<p>"ჩვენ თუ დღეს სადღაც 8 წლის ბავშვებზე გავაკეთებთ აქცენტს, ჩემი გამოთვლით, შედეგი 2030 წელს უნდა დადგეს. ცუდი ისაა, რომ საამისო მისწრაფებას ვერ ვხედავ" <br> უკვე წლებია, <strong>კობა ჟორჟიკაშვილი</strong> ქართული ფეხბურთის უკეთესი მომავლისთვის იღვწის. არაერთი გუნდი გაუწვრთნია. რამდენიმე თაობამ მისი უშუალო ხელმძღვანელობით შეაღო დიდი ფეხბურთის კარი.</p><p>გამოცდილი მწვრთნელი ახლა ხონის "იმერეთის" კონსულტანტად მუშაობს. ჟორჟიკაშვილთან ქართული ფეხბურთის პრობლემებზე ვილაპარაკეთ და დავიწყეთ რეგიონული ლიგით, სადაც "იმერეთი" თამაშობს - ქართულ ფეხბურთს ტალანტები სწორედ იქიდან არ უნდა მოაკლდეს.</p><p>ვფიქრობთ, ჟორჟიკაშვილის ნაუბარი ბევრს დააფიქრებს...</p><p>- ხონის "იმერეთის" კონსულტანტად ვმუშაობ. მთავარი მწვრთნელი დავით ჭელიძეა. ახლა მე თბილისში ვარ, გუნდს ის ავარჯიშებს. ჩვენი მიზანი პირველ ლიგაში გადასვლაა, თუმცა მხოლოდ ამით თუ დავკმაყოფილდით, არაფერი გამოვა. გუნდს უნდა ჰქონდეს სათამაშო სისტემა, კონკრეტული სახე, განვითარების პროგრამა.</p><p><strong>- ჩვენ რეგიონულ ლიგაზე მხოლოდ ზოგადი წარმოდგენა გვაქვს და ეს სამწუხაროა. რა ხდება იქ, რა ვითარებაა?</strong></p><p>- მეც ასე, ზოგადი შეხება მქონდა რეგიონულ ლიგასთან, სანამ "იმერეთში" არ მივედი. უნდა გითხრათ, რომ საფეხბურთო ინფრასტრუქტურის მხრივ, ბევრ სტადიონზე კატასტროფული მდგომარეობაა. არ არის დაცული უსაფრთხოების ნორმები. მსაჯი, ფეხბურთელი და მაყურებელი, პრაქტიკულად, ერთად არიან, შემოღობილიც კი არ არის სტადიონები.</p><p>მაგალითად, ჩვენმა გუნდმა ითამაშა ბაღდადსა და ამბროლაურში. იქ ისეთი სტადიონებია, ფეხბურთელი ვერ გაიზრდება. ამას ნიშნის მოგებით კი არა, გულისტკივილით ვამბობ. ჩვენც იძულებულნი გავხდით, მარტვილის სტადიონი დაგვექირავებინა. გუნდს სათამაშო სისტემა ხომ უნდა ჰქონდეს? თუ მინდორი არ იქნება, ეს როგორ უნდა იყოს?</p><p>ვნახე ისეთი სტადიონები, ფეხბურთელს ერთი კარიდან მეორეში რომ გაატანო ბურთი, ვერ ჩაიტანს და ეს ფეხბურთელის კი არა, მინდვრის საფარის ბრალია.</p><p><strong>- მოდით, მკითხველს უფრო ახლოს გავაცნოთ "იმერეთი"...</strong></p><p>- გუნდში რამდენიმე ისეთი ფეხბურთელია, სხვადასხვა დროს საქართველოს ეროვნული ჩემპიონატის უმაღლეს ლიგაში რომ უთამაშია - ხუბუა, კაკუშაძე, მემარნიშვილი, ხუმარაშვილი, ქათამაძე, მელქაძე, ქანთარია, პავლიაშვილი, გედენიძე... მათ გარდა, გვყავს პერსპექტიული ახალგაზრდები - გალდავაძე, მეძველია, მუშკუდიანი, უგულავა, ძაძამია...</p><p>ამჟამად ჩვენსა და ვანის "სულორს" შორის მიდის დიდი ბრძოლა. საერთოდ, ფეხბურთელის მიყვანა გუნდში დიდი არაფერია, თუ არ გაქვს სისტემა, დროში გათვლილი და გაწერილი გეგმა.</p><p><strong>- აქვს ეს "იმერეთს"?</strong></p><p>- ჩვენ დავწერეთ ქაღალდზე, რა უნდა გაკეთდეს. ეს აუცილებელია გუნდის წარმატებისთვის. არის სახელმწიფო ბიუჯეტი და არიან კერძო სპონსორები, რომლებიც გუნდს ეხმარებიან. საერთოდ, ქართულ ფეხბურთში დროში გათვლილი გეგმების დეფიციტია. ამიტომ არ არის წარმატება.</p><p><strong>- რეგიონებში თუ არიან ტალანტები?</strong></p><p>- ქართული ფეხბურთი სწორედ ამ ლიგებიდან წამოსული ტალანტებით უნდა საზრდოობდეს. ისეთი მდგომარეობაა ინფრასტრუქტურის თვალსაზრისით, რომ ძნელია, აქ ფეხბურთელი გაიზარდოს. ჯერ მხოლოდ მატჩების ნაწილი ჩავატარეთ და გამორჩევით ვერავის გამოვარჩევ.</p><p>აქ ორ მიზეზს ვხედავ. პირველი ისაა, რომ ჩვენ ჯერ იმ გუნდებს ვეთამაშეთ, კონკრეტულ ამოცანას რომ წყვეტენ და აქცენტს შედარებით "ხნიერ" ფეხბურთელებზე აკეთებენ. მეორეც - ბევრი გუნდი, მინდვრის მდგომარეობის გამო "დაარტყი და გაიქეცის" თამაშობს.</p><p>უფრო ამა თუ იმ კლუბის დუბლებში ველოდები ნიჭიერი ბიჭების გამოჩენას. მათთან ჯერ არ გვითამაშია.</p><p><strong>- რას იტყვით საქართველოს ნაკრების ბოლო ორ მატჩზე?</strong></p><p>- მოდით, დაველოდოთ პოლონეთთან შეხვედრას და მერე გავაკეთოთ ანალიზი. საერთოდ, მიმაჩნია, რომ თუ წარმატების მიღწევა გვინდა, რაც შეიძლება, ბევრი ფეხბურთელი უნდა გავზარდოთ.</p><p><strong>- თქვენ არაერთი ფეხბურთელი გაზარდეთ. განსაკუთრებით გკითხავთ იმ თაობაზე, "ჟორჟიკაშვილის ბიჭებს" რომ ეძახდნენ. რატომ დაიკარგნენ ისინი?</strong></p><p>- როცა ახალგაზრდა მწვრთნელი ვიყავი, მეგონა, რომ ერთი კონკრეტული თაობა უშველიდა ქართულ ფეხბურთს. ახლა კი ვიცი, რომ ასე არ იქნება. ავიღოთ ის დიდი "დინამო". ეს გუნდი ხომ თაობების სინთეზს წარმოადგენდა. ის თაობა მართლაც ბევრისშემძლე იყო. იაშვილს, ხოჯავას და სხვებს დიდი ფეხბურთის თამაში შეეძლოთ. რატომ არ მოხდა ეს? ორი ეტაპია აქ: პირველი - გარემო და მეორე - თვითონ ამ ფეხბურთელების ხასიათი.</p><p>ქართველ ფეხბურთელს, ზოგადად, წარმატების ჟინი აკლია და ეს ფაქტია. იზრდებოდნენ ეს ბიჭები. ტაქტიკურად თუ სხვა ასპექტებში მოაკლდათ ბევრი რამ. ცოტა დღეს, ცოტა ხვალ და დაგროვდა ეს ყველაფერი...</p><p>ერთიცაა - საქართველოდან ევროპაში ადრე წასვლას მივესალმები, ოღონდ ისეთ გუნდში, სადაც ახალგაზრდა ფეხბურთელს სათამაშო პრაქტიკა ექნება. ეს უნდა იყოს ისეთი ქვეყანა, საიდანაც მორიგ ნაბიჯს უკვე ტოპ–ჩემპიონატში გადადგამ - ავსტრია, შვეიცარია, ჩეხეთი... ფეხბურთელმა ეტაპობრივად უნდა განიცადოს პროგრესი.</p><p><strong>- ბოლოს ერთი კითხვაც: როგორ ფიქრობთ, როდის შეძლებს საქართველოს ნაკრები ევროპის ან მსოფლიოს ჩემპიონატების ფინალურ ეტაპზე გასვლას?</strong></p><p>- დღევანდელ ეპოქაში ყველაფრის დაგეგმვა შეიძლება. ბელგიელებმა 2005 წელს აამოქმედეს სპეციალური სანაკრებო პროგრამა და დღეს მოიმკეს შედეგი. ჩვენ თუ დღეს სადღაც 8 წლის ბავშვებზე გავაკეთებთ აქცენტს, ჩემი გამოთვლით, შედეგი 2030 წელს უნდა დადგეს. ცუდი ისაა, რომ საამისო მისწრაფებას ვერ ვხედავ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
mr.green
ტელევიზიაში და ესეთ სტატიებში რა კაი ტიპია და სინამდვილეში რამდენ კარგ პეხბურთელს დაუკარგა თამაშის ჟინი.
555
ახლა გაიგო ტიპმა, რომ თურმე საქართველოში ფეხბურთის მინდვრები არ ვარგა
555
ეს ნიჭიერებს ვერ შეამჩნევს რადგან თავისაინები ყავს და დაათრევს სადაც წაეთრევა. ნეტა ვის აინტერესებს ამის უსახური ნააზრევი.
georgia
მართალია კობა წარმატებაზე უფრო ფულის და გულაობის ჟინი აქვს !!
უკრაინასთან მატჩში საქართველოს ნაკრების შემადგენლობა ცნობილია
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
შევჩენკომ უკრაინის ნაკრების მწვრთნელს მხარდაჭერა გამოუცხადა
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
საქართველოს თასი. 1/2-ფინალი. იმერეთი-ჩიხურა [LIVE]
კობა ჟორჟიკაშვილი: მნიშვნელოვანი სამი ქულა მოვიპოვეთ
საქართველოს თასის 1/2-ფინალური წყვილები ცნობილია
იმერეთი-ჩიხურა - ოფლის დაუღვრელად [VIDEO]
ეროვნული ლიგა. V ტური: "რუსთავმა" ზედიზედ 3 მარცხის შემდეგ მოიგო
ეროვნული ლიგის II ტურის სიმბოლური ნაკრები Sportall.ge-ს ვერსიით
მარიამ დალაქიშვილმა იტალიაში ჩატარებულ TENNIS EUROPE JUINIOR MASTERS-ზე გაიმარჯვა
მადლობა, მშვიდობით - "სიონი" მწვრთნელმა და ოთხმა ფეხბურთელმა დატოვა
შევჩენკომ უკრაინის ნაკრების მწვრთნელს მხარდაჭერა გამოუცხადა
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"ის უნიკალური კალათბურთელი იყო, რომლის მსგავსიც დღემდე არ დაბადებულა"
ბოლნისის "სიონი" სამმა ფეხბურთელმა დატოვა
უკრაინასთან მატჩში საქართველოს ნაკრების შემადგენლობა ცნობილია
საქართველოს თასი. 1/4-ფინალის წინ: დღეს ისტორია იწერება!
ბოლნისის "სიონი"-საჩხერის "ჩიხურა" - შეხვედრის ორი საკამათო ეპიზოდი [VIDEO]
SOS: ქუთაისის "ბაგრატი" მოედნის გარეშე დარჩა
საქართველოს თასი. 1/2-ფინალების წინ: ნაბიჯი ტიტულამდე
ცხინვალის "ლიახვი" განცხადებას ავრცელებს