატებით დრომდე მიგვიყვანა, იამანიძის დარტყმების შემდეგ ტორპედოელთა ძელი ჯერ კიდევ ზანზარებდა, როცა მიკროფონი გვერდზე გადავდე და უკან სცენაზე ორ რიგად მსხდომი ფეხბურთელების გადასაკოცნად გავეშურე. პირველად შოთა იამანიძისკენ გავეშურე... მან ხელში ამიყვანა, გადამკოცნა და ამის შემდეგ ფეხბურთელების ხელიდან ხელში გადავდიოდი...</p><p>მეორე რიგში მჯდომ აფშევს კოცნაზე უარი განვუცხადე. 8 წლის ბიჭს "ნაციონალისტობას" ვერავინ დამწამებდა, რადგან იქვე მჯდომ გურამ ცხოვრებოვს გადავეხვიე, ხოლო რატომღაც წვერმოშვებულ მურთაზ ხურცილავას ცივი უარი ვტკიცე, ამის შემდეგ მწვრთნელებს - კაჩალინს, ღოღობერიძეს და კოტრიკაძეს მივულოცე. მათ გვერდზე მჯდომ გივი ჩოხელს განსაკუთრებით გადავეხვიე და შოთა იამანიძის სკამზე დავსკუპდი! მეორე დღეს სახლში შენიშვნა მომცეს, თურმე სიხარულისგან ისე ვცქმუტავდი, მთელი საღამო მოსვენება არ მიმიცია დინამოელთა კაპიტნისთვის. გასაკვირი ის იქნებოდა, წყნარად რომ ვმჯდარიყავი. ბოლოს და ბოლოს, მე ხომ "დინამოს" კაპიტნის კალთაში ვიჯექი (?!).</p><p>დინამოელთა გუნდს თელავში არ ახლდნენ მხოლოდ სერგო კოტრიკაძე და მიხეილ მესხი. სერგოზე თელაველი ბიჭები ჯიუტად ამტკიცებდნენ: "მკვდარი" ბურთი აიღო, თავი ძელს მიარტყა და თვალები სტკივაო. აი, რატომ ვერ ჩამოვიდა თურმე იგი თელავში (?!).</p><p>დღევანდელი გადასახედიდან ვრწმუნდები, რომ ბავშვის "ცოცხალ ფანტაზიას" საზღვარი არა აქვს, რაც შეეხება სიცოცხლეშივე ლეგენდად ქცეულ მიხეილ მესხს, მასზე ასეთი "იაფფასიანი" არგუმენტები ვერ გაჭრიდა. ხუმრობა ხომ არ იყო - ზაფხულობით უკლებლივ ყველა ბიჭს მაისურზე #11 ეწერა. მე კი ჯიუტად ყოველთვის სლავა მეტრეველის #9-ს ვატარებდი. ისე კი, მაშინდელი გულშემატკივრებიც ორად ყოფილან გაყოფილნი - "მესხისტები" და "იამანიძისტები". ქართველებს ეს სენი გვჭირს. წლების წინ ტელევიზიით გადაცემა მიუძღვნა ამ საკითხს დავით ქლიბაძემ. თვითონ მიშას უღიარებია თურმე - იამანიძისტი ვარო. მე მგონი, ამით ყველაფერია ნათქვამი.</p><p>ვერ ვიტყვი, რომ სლავა მეტრეველი მიშაზე მეტად მიყვარდა... რომ შეიძლებოდეს ამ ბავშვობის წლების უკან დაბრუნება და რომ მცოდნოდა, რომ იმ თაობის დიდებული ფეხბურთელებიდან იმქვეყნად პირველი შოთა იამანიძე წავიდოდა, ჩემს მაისურას უცილობლად კაპიტნის ნომერ "შვიდს" დავაწერდი.</p><p>ზურაბ ტაბატაძე</p><p>თელავი</p><p>გამოყენებულია ფოტოები</p><p>დემიკო ლოლაძის წიგნიდან</p><p>"შოთა იამანიძე"</p><p>პ.ს. შარშან ნოემბერში ვლადიმერ ბარქაიას შევხვდი ტაშკენტში გამარჯვების 50 წლის იუბილეზე. მივულოცე და თელაველებთან შეხვედრაც გავახსენე...</p><p>"როგორ შეიძლება არ მახსოვდეს ეგ საღამო... მე და გივი ჩოხელი პავლოვის ქუჩაზე ერთ სადარბაზოში ვცხოვრობდით, მეზობლები ვიყავით და ყველაზე ხშირად მასთან თელავში მე ჩავდიოდი... საოცარი შეხვედრა მოგვიწყვეს თელაველებმა... გივი ჩოხელმა წინა წელს დაამთავრა საფეხბურთო კარიერა. ჩვენ კი, ორნი, მე და გიორგი სიჭინავა, ტაშკენტის მოედანზე ვიბრძოდით ჩემპიონობისთვის... გაგრის სტადიონის გადაღმა სიჭინავების ოჯახი ცხოვრობდა, გადმოღმა კი ბარქაიების"...</p><p>ამ წერილს რომ ვამზადებდი, "ობიექტივის" ტელევიზიაში სტუმრად მოწვეული სიომა ბარქაია შევნიშნე... თენგიზ პაჭკორიასთან ერთად გაგრაზე და აფხაზეთზე საუბრობდნენ... გიორგი სიჭინავაც გაიხსენა. წლების მანძილზე სოჭში საცხოვრებლად იძულებით გადასული სიჭინავა ისევ გაგრაში დაბრუნდაო...</p><p>ამ გადაცემის წამყვანს ტელეფონით დავუკავშირდი. სიომა ბარქაიას კიდევ ერთხელ გავახსენე თელაველებთან შეხვედრა. ასევე მინდოდა მეთქვა, რომ რაკი გიორგი სიჭინავა გაგრაში დაბრუნდა, ქართველებიც მალე დავბრუნდებით გაგრაშიც, აფხაზეთშიც და სამაჩაბლოშიც! ქართველები შენთანაც და გიორგისთანაც ვალში ვართ და აუცილებლად მოგიწყობთ შეხვედრას ტაშკენტის სტადიონზე გაჩემპიონებულ ბიჭებს...</p><p>სამწუხაროდ, ტელეფონი ნაადრევად გამითიშეს და ჟურნალ "ლელო წეეკ-ის" ფურცლებიდან შევთხოვ სიომა ბარქაიას, თელაველების მილოცვა გადასცეს გიორგი სიჭინავას...</p><p><br></p>
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
რიო ფერდინანდმა თავისი ყველა დროის საუკეთესო თერთმეტეული დაასახელა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა