<p>საქართველოს ეროვნული ჩემპიონატი. უმაღლესი ლიგა. XIX ტური <br> "შუქურა" თბილისის "დინამოს" ეროვნულ ჩემპიონატში პირველად მასპინძლობდა, რამაც ქობულეთში თავისთავად დიდი ინტერესი გამოიწვია. "შუქურას" პირველ წრეში "დინამოსთან" 0:6 ჰქონდა წაგებული და ცხადია, რევანშის წყურვილი ამოძრავებდა.</p><p>ქობულეთელებმა შეხვედრა აქტიურად დაიწყეს. მასპინძელი "დინამოს" გასაქანს არ აძლევდა. ამდენად, ტერიტორიული უპირატესობა "შუქურას" მხარეს იყო. მოედნის თითოეული მონაკვეთისთვის ისეთი ბრძოლა მიდიოდა, ჩვენს ჩემპიონატში იშვიათად რომ ნახავ.</p><p>დინამოელები თავს იცავდნენ და შეტევის განხორციელების გზებს ეძებდნენ.</p><p>მე-18 წუთზე მათ მეტოქის დაცვაში სუსტი რგოლი იპოვეს. ძალიან კარგად ითამაშა საბა ლობჟანიძემ, რომელიც მოედნის ცენტრიდან კარისკენ გაიჭრა და შეტევა მარცხენა ფლანგზე გაუგრძელა ოთარ კიტეიშვილს, რომელიც ორ მცველს სწრაფად გასცდა და მახვილი კუთხიდან დაარტყა - აზამატ ჯიოევმა ბურთი კი მოიგერია, მაგრამ იქვე იყო გიორგი ჯანელიძე, რომელმაც კარის წინ ლაშა პარუნაშვილი მოძებნა და ანგარიში გაიხსნა - 0:1.</p><p>"შუქურა" კიდევ უფრო გააქტიურდა, მაგრამ თბილისელები ისე მჭიდროდ ეთამაშებოდნენ მეტოქეს, გელა სანაიას შეგირდებს კართან მიახლოება უჭირდათ. ამ დროს, მაყურებელი მსაჯის გადაწყვეტილებამ აღაშფოთა - მათი აზრით, გიორგი ყრუაშვილს 36-ე წუთზე მეორე ყვითელი ბარათი უნდა ეჩვენებინა ლაშა თოთაძისთვის და, შესაბამისად, გაეძევებინა, მაგრამ ასე არ მოხდა...</p><p>"შუქურამ" პირველი რეალური საგოლე მომენტი ტაიმის ბოლო წუთზე შექმნა: გიორგი კუხიანიძემ მარცხენა ფლანგზე ბურთი ლუიზინიოს გაუგდო, რომელიც საჯარიმოსკენ დაიძრა და კარის წინ პაულო ვიკტორს ჩაუწოდა, ამან კი თავური მიზანს მცირე მანძილით ააცილა.</p><p>მეორე ტაიმი ძალზე სწრაფ ტემპში წარიმართა. მთელი ძალით ათამაშდა "შუქურას" საყრდენი ადრიან პუკანიჩი, რომელმაც მოედნის ცენტრში მეტოქის შეტევები შეაკავა, თამაში "დაალაგა" და შეტევებსაც გაუძღვა. აქ გამოჩნდა ბრაზილიელი ლეგიონერების, განსაკუთრებით, პაულო ვიკტორის ძალა - ის ხშირად აწუხებდა მცველებს და ბურთს ორთაბრძოლებში არ თმობდა.</p><p>თამაშის განახლებისთანავე, თბილისელთა საჯარიმოში მარცხენა ფლანგიდან შეიჭრა პუკანიჩი და კარშიც დაარტყა. ბურთი მიზნისკენ ვერ წავიდა, მაგრამ დამატებაზე გიორგი ჩელებაძემ დაარტყა და მეკარე ლიბორ ჰრდლიჩკმა საიმედოდ ითამაშა. ასევე უშედეგო გამოდგა ვიკტორის თავური დარტყმა.</p><p>50-ე წუთზე კი ძალიან კარგად ითამაშა "დინამოს" თავდამსხმელმა მანუელ ონვუმ, რომელიც მცველებს დაუსხლტა და მეკარესთან პირისპირ დარჩა, მაგრამ ჯიოევმა "შუქურა" აშკარა გოლისგან იხსნა.</p><p>ქობულეთელებმა მწვავედ შეუტიეს 52-ე წუთზეც, როცა ჰრდლიჩკამ ჩელებაძის საჯარიმო დარტყმა კუთხურზე მოიგერია. ცოტა ხანში, პუკანიჩმა საჯარიმოსთან ვიკტორი შენიშნა, რომელმაც შორიდან ძლიერად დასცხო, მაგრამ ბურთი ძელს მოხვდა, დამატებაზე კი სტუმართა მეკარემ ივარგა.</p><p>ამის შემდეგ ქობულეთელები ორჯერ ითხოვდნენ პენალტს - მათი აზრით, 63-ე წუთზე სტუმართა საჯარიმოში კუხიანიძე წესების დარღვევით წააქციეს; ცოტა ხანში უკვე ჩელებაძე აღმოჩნდა გაზონზე, მაგრამ არბიტრმა ეს არა წესის დარღვევად, არამედ სიმულაციად შეაფასა და "შუქურას" კაპიტანს ყვითელი ბარათი აუფრიალა.</p><p>მატჩის მიწურულს გელა სანაია ვა-ბანკზე წავიდა და მეოთხე მცველის ნაცვლად, მოედანზე კიდევ ერთი თავდამსხმელი შეუშვა, მაგრამ "შუქურამ" დინამოელთა დაცვას ვერაფერი მოუხერხა. თბილისელებმა შეხვედრა გამარჯვებამდე მიიყვანეს.</p><p>დაძაბულობისა და მსაჯისადმი პრეტენზიების მიუხედავად, მეტოქეები ერთმანეთს ღირსეულად დაშორდნენ, ფანებმა კი მატჩის შემდეგ ერთმანეთზე გაიწიეს. საბედნიეროდ, პოლიციამ ვნებები მალევე დააცხრო.</p><p><span style="color: #3366ff;"><strong>მატჩის შემდეგ</strong></span></p><p><strong>გელა სანაია</strong> (შუქურა): "მიმაჩნია, რომ დღეს ქულას მაინც ვიმსახურებდით. ბევრი მომენტიც შევქმენით და მეტოქემ არათუ ვერ დაგვჩაგრა, ბოლოს უპირატესობაც გვქონდა. სამწუხაროა, რომ მომენტები ვერ გამოვიყენეთ და დავმარცხდით".</p><p><strong>კახა გოგიჩაიშვილი</strong> (დინამო): "უნდა ვაღიაროთ, რომ მეტოქე ღირსეული გუნდი აღმოჩნდა და ძალიან კარგად ითამაშა, მაგრამ მადლობა ჩემს ფეხბურთელებს, რადგან მათ გამარჯვებისთვის ბოლომდე იბრძოლეს".</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XIX ტური</strong></span></p><p>14.03. ქობულეთი. "ჩელე არენა". 3 000 მაყურებელი</p><p><em><strong>შუქურა-დინამო (თბ) 0:1</strong></em></p><p>გოლი: 0:1 პარუნაშვილი (18. ჯანელიძის პასით)</p><p><span style="text-decoration: underline;">შუქურა (4-2-3-1):</span> ჯიოევი - ტვილდიანი, გ. გურული, მჟავანაძე (85. მეტრეველი), ჩალაძე - პუკანიჩი, კუხიანიძე - ლუიზინიო (64. ზ. ტუღუში), ჩელებაძე, ფილიპე (52. თუხარელი) - პაულო ვიკტორი.</p><p>სათადარიგოები: თ. კაკალაძე, ტაკიძე, მესხი, მალანია</p><p>მწვრთნელი: გელა სანაია</p><p><span style="text-decoration: underline;">დინამო (4-2-3-1):</span> ჰრდლიჩკა - კაკაბაძე, გველესიანი, რენე ფერეირა, თოთაძე - პარუნაშვილი, ცინცაძე - ლობჟანიძე (83. შერგელაშვილი), კიტეიშვილი (65. ჯიღაური), ჯანელიძე - მანუელი (62. ჩირგაძე)</p><p>სათადარიგოები: დაუშვილი, ჯაფიაშვილი, ტაბატაძე, მიქელთაძე</p><p>მწვრთნელი: კახა გოგიჩაიშვილი</p><p><span style="text-decoration: underline;">გაფრთხილება:</span> თოთაძე (34), ჩელებაძე (69), ჩირგაძე (85)</p><p><span style="text-decoration: underline;">არბიტრი:</span> გ. ყრუაშვილი</p><p><span style="color: #3366ff;"><strong>ბომბარდირები:</strong></span></p><p>ჯ. დვალი (ზესტაფონი)* 10</p><p>ი. მოდებაძე (დილა) 8</p><p>ო. კვერნაძე (ტორპედო) 7</p><p>გ. პაპუნაშვილი (დინამო თბ) 7</p><p>ნ. საბანაძე (დინ. თბ/ტორპ) 7</p><p>ნ. კვეკვესკირი (დილა) 7</p><p>დ. სიჭინავა (კოლხეთი/სიონი) 7</p><p>თ. მუმლაძე (ჩიხურა) 6</p><p>დ. ცნობილაძე (მეტალ./სიონი) 6</p><p>გ. ილურიძე (ზესტაფონი) 6</p><p>ი. სიხარულიძე (ზესტაფონი) 6</p><p><em>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</em></p><p><span style="color: #3366ff;"><strong>მომდევნო (XX) ტური</strong></span></p><p><span style="text-decoration: underline;">18 მარტი, ოთხშაბათი</span></p><p>სამტრედია-ზესტაფონი</p><p>ჩიხურა-კოლხეთი</p><p>დინამო (თბ)-მეტალურგი</p><p>გურია-დილა</p><p>დინამო (ბთ)-ვიტ ჯორჯია</p><p>სიონი-შუქურა</p><p>ტორპედო-ცხინვალი</p><p>ზუგდიდი-მერანი</p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"უოტფორდმა" ჩიქოვანის ტრანსფერი დეტალების გარეშე დაადასტურა
გიორგი დემეტრაძე ქართულ ფეხბურთს სპორტულ დირექტორად დაუბრუნდა
ოთარ კობახიძე - "ჩელე-არენის" მორიგი მსხვერპლი
გელა სანაია: ზღვისპირეთში ბევრი ტალანტი იკარგება
"უოტფორდმა" ჩიქოვანი "შარლერუაში" გაანათხოვრა
ეროვნული ლიგა. XXXV ტური. "შუქურა" - "საბურთალო" [LIVE]
ევროპა ლიგა. II საკვალიფიკაციო ეტაპი: ქართული ლეგიონის ამბები
ეროვნულ ლიგაში ახლად აღზევებული ქობულეთის "შუქურა" დაშლის პირასაა
ქართველი მეკარე ესპანურ გუნდში გადავიდა
გადაწყდა: ფოთის "კოლხეთს" უკრაინელი ალექსანდრ შტელინი გაწვრთნის
ლაშა პარუნაშვილი გულშემატკივრებმა "ესბიერგის" შემოდგომის საუკეთესო მოთამაშედ დაასახელეს
"შუქურას" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]
პლეი-ოფში ეროვნული ლიგის მომავალი მონაწილე გაირკვა [VIDEO]
[ლელოს სტუმარი] "ჯერ საქართველოში უნდა დაამტკიცო, რა შეგიძლია!"
"მარკ სტარსის" თასი: ტყიბულის "მეშახტის" ტრიუმფი
ლეგენდების მატჩი | დინამო V აიაქსი
"შევარდენს" ახალი მთავარი მწვრთნელი ჰყავს
გიორგი ბუხაიძე: კლუბთან კონტრაქტი ამომეწურა და არ ვიცი ჯერჯერობით სად წავალ
[VIDEO] ლორიას საოცრება - "დინამოს" მეკარემ "იბერიასთან" შეხვედრაში ბრწყინვალე "სეივი" შემოგვთავაზა
Tipsbladet: პარუნაშვილს, სავარაუდოდ, გაყიდიან, მისი ფასი 2-4 მილიონ კრონას შორის მერყეობს
ლაშა პარუნაშვილი "საბურთალოში" ითამაშებს
გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია
გელა სანაია: ნაკრებით ფეხბურთის მშენებლობის დაწყება წარმოუდგენელია
"საუთჰემპტონში" ყოფნა, უსამართლობა "დინამოსგან" და მწვრთნელის კომპეტენციაში ჩარევები - კახა გოგიჩაიშვილი ქართულ რეალობაზე
რატომ წავიდა პრეზიდენტი? ...არ სურდათ, ეს საკითხები რომ გამეკონტროლებინა
[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"
ქობულეთის "შუქურას" განცხადება
"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება
ლაშა პარუნაშვილი კარიერას ყაზახეთში განაგრძობს
უკლუბოდ მყოფი ფეხბურთელები, რომლებიც საქართველოს ნაკრებში მოიაზრებიან...